الف مبروك يا ( SiLver Spectra ) الخطوبة

[عاشق متيم]

بسم الله الرحمن الرحيم النهارده معايا مفاجأة وخبر حصرى وهى ان : العضو الغنى عن التعريف والمميز بادارته وحسن تعامله مرح بمواضيعه الكوميديه سياسي مخضرم مميز وكاتب ايضا مميز بحسن اسلوبه وسرده لبعض الاحداث او القضايا SiLver Spectra اخيرااااااااااااااااااااااااااااااااااااااااااااا خطب بعد محاولات كتير من البنات انهم يوقعوه فى شباكهم بس فشلوا ؛ ومفيش ولا واحده قدرت تلفت انتباهه لحد لما جت صاحبه النصيب وخدت قلبه وارتبطوا .... ________________________________ قصة الخطوبه جت ازاى انا هقول لكم طارق كان شغال فى العياده وجت له مريضه ودخلت عليه المريضه : هاى ؛ ازيك يا دكتور طارق يترك ما فى يده ينظر لها : بسم الله ما شاء الله ؛ ايه الجمال ده المريضة : هههههه ؛ ميرسى اوى طارق : الله ؛ضحكتك جميله جدا ؛ وزودت النور فى المكان المريضة : على فكره انا بكسف طارق : خلاص ؛ خير بتشتكى من ايه المريضة : درسى بيوجعنىد طارق : دا قليل الادب اوى ؛ وما اترباشد المريضة : مين ده ؟؟؟ طارق : درسك المريضة : هههههه ح على فكره دمك خفيف طارق : بيقولوا كده المريضة : لهم حق ؛ بس احنا هنفضل نرغى كده كتير ولا ايه ؟؟ طارق : خلاص ؛ اتفضلى هنا وافتحى فمك وتفتح المريضه فمها ويقوم طارق من مكانه ليكشف عليها طارق : بسم الله ما شاء الله ؛ فصين لولى المريضة : مش هينفع كده ؛ انا من ساعة ما دخلت وانت بتعاكس فيا طارق : اعمل ايه بس ؛ ما انتى جمالك يخلى الحجر ينطق ؛ منه لله الشيطان اللى بيضحك على بعض البنات ومفكرهم انهم بنات وهما اساسا ...... ولا بلاش المريضة : هههههه شيطان بقى هنعمل ايه ؛ طب مش هنخلص فى اليوم ده ولا ايه ؟؟؟ طارق : ونخلص ليه ؛ احنا ورانا حاجة المريضة : انت مش وراك ؛ انا ورايا طارق يكشف عليها ويكتب لها علاج ويطمنها انها حاجة صغيرة المريضة : لو سمحت ممكن اشرب لانى عطشانه طارق : بس كده ؛ ثوانى اجيب لكى زجاجة مايه ويحضر طارق الزجاجة وتشرب المريضة المريضة : ميرسى اوى طارق : يا بخت الزجاجة ؛ ما حدش هيشرب منها بعد كده غيرى انا بس المريضة : الصراحة ؛ انت كده زودتها طارق : حد يشوف واحدة بالجمال والحلاوة ودى وما يزودهاش المريضة : ممكن امشى طارق : مستعجلة ليه بس ؛ ما احنا بندردش المريضة : مستعجله !! هو انت مش خلصت كشف ؟؟ طارق : ايوه خلصت ؛ ابقى عدى عليا بكره علشان اشوفك المريضة : بكره مش فاضيه طارق : خلاص سيبى رقم تليفونك ؛ وانا هبقى اتصل بيكى ؛ اسألك عامله ايه ؛ ولو فى مضاعفات هبقى اقول لكى تعملى ايه المريضة : وياترى بتعمل مع كل اللى بييجوا لك كده ؟؟؟ طارق : لأ طبعا ؛ انتى حاله خاصه ؛ هو انا شفت حد بالجمال ده قبل كده المريض : ميرسى لذوقك ؛ اتفضل الرقم ويسجل طارق الرقم طارق : احنا بقالنا ساعة بنتكلم ومعرفش اسمك ايه وكتبت الروشته من غير اسم المريضة : اسمى يارا طارق : اسمك جميل اوى وصاحبته اجمل واحلى وارقى يارا : انا ماشيه علشان مش هينفع كده وتمشى يارا ويرجع طارق البيت والده طارق : ايه يا بنى مش ناوى تخطب بقى ؛ اخوك هيتجوز اهو ؛ ولا انت ناوى تفضل من غير جواز طارق : هخطب قريب ؛ بس ادعيلى والده طارق : داعيلك فى كل وقت وفى كل صلاه ؛ يعنى انت حاطط عينك على حد معين طارق : فى واحده كده ؛ وان شاء الله الموضوع يكمل والده طارق : بنت مين ؟؟ واحده اعرفها طارق : هى واحدة زى القمر ؛ وجت كشفت عندى النهارده ولسه معرفش حاجة عنها والده طارق : ربنا يجعلها من حظك ونصيبك ويدخل طارق غرفته ينام ويمر اسبوع من غير ما يكلم يارا او يشوفها وانتظر مكالمتها على احر من الجمر ولكنها لم تتصل فيتصل هو بها يارا : الو مين معايا ؟؟ طارق : لحقتى تنسى صوتى يارا : انت هتهزر ؛ هتقول انت مين ولا اقفل طارق : انا اللى سحرتينى من اول نظره ومن ساعة ما شفتك ؛ وصورتك ما بتفارقش خيالى يارا : انا هقفل السكة لو مش قلت انت مين ؟؟ طارق : يااااااه ؛ معقوله مش عارفه الشخص اللى انتى شقلبتى حاله من نظره ؛ وابتسامتك حببته فى الحياه يارا : طالما انت مش عاوز تقول انت مين ؟؟ يبقى مع السلامة طارق : انا دكتور الاسنان اللى كنتى عنده من اسبوع يارا : ما انا عارفه طارق : يعنى كنتى بتعمليهم عليا يارا : بص انا مش بتاعة الكلام ده والحوارات ومش رضيت اجى لك تانى علشان كده ؛ روح شوف لك واحده تانيه اضحك عليها طارق : انا بتاع حوارات !!! ميرسى جدااااا يارا : انا اسفة ؛ ومتذعلش ؛ بس انا فعلا مش كده طارق : انا من اول ما شفتك وقلت هى دى فتاه احلامى اللى انا بحلم اقابلها من زمان يارا : فتاه احلامك مرة واحده ؛ دا انت ما شوفتنيش الا مره من اسبوع طارق : انتى ما تعرفيش من ساعة ما شوفتك وانا حصل ليا ايه يارا : انا هقفل دلوقتى علشان ماما بتنادى عليا وتقفل السكة ويتصل بها طارق بعد ساعة ولكن تليفونها مقفول ويحاول كذا مره لحد ما يجده تليفونها اتفتح وترد عليه طارق : كنتى قافله تليفونك ليه ؛ انا كنت هتجنن يارا : مالك يا بنى بتكلم كده ليه طارق : انا حبيتك من اول نظره يارا : وياترى قلت الجملة دى لكام واحده قبل كده ؟؟؟ طارق : يوووووه ؛ انتى ليه واخده فكره وحشه عنى يارا : انت عارف الشباب بقوا بيلعبوا بالبنات طارق : بس انا مش زيهم ؛ انا معجب بيكى يارا : طيب يا عم المعجب ؛ وبعد الاعجاب هيحصل ايه طارق : ان شاء الله هجى اتقدم لكى يارا : انا هقفل دلوقتى يا طارق طارق : الله ؛ ما كنتش اعرف ان اسمى حلو كده ؛ قولى طارق كده تانى يارا : بس بقى ياطارق انا هقفل بقى علشان مش فاضيه وتمر الشهور وطارق يكلم يارا وحبوا بعض جدااااااا ؛ وفى يوم طارق كان عازم يارا على الغداء فى احد المطاعم طارق : وحشتينى اوى يارا : وانت كمان طارق : وانا كمان ايه يارا : وانت كمان وحشتنى طارق : يا ربااااااااااااه ؛ جسمى بيترعش لما بتقولى اى كلمه رومانسيه يارا : بس بقى احنا قاعدين فى مكان عام وطارق ويارا قاعدين ؛ جت واحدة تسلم على طارق ؛ وطارق رد عليها وسألتها عن اللى قاعده معاه ؛ فطارق قال لها مالكيش دعوى ؛ وطلب منها انها تمشى ومشيت ؛ وبعدها سألته يارا يارا : مين دى ؟؟؟ طارق : دى واحده كانت جارتنا يارا : بس دى شكلها واخده عليك ؛ انت ما شفتش بتتكلم معاك ازاى ؛ قوم روح وراها طارق : يا حبيبتى ؛ انتى فهمتى غلط يارا : ما تقولش حبيبتى ؛ وانا فهمت صح اوى ومتشكره انك لعبت بيا وبمشاعرى وتبكى يارا وتاخد شنطتها وتقوم تجرى طارق : يا خربيت عقول البنات ويقوم يجرى ورا يارا ويمسك ايدها يارا : لو سمحت ما تمسكش ايدى طارق : يا بنتى دى كانت جارتنا ؛ لكن انا بحبك وانتى اول حب فى حياتى يارا : ما هو باين طارق :علشان خاطرى ما تبكيش ؛ كل دمعة بتنزل من عينك ؛ قلبى بيتقطع يارا : ما هو لو كنت بتخاف على مشاعرى ما كنتش عملت كده طارق : هو انا عملت ايه بس يا حبيبتى يارا : ما تقولش حبيبتى طارق : طب عملت ايه يا روحى يارا : ما تقولش يا روحى طارق : طب عملت ايه يا ستى يارا : ومالك بتكلمنى بقرف كده ليه ؛ انا هسيبك وامشى علشان ما تجرحنيش اكتر من كده وتبكى يارا بشده طارق يمسح دموع يارا بيده وينظر فى عينها ويقول طارق : يارا انا بحبك وعاوز اتجوزك يارا : اضحك عليا بكلمتين طارق : انا فعلا مش بهزر ؛ انا خلاص جهزت امورى وكنت عاملها لكى مفاجأة يارا : يعنى اخيرا هتيجى تتقدم ليا طارق : هفكر وارد عليكى هههههه يارا : بس يا رخم ؛ طارق : وطالما انا رخم ؛ بتحبينى ليه ؟؟؟ يارا : هتيجى تتقدم ليا امتى ؟؟؟ طارق : شوفى الميعاد اللى يناسبك وانا هجيب اهلى ونيجى ويمشوا وتخبر يارا والدتها ان طارق عاوز يتقدم لها وتطلب منها انها قول لوالدها وتخبر الام الاب بالموضوع وتكلم يارا طارق وتعطيه رقم تليفون والدها ويتصل طارق بوالدها ؛ ويطلب منه ان يجى يتقدم ويوافق الاب انه يجى يوم الخميس القادم .. قبل الميعاد بيوم طارق بيكلم يارا طول الليل فى التليفون وشغال حب وكلام عاطفى يذهب طارق واهله الى العمارة التى تسكن فيها ياراويدخل من بابا العماره طارق لوالدته : انا مش فاكر هى قالت ليا انهم ساكنين فى الشقة 21 ولا 22 والده طارق : ما تتصل بيها واعرف يطلع طارق التليفون ولكن للاسف يلاقيه فاصل شحن طارق : التليفون فصل شحن والده طارق : ما انت طول الليل بتتكلم فى التليفون ؛ له حق يفصل شحن ؛؛ خد اتكلم من عندى طارق : للاسف مش حافظ الرقم والده طارق : بقالك 7 اشهر بتكلمها ومش حافظ الرقم ينزل عيل صغير من على السلم ؛ يسأله طارق عن رقم شقة حسن والد يارا فيخبره الطفل انها 21 ويصعد طارق ويرن الجرس وتفتح ام العروسه فيخاف طارق من شكلها طارق : سلام عليكم ؛ مش دى شقة يارا ام العروسه : انت عاوز مين طارق : انا طارق وجاى اتقدم ليارا تفرح الام وتقوللهم اتفضلوا لحد ما انادى والدها من جوه والده طارق : هى ام العروسه من موزمبيق طارق : مش عارف هى شكلها عامل كده ليه ؛ انا يهمنى يارا وشكلها طالعة لابوها يدخل والد يارا ويلقى السلام طارق فى سره : ايه العيلة اللى شكلها يقطع الخميره من البيت دى ؛ امال البت طالعة حلوة لمين والد يارا : نورتوا يا جماعة طارق : بنورك يا عمى ؛ بس انت صوتك متغير عن التليفون والد يارا : تليفون ايه طارق : مش انا مكلم حضرتك وقايل انى هاجى اخطب بنتك والد يارا : انت كلمتنى انا طارق فى سره : الرجل ده شكله عنده زهايمر طارق : انا جاى اطلب ايد يارا والد يارا : وعرفتها منين وهى اساسا ما بتخرجش طارق فى سره : امال كنت بشوفها كل يوم ازاى ؛ دا انت شكلك عايش فى غيبوبه طارق : سمعنا عنكم ؛ وقلت هما دول اللى الواحد يناسبهم يتفق طارق مع والد العروسه ويقرأ الفاتحة والد العروسه : مبروك يا ابنى طارق : الله يبارك فيك ؛ امال فين يارا والد العروسه : بتجهز نفسها وجايه حالا ؛ انت عارف حركات البنات تخرج ام العروسه من جوه وتزغرد وتقول تعالى يا يارا تخرج يارا والده طارق : اعوذ بالله ؛ دى شكلها خارجه من الترب بكفاله طارق : انصرفى انصرفى والد العروسه : ما تقولش كده على خطيبتك طارق : خطيبتى مين ؟؟ ويسمع طارق صوت يارا فى الشقة المجاوره ويتذكر كلامها ( لو نسيت رقم الشقة افتكر ابو تريكه ) ويقول فى سره : يادى الحظ الاسود اتنين اسمهم حسن ساكنين جنب بعض وبناتهم اسمهم يارا طارق : انا مش كنت اقصدكم انتم ؛ انا اقصد يارا حسن اللى ساكنه فى شقة 22 والد العروسه : انت خطبت بنتى انا واللى حصل حصل ادخلى على عريسك يا يارا واى حد ياخد منك عضيه وتدخل يارا على طارق فيصرخ طارق ________________________________ ويرن تليفون طارق ويستيقظ من النوم

