الحلقه الثانيه من ( ضمير عضو ) مع ( Lost Pearl )

[morshooo]

بسم الله الرحمن الرحيم

اهلا بيكم جميعا

وأولى حلقات برنامج

( ضمير عضو )

البرنامج ان شاء الله هيكون مميز جدا ودا لسببين :

الاول : ان العضو هيكلم ( بضمير ) ومعتقدش ان فى عضو

هيجامل فى التوبيك دا

ثانيا : ان هيتم استضافه اهم اعضاء المنتدى والمعروف عنهم الحياديه

كل عضو هيتم استضافته هنا هيكلم ( بضميرة )

وكل كلمه هتتكتب هنا

الضيف هو المسئؤل عنها .

دورى فى التوبيك هو ( اختيار الاعضاء فقط )

وكل ضيف هيكون معايا

مطلوب منه يكلم عن ( الاعضاء )

دى بضمير ودا اهم شرط من شروط البرنامج

وفى حاجا انا بقولها على طول ومقتنع بيها وهى :

ان مفيش عضو فى المنتدى لازم الجميع يكون بيحبه

اكيد كلنا لينا عيوب

ومش عيب لما نلاقى عضو ينتقدنا ويقولنا هو شايفنا ازاى ممكن يكون

كلامه صح وسليم جدا وممكن يكون كلامه غلط ومفيهاش حاجا لما

ندخل نوضحله وجهة نظرة .

فعشان كدا مش عايز اى عضو يزعل لو اتقال اسمه هنا ولو زعل

من حقه ( الرد ) او يطلب بـ ( حزف اسمه ) .

النهاردة معانا ( مراقبه )

متميزة ليها دور فعال فى المنتدى

سواء فى قسم الشكاوى او دورها

( كمراقبه ) فى المنتدى .

معانا المتميزة /

Lost Pearl

س / فى البدايه اهلا بيكى فى ( ضمير عضو ) ؟

أهلا أهلا

س / مش قلقانه لاحسن التوبيك يعمل مشاكل زى حلقه ( علاء ) ؟

اصلا المفروض الحلقة مكانتش تعمل مشاكل ، مش عارفة
المطالب الجماهيرية بقت صعبة ، تتكلم حلو يقول مجاملة تتكلم
بضمير يقول بتضايقونا
عادي هجاوب و زي ما تيجي :

س / هتردى بضميرك والا بمجاملات كعادة اعضاء المنتدى ؟

لا لا تقلق ده انت هنشوف ضمير ضمير يعني

س / طيب نبدء بالاعضاء اصحاب المناصب السابقه ؟

1 / ( محمد علاء )

باردو بدأت بيه تاني ، قلتلك هتخسر مشاهدين
ههههههههههه لا بجد محمد ده سديكي السدوك زي ما بقوله دايما ،
شخص محترم كدة و ساعات يعني بحسه غلبان و ساعات بيكون
رخم بقي =))
يمكن هو الوحيد اللي يعرف عني كل حاجة تقريبا ، و باخد رأيه
في أشياء كثيرة
ع المنتدى بقى هو مش بيعمل غير أنه بيرد ف صفحته ،
من الاخر صفر ع الشمال

2 / ( رنين )

سلمى دي يا عيني كل مرة اطلع فيها عصبيتي لو كنت مضايقة
ههههههههههه
عاقلة و هادية و بتساعدني أذاكر كمان
بس بتاخد الحاجات على اعصابها بزيادة و ده شئ بيضرها هي
و ف المنتدى هي مش موجودة بقالها فترة تقريبا بحكم دراستها ،
بس بتكتب ف صفحاتها ساعات ،،
بحبها كثيرا كثيرا كمان

3 / ( مسك الشهادة )

خالد خالد خالد ، بص البرنامج اسمه ضمير العضو هه
لو هتكلم عليه كشخصية بدون توجهاته السياسية ف هو قمة ف
الاحترام ، بيتناقش معاك بكل هدوء ، يمكن برامجه طويلة شوية
بس بتكون حلوة هههههههه
ع السياسة بقى ، بحسه ماسك ف رايه جامد و مش بيغيره ،
تتناقشو يبقى هو عايز يقنعك برأيه فقط
و كمان متمسك بجماعة الإخوان المسلمين اوى

