( رساله أدارية 5 ) ( قبول دفعات جديدة لحضور كورس المنتدى )

[morshooo]

بسم الله الرحمن الرحيم

مزاج الخير

بعد الاحداث الدراميه بين ( منه و لوجى ) فى الحلقه

الى فاتت وبعد اظهار حقيقه ( بحر النسيان ) مشرف

( القسم الاسلامى ) واستمرار بحث ( رمضان ) عن

( شاى ست الحته ) هنشوف مع بعض النهاردة ايه الى

هيحصل مع ( طارق ) واعضاء المنتدى :



صحيح ماتيجو نشوف مين العضو الى معاه ( 4 صعايدة )

هو مين وحصل معاه ايه :

مين ياض يا نور الى مش عايز يدخلك الكلاس دا

هو دا ياباا

اهلا ازيك يا نور يا حبيبى انا طارق ياض

والله دلوقتى افتكرتنى

وانا افدر انساك يا حبيبى

هو دا يا نور الى مبهدلك

ايوا يابا هو الواد دا

بص ياعم الحاج يرضيك ابنك يقصر رقبتك فى البلد

دا لو قصرها اقتله

يرضيك ابنك ياحاج يجى بقميص اخضر

اخضر انا ابنى يجى بقميص اخضر اخضر يا نور

ياحاج لا وايه وشورت احمر

كمان احمر يانور سبت ايه لبنات مصر يا نور

ياحاج وكوتش اميجو ياحاج

اميجو يا نور اوعا يكون من الى بينور كمااان

ايوة يا حاج بينور

ااااااااه يابا تعاله شوف ابن ولدك اميجو وبينور ماله ( باتا ) ماله
( باااااااتا ) يانور

كل دا يا حاج ومش عايزنى اعمل معاه الى عملته

والله وقصرت رقبتنا يانور يا والدى يله يا رجاله

يله يابا

بقول يا رجاله سلام يا دكتور طارق

مع السلامه يا حاج
يله ياض انتا من هنا جايبلى اهلك وجاى يله

طيب مصعبتش عليك يعنى يا طارق

يله ياض اتكل على الله من هنا .



وكالعادة ( نور ) خد بعضه واتكل على الله

وياريت تعبه بيجى بفايدة دائما كسفنا ^_^

ودلوقتى وصلت عضوة من المنتدى

تعالو نشوف هيحصل ايه معاها :

هلا

هلا ورحمه الله

لو سمحت وين مدرج بنات مصر

هلا و وين هو انتى مين

انا عضوة بها المنتدى واسمى ( اركو بالينو )

ازيك عامله ايه

بخير كتير مين انتا

انا ( طارق )

وفى اللحظة دى ( حوراء ) شعرها طار من الهوى الجامد

وطارق اتكسف جدا ووشه اترما فى الارض

وبيبص بعينه عليها من تحت لتحت و

( حوراء ) اتكسفت جدا ورمت هى كمان وشها فى الارض

وبصتله من تحت لتحت

واخدت بالها ( دمعه ولوجى ) وبصو لبعض واتأثرو بالاحداث

وقامو جريو يشفوهم من ورا باب ( المدرج ) وبالصدفه

فى الوقت دا ( عربيه ايس كريم ) كانت معديه ومشغله

اغنيه ( محمد فؤاد خبينى ) و ( حرف هجاء ) اخدت بالها

وقامت جرى تبص من شباك ( المدرج ) وقامت

جرى ( كوين وكونتيسه وبراءة وايمان طلعت ) وبصو من

شباك ( المدرج ) والموقف كان مؤثر جدا .

ولما شافو الموقف قامت مسقفه ( حرف هجاء ) وقعدت تقول

( دخلها دخلها دخلها ) وكله أتاثر تانى وrعدو يسقفو ويقولو

( دخلها دخلها دخلها ) والاطفال قعدو يرقصو و ( لولو ) تسقف

وولاد ( كوين ) مش عارف جابو عصيان منين وبيحضبو

زى الصعايدة .

وفعلا شاورلها ( طارق ) وفتح باب

( المدرج ) وقالها بصوت واطى ( اتفضلى يا حوراء )

ياله من موقف رومنسى من الدرجه الاولى بصراحه

يستهلو عليه ( اوسكار الرومنسيه )



وبعد دخول ( حوراء )

( طارق ) سمع صوت واحد

بينادى عليه وبيقوله .

