نجوم ولكن من نوع أخر نجوم ضرب النار

[ساحر الأحزان]

بسم الله الرحمن الرحيم

حتكلم منين فى بداية الكلام عن قتل العزل ولا الترهيب ولا التخويف !

أمتى نحط النقط فوق الحروف ؟
عايز تكون فدائى وشهيد بسيطة ,كل الى عليك تجيب رشاش ومدفع ألى وتغطى وشك بكمامة سودة !
وتخرج على ناس لسة راجعين من أجازتهم وأضرب عليهم نار وموتهم ؛وأن صابتك طلقة ومت يبقى
أنت كدة أنسان شهيد وهما كفرة وأية السبب ؟لأنهم من أبناء جيش ووطنك
ومش عجبكبينك وعايز تخلص عليهم على شان أية ؟
على شان ترضى الدول الصديقة ليك ألى مخلياك زى الخاتم فى الصباع تعمل ألى تقلك علية مع السمع والطاعة
الواجبة لولى الأمر ؟

ومين هو ولى الأمر دة ؟هل هو ولى نعمتك ألى بيمولك ولا هو ألى بيأكلك وبيصرف عليك ,
ولا هو ألى رباك وكبرك على أرض بلادة ووطنة ؟

جهاز الشرطة والداخلية دة والجيش هل هو بيحمى حد معين يعنى مخصص لحماية ناس أهه وناس لا ؟
ولا هو مخصص لحماية جميع المصريين !

عملية قتل الجنود دى هل هو قصاص عادل لقتل الجنود العزل والرتب ؟
لما الناس دى تموت هل دة حيضعف قوة زملائهم ويخوفهم ولا أن مات واحد حيجى زميلة مئات محلة وعندة حب
الموت فى سبيل وطنة ,
أضعاف الجيش وزعزعة أستقرارة لمصلحة مين للعدو الصهيونى ألى منتظر الفرصة لبسط نفوذة وأستعراض
قواة علينا ؟
وأنهيار الجدار الواقى الخارجى للحدود المصرية !

أضعاف جهاز الشرطة والأمن الداخلى أية حينتج عنة ؟

زيادة نسبة البلطجة

زيادة نسبة السرقة والقتل والتحرش والأغتصاب
وما يتبعة من فوضى غير محمودة العواقب

المساعدة فى زعزعة أستقرار البلد ألى لو حصل لاقدر ربنا حيطول الكل وخصوصا الناس
البسطاء
ألى لا يملكون ألا اقل القليل .

القضية مش قضية واحد ولا مليون القضية قضية شعب كامل شعب من حقة أن يشعر
بأمان جوة بلدة شعب من حقة أن يجنى ثمرة مجهودة شعب من حقة أنة يعيش أمن فى وطنة .

ضرب النار والقتل مش حيأثر فينا ولا حيزعزنا عن مواقفنا الثباتة فى قضية أمن أستقرار الوطن
الوطن باقى وكلنا ذاهبون؛
تضرب نار تضرب ألى تضرب أربجية الثقة لا تزعزع من مكانها أن كنت أنت نجم فى ضرب النار
وموت العزل وأن كنت شاطر وعايز تعمل فدائى على العزل
جيبلك حزام ناسف وقنبلة وعدى على الحدود وموت نفسك فى وسطة دورية يهودية .
على الأقل أسمك حتموت شهيد وحتتكرم داخل وطنك؟
ولكنى أشك فى ذلك لأنك لا تدعى الشطارة فقط ألا على العزل أنما المواجهة وجها لوجة أنت أقل
من ذلك .

ولكن فقط أنت تبحث عن شهادة وهمية بافعال همجية !

[SiLver Spectra]

لو بصيت يا امجد على اصحاب الفكر الجهادي دول ..هتكتشف ان دي هواية عندهم و مابيصدقوا يلاقوا ليها حجة عشان يمارسها بدون تأنيب ضمير !
يعني مثلا في الصومال ..كان في محاكم اسلامية برئاسة شيخ شريف شيخ احمد بتحاول تسيطر على الصوال و بتقاتل الحكومة ..لما الراجل دا وصل للحكم ارتدوا عنه ببساطة لانهم حسوا ان اللعبة خلصت ! هما عايزين اللعبة تستمر ..فقالك لا دا مش الاسلام اللي عايزينه !

ايام مرسي حصلت برضو عملية رفح ..و زادت بعد عزله لان الناس دي حست ان مبررها بقى افضل و ضميرها ارتاح اكتر في تنفيذ العمليات بحجج عزل الرئيس الاسلامي اللي اصلا ماكانوش مقتنعين بيه !

انت هنا يا امجد بتخاطب ضمائر و عقول حرة و منصفة ..في حين دول اصلا ماعندهمش عقول و لا ضمائر ..عندهم اتباع اعمى فقط مملوء بتعصب و دي هي الكارثة مش بس عندك ..في كل دول العالم

[Lamees]

بتخاطب مين هنا اصحاب العقول
لا من يفعل ذلك فهو حتماً دون عقل
من يجد لنفسه مبرر للقتل هو دون عقل
واي شهادة في قتل الجنود العزل

شاكرة طرحك الراقي اخي

[اميره الشعر الشجين]

أخى أمجد بصراحه لا كلام يقال

كل واحد بيحلل موت التانى دلوقت وبقينا بنكفر بعض ونسينا اننا ولاد وطن واحد

طرح راائع امجد وجميل يدوووم التميز اخى

تسلم ايديك ويسلم السيسى وجنود بلدى ^_^

[ساحر الأحزان]