س / دلوقتى مع ( المشرفين ) ؟

1 / ( عاشق متيم )

عاشق كنت مصر أنت أن حلقة علاء مقلب ، أن شاء الله تكون
صدقت دلوقتي
من الشخصيات لللي رأيها يحترم و واعي
بس في بعض الردود بحسه متعصب اوى و بيزعق ف حاجة
متخصوش هو كشخص ، زي حلقة محمد كدة
عادي انت ممكن تقول رأيك بس بالراحة من غير ما يكون رد
الفعل over
و مش ده الموقف الوحيد اكيد

2 / ( جبل عالى )

جبل عالي مثقفة و راقية
بس المشكلة ردودها كبيرة اوى و ممكن ترد كذا مرة ورا بعض
من غير ما تلحق ترد عليها خصوصا ف الشكاوى
و لما بتتعصب كدة تحس كلامها مش راكب مع بعضه إلى حد ما
بس ده ميمنعش اني بحترمها و بحاول اساعدها اد ما اقدر لأنها
في قسم لا تحسد عليه

3 / ( حرف هجاء )

هجاء
أسيل مرحة و روحها حلوة ، بس آخر فترة بقت عصبية اوى
كنت اتمني منها تكون أهدي من كدة خصوصا أن ده اكيد هيأثر
على مكانتها كمشرفة لقسم مهم زي اليوميات
بس بغض النظر عن عصبيتها الزايدة إلا أنها بتفرض
احترامها طبعا ،،

4 / ( ابراهيم دياب )

أستاذ إبراهيم بحسه في عالم تاني شوية ، حابس نفسه جوة القسم
العام و مش عارف ايه بيحصل برة
ساعات يقولي طب ما تعملو كذا ، و هو الاقتراح ده يكون فعليا
معمول بس هو مش شايفه عشان مش ف قسمه
بقترح عليه يخرج برة شوية الجو هيعجبك متقلقش هههههههه
طبعا شخصية ليها احترامها و بحييك على مجهودك ف
القسم العام انت و توحد ،،

س / ودلوقتى هتكلمى بضمير عن الاعضاء دى ؟

و ماله

1 / ( براءة طفلة )

من ساعة ما سجلت و هي عاملالنا غزو ف المنتدي ههههه
ف أي حتة تلاقيها موجودة
تحسها hyperactive كدة و بتقول كلام كتير اوي ساعات مش
بفهمه زي ف الخزعبلات كدة او ف اليوميات

2 / ( خارج عن القانون )

محمد عكاشة عاقل و رأيه بيهمني ع المستوى الشخصي
بس بحسه مرتبط بالبرادعي بزيادة مش عارفة هو يقربلك
يا محمد ؟
كمان ساعات بيصغر مخه ف حاجات كدة ممكن اوى تتعدي

3 / ( morshooo ^_^ )

على فكرة مش هخاف يعني عشان انت اللي مقدم البرنامج
مورشو بيعمل جو طبعا ف المنتدي ، بس في مقابل أنه يعمل الجو
ده مبيفرقش معاه أنه ممكن يزعل حد ،، و هنا قصدي على
برامج زي اجمد عضو و كدة مش البرنامج ده
كمان زي ما يكون مستني ايه ده في مشكلة طب جرى نسخن
ههههههههه
و هو كمان مرتبط بالفلول بزيادة

4 / ( Reem♡A|❀ )

ريم بحسها واخدة المنتدي ف جيبها كأنها بتقول ده بتاعي
تلاقيها بترد ف اي حتة و تتريق على كله ساعات
و كمان مستحوذة ع الإهداءات و ده ممكن يضيع
موضوع عضو كان عامله إعلان فيها مثلا
بس منورانا ده شئ اكيد ،،