ياطارق باشا يا طارق باشا يا طارق باشا

نعم يا ( رمضان )

انا تعبت يا طارق باشا

معلش يا رمضان ماتعبتش زى ( نور ) برضو

انا الحمد لله ربنا وفقنى وقدرت اجبلك شاى ( ست الحته )

نعم وجبته ازاى دا وهو فين ورينى لاحسن يكون مضروب

والله ابدا اهى جبتلك ( ست الحته ) بنفسها تعالى

مين دى ياض انتا

انتا مش عايز ( شاى ست الحته )

ايوه

سئلت لحد ما ولاد الحلال دلونى عليها

انتى مين ياست انتى

انا ست الحته يا خويا

وبتشتغلى ايه يعنى

بقعد فى الموقف بنصبه شاى ومعروفه ( بشاى ست الحته )

ها طيب انا عايز علبه شاى مش كوبايه شاى

بقولك ايه يا طارق عليه الطلاق ما نازل الا لما ادخل

يله يا رمضان لا انا مقولتلكش هاتلى ست الحته

لالالالالا انا يا قاتل يا مقتول هنا ومش نازل

طيب يا رمضان انتا تعبت اقعد استريح شويه

وهدخلنى يعنى

اه هدخلك بس اقعد هنا

الحمد لله خلاص يا ( ام حسين ) اتكلى على الله انتى

ماشى فين حلوتى طيب عايزه 20 ج

يله ياست انتى 20 ج عشان قولتى كلمتين

يعنى هتضحك عليه طييب يا استاذ طارق

نعم ياست

انا مش ست الحته والا حاجا انا الواد دا قالى اعملى نفسك كدا

يعنى انتى مش بتاعت شاى

لا انا غلبانه والواد دا قالى تعالى وهديكى 10ج وقولى كدا

الكلام دا صح يا ( رمضان )

لا انا جبتها من الموقف وهى اسمها كدا يا طارق

وكمان كداب غور ياض من هنا وماتجيش تانى

لا يا طارق ابوس ايدك او ابوسك من اى مكان يعجبك

يله غور من هنا امشى ياض



ومشى ( رمضان ) كالعادة ودا بسبب بخله على الست

( ام حسين ) فالواحد مش عارف يعمل ايه مع الناس

الى بتكسفنا دى والله بجد الموضوع بقا يكسف فعلا

بس تعالو نشوف الحوار دا كمان بسرعه :

عمو عمو عمو

ايوه يا حبيبى

ماما بتقولك ودينى اعمل بيبى

نعم وحيات ماما يله يا حبيبى ادخل جوا

بقولك عايز اعمل بيبى يا عمو

ابن مين الواد دا يا جماعه

ايوه يا طارق ابنى فى ايه وديه يعمل الى قالك عليه

هو ايه الى وديه تعالى انتى وديه لو سمحتى

طيب مفيش حد هيوديه الا انتا يا طارق اومال راجل ازاى

هو اكون راجل لما اروح اوديه يعنى

الله مانتا ادارى المنتدى وكمان مفيش شباب معانا حد فيهم يوديه

طيب خلاص خلاص تعاله ياض انتا



واول لما طارق قرر انه ياخد الولد ويوديه

وصل العضو دا وحصل الحوار دا .

لو سمحت هو مدرج بنات مصر فين

ليه

كنت جاى احضر كورس هنا

طيب انتا مين وانا اقولك

( عاشق متيم ) من المنتدى

اها طيب بص يا عاشق خد الواد دا وديه الحمام وتعاله اقولك

يا محترم بقولك عندى كورس فين المدرج

عارف بس دا اول اختبار فى الكورس يله ماتضيعش الوقت

ياعم اختبار ايه

اختبار الوصول للمدرج

قولتلى اكيد طارق هو الى عامل الاختبار دا ماهو بتاع مسابقات
وغموض

اديك فهمت اهو عموما يله ورينا شطارتك وكل حاجا تتقالك
ماتقولش لا عليها

طبعا مش هقول لا انا لازم اوصل واثبت انى عضو جامد وذكى

ايوووووة يله ودى الولد وتعاله نشوف هنعمل ايه تانى

هوا وهكون عندك وماتقوليش فين الحمامات انا هقدر وهوصل
لوحدى

وانا متاكد يا ( عاشق ) انك هتوصل وهتوصل وهتوصل مدرج
منتدى بنات مصر بينادى عليك يا بطل

وانا جايلك يا مدرج ( الله / الوطن / المنتدى / المدرج )

مع السلامه يا بطل



ياريت محدش يتأثر بالى حصل دا لان الموضوع كبير جدا

وعاشق مش سهل وانا عن نفسى متاكد انه هيوصل

ودلوقتنى وصلت عضوة مهمه فى المنتدى

تعالو نشوف هى مين بسرعه .

