حلقة استثنائيه من حوار خاص ومعانا ( ۩۩ elMagic ۩۩ )

[عاشق متيم]

بسم الله الرحمن الرحيم ليله امس كان معايا مورشو و نور واتكلموا على الخلاف اللى حصل بينهم وبين الماجيك ؛ فكان لازم يكون معايا الطرف الاخر لانه له حق الرد وهو كان ضيفى فى الحلقة الثانيه من حوار خاص معايا العضو المتميز ۩۩ elMagic ۩۩ اهلا بيك يا احمد وانت طبعا ليك حق الرد بس قولى الاول اخبار المذاكره والامتحانات ايه وعملت ايه فى الثلاث مواد اللى فاتوا ؛ وانت عندك امتحان الخميس الجاى ؟؟ اهلا بيك يا عاشق اكيد طبعا لازم هأرد اصل إستحاله الغلطان هيجي يقولك غلطان كده ويعترف بخطأه ! وبالنسبالي انا مش هأقولك إني مش غلطت لان انا مبخافش ولا بيهمني حد بس انا خطأي علشان إتعصبت وجيبت اخري من ردود الفعل المستفزه اللى كانت بتحصل وبالتالي بتبقى ردود فعلي كماان جامده وانا اول واحد مبكونش راضي عنها بس انا مؤمن إن كل واحد وله أخر وإستحاله أكون زي دمعه وساحر فى الهدوء الناس دي نادره اوى والله ومحدش يقدر يوصل لهدوءهم دا ويارب نبقي هاديين كده ولو بدرجه قريبه منهم بالنسبه للامتحانات يا عم المتابع مفيش حاجه بتفوتك انت الحمد لله عدوا ع خير اهى الماده الجايه يوم الخميس وانت اكيد عرفت من الجدول يوم الخميس دا وبعدين اللى بعدها الخميس اللى بعده واخر ماده هتبقى الاثنين ان شاء الله يوم 20 ونخلص بقآ دا وجع دماغ ي عم .. إدعيلنا 2- ايه حكايه المعجبين معاك والرسائل من رقم غريب ؟؟ ههههههههههههه حتى دي كمان وصلتلها والله يا عم عاشق مش عارف لسه ايه القصه يمكن الامتحانات شاغلاني شويه بخصوص الموضوع دا 3-فين الماجيك وفين نشاطه ؟؟؟ الماجيك نشاطه بيظهر وقت ما تكون فيه فكره بأعملها لان كل مواضيعي بتكون حصريه بإسمي او فيه حاجه جديده فى المنتدى تستاهل المتابعه .. وبالنسبه للفتره دي باعترف إني مقصر طبعا بالنسبه للشغل الاشرافي والتفاعلي وإنما الشغل الرقابى فا دا الى حد كبير بأتابعه ودى بشهادة الوسام التكريمي اللى اخدته من اسابيع ماضيه بس انا اتفقت من مشرفة من اقسام الابداعات ع مسابقه هانظمها جواا بعد الامتحاناات فا هاتابع دا إن شاء الله بعد ما اخلص إمتحانات وهأبقى اشوف بقى اعمل ايه ... ربنا يسهل بقآ 4- مورشو كان النائب بتاعك والعلاقه كانت جيده ؟ بس حصل خلاف بعد كده ومورشو قال السبب انك استغليت صلاحياتك وحذفت وقفلت توبيكات وده حصل معاه ؟ اه كانت كويسه .. بص يا عاشق مفيش حاجه بتتعمل بدون سبب وانا إستحاله أفكر زي ما بيفكروا وإنى بأستغل صلاحياتي عليهم طب سيبك من نور ومروشو إسأل اى حد تاني وشوفني بأستغل صلاحياتي ع حد ولا لاء ؟ فا كون إن دا حصل فا اكييد بوجود سبب وحوارات الغلق والفتح فا دي حاجه إتعودت عليها من مروشو إن اى إجراء بأعمله ألاقيه لازم يرجعه تاني والغريب إنه مبيعملش دا مع الناس التانيه يعني الحكايه زي ما سبق وقولت قبل كده فى موضوع مش فاكر فين والله إن القصه مش قصة شرط عدم تعدي مراقب على قسم اليوميات لا دي قصة عدم تعدي مراقب معين على قسم اليوميات ! نرجع لحكايه الغلق والفتح فا والله العظيم مش فاكر دا امتى بالظبط ودمعه هى اللى فكرتني به لما كنا بنتكلم بخصوص الحواراات دي اصل انا بانسي بسرعه ومبحطش حاجه فى دماغى لان دايما بأقول إن دا منتدى فى الاول والاخر وبالتالي مفيش حاجه مستاهله إننا نتقمص ونزعل .. بمجرد ما بأسجل خروج من المنتدى بأفصل تماما من حوراات المنتدى لان المنتدى دا فى الاول والاخر مكان ترفيهي .. ومروشو كل الطاقم الاداري بيتكلم معاه وهو مبيعملش غير اللى فى دماغه واخر شكوي نزلها طارق اتخنق من كله وقفل الموضوع .. 