قسم اليوميات يشتعل !

[big bốss]

قسم اليوميات غنى عن التعريف ببرامجه التى تاره تضحكنا و تاره تشعل النار و المشاكل و تاره تسعدنا و تاره تعرفنا ما لا نعلمه . - و لكن كثيرآ من الاستضافات لمورشو التى يكون هدفها النقد ، و تحدث مشاكل و نزاعات كثيره تنتهى اما بحذف ردود او غلق توبيك او الى ما يشترى يتفرج - فما رايك عزيزى القارىء فى برامج النقد هل هى بناءه ام هدامه ؟ و هل هنا فى منتديات بنات مصر تفتقر الى كيفية النقد و كيفية تقبل الراى الاخر ؟ ففى بعض الاحيان يصبح النقد كانه هجوم لازع و حاد و فى البعض الاخر يصبح هناك عدم تقبل اراء . - فسياسة النقد تكون لعرض وجهة نظر شخص فى شخص اخر كيف يراه و ليس كيف يجب ان يكون ؟ و هذا ما يقع فيه الكثير و هناك من ينتقد من اجل الانتقاد فقط

[براءة طفلة]

بالعكس احلي حاجه برامج النقد انا مش عارفه الاعضاء اللي زعلوا دول زعلوا ليه؟؟؟؟؟؟
وفي الاخر يقولوا اتكلموا عننا بصراحه!!!!!

الحلو ف برامج النقد انها بتبينلنا عيوبنا علشان نحاول نصلحها
وكلهم بيقولوا لازم الاعضاء المستضافين يلتزموا بالنقد البناء الغير جارح الكلام ده صح وكله بس انا شايفه ان ال3 حلقات اللي فاتوا كانوا نقد بناء غير جارح زي مبيقولوا يعني

[big bốss]

اقتباس المشاركة الأصلية كتبت بواسطة براءة طفلة بالعكس احلي حاجه برامج النقد انا مش عارفه الاعضاء اللي زعلوا دول زعلوا ليه؟؟؟؟؟؟ وفي الاخر يقولوا اتكلموا عننا بصراحه!!!!! الحلو ف برامج النقد انها بتبينلنا عيوبنا علشان نحاول نصلحها وكلهم بيقولوا لازم الاعضاء المستضافين يلتزموا بالنقد البناء الغير جارح الكلام ده صح وكله بس انا شايفه ان ال3 حلقات اللي فاتوا كانوا نقد بناء غير جارح زي مبيقولوا يعني

انا معاكى فى الى قلتيه

بس اوقات الناس بتأخد فكرة النقد تصفية حسابات

اما فكرة النقد فى حد ذاتها شىء مقبول ولا يمكن الاستغناء عنه

لانه مهم جدآ نعرف كيف يران الاخرون

شكرآ لرايك براءة طفله

[morshooo]

من اهم مميزات قسم اليوميات

الى بيحصل فيه من خلافات ومشادات بين الاعضاء

لو قسم اليوميات زى اى قسم تانى كله بيدخل يقول

( موضوع جميل ) و ( تسلمو ) ( ومجهود مميز )

مكنش هيبقا ( يوميات الاعضاء ) .

بخصوص توبيك النقد تفتكر لما اجى اقولك انتا يانور

مش شغال فى قسمك او قسمك مهمل الفترة دى

او مثلا ردودك سطحيه .

دا هيزعلك فى ايه مش يمكن لما اقولك كدا

نشاطك يرجع او هعكسها لو انا بقول كدا

ودا مش حقيقى فيها ايه لما تدخل تصححلى وجهة نظرى دى

وتقولى لا انا شغال والقسم ماشى كويس والدليل كذا وكذا وكذا

دا النقد البناء لكن .

محدش هيدخل يقول دا نور دا ابن كذا وكذا وكذا .

الموضوع بس اخد شكل كبير وخلافات لاننا مش واخدين

على النقد واخدين ان كل عضو فينا حلو وجميل ونشيط

واحسن عضو فى المنتدى .

[Reem♡A|❀]

اقتباس المشاركة الأصلية كتبت بواسطة براءة طفلة بالعكس احلي حاجه برامج النقد انا مش عارفه الاعضاء اللي زعلوا دول زعلوا ليه؟؟؟؟؟؟ وفي الاخر يقولوا اتكلموا عننا بصراحه!!!!! الحلو ف برامج النقد انها بتبينلنا عيوبنا علشان نحاول نصلحها وكلهم بيقولوا لازم الاعضاء المستضافين يلتزموا بالنقد البناء الغير جارح الكلام ده صح وكله بس انا شايفه ان ال3 حلقات اللي فاتوا كانوا نقد بناء غير جارح زي مبيقولوا يعني