[Lost Pearl]

هههههههههههههههههههههههههههههه طارق يعمل كدة ،، مستحيل

هههههههههههههه تسلم ايديك

اما نشوف مين اللي هيخطب المرة الجاية ،،

[حَرفُُ هجآءّ]

ههههههههههههههههههههه
هههههههههههههههههه حرام عليك خضتنى والله
اظن طارق بعد المزه دى عمل اضراب عن الجواز

[دمعه حائره]

ههههههه
حرام عليك الصورة فظيعه ايه الكائن الغريب ده

[همسه الجوارح]

ههههههههههههههههههههههههه
والله انت مشكله
بس اللى اعرفه ان طارق مالهوش لا فى ولا نيله
ده اخره يعملها مسابقه رعب
ويحطلها دناميت فىها
يلا الله يفرح قلبك
وانا قال صدقت

[-esraa-]

هههههههههه صدق من قال سنانها صفين لولي تبارك الله‏‏‏

ممتع سردك للقصة بانتظار الخطوبه اللي بعدها‏^‏

[واد حبيب]

فعلا اللي بيصبر ببنول
صبرت ونولت يا طارق خطبتك زي العسل
مبروك عليك

[بحر النسيان]

ههههههههههههههههههههههههه

الف مبروك ياطارق

والله فرحت لك

بس متخفشى ياطارق انا عارف

ومتاكد ان الشقه التانيه فيها اجمل يارا

واعتقد صورتها هى دى

[нαиαи]

دي نهايه دكتور الأسنان اخد له وحده عندها خلل شامل في الفكين

[SiLver Spectra]

انت عاملني لزج ليه كدا في القصة ؟ ههههههه
شكلك بتلعب في عداد عمرك يا عاشق