حرامي عنده شرف ^ــــــ^

[Lamees]

السلام عليكم ورحمة الله

اكتب موضوعي هذا في بداية عام 2014
يارب يكون عام سعيد علينا وعلى الكل
ولكن هنا سأتحدث عن العام الماضي
اللي مشي من شوي ده وخلص
اقول ايه بس داهية لا ترجعه
سنة شؤم وكل من تسأل حد هيقولك كده
وكل واحد ليه ذكريات غبية في السنة دي 2013
انا بئاا ذكرياتي الغبية فيه
لسه طازة يعني قبل ما تنتهي بساعات قليلة
يعني في صلاة العشاء وتحديداً الساعة 7 بالدقيقة
عملت فيها شجيع السيما وقلت انزل اشتري حاجات من السوبر ماركت
وعليت صوتي بئا في البيت يلا يا جدعان اللي عايز حاجة من بره يا جدعان
قبل ما يعقل يا جدعان
المهم جمعت كده شوية فلوس يطلعوا 146 جنية وخدت الموبيل ونزلت
أشتريت حاجات بـ 29 جنية يبئاا الباقي كام 117 جنية
وده كان نصيب الحرامي مشيت لقدام شوية رايحة السوبر ماركت
وفتحت المحفظة عشان اطلع الموبيل المهم لقيت عندي رسالة
تهنئة بئا بالسنة الجديدة وكده
ومن جمال الرسالة فرحت بيها وقفت قريتها مرتين
ولسه بقفل الموبيل وهرجعه تاني للمحفظة ظهر ابن .... وخطف الأتنين
الموبيل والمحفظة رحت لفيت راسي وللخلف در
ورجعت البيت بخفي حنين ههههههههههههه
المهم حاولت اتصل على تليفوني والحرامي عشان غشيم معرفش يقفله
بعد كذا رنه فتح ورد عليا انا بقى عطيته كلمتين محترمين
راح ضميره صحي وقالي هرجعلك الموبيل بس الفلوس لأ
قلتله ماشي موافقة رجعه عشان اباركلك في الفلوس
مش بقولكم غشيم ميعرفش انه معاه سامسونج جلاكسي
اتفقنا انه بكره الظهر على الساعة 1 هيسبهولي في مطعم جمبنا وحلف بشرفه ههههههههههههههههه
السؤال بئاا تفتكروا هيجيبه فعلاً
الظاهر صعبت عليه لما قلتله اني اتسرقت من كام شهر برضه
وقفل التليفون أخيراً وانتهى العام ومعاه التليفون
نفوخي يا عالم هو مفيش غيري هنا بيتسرق ولا أيه
عوضي على الله

[حَرفُُ هجآءّ]

ههههههههههههههه
قال حرامى عنده شرف
يابنتى دول مش عندهم مبدء اصلا
وخلاص بئا ربنا يعوض عليكى

[mm_mm]

قالو للحرامى احلف قال جالى الفرج
لو مستنيا ان الحرامى يجرع الفلوس
فالاسهل انك تستنى مرسى يرجع الحكم

[Lamees]

اقتباس المشاركة الأصلية كتبت بواسطة حَرفُُ هجآءّ ههههههههههههههه قال حرامى عنده شرف يابنتى دول مش عندهم مبدء اصلا وخلاص بئا ربنا يعوض عليكى

مش كده بردوا يعني مرحش المطعم بكره
وخلاص بئاا ربنا يعوض عليا
بس كفاية اني بدعي عليه
نكد عليا الله ينكد عليه

[Lamees]

اقتباس المشاركة الأصلية كتبت بواسطة mm_mm قالو للحرامى احلف قال جالى الفرج لو مستنيا ان الحرامى يجرع الفلوس فالاسهل انك تستنى مرسى يرجع الحكم

مهو قال مش هيرجع الفلوس لكن بيقول ال هيرجع الموبيل
تفتكر في حد ممكن يكون عنده صدق ولو مقدار ذرة
بس انا بفكر اروح المطعم يمكن يصدق
في الحالة دي بجد ممكن ترجعلي ثقتي في الناس
مقدار فسوة او فسوتين

[عاشق متيم]

هو فى حرامى بيرجع حاجه سرقها !!!!!!!!
ربنا يعوض عليكى يا رونى

[mm_mm]

بصى هيحصلك معاكى شىء من تلاته
الاول ان الموبيل هيكون مقفول
التانى انه يرد عليكى ويقولك غيرت المكان وروحى الحته الفلانيه ولما تروحى هيقولك غيرت المكان وروحى الحته الفلانيه ومن مكان لمكان لغايه لما يقولك ضحكت عليكى
التالته بقا انك تروحى ويسرقك تانى

[جبل عالي]

ياحبيبة قلبي ربنا يعوض عليكي

وبجد خاتمة بايخة للسنة فعلا

ربنا يحميكي ويعوضك خير

وزي ماقالولك متنتظريش انه يصدق فعلا ويرجع لك الموبايل


كل سنة وانتوا طيبين وبصحة ويارب تكون سنة مقبولة

[ღ✿جومانا✿ღ]

ربنا يعوض بأه

[Lamees]

اقتباس المشاركة الأصلية كتبت بواسطة عاشق متيم هو فى حرامى بيرجع حاجه سرقها !!!!!!!! ربنا يعوض عليكى يا رونى

رأيك كده يا عاشق يعني مرحش المطعم