الحلقه الاولى من ( ضمير عضو ) مع ( جبل عالى )

[morshooo]

بسم الله الرحمن الرحيم

اهلا بيكم جميعا

وأولى حلقات برنامج

( ضمير عضو )

طبعا بعد الخلافات الى فاتت واعتراض بعد الاعضاء على طريقه التوبيك

وموافقه بعض الاعضاء على فكرة التوبيك وطالبو باستمرار فكرته .

واعلنت فى توبيك ان الموضوع كان فى اول ( حلقتين ) مجرد ( هزار )

لكن ليه اسباب وهو معرفه ( رد فعل ) الاعضاء لو شافو ( نقد )

الى حابب اقوله ان تقريبا ( 99% ) من الاعضاء الى اسمهم اتقال واتوجهلهم ( نقد )

محدش فيهم قال الغى الفكرة او اعترض على البرنامج ولكن .

اعتراضهم كان بسبب عدم صحه النقد ودا كان مقصود فى التوبيك

عشان نشوف ( رد فعلهم ) هيكون ايه وكنت متوقع ان ردهم هيكون

( عملى ) يعنى هيدخولو ويكلمو مع الضيف ويقولو انتا حكمت عليه

بناء على ايه ويعرضو وجهة نظرهم .

وعلى فكرة ( دا وارد ) ان ضيف يجى وينتقد عضو اخر

وممكن تكون وجهة نظرة غلط ومش عيب اننا نصلحهاله

ودا برضو ( هدف من اهداف فكرة التوبيك ) .




النهاردة معانا ضيفه مميزة جدا

ليها رئيها الخاص بتختلف كتير

وردودها طويله ساعات كتير برضو

وعلى فكرة لا ردودها طويله والا حاجا بس هى

بتضايق لما بقولها كدا

معانا المشرفه ( المتالقه )

جبل عالى



تعالو نشوف الحوار

وياترى مين ( الاعضاء ) الـ هيتم توجيه كلمه ليهم .




س / فى البدايه اهلا بيكى فى ( ضمير عضو ) ؟

اهلا يامورشو (انت لسه مصمم ع البرنامج؟)

س / مش خايفه لاحسن الاعضاء تعترض عل
ى اسلوبك ونقدك ويقولو دا هجوم على الاعضاء ؟

مش خايفة الا منك ممممم وع فكرة اي حد يعرفني

عارف اني لساني مبيسكتش .... شوريرة عادي بقا .

س / هتتحملى نتيجه كلامك عن الاعضاء وهتبقى مسئؤله عن رئيك ؟

ان شاء الله خير يابني فى ايه هو انا ماسكة سكينة ؟؟

الله الله الله

س / الضمير جاهز عشان يكلم من غير مجاملات والا اى خلافات بينك وبين اى عضو ؟

ان شاء الله مفيش لا مجاملات ولا خلافات الحكاية مش مستاهلة

س / فى البدايه هنبدء بالطاقم ( الاشرافى ) ؟

على بركة الله ...سيري يانورماندي تو ....




س / اولا الاعضاء الـ ( مشرفيين ) بالمنتدى ؟

1 / نور ونار

نور بأمانة لفتت نظري في بدايات دخولها المنتدى ... عقلية قوية
ومثقفة جدا .انا بحب عقلها وقلمها وردودها فعلا

.. نقدي ليها انه مفيش نقد الصراحة
غير ان دخولها قليل الفترة دي يمكن عشان دراستها ... ربنا يعينها بقا

2 / طبيب الهوى

صاحب قلم متمكن جدا ... ماشاء الله
نقدي ليه بقا ... انه بالنسبة للحكم على الأقلام كتير بيكون حاد جدا
والى حد ما تقليدي في نقده ساعات كتير
بيهتم جدا بالأوزان والأبيات والشكل الكامل للعمل الأدبي
ده مش وحش ... بس اعتراضي اننا مش محترفين
ومحناش دارسين زيك ياطبيب فبالراحة علينا احنا غلابة برضو

3 / الرجل المتواضع

بصراحة ... استاذ رفعت انا فهمت انه دارس أزهر ماشاء الله
ليا نقد كبير عليه بقا ... ملاحظة ان مواضيع الحبيبة اللي هجرت
واللي باعت والحبايب اللي خانوا كتير اوي ليه بجد ؟
تاني حاجة هو نقد ومش نقد ممكن يكون حسد هههههههه
ان كتير بتعتذر عن حجات او احاسيس هي الطيبة محبوبة
مقلناش حاجة ... بس مش لدرجة تعتذر كتير بالشكل ده .
وفى الآخر حقيقة حضرتك صاحب قلب طيب جدا وعفوي جدا كمان
اها صحيح بالمناسبة بقا احب اقولك الف الف مبروك على المركز الاول
فى مسابقة نهاية العام ... انا عملت بنصيحتك ومدخلتش مسابقات تاني اهو
هههههههههههه لالالا والله باتكلم جد حضرتك تستحق كل تقدير واحترام