5- دخلت توبيك فى النقاش وكان حوار بين ياسر ومورشو وقلت اعضاء فكسانه ؛ شايف ان الكلمه دى تنفع ان تخرج من مراقب عام و حتى فيها استهزاء بالاعضاء ؟؟ هههههههههه فكرتني انت بحوار فكسانه دا والمشكله إن الموضوع دا ضايق مروشو مش ياسر انا بدأت أحترام زياده ياسر من ساعتها والله بص يا عاشق يعني لو خرجت كلمه وسط كلام كتير مكتوب فا كون إنها معجبتش حد معين فا دي حاجه تخصه المهم إنها معجبتش ناس تانيه معاه .. مش دي المقوله بتاعته بردوا فى اليوميات ويقولك الاغلب موافقين على الموضوع يبقى مفيش مشكله ويعمل دي كمان ^ ^ وبعدين دلوقت هو مضايق من الكلمه يبقى الراجل واجب عليه يخش يكلمني يا احمد انا مش عاجباني الكلمه دي وانا والله لو كنت كتبتها فا دا عشم إنت بتتكلم فى 4 سنين فى المنتدى موجودين فيه ومع ذلك كنت هاخش أشيلها لكن دا يدخل الموضوع ويقولهالي ويقولي انت اللى فاكس ومش عارف ايه ! طيب ي عم انت ليك حق تقوم تغلط نفس الغلط انت كمان طب هتاخد حقك ازاى دلوقت من بعد ما انت كمان غلطت وبعدين كلم دمعه ودمعه جات كلمتني وقولتلها تغيرها لـ ملهاش لازمه الحكايه مش مستاهله اصلا وبس خلاص ادى الحوار دا إن مكنتش نسيت حاجه لان والله العظيم ما فاكر السيناريو اللى مشي بالظبط .. وفى الاخر علشان دمعه اللى دخلت غيرت الكلمه فا يقول المراقب مش عارف بيعمل ايه ومش فاهم حاجه ومش عارف ايه ويعمل من الحبه قبه واصلا لو شاف الزوار بتاعتي انا ودمعه هيلاقيني باكلمها بهدوء وبهزار وانا وهى واحد وهى اللى قالت كده كمان انا مبيفرقش معايا مين يتخذ الاجراء ولا بحط فى دماغي إن لو دمعه او اى اداري تاني عمل حاجه او صحح عليا فا دي حاجه مش هتقلل مني إحنا مش فى مقر حكومي هنااا دا منتدى يا جدعاان والمفروض كلنا طاقم واحد واللى يقدر يعمل حاجه بيعملها ومش لازم ندقق على الواحده ! 6- موضوع لنور فى النقاش وكلمته زوار وطلبت حذف اسم القناه ونور شاف انه عادى فوصل لخلاف بينكم وحذفت رسائل نور وكتبت سبب الحذف (..... ) انا كعاشق اضايقت لما شفت سبب الحذف ؛ فنور رد عليك بالمثل فاعطيته مخالفه ؟؟؟ سؤال مكتوب بصيغه غلط لانه اخد المخالفه مش علشان كده خالص دا دخل فى موضوعه التاني وحذف ردي وكتب سبب الحذف شتيمه فى حقي مش هينفع اقولها ودى هى السبب الرئيسي للمخالفه ! ولاحظت ان ساحر شال المخالفه قبل معادها والراجل حتي شالها من غير ما يرجعلي مش هأتدخل بقآ اقوله ايه ساحر اللى عملته داا فين الاحترام فين التقدير واعمل مشكله كبييييييره من حاااجه صغيره اد كده ! فى الاول والاخر زي ما قولت بيبقي فيه عشم او محبه فا كون إن ساحر عمل كده فا الراجل تلاقيه تقديرا ل نور انه مشرف مش صغير شالهاله وانا كمان ماتكلمتش