اقتباس المشاركة الأصلية كتبت بواسطة silver spectra لو بصيت يا امجد على اصحاب الفكر الجهادي دول ..هتكتشف ان دي هواية عندهم و مابيصدقوا يلاقوا ليها حجة عشان يمارسها بدون تأنيب ضمير ! يعني مثلا في الصومال ..كان في محاكم اسلامية برئاسة شيخ شريف شيخ احمد بتحاول تسيطر على الصوال و بتقاتل الحكومة ..لما الراجل دا وصل للحكم ارتدوا عنه ببساطة لانهم حسوا ان اللعبة خلصت ! هما عايزين اللعبة تستمر ..فقالك لا دا مش الاسلام اللي عايزينه ! ايام مرسي حصلت برضو عملية رفح ..و زادت بعد عزله لان الناس دي حست ان مبررها بقى افضل و ضميرها ارتاح اكتر في تنفيذ العمليات بحجج عزل الرئيس الاسلامي اللي اصلا ماكانوش مقتنعين بيه ! انت هنا يا امجد بتخاطب ضمائر و عقول حرة و منصفة ..في حين دول اصلا ماعندهمش عقول و لا ضمائر ..عندهم اتباع اعمى فقط مملوء بتعصب و دي هي الكارثة مش بس عندك ..في كل دول العالم

بقت عملية القتل سهلة

طيب أى فكر جهادى دة يا طارق ألى بيبيح قتل العزل وكأنها لعبة حلوة

يخلصوها ويقلبوا على غيرها وهكذا,

فكرتنى بالصومال والكلام دة كان فى أوئل التمناينات أيام محمد عبيدى

لما كانت اللحمة الصومالى منتشرة فى مصر وكانت بتعتبر من أكبر الدول الأفريقية الموردة للثروة الحيوانية

دلوقتى حالهم يصعب على الكافر من سوء الوضع وانهيار لا يعلم الله امتى حيخلصهم منة

بشكرك لمداخلتك الطيبة

[ساحر الأحزان]

اقتباس المشاركة الأصلية كتبت بواسطة ro♥ony بتخاطب مين هنا اصحاب العقول لا من يفعل ذلك فهو حتماً دون عقل من يجد لنفسه مبرر للقتل هو دون عقل واي شهادة في قتل الجنود العزل شاكرة طرحك الراقي اخي

بنخاطب من ولد على الفطرة

وتشوهة عقلة وفكرة

وأصبح لا منهج ولا فكر ولا معتقد عندة يا رونى

بشكرك لمداخلتك الطيبة

[جساس]

اخي
ساحر الاحزان
عزفت على الوتر الحساس والمؤلم
الذي بدأ عزفه على نغمة الناي
كل فعل يتنافى مع كل قيمه دينيه
او اخلاقيه او عرفيه فهو مدان
لكن في حالة وجود خصومات سياسيه
فكل فعل يراه كل طرف مباح
احترامي

[همسه دموع]

ساحر اولا موضوعك مهم جدا
اليوم صار كل منا يقول للتانى كافر مين ادهم حق عشن يكفرو حد
ونسينا اننا مصرين بقين مرسى وسيسى
لو عرضت مرسى هكون مش مسلمه
ولو عرضت سيسى هكون خاينه وجسوسه
اصبحنا فى عصر عدم التميز
اللهم ارحم اموتنا
واغفر لهم
وارحمنا ياارحم الرحمين

اللهم أرنا الحق حقاً وارزقنا إتباعه وأرنا الباطل باطلاً وارزقنا اجتنابه "

ساحرالاحزان
سلمت
تحياتى وتقديرى لشخصك

[رآقيہ بأخلاقـى]

ساحر طرحت موضوع فى غاية الاهمية
الجماعات التكفيرية والسلفيه الجهادية او اخوان مسلمين
كلها اسماء لكن تفكرها واحد والعقول واحده
تفكيرهم انهم على حق واى حد متخالف معاهم على باطل
بيدوا نفسهم الحق انهم يكفروا الناس وبالتالى يُبيح قتله
لانه كافر من وجهة نظرهم واللى بيحصل فى سيناء وفى جنودنا
اياُ كان مكانهم دة ارهاب والبركه فى الرئيس الشرعى للبلاد
هو اللى خرج كتير منهم من السجون بالعفو الرئاسى
واللى يقكر نفسه انه كدة هو شهيد يبقى غير شهيد
الشهيد هو اللى بيموت فداء وطنه بيموت على ايد كافر
مش اللى يموت نفسه وسط مسلمين وكمان بيحموا الوطن
وكل هدفهم هو تفكك الجيش وقولتها قبل كدة
على اساس يرهبوا الشباب اللى داخل التجنيد
بس والله اغبية اللى يفكروا بالطريقة دى
ربنا هو المنتقم وهو الحامى للبلد وللشعب ولجشينا العظيم
وانا بعتذر على كلامى لان فيه جزء مش هيعجب ناس كتير
بشكرك على طرحك اخى ساحر ‘
,,

[ساحر الأحزان]

اقتباس المشاركة الأصلية كتبت بواسطة اميره الشعر الشجين أخى أمجد بصراحه لا كلام يقال كل واحد بيحلل موت التانى دلوقت وبقينا بنكفر بعض ونسينا اننا ولاد وطن واحد طرح راائع امجد وجميل يدوووم التميز اخى تسلم ايديك ويسلم السيسى وجنود بلدى ^_^

القتل والتعصب حيودينا لفين اميرة

اليس لنا فى العراق ولا سوريا ولا افغانستان عبرة

اننا نتماسك

ولا نقلبها حرب اهلية دموية

وكلنا خاسرون

بشكرك لمداختك