حور من الجنه

[أمواج الرحيل]

السلام عليكم ورحمه الله وبركاته كيفكم جميعا ان شاء الله بخير

عزيزتى حواء هل تريدين زوجا من الجنه

هل تريدين رجلا حقا يليق بكى

هل تريدين زوجا فعلا ما وجد عل الارض

لا تستعجبى حقا ان اردتى ذالك كونى انت ايضا عروس من الجنه :8:

وهقولك والطريقه بسيطه جدا جدا جدا

مفيش فى الدنيا دى كلها بنت مش عيزه تكون عروسه ومهما هى قالت اص ممكن تكون المشكله

مش فى فيها لاء بس ممكن يكون خوفها مش اكتر من الشخص الا هتعيش معاه

يترى يستاهلنى ياترى هيحبنى ومش يبص لوحده غيرى وغيرها بقى من المخاوف دى

بصى يا ملكه انتى وهى لوانتى بجد عيزه راجل يحترمك ويصونك ويكون زوج صالح

بمعنى الكلمه اسمعى نصحيتى ومتستهتريش بيها

اولا احترامك لنفسك وانا مش قصدى انك مش محترمه لا انا ااقصد حاجه بعيده عن المعنى ده

كونى بنت زيك اكيد بيراودنى نفس تفكيرك او بعض منه ومتقنعنيش بغير كده لان معظم البنات

بتميل للتقليد مش اكتر عرفه ازاى

النهارده شوفت زميلتى لبسه فيست شيك جدا وملوش حل دى مخلتش حد الا وبص عليها من شده

جمالها

الممثله دى شعرها كتير نايس وكيوت انا لازم اعمل زيها واقلد استايل كلامها وطريقتها وحركتها

وغيره بقى من حركات البنات الحمضانه دى الا انا عرفها :1:

بردو لسه بتسئلنى فين النصايح حاضر متستعجليش بس خلينا ماشين وحده وحده

طب قولى لى زميلتك دى لما لبست الفيست الجامد ده والكل بص ليها تفتكرى ال بص ليها

ده بصلها بنظره محترمه نظره البنات مش زى نظره الشباب ودا طبيعى ومش عايزه شرح

طيب يا اختى اصلا هيا بتعمل كده عشان تعجب الشباب اصل بصى ومع احترامى لا اى حد

اصل مش معنى انك تلبسى ضيق وقصير وفوق كل ده اهانه الحجاب بلفات على الموده انك مش

محترمه لاء بالعكس ومع احترامى ليكى ودا لسببين

اولا لانى ذى ما قولت بتميلى للتقليد ولما بتشوفى بنت زيك او اجمل منك وازى بتسحر اى حد

بستايلها وطريقتها فبحبى تكونى زيها والمشكله انك بتضحكى على نفسك وبتكابرى عشان تقنعى

نفسك بان اصلا انتى كده

السبب التانى لا انى بنت زى زيك وبميل للتقليد فى بعض الاحيان بس يوم لما احب اقلد حد

مش هقلد زميلتى فى الميكب بتاعها او لبسها او طريقتها فى اى حاجه لا انا هقلد حسنوات الخصال

المكتمله تعرفى مين دول يا اختى

دول زوجات الرسول صلى الله عليه وسلم تفتكرى مين اعظم من دول مين فى ادبهم واخلاقهم

وعفتهم وطهارتهم وحفظهم لذاتهم ومرعاه الله فى انفسهم

ثوانى انا عرفه انتى لما قرئتى الجزء ده قولتى ايه

طب مش ذنبنا طب دول زوجات الرسول عيزاهم يبقو ازى يعنى

انا متاكده ان قولتى كده بس هقولك على حاجه

هما لو مكنوش كويسين كان ربنا اختارهم للنبى صلى الله عليه وسلم

بردو بتسئلى نفسك طب مهو اتجوز عشان اصلا ربنا كان مختار دول ومحددين ليه

طب ما انتى قولتيها بلسانك اهوت ربنا الا اختار والا حدد

يعنى دهنتى نفسك ابيض اسود لبستى طويل لبستى قصير مشيتى مع ده وده مش هتكونى لغير الا

ربنا اختاره وحدده ليكى

هتقولى ايه علاقه كل الا انا بقوله ده بالنصائح

لو مفهمتيش مغزى الا انا قولته هوضح اكتر

بالعقل كده ايه اكتر حاجه بيتمناها كل راجل فى زوجته

طبعا هتقولى اكيد طبعا شكلها وجمالها وجسمها واهتمامها بنفسها وغيره من الكلام ده

بس تعرفى لا مجوبتيش صح المره دى عرفه ليه

انا معاكى انو اى راجل بيحلم بزوجه جميله بس عرفه ايه اكتر حاجه عايزها فيها

انها تكون ليه وحده هو وبس وطبعا اكيد بتقولى ايه الذكاء ده من اكيد هكون ليه هو وبس يبقى

مفهمتيش قصدى يا اختى

قصدى حفظك لحقوقيه ذالك الزوج

يعنى زوجك ده هو الوحيد الا من حقه انه يشوفك متبرجه هو الا من حقه انو ينظر ليكى بكل انواع

النظرات هو وبس الوحيد الا من حقه يسمع كلامك الحلو واهتمامك بيه وخوفك عليه ورمانسيتك معاه

هتقولى لى ايه علاقه كل ده با اساس الموضوع هقولك

هو انتى لما تلبسى قصير وتخلى كل واحد يبصلك مش النظره دى اغتصاب لحقوقيه زوجك

هتقولى طب انا مش متجوزه يعنى عادى

لا يا اختى لما تجيبى عريس باخلاقك واحترامك يحترمك عشان شايف فيكى زوجه صالحه

لكل حاجه قسما بربى مش هيبالى لشكلك او لجمالك او كنتى غنيه فقيره توسطه لا دا كل الا

هيتم بيه هوانتى وبس حتى انو مش هيبص لاى وحده تانيه مهما كان سحرها وجمالها

وهيراعى ربنا فيكى بذمتك مش عيزه شخص زى ده

ولا عيزه واحد بس حبك عشان بقى لبسك واساتيلك وجمالك وجسمك واول لما يشوف غيرك

فى ثوانى يبيعك وانتى ادخدعتى فيه ووثقتى كل الثقه فيه

انا كل الا انا عيزه اوصلهولك هو لو عيزه زوج صالح او من الجنه وقصدى انو اخلاقه فوق

تتصورى هو حاجه واحده

احفظى ذاتك وصونى نفسك من عيون قد لا تفهمين نظراتها ولا تتحججى بعدم الزواج وان يكن

صونى نفسك وانتظرى قدرك من الله واعلمى انك كلما حفظتى نفسك لزوجك الذى لا تعرفيه

جزاكى الله كل خير واوهبكى زوجا لا يقدر بثمن ولن يكرره الثمن

دمتم بخير

[اميره الشعر الشجين]

ربنا يحميكى أمواج موضوع قمه الجمال يدوم التميز ياقمر

[مشتاقه للجنه]

أمواج نصائح رائعه وهامه جداا
صونى نفسك وأحفظى ذاتك ..

أمواج الرحيل موضوع مميز جداا

تحيااتى