رقم تيلفون الريس

[صمتى كلام]

القصيده دى كتبتها فى 2010 أيام حسنى مبارك
ونشرتها على الفيس ومكنتش خايف
كنت حاسس انه مش هيلحق يقبض عليا
ههههههههههه

تيلفون سياده الريس

……..

نفسى أعرف تيلفونه بكام

ونوعه ايه

أكيد بكرت وبينزل أغانى عليه

أكيد اغانى رومانسيه

كيف اغانى ابن الايه

...............

نفسى أعرف زيرو كام

وأيه النظام ولا عاملها 3 ارقام

عشان العيال والمدام

والعلاقات الخارجيه

..........

أكيد تيلفونك كرت ياريس

وكروت الشحن بيتجى هديه

من الروساء و الامراء

والجهات المعنيه

.........

اوعى ياريس تكون فودافون

عشان دى شبكه دوليه

والضغط عليه بيبقى كتير

مش نقصين ضغط ولا ازيه

...............

أكيد عندك خط اتصلات

عشان دى صناعه محليه

موبينيل برده مهش وحشه

عشان الوحده الوطنيه

ربنا يديك الصحه ياريس

وتكلمنا كل شويه

عن مشاكلنا وعن أحولنا

وعن اخبرنا المهنيه
.......
اول مكالمه هقوله ياريس
الشعب كله بخير وكويس
مافيش طوابير
ولا فواتير
والحكومه بقى ليه ضمير
بعد ضميرها ما كان متكيس
والتعليم بقى راقى وعالى
ورغيف العيش نضيييييف
ورخيص مش غالى
والمياه العذبه فى الحنفيه
والصرف الصحى والمجارى
اتغيرت مش هي هى
كله كويس كله كويس
مع السلامه ياسيادة
الريس

[العاشق الذى لم يتب]

كانت مهاتفة رائعة
,اوصلت سياده
أحوال ومشاكل شعبه
وكنت جريئا لاتخاف فى الحق لومة لائم
وإن ربك لبالمرصاد
سلمت ودمت بخير
مودتى

[واد حبيب]

هوه رقم الرائيس كام
بجد حلوه جدااا ودمها خفيف اوي
انت علي كده اتكلمتو في كل حاجه
ايوه يا عم يا بختك كلمت سياده الريس
ههههههههههههه
نورت يا غالي بكلماتك الجميله
في انتظار جديدك