باصى يا حماده

[توحد ارواح]

	باصى ياحمادة .. رجعنالكم مرة تانية للتعليق على مباراه الهلال و الحناكيش .. وزي ما حضراتكم شايفين الكورة مع حمادة من فرقة الحناكيش .. حمادة معاه الكورة.. ماشي حمادة بالكورة.. عدى حمادة من الأول والتاني والتالت.. خلاص كفاية كده يا أبوحمييييييييييييييد باصي لزمايلك بقى.. طبعا حضراتكم سامعين زملاءه وهم بيندهوا عليه "باصي ياحمااااااااااااااااااادة .. باصي يا عم !" >< >< >< >< >< >< >< وحمادة ولا هو هنا.. ماشي حمادة بالكورة.. قرب على الجول.. هيشوط.. ممكن يجيب جول.. آآآآآآآآآآه ه ه ه ه ه ه ه.. برافو عليك يا ميشووووووووووووووووووو .. مدافع صلب بصحيح.. انتهز إن حمادة تعب من المشوار الكبير اللي عمله.. وخطف من قدامه الكورة قبل ما يشوطها.. وضاع المجهود.. مش كنت باصيت الكورة لزمايلك يا ابو حميييييييييييييييد ؟! تفتكر شفت المشهد اللي فات ده كام مرة؟! كام مرة كنت "حمادة" اللي مفكر نفسه بيلعب المباراة لوحده وبس.. مع إن فيه عشرة تانيين بيلعبوا معاه في نفس الفريق ؟ وكام مرة كنت مطنش زمايلك وهم بيندهوا عليك "باصي يا كابتن .. باصي يا عم .. باااااااااااااصي يالاااااااااااااااا !" وعملت نفسك مش واخد بالك.. لأنك متخيل إنك لو باصيت الكورة لحد تاني وجاب هو الجول هو اللي هياخد كل الأضواء.. وإنت مهما عملت مش هتاخد ضوء زيه؟ وكام مرة جالك شعور وإنت بتلعب كورة ولا بتعمل مشروع مشترك مع زمايلك في الجامعة ولا وانت بتشتغل مع مجموعة كبيرة في شغل ما او كنت كمان فى العمل الدعوى .. بأنكم تفتقدون أهم حاجة.. بتفقدوا أهم سبب من أسباب نجاح أي مجموعة بتشتغل مع بعضها.. روح الفريق.. TEAM WORK معلش معظمنا معندوهوش الثقافة دي.. ثقافة الكل في واحد.. وده مش مبدأ اشتراكي شيوعي لو جه في بال حد منكم.. مطلقا.. ده مبدأ إنساني وكمان دينا بيدعوا له وبيحضنا عليه .. مبدأ ربنا سبحانه وتعالى فطرنا عليه لما خلانا مانقدرش نمشي بشكل متزن إلا لو كنا بنمشي على رجلين اتنين مش رجل واحدة بس.. واللي خلانا نشوف بشكل أفضل لما نبص بعنينا الاتنين مش عين واحدة وبس.. واللي خلى أجدادنا يلخصوا الكلام ده في مثل بليغ جدا.. إيد لوحدها ماتصقفش وفكرة الابتعاد عن الأنانية والذاتية والعمل بروح الفريق سبب رئيسي في تقدم البشر والناس... حتى الحيوانات والحشرات !!!!! على العموم ... اقعد كده على سلم بيتكم.. وتابع مجموعات النمل وهي بتتحرك وبتنقل ذرات السكر اللي وقعتها على السلم .. هتلاقي لو ذرة السكر كبيرة.. حوالي خمس أو ست نملات بيشدوها مع بعض.. عمرك ماهتلاقي نملة عاملة فيها "شجيع السيما" وماسكة ذرة السكر الكبيرة لوحدها وبتجري بيها هي وبس.. لأن النملة عارفة إن "نملة لوحدها ماتصقفش"! بلاها نمل دلوقتي... وتعال للبشر.. البشر الحقيقيين.. دكتور "أحمد زويل" عالمنا المصري اللي أخد أهم جايزة عالمية في العلوم.. دايما بيكون حريص على إنه يؤكد إن الجايزة مش بتاعته وبس.. وإن الكشف اللي وصل له ماوصلوش لوحده.. أبدا.. كان دايما بيؤكد أن وراء الاكتشاف ده فريق عمل كبير جدا.. وأنه لولا الفريق ده متعاون عمرهم ما كانوا وصلوا لكل اللي وصلوا له.. وتخيلوا أن دكتور "زويل" قال مرة إنه كل يوم بيصحى الصبح وهو مبسوط جدا إنه هيروح الشغل عشان يشوف آخر النتائج اللي توصل لها الفريق اللي بيشتغل معاه.. لا فكر بقى في مين اللي هياخد الشهرة.. ولا فكر بقى مين اللي هيجيب جول.. كل اللي فكر فيه إن الفريق هو اللي هيكسب.. ودلوقتى مش برضه احنا محتاجين روح الفريق في اي عمل جماعي نكون فيه .. محتاجينها في البيت والمدرسة والجامعة والشغل وفى الدعوة وف المنتدى كمان .

[Reem♡A|❀]

توبيكَ جمممميل جدآآ بجد وله معانى جممميله
وفعلالا مينفععش نععيش فى الدنيا دى لوحدناا
صععب نععدى ,’ حتى لو اتكابرنا وقولنا لاأ
لوحدى ونفسى نفسى ,’ هنيجى يوم نحتاج حد مععاناا
ويشارك فرحنا ’ حزننـأإ , كل حاجةة × حياتنا

.................................................. ......

[توحد ارواح]

اقتباس المشاركة الأصلية كتبت بواسطة غُمـأإزههٌ : $ توبيكَ جمممميل جدآآ بجد وله معانى جممميله وفعلالا مينفععش نععيش فى الدنيا دى لوحدناا صععب نععدى ,’ حتى لو اتكابرنا وقولنا لاأ لوحدى ونفسى نفسى ,’ هنيجى يوم نحتاج حد مععاناا ويشارك فرحنا ’ حزننـأإ , كل حاجةة × حياتنا .................................................. ......

فعلا كلامك
العمل الجماعى بيكون فيه افاده كبيره
اسعدنى مرورك الاجمل ياقمر
نورتى

[اوتار الليل]

دائما تتميز استاذتنا / توحد ارواح
بالسرد المشوق .. والحكمة المفيدة .. والطرح الهادف
دمتم ذخرا على طريق الفكر والتنوير
تقديرى لشخصكم الراقى ولقلمكم الرائع

[السنـــدريلا]

انتى رووووووعه
وموضوع اروع

[حلمى اكون شهيدة]

تسلمو ايدك
موضوع رائع