ايه رئيكم فى ( عادل )

[morshooo]

بسم الله الرحمن الرحيم

مزاج الخيرات :d

من اسبوع تقريبا اخد قرار مهم جدا فى حياتى وهو انى

( انزل احلق :d ) اتصلت بالحلاق قبل ما انزل عشان اعرفه

انى هاجى فقالى ماتجيش دلوقتى ساعه كدا وتعاله عشان انا برا ( الصالون )

دلوقتى والى هناك انتا مبتحبش حد فيهم ( يحلقلك ) قولتله خلاص مفيش مشكله

المهم بعد ساعه كدا اتصل بيا وقالى تعاله انا مستنيك المهم .

نزلت وروحت فعلا فالمهم لقيته متشيك وبتاع ووشه مبسوط كدا فستغربته

فدار بينا الحواردا :

مالك يا عادل مظبط نفسك يعنى انتا جاى منين كدا

اسكت مش ربنا كرمنى واجوزت

تانى ياعم ما انتا مجوز 2 ياعم

لا ما واحده سبتها من يجى شهربن كدا

ايه ياعم انتا بتسيب عشان تجوز

والله ربنا كرمنى ببنت كويسه فقولت اتكل على الله

عموما مبروك ياعم بس ولادك عادى كدا

وهم ليهم عندى ايه اهو على الاقل ابوهم اجوز سوريه

وكمان اجوزت واحدة سوريه

ياعم دا هما نازلين كل الى يهمهم جوازة والسلام ومعندهمش اى شروط .

....................... الخ

المهم الحوار كان طويل مع العلم ان ( عادل ) دا

عنده ( 9 اولاد ) من مراته الاولى و ( ولد ) من مراته الى سابها

سؤالى :

ايه رئيكم فى الشخصيه بتاعت ( عادل ) وفى منها كتير فى المجتمع ؟
كمان ايه رئيكم من جواز السوريات ياترى بيكون بغرض العطف
والا الاستغلال انهم مش عايزين اى حاجا الا انك تقعدها فى بيت وتعيشها ؟

[Silver Flower]

لا اذا سوريه يتوكل على الله عادي
إذا بالحلال عادي ربنا قال أربعه بس المهم يعدل
وبعدين إحنا عنا جرحى ماليه المستشفيات وانتوا البنات ماليه البلد بعين الله
ده غير العمال الي من السودان
يا ترى بكره بنلاقي مصرين يا سلام سلم
الله يفرجها عليهم بس مش حابه أعلق اكتر

[رآقيہ بأخلاقـى]

بالنسبة للجواز او التعدد مافيش مشكلة
الشرع حلل للرجل اربعه
بس بشروط وهى ....
1) حوجة الزوج للولد بأن تكون الزوجة عقيمة لا تلد ويثبت ذلك طبيبًا.
2) أن تكون الزوجة مريضة مرضًا يعجزها عن القيام بواجبها كزوجة.
3) نشوز الزوجة ورفضها للعيش مع الزوج بلا مبرر
هى دى الاسباب اللى تخلى الرجل يتزوج مرة تانى

اما بقى بخصوص انه اتجوز واحدة سوريه اعتقد ان دة استغلال لظروفها
وانها محتاجة مئوى ومحتاجة الستر
ودى تبقى خسه وندالة ومش من الرجوله فى شئ
انما لو متجوزها بغرض انه يسترها بدل ما تلجئ لاى عمل فاحش فـ دى حاجة كويسة
وربنا هيجزيه عنها خير

[كوين ميرو]

اممممممم ببساطه واحد عينيه فارغه ومش شايل مسئوليه

يعنى ايه نكون فى 2013 وواحد عنده عشر عيال ده غير اللى هيشرفو طبعا

هيربيهم ازاى ده ولا يعلمهم ازاى ولا هيراعى ربنا فيهم ويديهم وقته ازاى

ده واحد مش هامه غير نفسه واللى يقولى اتجوز سوريه علشان يسترها

هقولو يراعى ربنا الاول فى كل النفوس اللى متعلقه فى رقبته دول الاول

حاجه فى منتهى الاستفزاز

[الأميرة رودي]

هو عادل ده محتاج رأي
انسان معندوش اى احساس بالمسئوليه ..
ربنا كرمه واتجوز بدل الواحده اتنين
وكرمه لما انجب وبقى عنده أطفال وماشاء الله 10
كان سعى انه يربيهم تربيه كويسه ويعلمهم تعليم كويس بدل مايكون أناني ويفكر فى نفسه..
هو كده ظلم الكل
ظلم زوجته ( ام اولآده ) وظلم أولآده الموجودين و وظلم زوجته السوريه وظلم أولآده اللي لسه مجوش
وقبل كل ده ظلم نفسه لانه هيتسأل من ربنا عن كل دول ...

[همسه دموع]

امم موضوع انه يجوز اكتر من وحده ده بقى يبقى عيب من الست اللى بيجوزها بتقبل انها تخرب بيت وحده عشن تفرح هيا وعادى زى مااتجوزها على مراته هيتجوز عليها
وموضوع السوريات دى بصراحه يامورشو بجد شفت واتكلمت مع بنات كتير فعلا هما مش عوزين غير بيت
وانسان يسرف عليهم حياتهم اصلا ادمرت وحتى لو اتجوزت واحد متجوز اكتر من وحده مش هتفرق معها
وياسيدى مش اول واحد ولا اخر واحد هيستغل ضعف بنت
تسلم على موضوعك مورشو

[صمتى كلام]

الحمد لله ما طلعش عادل اللى هو انا
.......
اما عادل التانى ربنا معاه هو الواحد مستحمل واحده
لما يروح يجيب التالته

[Lamees]

واضح ان عادل اتجوز السورية مش شفقة يعني وثواب وكده
لا هو اتجوزها لانه لقى الفرصة لجوازة ببلاش كده
وهو ده اللي عايزة الرجال المصريين
لان عينهم مش هتتملي غير بالتراب
متجوز اتنين ومخلف عشر عيال
ولسه بيتجوز تاني
الله يخرب بيت الجهل والتخلف

[كاريزما]

عادل دا مقضيها مراجيح

[Reem♡A|❀]

استغلآأإل و صيت ْ~
هو نفسسه حلل نفسه بنفسسه
بيققول على الاقل ابوهم اتجوز سوريه ~|
وبعدين اه فى من دآ كَتيير ِ
بس كل واحد واسبابه

اسئلك انا بققا ..
دآآ عنده اسباب ايه ..؟؟