تفكير بعد نص الليل

[صمتى كلام]

امبارح قاعد لقيتنى بفكر

طلعت حياتى شريط ذكريات

شوفت صورتك لحظه مش اكتر

صحت فى قبلى كل اللى مات
.
انا كنت فاكر ...انى نسيت

وحبى لغيرك ..هيعمل دلييت
.
ويمسح اللى باقى من مشاعرى

اتارينى كنت نايم وفاجئه صحيت
.
اخبى شوقى جوه ..فى الحته الجوانيا

بلاقيكى طالعه برده..... وبصه من عنيا

عزلت من حارتنا وروحت ......حاره تانيا

وقولت اسكن بعيد لقيتك... ساكنه فيا
.
الفجر خلاص بيأذن وانا لسه برده صاحى

مخى عمال يذاكر .....و يفكرنى بجراحى

اطلعلى يا مخى بره فى الليه السوده ديه

وهات العقل الباطن والذكرى ........المداريه

ورانا شغل بدرى والوقت خلاص بيجرى

والنور شقشق ياقبلى نفسى اغمض عنيه

ومراتى نايمه جنبى مش حاسه باى حاجه

عمال اهرى فى نفسى وهى فى التلاجه
.................
والله ما عارف انا بقول ايه
هههه

[اوتار الليل]

ههههه عسل
أجمل حاجه هى كلمات أخر الليل الساخرة
كلمات رشيقة ومداعبة جميلة للماضى
دمتم رمزا للكلمة الساحرة البسيطة

[فارس الكلمة]

صمتى كلام
أنت قلت أجمل كلام
ونهجت نهج الشاعر صلاح عبدالله تمام
وصفت حالتك مع الحبيب الأول بارق الكلام
تسلم أيدك على الكلمات الجميلة
ننتظر جديدك
وإبداعاتك

[جبل عالي]

تفكير بعد نص الليل

عنوان ملفت وكلمات مابين النفس والعقل


مزجت مابين الخيال والواقع

ومابين الذكريات والحاضر


وأخيرا مابين الفصحى والعامية


جميل ماقرأت هنا

تحيتي وتقديري

[الأميرة رودي]

تفكير بعد نص الليل دايما بيكون النصيب الآكبر للذكريات
وأجمل أيام الماضي بكل صوره
مع الحبيب .. أو الصديق .. أو زملآء الدراسه والجامعه
بتكون فضفه مع النفس جميله ومُريحه

صمتي كلآم..
أبدعت فى وصف مشاعرك
سلمت اأناملك

[قلب وكلمات]

ههههه

جميل أوي كلمات خفيفة الظل والروح

لها تأثير قوي على القلم

أخي الغزيز صمت كلام دومت بهذا الرقي

تمنياتي لك بالسعادة ، خالص تحياتي

القيصــر

[ويبقى الأثر]

اقتباس ومراتى نايمه جنبى مش حاسه باى حاجه عمال اهرى فى نفسى وهى فى التلاجه ................. والله ما عارف انا بقول ايه

ههههههههه
اجمل شئ اللى بيخرج تلقائى بيبقا صادق
جميل ماكتبت صمتى كلام
اسعد الله قلبك
تقديرى

[صمتى كلام]

شكرا لكم جميعا
اسف على الرد الجماعى
اعذرونى
عندى ظروف
تجعل دخلولى قليل
ادعوى لى احتاج ألأيكم

[صمتى كلام]

اقتباس المشاركة الأصلية كتبت بواسطة اوتار الليل ههههه عسل أجمل حاجه هى كلمات أخر الليل الساخرة كلمات رشيقة ومداعبة جميلة للماضى دمتم رمزا للكلمة الساحرة البسيطة

...............
اوتار الليل
نتورتنى