ع فكره ِ مافيش حد زعل اللى بيزعل مش بيزعل ان حد بينتقده اللى بيزعل بس لو فكره غلط عنه فبيرد ع اللى بينقده دآآ عادى جدآآ
بس الرد يختلفف فى ناس عاوزه اللى يتكلم عنهاا كله حلو حلو حلو حتى لو فى عيب بردو يجاملوآ فيه ومش يقولوآ , وناس زى ما بتقولى يعرف عيوبه و يصلح منهاا
وفى اس تزعل لو حد قال عنه حاجه هى مش موجوده فييه بس دى الفككر
والبرنامج اصلا تُحففه بجد

[دمعه حائره]

النقد مش غلط طالما حاجه موجوده وبدليل مش تهيئات
وضرورى يكون بأسلوب كويس حتى لو متأكد منه
مش تصفيه حساب وتشويه صورة الناس
والاسلوب الكويس اللى بيخلى الاخر يتقبل النقد دون زعل
لكن ماتجيش تواجهه بنقد حاجه مش فيه ولاعارف تجيب دليل عليها
او تقوله اصل مش معقول تكون مابتغلطش
وتطالبه يتقبله؟ ضرورى تحصل مشكله واللى قدم النقد بيكون فى موقف
المهاجم دون وجه حق
احنا بنتعامل بكلمات بنقراها مش بنيه نحكم عليها

[كوين ميرو]

لاننا وببساطه نفتقر لثقافه النقد

لا الناقد ولا المتلقى عندهم الثقافه دى

يعنى ببساطه ممكن اوصلك نقد او عيب فيك بس بطريقه

تقدر انت تتقبلها ومتكونش جارحه

والمتلقى للنقد لازم يكون عنده صدر رحب علشان لو النقد صحيح يغير من نفسه

ولو النقد مش صحيح يعرف يرد النقد بدون عصبيه او نرفزه

بس احنا بنشخصن كل حاجه معندناش موضعيه

بس انا شايفه الخلاف اللى حصل فى اليوميات خلاف صحى

علشان نحاول نغير ده ونمى عندنا ثقافه النقد سواء ناقد او متلقى

تسلم ايدك يانور

تحياتى

[انجي_1]

بص يا نور النقد ده هيتقال على حسب نية كل شخص

ممكن حد ينتقدك مش للموضوع نفسه او عشان الفكرة

هينتقدك بس لانه بيكرهك ( ده نابع عن سوء نية واكيد غلط ) هيولد المشاحنات ومشاكل

وفي النقد البريء

وده ان الانسان يقول رايو ف موضوع او فكرة او رد عن طيب نية مش وراها اي حاجة ثانية

وكل نقد حسب نية صاحبه

واكيد النقد جميل يخليك تعرف راي الناس فيك او ف فكرتك
وده هيخليك تغير من نفسك ومن افكارك
انا عن نفسي اتقبله بكل روح رياضية

يسلموو

[ساحر الأحزان]

هو حد منع النقد

بسى النقد بيكون على شىء ظاهر وواضح

مجيش انتقد وخلاص

يبقى اية فايدة النقد

انت كدة حتخش تحت تصفية حساب وشخصنة

عايز تنقد انقد

بسى بحساب ويكون نقد بناء

وليس هادم

[big bốss]

اقتباس المشاركة الأصلية كتبت بواسطة morshooo من اهم مميزات قسم اليوميات الى بيحصل فيه من خلافات ومشادات بين الاعضاء لو قسم اليوميات زى اى قسم تانى كله بيدخل يقول ( موضوع جميل ) و ( تسلمو ) ( ومجهود مميز ) مكنش هيبقا ( يوميات الاعضاء ) . بخصوص توبيك النقد تفتكر لما اجى اقولك انتا يانور مش شغال فى قسمك او قسمك مهمل الفترة دى او مثلا ردودك سطحيه . دا هيزعلك فى ايه مش يمكن لما اقولك كدا نشاطك يرجع او هعكسها لو انا بقول كدا ودا مش حقيقى فيها ايه لما تدخل تصححلى وجهة نظرى دى وتقولى لا انا شغال والقسم ماشى كويس والدليل كذا وكذا وكذا دا النقد البناء لكن . محدش هيدخل يقول دا نور دا ابن كذا وكذا وكذا . الموضوع بس اخد شكل كبير وخلافات لاننا مش واخدين على النقد واخدين ان كل عضو فينا حلو وجميل ونشيط واحسن عضو فى المنتدى .

بس فيه كتير مش بيعرف ينتقد

واخد العمليه هجوم او تشويه صوره او تصفية حساب

و دى المشكله الى مخليه الدنيا مولعه نار

و اختلافات فى اختلافات

و اخر توبيك النقد دا بيزعل من دا

و مفيش حد مستفيد حاجه

اما لو فيه ثقافة تقبل النقد هنا هيبقى الموضوع له تاثير أيجابي