بقولك ايه هو دا مدرج بنات مصر يا كابتن

ايه مالك داخله مستعجله ليه كدا ههههه

رد عليه هو دا المدرج

انتى مين طيب وهقولك

انا ( شخصيه العام ) فى منتدى بنات مصر

اها رودى ازيك

انتا مين لو سمحت

انا طارق يابنتى مالك مضايقه ليه كدا

معلش يا طارق اصلى مضايقه شويه

ليه خير مالك

مفيش فى واحد رخم عليه وانا طالعه دلوقتى

مين دا وانا اطلعلك عينه

بجد يا طارق دا ضايقنى جدا وكنت هعيط منه

طيب خلاص يا رودى ماتضيعيش فرحتك باللقب

الناس يا طارق زعلانين عشان الـ 200 نجمه

معلش ماتضايقيش انا ممكن اسحبهم

نعم نعم يا خويا تسحب مين والناس نايمين انتا لو فكرت هيبقا
اخر يوم فى عمرك

مالك اتحولتى كدا ليه خلاص خلاص

مفيش ام خلاص واسحبها دى ما اسمعهاش تانى منك او من غيرك
فاهم

خلاص يا رودى مكنتش اقصد

ليه وانتا فاكر انك هتقصد تقول كلمه زى دى فين ام المدرج خلص انجز

اهو دا يا رودى

اوعا من وشى هقعد فين

هو بعد الطالعه بتاعتك دى هختارلك مكان لو عايزة تقومى حد
مفيش مشكله واقعدى مكانه

لا انا طيوبه مقدرش اعمل كدا

فعلا اخر طيبه يا رودى اخر طيبه دا انا كنت هعيط من طيبتك
ادخلى يا رودى ادخلى

ايه جنينه الطفل الى فى الاخر دى

لو عايزانى امشيهم حاضر انتى شاورى بس

لا اوعا انا هدخل اشوفهم واعرف هم مين .



ودخلت ( شخصيه العام ) لمدرج المنتدى بس دخلت

( بالعين الحمرا )

الحلقه الجايه هنشوف مع بعض

ياترى ( عاشق ) هيعمل ايه وكمان ياترى مين ( العضو )

الى رخم على ( شخصيه العام ) وعمل معاها ايه

[ملك جبال الاحزان]

ايه يابنى ده حوارء حرام عليك
هتيجى تتكسف ترد كدة هههههههههه
ومعلش يا نور بقا المرة الجاية شوف حاجه جديدة

لا بجد حلقة جامدة عجبنى الموضوع
ده هتابع بقا

[عاشق متيم]

توااااااااليت !!!!!!!!!!!!!
ليه هو انا جاى احضر كورس ولا اشتغل داده !!!!!!!
كده مش حلو يا مورشو
وهرد عليك بتوبيك لذيذ

[Reem♡A|❀]

ههههههههههههههههههههههههههههه
لا حلقةةة جامده جامده يعنى
وفى انتظظظار ععاشقق
واللى رخم ع روودى
ونشوف ايه اللى هيحصل

[morshooo]

اقتباس المشاركة الأصلية كتبت بواسطة ملك جبال الاحزان ايه يابنى ده حوارء حرام عليك هتيجى تتكسف ترد كدة هههههههههه ومعلش يا نور بقا المرة الجاية شوف حاجه جديدة لا بجد حلقة جامدة عجبنى الموضوع ده هتابع بقا

^_^
حوراء مش بتكسف من حد ياعم
دى نور عنينا :d
منور يا معلم

[براءة طفلة]

ههههههههههههههههههههههه لا مش قادره
انا قلتلك حط حوراء وقعدها جنبي مش تكسفهاااا فيه فرق
وينفع كده واد حبيب بوظ اللحظه خاااااالص
وتلاقي اللي عاكس الاميره رودي عاشق متيم لان هو نز وهي طلعت علي طول

[morshooo]

اقتباس المشاركة الأصلية كتبت بواسطة عاشق متيم توااااااااليت !!!!!!!!!!!!! ليه هو انا جاى احضر كورس ولا اشتغل داده !!!!!!! كده مش حلو يا مورشو وهرد عليك بتوبيك لذيذ

هعتبرك ما قولتش حاجا ^_^
والى قولته دا فى لحظة غضب
ارجع لعقلك يا عاشق ^_^
منور يا معلم

[Reem♡A|❀]

ههههههههههههههههههههههه
تصدقى يابت
عندك حقق
طلعلتى ذكيييه اهو
هههههههههههههههه

[براءة طفلة]

منا عارفه منا عارفه ^_^

[Lost Pearl]

ههههههههههههههههههههههههههههههههههههههه يخربيتك

موقف حوراء موتني من الضحك =))

و كمان موقف رودي مسخرة

هههههههههههه حلقة حلوة اوى تسلم ايدك