اسال جهنم تقولك

[صمتى كلام]

اسال جهنم تقولك
ياظالم ايه منزلك
اللى شرب من ظلمك
بكره هيصبلك
.
..
...
اه يابلد فيكى الشباب مقتول
وطفله بيرموها من عاشر دور
كان ذنبها اللى ساكن جنبه عاطل
والحق قصاد الباطل فى القلوب مكسور
....
اه يابلد فيكى الانبوبه بخمسين جنيه
انا نفسى اعرف الشعب ساكت دلوقتى ليه
كاتم فى قلبه وخايف والكل شايف وساكت
والثوره ماتت هو احنا عملنا ثوره ليه
....
اه يابلد فيكى الامان كلام بلا معنى
وكل ما نمشى خطوه الخوف يرجعنا
بنزرع ونحصد ومش عارفين مين اللى جوعنا
ومين اللى عرانا ومين اشترانا ومين باعنا
........
اه يابلد مابقتش عارف امييز ولا فكر
مرسى كان وحش ولا عجزره العسكر
اهو مرسى فى الزنزانه وارساله متشفر
مين اللى بيخون التانى ومين اللى بيكفر
.
..
ومين اللى بيضرب نار وبيقتل الثوار ومتصور
ومين اللى صنع ارهاب ومين اللى بيدمر
ومين اللى بيرقص راب ومين اللى بيزمر
ومين اللى قتل بهيه ومين قطع الميه
.
..
ومين قلى طعميه ولسه قاعد بيفطر
هنفضل نقول مين ومحدش فينا هيسال
يا هل ترى فات الاوان ولا هنقدر
نغير بلدنا ونعبر وبلدنا بينا تتغير

[أحمد الجمل]

الله الله الله
راااااائعة أخي الفاضل
سلمت يمينك
تحيتي وتقديري

[جبل عالي]

ياالله والله لا تعلييييييييييق

ولا أي تعليق يوفي الكلام فيه

قلتها واختصرت كل الأجوبة

وصحيح إسأل جهنم

عنوان في قمة الفلسفة وفي قمة القوة

صدقت فى كلامك وطاوعك القلم

وسطر اعجوبة بشر صحيح

إسأل جهنم


الله المستعان صمتي

حقيقة أحييك على جمال وقوة النص

رغم المرارة ورغم الألم

بوركت يمينك الراقي ويااااارب

بكره يكون أجمل واحلى

[صمتى كلام]

اقتباس المشاركة الأصلية كتبت بواسطة أحمـــ الجمل ـــد الله الله الله راااااائعة أخي الفاضل سلمت يمينك تحيتي وتقديري

........................
استاذ احمد الجمل
نورتنى كالعاده
لا تحرمنى مرورك

[صمتى كلام]

اقتباس المشاركة الأصلية كتبت بواسطة جبل عالى ياالله والله لا تعلييييييييييق ولا أي تعليق يوفي الكلام فيه قلتها واختصرت كل الأجوبة وصحيح إسأل جهنم عنوان في قمة الفلسفة وفي قمة القوة صدقت فى كلامك وطاوعك القلم وسطر اعجوبة بشر صحيح إسأل جهنم الله المستعان صمتي حقيقة أحييك على جمال وقوة النص رغم المرارة ورغم الألم بوركت يمينك الراقي ويااااارب بكره يكون أجمل واحلى

............
ان شاء الله بكره يكون اجمل ويحمل الخير لكل الناس ونشوف مصر
فى عز مجدها
ونحقق كل الاحلام
سيدتى
جبل عالى
نورتينى

[دمعه حائره]

الاجابه معروفه وبديهى جدا اننا نكون احنا السبب
فى كل اللى وصلنا ليه بنشيل فرعون ونحط غيره
وبندفع تمن سوء اختيارنا وسزاجة افعالنا
تسلم ويدوم تميزك وتواجدك الجميل

[صمتى كلام]

اقتباس المشاركة الأصلية كتبت بواسطة دمعه حائره الاجابه معروفه وبديهى جدا اننا نكون احنا السبب فى كل اللى وصلنا ليه بنشيل فرعون ونحط غيره وبندفع تمن سوء اختيارنا وسزاجة افعالنا تسلم ويدوم تميزك وتواجدك الجميل

...............................
سيدتى
دمعه حائره
والله حال البلد دلوقتى يبكى الحجر
قتل ودم وسحل وضرب وسجن
مش عارف حصل ايه لمصر
يمكن ربنا بيعاقبنا بالذنوب اللى عملنها
شكرا لك سيدتى

[ويبقى الأثر]

لايغير الله مابقوم حتى يغيروا مابأنفسهم
فكل مايحدث الان هو نتيجة افعالنا
نسأل الله الهدايه
والتوفيق لمصرنا الحبيبه
ابدعت ايها الشادى بنغم الوطنبه
كن بخير اخى
اسعدك المولى

[صمتى كلام]

اقتباس المشاركة الأصلية كتبت بواسطة قيثارة الصمت لايغير الله مابقوم حتى يغيروا مابأنفسهم فكل مايحدث الان هو نتيجة افعالنا نسأل الله الهدايه والتوفيق لمصرنا الحبيبه ابدعت ايها الشادى بنغم الوطنبه كن بخير اخى اسعدك المولى

...........
كلامك حقيقى كل ده بسبب الذنوب
لعلنا نتوب
وياتى التمكين
شكرا لك سيدتى

[همسه دموع]

بصراحه بدون تعليق
مافيش اى كلام
يبدى اعجابى بما كتبت سلمت
تحياتى
فى انتظار كل جديد