س / ودلوقتى مع الاعضاء الـ V.I.P ؟

استر ياستاااااااار ... الحمدلله كلهم حبايبي ههههههههه

1 / morshooo

مين ؟؟؟ من أولها كده ؟؟ ممممممممم
مورشو ... عنده كاريزما مميزة جدا جدا مواضيعه بتشد الكل
حتى لو خناق بس فى الآخر بيقدر يوصل للكل حاجة معينة
باختلف معاه كتير ومش بيعجبني اسلوبه برضو كتير
بس فى الأخير انسان واثق فى نفسه وعارف هو بيعمل ايه
بس نفسي اقوله كلمة .... ياريت يامورشو الثقة الزيادة دي
خلي بالك لأن ساعات ممكن تخسر حد بيحبك بسببها
والنقد كمان مفروض تعرف شخصية اللى عايز تنتقده
او تعمل فيه حتى مقلب ... لأننا كلنا هنا مش شايفين بعض
فأقل إحساس هيوصل هنصدقه ..فياريت نحاسب على نوع الكلام
وعلى طريقة الحوار على قد مانقدر
خصوصا بقا يعني .... بقالنا كام سنة مع بعض ومع ذلك
لسه في بيننا حساسيات من التعامل ده في حد ذاته عيب فينا كلنا

2 / عاشقه الهدوء

بنوتة عسولة جدا بجد وهادية ومش هادية عفريتة كمان ههههههه
نقدي ليها ... ممممممم مبتحاولش تقرب من حد
يمكن ليها أسبابها بس ياريت تحاولى ياهبة تزودي من مواضيعك
وتقربي من الناس اللي بتحبك وبتنتظر مواضيعك
ربنا يسعدك دايما يارب

3 / الآميرة رودى

الأميرة ... إنسانة خلوقة وعنيدة جدا جدا
نقدي ليها ... ممممم مقلة فى الدخول والشغل على القسم
عارفة ظروفك ياجميل بس فينك بقا ؟؟




س / ودلوقتى مع الاعضاء الى مش فى الطاقم الادارى ؟

اهلا بيهم والله

1 / فرانكو هدوء ملك

يامورشو انت جايب أسماء ناس كلهم ماشاء الله عليهم مفيش نقد
اللى هو يعني
مش عارفة اشغل الشرررررررر هههههههههه
بصراحة فرانكو متعاملتش معاه كتير الا مؤخرا فى بعض
مواضيعه
هادى جدا ورزين وكلامه بيعجبني ....
مقدرش انقد لأن ملوش مواقف تُنتقد الصراحة

2 / فتحى عيسى

أستاذ قدير جدا وصاحب قلم مميز
مقدرش أنقد أستاذ بنتعلم من حروفه وقلمه

3 / كوين ميرو

دي حبيبة قلبي والله بجد ... انسانة بمعنى الكلمة فعلا
نقدي ياكوين ... مممم انقدك إزااااااااااي ؟؟ مش عارفة
بس هي ليها شخصية مستقلة وطابع خاص بيها انا باحترمه جدا
مفيش نقد يا مورشو ...غير اننا عايزينك دايما معانا




س / دلوقتى مع الطاقم الادارى ( مراقبين او أداريين ) ؟ وهيكون اسم واحد فقط ؟ وانتى هتختارى اسم تانى من الاداريين تقولى رئيك فيه ؟

جينا للكلام الكبير بقااااا ممممممم حاضر ربنا يستر

اختيارى :

( الحب الصامت )

ممممم من أولها كده ؟ الحب الصامت
انا مكنتش اعرفه الا مؤخرا برضو وعرفت اتجاهاته السياسية
واحترمتها
هو هادي جدا وف حاله بشكل مستفز ... يعني بيراقب وهو صامت

ياترى هتختارى مين

( ......وردس وسبر (اسماء)......... )

اسماء من الشخصيات القلائل ع المنتدى اللي نشاطها مميز جدا
وصاحبة حضور أنيق وراقي جدا جدا
نقدي ليها .... التواجد القليل برضو ... وقلة المتابعة لقلمها
مهما كانت الضغوط خارج المنتدى بس قلمك له حق عليكي
واحنا كمان لينا حق عليكي ...




س / اخيرا من حقك تختارى اى عضو فى المنتدى وتوجهيله نقد ؟ عضو واحد فقط ؟

ممكن اختار جبل عالى ... بجد بانتقدها كتير جدا جدا
اولا فى ردودها الطويلة ده صحيح ....
ثانيا .. بتتعشم كتير ان في حد فاهمها وبتطلع غلطانة ...
ثالثا .. بتشغل بالها بغيرها كتير وده اكبر عيب فيها ...

