قول وأنا أقول ... مساحة جديدة

[جبل عالي]

اقتباس المشاركة الأصلية كتبت بواسطة قيثارة الصمت معاكى هنقول وهنعبر هنكتب عن قلب متحير عن فرحه بنستناها تشق غيوم السما وتعبر توصل لارض قلبنا تخضر مساحه رااااائعه واكثر غاليتى معاكى كتير هنيجى ونعبر تقييمى

نورتي ياقلبي والله

اروع كلام اللي بيخرج من القلب

وكلامك بيعرف طريقه للقلب

تحيتي لك ولروحك كل المحبة

[واد حبيب]

قونا الوطن غالي
وفيه الناس بتعاني
كل شئ راح وانتهي
ما باقي فيها غير الالم
حرام عليك يا وطن
احنا شبابك اللي دمنا انحرق

[فتحى عيسى]

أقول
انا بطلت اكتب عامى
هكتب خالى
واللى مش عاجبه
يبلغ عنى
انا اتحنقت من اللى بالى
مش كفاية ساكن
فى همى
بيلعب بكرات دمي
وبيضيع اجواني

أحييكِ علي هذة المساحة الرائعة
دام النبض حي والفكر جميل
مودتي وإحترامي

[طبيب الهوى]

عاوزني اقول ايه يا رحال


ضاع مني الكلام والموال


بئينا نعيش زمن الأهوال


بعد زمان العم والخال


أدعو الله يُصلِح الأحوال


ويُنصُرنا عَ الخونة والأندال



هذيان قلمي المجنون



فكرة قيمة يا جبل



تحياتي وودي وورودي



أبو عصام

[فتحى عيسى]

أرجع وأقول
نعم أنا المجنون بالعفة
بطهر العين بالزين
بالشمس الحرة الوهاجة
على الخدين
ومريض بالعشق المفتون
بالروح الصابحة
عالنور
بالليل السارى فى أوتارى
أنا مجنون
براحة البال
بجمال العيون
بدلال الحلال

[أحمد الجمل]

مفيش سيب وأنا أسيب ؟؟!!
أفكارك بجد قيمة جدا يا جبل ودمها خفيف جدا
وتجبر الجميع على المشاركة حباًّ وليس فضلا
وان شاء الله هيكون لي بالتأكيد وقفات هنا
دمت بهذا النقاء

[فارس الكلمة]

ماذا أقول بعد ما قيل فقد أبدع الكل وقال كل البوح الجميل
هنا أناشد الشمس أن تشرق على مصر بيوم جديد
يوم لا تراق فيه دماء ولا تعامل الناس كالعبيد
يوما يتنفس الفقير بأحقيتة فى الهواء بدون حساب
فما بقى غير أن يكون هناك عداد يعد على الفقير أنفاسه
وأناشد القمر أن يسدل ستاره على ظلام طال
إنجلى أيها الظلام فقد طال ظلامك
وأناشد كل الناس بالوعى التام
موضوعك رائع يجعل البوح يفبض

[فتحى عيسى]

وأرجع وأقول
نعم أدرى
ونبضه أعلى من نبضى
وحسه فى سما ليلى
ف شريان الهوا
بيجرى
على عينى
ياخوف الخوف ياسارح
أنا فينى من إمبارح
أنا فينى لو تدرى
من قلبى ومن روحى
أنا خايف

[جبل عالي]

وخلوني أقووووول

ياليل الهم امتى يكون لك آخر

وعن روحي ونفسي تتااااخر

ماعاد احتمال فيا من الآآآخر

خليتهم الأول وخلوني فى الآآآخر




منورين بجد المساحة وعفواً لتأخيري

لكن على وعد بالتواجد اليومي بينكم

تحيتي لكل من مر على تلك المساحة البسيطة

[أحمد الجمل]

واوْعاكْ تقول ... لأ
لما أسْحِلَك ، لما أقتلك
لما أسرقك ، أو ابَهْدِلك
قول لي كمان .. وانكتم
ما انا عندي 100 حَق

مِنْ إمْتَه صوتك كان عِلِي
من إمته كان دمَّك غِلِى
لمّا حكَمْتَك بالحديدْ
انت وكمان كل العبيدْ
وشَبَعْتُكُم دَق

خليك كده ، واعمل عبيط
أو داري نفسك جنب حيط
علشان تعيش زي العبيد
وارجع وأقولك من جديد
اوعاك تقول ... لأ