س / واخيرا المراقبين والادارة ؟

1 / دمعه حائرة

منة حبيبة قلبي ، بجد شخصية طيبة جدا و محترمة
فوق الوصف
و بتستحمل كتير يعني بالها طويل ما شاء الله
بناتها ساعات بيغلبوها ربنا يخليهم ليها و يخليها ليهم
ههههههههههه
حقا انا بحبها جدا و يمكن هي و سارة و محمد و سلمى و زينب
اللي من غيرهم يومي فعلا مينفعش يمشي ابدااا
ربنا يحميكي و تفضلي كدة على طول

2 / سارة ( كونتيسه )

سارة انا مغلباها معايا دايما هههههههههههه ، و هي اكيد عارفة
قصدي ايه
دي بقى بدوووون منازع أطيب و انقي و اجمل واحدة انا قابلتها
ف حياتي
يعني حقا انا مشفتش حد قلبه ابيض كدة و مش هشوف ههههههه
عيبها الوحيد مبتعرفش تعمل أكل ، تستني خلود أختها تعمل
و هي تأكل بس
ربنا يخليكي ليا يا فتاتي

3 / ساحر الاحزان

أمجد هادي جدا و متسامح بس زيادة عن اللزوم
كمان ساعات بيحب ينفذ اللي ف دماغه و بس
و اخيرا ردوده ساعات مش بفهم منها حاجة
كفاية عليك كدة انت غلبان هههههه

4 / اسماء

بنت هادية و عاقلة جدا و خدومة كمان
بس مثلا ممكن تدخل الشكاوي بعد ما نخلص و ترد ،
ليه يا اسماء بنبقى جالنا شكاوي جديدة يعني مش فاضيين
ههههههه

س / اخيرا ضميرك مستريح بعد الاجابات دى ؟

اها الحمد لله ، و اتمنى محدش يضايق زي حلقة محمد
عشان انا لو مكانه كنت اضايقت بصراحة ،
يعني الواحد تعب على ما قال ده كله

قبل ما اختم الحلقه دى المفروض كانت

( الجزء الثانى ) من حلقه ( محمد علاء )

ويمكن اعتزر وقالى بلاش تنزلها عشان الاعضاء

شكلها زعلت من كلامه عنهم وطبعا احترمت رغبته

انتظرونى ومفاجاة فى ( الحلقه القادمه )

ويارب ماحد يزعل من ضيفى الجاى

[حَرفُُ هجآءّ]

ههههههههههههه
جميله يالوجى والله
والله العصبية من الوضع السىء فى البلد
وان الواحد مش قادر يرضى بالظلم لحد
زى حال الكتير من المصريين
وكان نفسى اكون فى ايدى حاجه اعملها على الارض
واكيد يالوجى فتره وهتعدى
ميرسى اووى ليكى لرأيك فيا

[ساحر الأحزان]

بقى كدة يا لوجى

بقول عليكى سديقة

مرشدى

خلاكى

نيران صديقة

[عاشق متيم]

لما يجى ضيوف تانيه غيرك ساعتها هبقى اقول مش مقلب ....
بخصوص كلامك عليا
انتى حره فى رأيك ؛ لم اكترث لكلامك لان انتقادك غير موضوعى
وكلامك بناء على توبيك محمد علاء اللى انتى قلتى متخصوش كشخص
فى حديث عن النبى صلى الله عليه وسلم بيقول ( لا يؤمن احدكم حتى يحب لاخيه ما يحب لنفسه ) وفى حديث اخر رواه الترمذى ( واحب للناس ما تحب لنفسك تكن مسلما )
فمابالك الكلام كان على ناس اعرفهم ومتابعهم زى متابعتى لكل الاعضاء ...
وردودى كانت غير عصبيه بالمره وروحى راجعيها .....
غير كده انتى قلتى ان كان فيه ردود قبل كده ؛ هاتيها ليه ؟؟؟؟
العيب ان الضيوف كل كلامها غير منطقى ولا يمت للواقع بصله

[دمعه حائره]

وانا كمان كنت فاكره ان حلقه علاء مقلب لان مش طريقته
بصراحه لخبطونا
هو النقد مش عيب المهم يكون فيه دليل للكلام
ويكون باسلوب كويس
عشان اى حد يصلح من نفسه
منوره يالولتى وانتى عارفه غلاوتك عندى قد ايه
وبيعجبنى تفكيرك وخفه دمك اكيد
وربنا يوفقك وينجحك يارب ونشوفك اكبر دكتوره

