عروستى مش حلاوه

[ويبقى الأثر]

كل سنه وانتم يارب طيبين بمولد نبينا الهادى الامين صلوا وسلموا عليه اجمعين وادعوا يرزقنا شفاعته يوم الدين شوفوا عروستى هديه م الغاليين تذكار بمولد رسولنا الامين جبهالى إبن اختى يحرسه الله من العين لجل أفرح وادعيله من قلبى دعوتين شوفتوا عروستى بجد لو هتكلم عنها كموقف جعلت السعاده تدخل لقلبى لما جت مفاجأه من إبن اختى ولو قلتلكم إن عمره يادوب 7 سنين شافها معروضه فى محل وقرر انه يشتريهالى هو ومامته عشان يفرحنى أد ايه سعادتى كانت بيها لان معناها كبير عندى أوى لما جتنى كنت بكلم أموله حبيبة قلبى وعطيتنى فكرة ان اصورها وانزلها لما شافت فرحتى بالموقف واتكلمنا كمان لما كانت العروسه زمان مصنوعه من الحلاوه أد ايه كانت جميله وكان ليها فرحه جميله فاكره ان جتلى مره عروسه حلاوه ولما اتكسرت أكلوها أخواتى زى كده قبل ماحد فيكم يقول بدعه أو مش بدعه اتكلمت كمان فى النقطه دى معروف ان مظاهر الاحتفال بالمولد النبوى بدعه وإنه ظهر من عهد الفاطميين لما كانو بيستخدمو الاعياد للتأثير على نفوس المصريين لجذبهم للمذهب الشيعى وكانو بيستخدمو الاحتفال بالمولد النبوى ترفيه عن الطبقات الشعبيه بداية صتع العروسه الحلاوه دى بقا نسبة لزوجة الحاكم بأمر الله لما دعاها مره تخرج معاه للاحتفال بالمولد النبوى شد انتباه الناس زينتها ولبسها رداء أبيض وكانت واضعه على راسها تاج من الياسمين من هنا بدأ صناع الحلوى برسم قالب الاميره وزوجها الحاكم على حصانه وصنعوهم من الحلوى واستمر الاحتفال بنفس الطريقه للأن بالمولد النبوى السؤال بقا انناوالحمد الله فى مصر نتبع المذهب السنى ليه لغاية دلوقت مستمريين بالاحتفال بالمولد النبوى بنفس الطريقه لازم العروسه والحصان !!! دى بقا الحكايه كل سنه وانتم طيبين ومش تنسوا الصلاه على نبينا محمد خاتم الانبياء والرسل أجمعين

[واد حبيب]

عقبال كده عروسه العريس

[ويبقى الأثر]

اقتباس المشاركة الأصلية كتبت بواسطة واد حبيب عقبال كده عروسه العريس

أمين يارب
بس مين العروسه والعريس دول
عقبال ماشوفك انت عريس وتفرح أختك بيك إن شاء الله
ونجيب حصان كده لأبنك فى المولد

[جبل عالي]

بصراحة من المناسبات اللي مبنحسش بيها إلا فجأة

بجد لو دورنا مين حافظ الشهور الهجرية بالترتيب

ولا حتى عارف الشهر اللي احنا فيه ايه اتحداكي


حقيقي في حجات كتير فايتة علينا ومهمة لأقصى درجة

اما بخصوص البدعة فطبعا ده كلام معروف

ومشروح كتيييييييييير ومؤمنين بيه اكيد


تسلمي حبيبة قلبي لروعة الموضوع

ودي روحك انتي ياقلبي انا بس شاركتك وحبيت بجد

نتشارك كلنا ...... كل سنة وكلنا بخير ومتجمعين

قلب واحد محناش متفرقين ياااارب

[أحمد الجمل]

موضوع أكثر من رائع يا منة
كل سنة وانتي طيبة

[ساحر الأحزان]

مناسبة جميل

بنسعد وبنفرح فيها

عروسة مش حلاوة

دى نقاوة وشكلها ظريف وجميل

[Stop Ana Eltop]

عروستك جمييله جداا وكفايه المفاجئه حتى لو هى مش حلوه مجرد التقدير يكفى

اما حكاية العروسه والحصان الناس بيشتروها مجرد تفريح لابنائهم مش احتفال على طريقة الشيعه اعتقد انهم لو كانوا عارفين اصل الموضوع ممكن مايحتفلوش بالطريقه دى

تسلى قيثارة وكل سنه وانتى طيبه

[حالمة باميرى]

العروسة حلوة اوى وكفاية انها هدية
كل سنة وانتى طيبة
بس انا بحب الحلاوة هههههه

[واد حبيب]

اقتباس المشاركة الأصلية كتبت بواسطة قيثارة الصمت أمين يارب بس مين العروسه والعريس دول عقبال ماشوفك انت عريس وتفرح أختك بيك إن شاء الله ونجيب حصان كده لأبنك فى المولد

انتي العروسه
مش عارف مين العريس بقا

انا خلاص دلوقتي بلعب في الوقت الضايع
كلها شهور قليله كده واكون دخل قفص الاتهام قصدي الزوجيه

[العاشق الذى لم يتب]

كل سنة وأنت طيبة
أختى منة
وكل سنة وابن اختك واختك طيبين
وان شاءالله
قريبا ابنك يهديلك عروسة المولد
وكل سنة وجميع المسلمين بالف خيروعافية
وكمان كل سنة والأخوة النصارى بالف صحة وعافية
نقول لهم فى عيدهم
كل سنة وانتم طيبين
أعياد ومواسم خيرعلى مصران شاءالله
وكل المصريين
شكرا لك منة
على العروسة الحلوة
وعلى روعة الاحساس بتلك الهدية
وماعرفتينابه من تاريخ
وعادات الفاطميين
تقبلى تحياتى وودى