محتاره وشايلة مسئولية قلقانى

[حَرفُُ هجآءّ]

السلام عليكم

حاجه بقالها فترة بتدور فبالى



زينة
محور التفكير
عندها 6 سنين وكام شهر
بفكر السنه الجاية احجبها
اولا انا عارفه ان لها سن معين وهو البلوغ ولسه بدرى على الوقت ده
هقولكم اللى بفكر فيه
اولا من شاب على شىء شاب عليه
احنا كبنات لما تكون بنت محجبه بدرى شويه او بقالها فترة
بتبئا عندها حياء انها تقلع الحجاب تانى او تستخف به
فلو البنت من سن صغير لقت نفسها محجبه خلاص بيبئا تعود ومش بتزهق منه
على عكس بعض البنات لما بتكبر وتوصل لسن البلوغ
بتبئا فرحانه بنفسها وعايزة تلبس وتدلع
وتتعايق بنفسها وشعرها
ووقتها بيكون حجبها صعب
لانها خلاص عايزة تعيش الفترة دى بحزفرها
وفى نفس الوقت ان كل راعً مسئولً عن رعيته
وصعب الواحد يشيل ذنب انى اسيبها من غير حجاب


محتارة بئا
وبقول لنفسى
لو اتحجبت دلوقتى هل ده فية قتل لطفولتها ؟
طب لو مش حجبتها ووصلت للسن الشرعى للحجاب ورفضت صعب انى افرضه عليها
وبردوا صعب انى اشيلها ذنب واشيله معاها انا كمان

طبعا هى حرية شخصية ومفهاش اجبار
بس لازم نلتزم بامور ديننا

ها اعمل ايه ؟

[دمعه حائره]

تعملى الصح يعنى ربنا حدد سن للحجاب
ماتجيش تغيريه وتخلى البنت تكبر قبل الاوان
ممكن تحكى دايما ليها قصص عن الحجاب وتعاليم دينها
لكن تحجبيها لأ
وكمان لما تكبر مش تغصبيها
احنا لما اتحجبنا محدش غصبنا على ده عملناه بكامل ارداتنا واقتناع
عشان كده مستمرين وراضيين مش حاسيين اننا مغصوبين عليه
وربنا يحفظها

[The MaSster]

اختى انتى جاوبتى على نفسك

من شاب على شىء شاب عليه

وربنا يصلح حالها ويحفاظها يارب

[جبل عالي]

بأمانة شديدة

دمعه قالت اللي كنت هاقوله بالضبط

ربنا يحميها ياااارب وصدقيني طول ماهي شايفة

الأكبر منها بيتكلم عن الدين وعن ضرورة الحجاب وان ازاي

ربنا أمر بكده وازاي ربنا بيحب اللي بينفذ أمر الله

فأكيد هترغب هي نفسها انها تعمل كده

زي بالضبط اللي بيكون نفسه يصوم زي الكبار

قيسي على كده بس ده مايمنعش ان لازم تفهم أنه أمر ضروري

وإن ربنا منتظر منها ده عشان يرضى عنها وان شاء الله

تكون أحسن ما بتتمني لها ياقلبي

ربي يسعدك ويقدرك عليها ياااااااااارب

[sad prince]

حضرتك قلتي عايزه احجبها ودا في حد ذاته شبه غلط
لأن الأطفال بتاخد كل حاجه عند يعني ممكن تقول مش عايزه صحابي مش لابسينه وساعتها فرض الحجاب عليها هيبقي صعب ومش عن طيب خاطر
فياريت تستبدلي عايزه احجبها
ب عايزه احببها في الحجاب
لأنها لو حبته مش هتقلعه من نفسها .
تقبلي مروي .

[دلوعة EGYPT]

كده انتي هتقيدتي طفولتها بالعكس خليها تعيش طفولتها وزي ماقالت دمعه حائره ان احكيلها قصص عن الحجاب هتحب إن تلبسه بدري وتتشجع لكن انك تفرضي عليها وفي سن الطفوله مش كويسه الفكره دي
وخاصه ان هي لو كبرت شويه ممكن تلاقيها مش طايقه حاجه اسمها حجاب وتفضل تقلك انتي قيدتي طفولتي انتي مش عرفه ايه وهكذا
وربنا يهدي ^_^

[غريـب ألأطـوآر]

انا رايى تستنى كمان سنتين لما يبقى عندها 8 او 9 بس ست سنين صغيرة اوى مش معقولة يعنى لا تستنى سنتين تلاتة كده ونحجبها

ده مجرد اجتهاد يعنى

وعايز انوه لموضوع الاجبار ده

يعنى ايه متجبريهاش ع الحجاب لا تتجبر ف البداية لو رفضت
ربنا امرنا بيه هنستنى لما توافق او متوافقش

وفرضا موفقتش تلبس حجاب خلاص نشيل زنبها يوم القيامة عشان خاطر
ماجبرنهاش ع الحجاب يا جماعة مش بالعواطف فيه حدود وقواعد وبالقران والسنة

ده بس تنويه للى بيقولو متجبريهاش بس ف نفس الوقت مش دلوقتى يعنى استنى سنتين تلاتة

وبرده ده اجتهاد

[موري كول]

اولا ربنا يخليهالك يارب ويحميهالك

انا شايفه انها صغيره حبتين علي الحجاب لانها اكيد هتلاقي اللي في سنها لسه عاملين تسريحات وحاجات اموره كده
فممكن هي تحس بنقص شويه من الناحيه دي او زي ما انتي بتقولي قتل طفولتها مع ان اكيد الحجاب هيبقي عليها عسل خالص

فـ انتي استني سنتين كمان ولا حاجه تكون عاشت طفولتها وبعدين حجبيها
وربنا يهديهالك يارب ~

[Stop Ana Eltop]

حجبيها من دلوقتى احسن عشان تكبر عليه حبه يزرع فى قلبها من دلوقتى وماتتفتنش بالفتن الموجوده
وربنا يخليهالك ويباركلك فيها يااارب

[حَرفُُ هجآءّ]

الف شكر لكل رأى
كلامكم فعلا مقنع
ان شاء الله ربنا يقدم اللى فيه الخير
اشكركم