[Lost Pearl]

اقتباس المشاركة الأصلية كتبت بواسطة عاشق متيم لما يجى ضيوف تانيه غيرك ساعتها هبقى اقول مش مقلب .... بخصوص كلامك عليا انتى حره فى رأيك ؛ لم اكترث لكلامك لان انتقادك غير موضوعى وكلامك بناء على توبيك محمد علاء اللى انتى قلتى متخصوش كشخص فى حديث عن النبى صلى الله عليه وسلم بيقول ( لا يؤمن احدكم حتى يحب لاخيه ما يحب لنفسه ) وفى حديث اخر رواه الترمذى ( واحب للناس ما تحب لنفسك تكن مسلما ) فمابالك الكلام كان على ناس اعرفهم ومتابعهم زى متابعتى لكل الاعضاء ... وردودى كانت غير عصبيه بالمره وروحى راجعيها ..... غير كده انتى قلتى ان كان فيه ردود قبل كده ؛ هاتيها ليه ؟؟؟؟ العيب ان الضيوف كل كلامها غير منطقى ولا يمت للواقع بصله

و لو جه هتقول مقلب باردو ههههههههه

لا و كمان ردك كان في مشكلة ف الفضفضة قريب انا عارفة أنها تعصب بس انت كنت متعصب اوى

اها عارفة الحديث بس انا باقولك بالراحة شوية بس

هاتلي الكلام اللي لا يمت للواقع ده هو انا هألف

[Lost Pearl]

أسيل نورتي يا حبيبتي ، أمجد معلش بقى بس ضميري

منة ، ربنا يخليكي و آمين يا رب

[براءة طفلة]

ههههههههههههههههه بتجيبوا في سيرتي من ورايا ليه
انا في اي حته تلاقوني ده انا حاسه اني غير متفاعله في المنتدي -_-
يمكن عامله غزو علي 3 4 اقسام كده بس ^_^
ههههههههههه مهو ده اللي معروف عني في حياتي عامة بتكلم كتير وفي الاخر محدش بيفهم اللي بقوله : p
لا بجد ضيفه عسوله ودمها خفيف وبحس انها عاقله كده ^_^
تسلم يا مورشو برنامج حلو اوي

[عاشق متيم]

اقتباس المشاركة الأصلية كتبت بواسطة Lost Pearl و لو جه هتقول مقلب باردو ههههههههه لا و كمان ردك كان في مشكلة ف الفضفضة قريب انا عارفة أنها تعصب بس انت كنت متعصب اوى اها عارفة الحديث بس انا باقولك بالراحة شوية بس هاتلي الكلام اللي لا يمت للواقع ده هو انا هألف

لو جه ضيف ثالث ساعتها هقول ان ده مش مقلب .....
وبخصوص رد فى الفضفضه عشان تعرفى انك بتتكلمى وخلاص
ده الرد
منتديات بنات مصر - عرض مشاركة واحدة - ممكن طريق امشى فيه؟؟؟

وروحى راجعى التوبيك وشوفى بقيه الردود ؛ انا لم اتعصب على الاطلاق .....
فتيجى انتى تقولى تعصب يبقى تأليف ولا ينتمى للواقع بصله ....
========
انتى شخصيه متناقضة
نور عمل توبيك فى النقاش ولم يذكر اسمك فى الاعضاء اللى بيردوا على شكاوى ؛ رديتى وكنتى ذعلانه ومتأثرة ؛ ولما ضاف اسمك حذفتى ردك ورديتى رد تانى ...
ومحمد علاء قال انك كمراقبه ما بتعمليش حاجة ودخلتى بتضحكى وتقولى ده رأيه .
حتى على الاقل لم تردى على النقد ؛ لأ وكمان ضيفة الحلقة القادمة

[Lost Pearl]

هههههههههههههه كويس يعني كلامي مطلعش غلط

نورتي يا جميلة ،،