قولت نور فى الاول والاخر حد قديم وله وزنه واسمه واسمع بقآ الكبيره لاقيت لوست دخلت وعكست المخالفه يعني بقت من نور عليا اناا وعرفت من دمعه انها كانت بس عايزه تعدل سبب المخالفه ومتعرفش يعني ايه عكس مخالفه لا هى ولا دمعه بس جات كده معاها وانا معترف إن كاتب السبب صعب بس انا قولتلك سبب إعطاءه ليها ! .. يعني المخالفه تتعكس عليا بقصد او دون قصد مش هتفرق وكمان تتشال قبل معادها وانا أكبر دماغي لا روحت اتخانقت مع لوست ولا امجد هاتلي مراقب فى الدنيا يستحمل حاجه زي دي تتعمل ضده انا عارف اللى بقولهولك كويس ! ولو هنقول الحكايه اللى حصلت بإختصار بخصوص موضوع نور إن موضوعه فى النقاش لما شوفته لاقيت إن الافضل يشيل إسم القناه الغير اخلاقيه المكتوبه ووضحتله وجهة نظري فيها وفى الاخر يقولي بلا يخصني بلا ميخصنيش ويتحداني ويقولي مفيش حاجه هتتغير واللى عندك اعمله والمشكله إن مش عارف يوضح وجهة نظره ومعرفش يرد على كلامي والحوار كله موجود ! وهنا دلوقت مفيش غير وجهة نظري انا بس اللى شايفها صح وبالتالي طبيعي لازم بانفذها لانه معرفش يقنعني بكلامه لانه اصلا مردش عليه كما يجب .. وبعدين يروح ل دمعه ودمعه بالمناسبه كانت معايا فى وجهة نظري ولاحظت كمان فى الشكوي اللى عملها إن وردس وسبر كمان معايا .. انا مبعملش حاجه من دماغي علشان لو كنت كده فعلا كنت ريحت دماغي من الاول ودخلت عدلت الموضوع من غير ما أرجعله ولكن تقديرا له دخلت كلمته وفهمته الحوار وهو يدخل يعدلها بنفسه وهو المفروض انه مشرف كبير وكان لازم يكون اعقل من كده ويفهم كلامي ويشيل اسم القناه اصل مينفعش قناة غير اخلاقيه اسمها يكون موجود هى والتردد بتاعها والناس كده تدخل تشوفها ! فيه ناس هيبقى عندها فضول عايزه تشوف القناه وناس لسه صغيره هيشوفوا القناه طيب والمنتدى ليه يشيل ذنب الناس دي ! انت طالما مضمون موضوعك واصل من خلال كلامك يبقى مفيش دعي لذكر إسم القناه .. 7- بعد الحوار الاخير ومورشو قدم شكوى وانت دخلت رديت وقفلتها واتذكر ان امجد كلمك وقالك انت مش عندك امتحانات خليك فى امتحانات ركز فيها وانت قلت خلينى اتسلى شويه ايه التسليه فى الموضوع ؟؟ ومينفعش ان حد يقدم شكوى وتقول لامجد كبر دماغك انت كده بتثبت صحة الكلام اللى بيتقال ان اللى بيقدم شكوى مش بياخد حق ولا باطل وان قسم الشكاوى مالوش لازمه ؛ ومش شايف ان مينفعش يتقدم شكوى وانت طرف فيها وتدخل ترد وكمان تقفلها ؟؟؟ يعنى ينفع تكون الخصم والحكم فى نفس الوقت ؟؟؟؟ بص لو هنتكلم عن الحوار الاخير بتاع ضمير عضو فا كان اسلوبه في الشكوي مش كويس وهزقني انا ! ومع ذلك انا مقفلتهاش والله يا عم دا دخل يقول كلام من دماغه ولما دخلت رديت لاقيت حد من الرقابه رد عليا ورديت عليه وفى الاخر كان كلامي انا صح لان الاستضافات كانت بتتم بدون علم الاسماء اللى فى دايرة النقد الغريب إن لاقيت المراقب يقولي دى اول حلقتين هزار ! طيب انا هأمشيها هزااار ولكن ليه مقالش إن من الحلقه اللى بعدها هيكون جد ومفيش كلمه واحده فى الموضوع بتقول إنه هيستأذن الناس اللى هيجيب إسمها قبل ما ينزل الحلقه والحوار فى الموضوع لاقيته هيسخن دخلت قولت جوا إنه يفضل