انتى سر حياتى

[صمتى كلام]

عندما رايتها اول مره كنت مثل التائه
وهى دليلى الى الحياه
تكلمت عيونى قبل لسانى احبك بل اذوب من الحب
قلت لها انتى سر حياتى
قالت انتى دنيتى قلت لها احبك قالت وانا ايضا
اخير وبعد عناء شديد اصل الى ما اريد
من احبها تحبنى
بل تعشقنى ......ولكن هل تستمر الفرحه سوال
كنت اهرب منه لانى اعرف الاجابه .لن تستمر
وليس ذالك فقط
بل شائت الاقدار ان اكون انا من يشهد على عروسها الى انسان اخر لا تتعجب نعم كنت انا الشاهد الاول فى عقد القران ان للقدر سخريه لا مثيل لها
................
نكمل فى يوم اخر

[صمتى كلام]

احبك امى
..
أمى
...
أمى
ياطعم الحب
يانبض القلب
يانبع الحنان
ياأول حضارة وياآخر حضارة
من الوفاء..من الصدق
يعرفها الانسان

[صمتى كلام]

النهارده يوم سعيد
جدا جدا جدا
كان فى تكريم ليا فى قسمين مميزين

قسم العاميه والادبيه
اخدت المركز الاول فى قسم العاميه

وكمان المركزالرابع فى الاعمال الاديبه
وكان اخدت المركزالاول فى مسابقه صوره فى رباعيه

...........
سبب السعاده محدش ممكن يعرفه او يتصوره
ابدا ...انا مش سعيد انى كسبت لالالا

انا سعيد انى كان فى ناس معايا متعلمه اكتر منى

ومع ذالك انا تفوقت عليهم
حد ممكن يسال ازى يعنى
...........
وهتكون المفاجئه من نصيب من يسال عندما

يعرف ان انا معايه شهاده عاليه جد ا

وهى الابتدائيه ......ايوه انت قرات الكلمه صح اه والله مش غلط

زى ما بقولكم كده ومحدش يستغرب
هههههههههههههههه

[صمتى كلام]

من اجمل ما كتبت
..............
يامصر
يا ام الولاد ...صامدين
يا ام الولاد ...احرار
رغم ان ارضك طين
زرعك صرح ثوار
......
طول عمرى بحبك يابلد
وبخاف على عرضك
هتكتى عرضى بالرصاص
وانا ساجد على ارضك
.....
انا اللى تملى على الهامش
عايش فيكى ومش عايش
وعجبانى ومش عاجبك
.....
وعايزانى اسيب الملك...للمالك
ومسألكيش على حالك
وفى حسابك انا الصفر اللى مرمى على شمالك
....
هى مسألة قسمه بسيطه
ومادمتى فهمه ماتعمليش فيها عبيطه
انا اللى ماليش خاطر عندك
لا فى طولك ولا عرضك
.....
سلمتى امرك لمين
وبعتى لمين ناسك
فوضتى امرك لخاين
لبس البياده وداسك
وانا اللى عاملك تاج ...عملتى منى مداسك
وشيلتك فى عيونى وخبيتك..خرم عيونى قناصك
وصبتلك سنين عمرى وسقيتك..سقتينى المر من كاسك
........انا ..........
انا اللى بصلى معاكى الفجر
وانا اللى برن اجراسك
ويوم الجمعه بكون خطبه
ويوم الحد قداسك
...
انا اهلك..انا ........ناسك
انا الطالب انا العامل
انا فلاحك الطيب انا فاسك
.....
انا المتهان ...انا المتخان
زرعتك سنين سنابل وفى الاخر بتقابل
على لقمه بتاكليها ..وتسبينى جعان
....
انا المخنوق ...انا المسروق
بالفقر خدرتينى ومش ...قادر افوق
.......
فوقى بقى ...بقينا فرجه وتريقه
شعبك خلاص....... اتقسم
ورسمولك طريق الذل
على قدك ومتجسم
.....
فوقى بقى ...بقينا فرجه وتريقه
داخليه تقتل ...وعسكر بيسحل
وصحافه ترقص ..واعلام يطبل
واللى يفكر يطالب بحقه
حكمك بينزل بيقطع رقبته
....
زرعتى فيا الخوف لكن غلبته
وكلامى كتبته وفوق راسى مشنقه
فوقى بقى ...بقينا فرجه وتريقه
.......
امريكا ترسل معونه
امركيا تمنع معونه
وخليج يمول ورسيا ببتتحول
جيالك باسطولها
الطبالين.....طبيلو
والرقاصين ..رقصولها
والمغيبن صقفو
والبوابين فتحولها
.....
يامصر ياشابه ..
فاضل على الاحتلال تكه
هيسلموكى لروسيا
وان كنتى ناسيه زمان سلمو عكه
...
اجيبلك منين صلاح الدين
حبسو اللى كان واقف مع فلسطين
اه يابلد خدامينك يشيلو الطين
وسارقينك يعيشو فى طرف
فيكى السكوت عاده ولحس البياده شرف
..........
قتلو ولادك وقالو دمهم مهدور
واللى فوض بقتلى بكره عليه الدور
انا جناحك التانى ياكسرانى
هتعلى لفوق ازى والجناح مكسور
..............