س / شايفا ان ضميرك مستريح بعد ارائك الى كتبتيها ؟

الحمدلله راضية جدا جدا كمان

س / لو عضو طلب ان اسمه يتشال هتزعلى انه زعل منك وممكن تغيرى كلامك عنه ؟

ابدا والله وان شاء الله ميكونش حد زعل مني الا انت ...

س / ايه رئيك فى التوبيك ؟ ومع استمرارة والا لا ؟

بأمانة وبضمير جدا جدا ....
المقدمة الأولى للتوبيك أفقدته رونق كبير
وخلت الأعضاء في تحفز لمن سيأتي عليه الدور وينتقد
لكن ان شاء الله يكون في تقبل بشروط عدم المساس بالمحبة والترابط
اللي كلنا بندور عليه ...




دى كانت اول حلقه وعلى فكرة الاعضاء

بيتم اختيارهم عشوائى من خلال قرعه

بعملها وبيتم عرض ( الاسماء ) على الضيف

فممكن عضو اسمه يتكرر فى كذا حلقه

وممكن عضو اسمه مايجيش فى كذا حلقه

الحلقه اعتقد انها حلوة وهاديه اهو

عقبال الباقى

[فرانكو.هدوء ملك]

لا بصراحه ي مورشو برنامج فاق كل شي دايما افكارك جميله ما شاء الله
طبعا استضافتك لشخصيه عظيمه زي جبل عالي ده جعل للمسابقه طعم تاني وردودها كانت جميله ومتشكر لكلامك عني
وبالمناسبه انا صاحب المركز الاول ف مسابقة نهاية العام بس طبعا انا ورفعت واحد حبيبي من زمان
وبالتوفيق دائما ان شاء الله

[دمعه حائره]

جميله الحلقه وانك تذكرى ميزة ونقد ده فى حد ذاته جميل
ونقد بناء بدون تجريح
تسلموعلى الحلقه
وموفقين جميعا يارب

[مِسكُ الشَهادة]

حلقة مميزة وجميلة جدا ً
جبل عالي إنسانة محترمة ولها تواجد مميز
ومواضيع قوية ...رأيها بكل تأكيد يُحترم
لأنه نقد بنّاء إيجابي يسعى للأفضل دوما ً
حلقة رائعة أخي أحمد دوام التميز
ربنا يسعدكم يا رب ...
خالص تحياتي لكم

[Stop Ana Eltop]

الحمد لله اول حلقه طلعت تماااام

واكتر نقد عجبنى جدااااااا نقد جبل ليك يا مورشو :d

انتى انسانه رائعه جداا يا جبل وكلامك كله جمييل

بس فين الشر ماشفتوش كله مدح مدح بس اى حاجه منك حلوه

فى انتظار الحلقه الجايه وربنا يستر

[ابراهيم دياب]

حلقة مميز ورائعة مع الاخت الفاضلة التى احترم ارائها دائما

طرح وحوار اكثر من ممتاز

تحياتى وتقديرى لك

[شاعرة الرومانسيه]

الرائعه جبل عالى

الله عليكى ياقمر واثقه من نفسك

عندك ثبات رائع فى الاجابه

واختيارك لشخصيات جميله

ونقدك البناء دليل على روحك الجميله

انا شخصيا بحبك وبحب نقدك وبستفيد منه

وكتير رأيك بتعلم منه وبحترمه

الجميله الرائعه المحببه لنا جميعا

ولقلبى خاصه دمتى بكل الصحه والسعاده

موفق أحمد حلقه رائعه

[رآقيہ بأخلاقـى]

فعلآ حلقة هادية وحلوة
واجابات جبل عالى كانت مميزة وعقلانية
بحييك على اختيارك مورشو
ودى ~

[عاشقة الهدوء]

حبيبة قلبى جبل عالى عمود من أعمدة المنتدى

بحييكى على النقد وبشكرك جزيل الشكر على النصيحه

ويمكن بجد عندك حق أنا بعيده شويه عن أجواء المنتدى والآعضاء وقلة نشاطى

لظروف دايماً شغلانى لكن بحاول بقدر الآمكان أنى أكون نشيطه وربنا المُستعان

وأرجع وحش زى ما كنت الآول ههههههههههههههه نورتى ياقلبى وأسعدتينا بالحلقه

معاكى ربنا يبارك فيكى ومش يحرمنا منك اللهم أمين مووفق يامورشو أستمر

ربنا يحفظك وأجمل تقييم أحترامى

[Lamees]

حلقة جميلة يا مورشوو
وجبل كنتي جميلة اوي
مزيد من النشاط