تاخد إذن العضو اللى هتجيب إسمه قبل ما تنزل موضوع النقد علشان لو اى حد طلب بحذف إسمه فا هيتم عمل دا .. موفقين بنفس الاسلوب داا دخلت لاقيته بيقولي مش عايزين حد يخش يفتي !!! وبعدين بقآ انا خلاص هأتكلم جد جيبتله قانون من قسمه وحطيتهوله علشان مش يتكلم تاني لاقيت فى الاخر معدل وشايل كل كلامي !! مش تفكرني يا عاشق علشان انت شايف الحوار من بره والتفاصيل مش واخد بالك منها والشكوي بتاعته اللى اتعملت طارق اللى قفلها فى الاخر مش انا والله حتى روح اسأله وبالمناسبه قبل ما تنزل الحلقه الجديده بتاعت ضمير عضو نزل سجل أسماء فيه الاعضاء علشان ياخد موافقتهم الحوار جاب نتيجه يعني : D 8- مورشو قدم طلب بترك الاشراف وانت رديت ؟ مش شايف ان الاداره هى المنوطه بقبول او رفض طلبات ترك الاشراف حتى لو كان السبب بسبب اختلاف مع مراقب اللى هو انت ؟ الاداره هى اللى ترد ؛ هل شايف ان كان ردك ضرورى وان ردك هيزود الاحتقان ؟؟؟ اكيد انت مشوفتش ردي جواا فى الشكوي ! والله العظيم انا ماقولت كلمه واحده بخصوص تركه للإشراف لان عارف ايه يخصني وايه ميخصنيش دا دخل يقول كلام بخصوص خلافه مع اسيل ودمعه قبل ما تختفي لاحظت ان ردودها صعبه فى الشكوي دي لانها جابت اخرها فعلا من عدم الاحترام والتقدير اللى مش موجود ويمكن دا سبب إختفاءها الكام يوم دول ودي بالذات متستحقش كده ! ولاقيت لوست كمان بتذكر إسمي جواا وانا مش فاهم القصه لان الشكوي نزلت يوم 30 او 31 تقريبا شهر 12 وانا دخلت المنتدى بعدها بأربع أيام كنت مشغول بالامتحانات وجايب اخري انا كمان فا دخلت اتفاجئت بالشكوي دي ومش عارف انا عملت ايه فيها ! ودخلت قولت لو الحوار دا يخصني مش عايز اعرف الحكايه ! بس ساحر دخل حذف الرد بتاعي قالي الحوار خلص له تلت ايام يا احمد بيني وبينك يا عاشق إتضايفت شويه لان واضح إني كنت طرف فيه رغم اني مش عارف عملت لمروشو ايه تاني بس كان لازم احط رد كده ليا وكلمت ساحر فا قالي سيبك وكلام زي دا فا انا كبرت اكيد مش هاخش اعاند وارجع الرد تاني الحكايه مش مستاهله .. 9- فى توبيك نور فى قسم المشرفين دخلت رديت ونور اعتبره تريقه ؛ مش شايف ان ردك ده هيزود الاحتقان بدليل ان نور اضايق منه ؟؟؟ والله يا عاشق انا ما قصدت حاجه منه الحكايه دي حقيقيه انت ممكن مكنتش موجود ساعتها إن شوية اعضاء دخلوا عملوا غربله عندي فى الزوار وكان منهم نور وانا علشان اتغربلت فا كان لازم نرد رد جاامد فا صممت رمزية وتوقيع وعدلت كل الرمزيات والتواقيع بتاعت كل اللى دخلوا غربلوا عندى وحطيت الرمزيه والتوقيع دول ليهم كان يوم جاامد ع فكره ونور اتخض من الحوار دا وعمل شكوي وافتكره جد وفعلا حد دخل عمل هكر لملفه وكلام من دا بس بعد فتره قولتله الحواربتاع الغربله وان دي قرصة ودن ومواضيع نزلت فى اليوميات وكان يوم دمه خفيف كله هزار وبالمناسبه ادى الرمزيه والتوقيع اللى ركبتهم لكل الاعضاء اللى كانت جوا عندي وقت الغربله من اعضاء عاديه لـ مراقبين وتحديدا لوست الباقيين مسالمين Magic Hacker ... Different Design واللى خلاني ارد هو كلام ساحر لانه هو اللى جاب سيرة الموضوع وانا لما رديت اقتبست كلام ساحر بس لاقيت نور دخل يقولي ما تحترم نفسك ! بس انا مردتش تاني عليه ومدخلتش تاني الموضوع دا وساحر عدل رد نور وشال منها الكلمه دي وبعدين هو اللي عايز يشوف انها تريقه ولكن هي مش تريقه .. بس طالما هو خلاص بقى بيتقمص فا مش هنهزر معاه تاني .. .. 10- هل الماجيك بيستخدم صلاحياته بمزاجه وضد من يختلف معه فقط ؟؟ تقريبا السؤال دا جوابت عليه وسط كل الكلام اللى فات وقولتلك اسأل حد تاني غير نور ومروشو وشوف انا بأستخدم صلاحياتي على حد ولا لاء .. انا لما مسكت وتابعت صفحات مكشوفه فى غياب رودي ونزلت تنبيه كان على كل رواد القسم ودخلت عدلت على كلام مخالف لـ محمود الاداري نفسه لان انا لما باحكم باحاول قدر الامكان أكون حيادي ومأجيش على طرف على حساب طرف مش هأقولك ان كل حاجه باعملها صح اكيد لاء طبعا لاننا بشر خطائين ولكن الواحد بيحاول يعمل اللى يقدر عليه وإن حصل سهو واخطاء فا نتعامل معاها بعقل وبكل هدوء الخطأ دا يتصحح ولكن لو مفيش احترام من الاول إستحاله يكون فيه حل لأى مشكله بتحصل .. وانا مش أول مره أمسك رقابه ليا اكتر من 5 سنين فى عالم النت ومسكت رقابه مع جماعه اصحابي زماان قبل ما الحوار كله يتفشكل وكنت وسط مشاااكل أعظم من دي بمراحل لدرجه ان الاعضاء كانوا بيشتموا بعض بشتايم متجيش ع بال اى حد محترم ويحتقروا بعض والاحترام نسبته كانت 0% .. يعني انا مغلطتش لما قولت ل ساحر سيبني اتسلي إحنا بس اللى بنكبر وبنحجم الموضوع وبنديله حيز كبيير وهو مش مستاهل .. 11- معروف ان مورشو مش بيحب حد يدخل فى قسمه بدون علمه وعلى ما اتذكر كان فى توبيك اجمد عضو مع الرجل المتواضع وحوده اغلق التوبيك ومورشو دخل واعترض ؛ طالما انتوا عارفين ان مورشو بيضايق من اغلاق وحذف الردود فى قسمه بدون علمه ؛ ليه مش تنسقوا بينكم حتى لا يحدث ما حدث الان ؛ وانت لما اغلقت توبيك ليا فى النقاش بعت قلت ليا انا هغلقه وانا مش كنت موجود ساعتها ؛ ليه ده مش يحصل مع مشرف القسم ؟؟؟ انا مأفتكرش مره إني غلقت موضوع فى اليوميات ولا حتى النقاش بإستثناء موضوعك اللى كلمتك فيه علشان المشكله اللى كانت حاصله جوا وانت تفهمت الحوار وبكل هدوء الحوار خلص .. ومروشو مش اول مره تتقفله مواضيع من قبل الاداره خصوصا اجمد عضو .. انا فى الاقسام ديا لو حصلت حاجه مني فا بتكون إما تعديل او حذف ردود ولكن غلق مواضيع فى الاقسام دا محصلش مني إن لم أكن مخطئ .. وبالنسبه للسياسه فا الاول يكون فيه إحترام وتقدير متبادل وبعدها كل الحاجات دي هتلاقيها بتيجي لوحدها لان انت علشان بتحترم فلان فا مش هيهون عليك تعمل حاجه دون علمه .. وعمتا إن شاء الله مستقبلاً اكيد الطاقم الاداري والرقابي هيكون له دور فى تفعيل السياسه دي علشان الواحد اكيد مبيبقاش مبسوط وهو داخل فى مشكله .. يعني انا دايما على رأي ساحر صاحب مقولة كبر دماغك ربنا ييسر الامور 12- هل انت تابعت كل الردود فى توبيك حقيقه ضمير عضو قبل ما ترد وخاصه ان عكاشه ذكر انه لن يتم توجيه النقد الا باذن العضو ؛ وانت دخلت رديت بعدها ؟؟ - هل الموضوع بينك وبين مورشو موضوع عند ( عنيد ) ؟؟؟ اه تابعت الردود كلها على فكره ! وياسر دخل اتعصب جوا وقال محدش يجيب سيرتي وكلام تاني كتير بخصوص عكاشه والردود معظمها كان ضحك وتريقه وهزار متعرفش هو هيستأذن الناس ولا لاء وزي ما قولت الموضوع نفسه مفيهوش كلمه واحده بتقول إن هيتم اذن الاعضاء قبل ذكر أسماءهم ودخلت اتحديت المراقبه اللى ردت عليا فى الشكوي بتاعت مروشو وملقيتش رد او دليل يثبت إنه فعلا هيستأذن الناس ! الحوار مش عيند ولا انا باتربص لمروشو علشان لو الاداره شايفه كده كانت قالتلي قدم إستقالتك وخلاص كده ... ولكن الغلط مينفعش اسيبه كده غلط واول حلقتين ناس كتير اتضايقت منها بسبب النقد اللى مكنش موفق وفجاه يطلع الحوار هزار ومقلب وهيبدا جد من اللى جاي .. دا كلام يخش العقل ! وانا كمان كل اللى قولتلهوله جوا زي ما قولت فوق فى سؤال فات إن لو عضو طلب حذف إسمه هيتحذف الاسم مع الاستدلال بقانون من القسم نفسه .. قال بقآ هيستأذن مقالش المهم الواحد عمل اللى عليه والكلام اللى قولته لا هو إجبار ولا تهديد دا للتوضيح ليس إلا علشان متحصلش مشاكل وقولت الكلام دا فى الشكوي بتاعته .. 13- شايف وضع المراقبين ازاى وفين نشاطهم ؟ انت عارف بقآ يا عاشق الظروف اوقات بتجبر الواحد إنه ميدخلش المنتدى او يتابعه بشكل مستمر ولكن يا عم طالما اللى موجودين قادرين يتابعوا الشغل الرقابي فا مبيبقاش فيه مشكله هناا شكاوي بيترد عليها ،، مواضيع وبتتم الموافقه عليها وبالنسبه للشغل التفاعلي والنشاط فا دا مرتبط بالعضو نفسه .. 14- رأيك فى طلبات المشرفين بخصوص تدخل المراقبين فى اقسامهم وانت رديت على تسجيل طارق وقلت لازم يكون فى احترام بين الجميع وتقبل اراء وانك مش بتبقى مبسوط وقت اتخاذ اجراءات اداريه ؟؟ دا حقيقي وهتلاقيني قولته فوق فى اسئله كتير لازم يكون فيه احترام متبادل علشان تقدر تتعامل .. والاجراءات اللى بيتم اتخاذها والله اكتر ناس بتتعب منها هو إحنا نفسنا عارف ليه ؟ علشان بنشتغل ببلاش مبناخدش فلوس على الشغل بتاعنا دا 15- شايف المنتدى ازاى فى 2014 ؟ وشايف مصر ازاى ؟؟؟ المنتدى .. اتمنى الدنيا تتظبط شويه واللى فى نفسه حاجه يشيلها انا معنديش مشكله أبدء صفحه جديده دا إن مبدأتش فعلا انا بمجرد ما خلصت 2013 كل اللى فات اتنسي بالنسبالي ومع الوقت هيتبخر خالص علشان مبحطش فى دماغي والله اى حاجه .. مصر اممممم مش عارف اكيد بتمني مفيش ناس تانيه تموت وظلام السنين اللى فاتت دا مش يتكرر تاني والبلد تبدأ اول خطواتها فى التقدم .. صحيح شايف إنه حلم بعيد اوى ولكن مفيش حاجه صعبه على ربنا ربنا يصلح الحال ،، كلمه اخيره لمورشو ونور ؟؟ كلمتي لـ نور ومورشو مع بعض انا مش هأقولكوا انسوا اللى فات ونرجع اصحاب وكلام من داا يمكن انا اخر واحد تنزله دمعه من عينيه علشان عقلاني جداا ولكن لو عايزين فعلا اللى فات يتقفل أبدأو اللى جاي دا بالاحترام المتبادل ويبقى التعامل بين مراقب و مشرف قانوني جداا بعيد عن اى مفاهيم الود والصداقه والمحبه والكلام دا اصل اللى هيفصل بينك وبين اللى قدامك هو الاحترام اى كانت المشكله كبيره فا لو فيه إحترام هتتحل وزي ما قولت فى الاسئله اللى فاتت انا بمجرد ما هلت علينا 2014 كل الماضي اتنسي ومع الوقت هيتبخر خالص سواء قبلتوا كلامي دا او مقبلتوش لسبب بسيط انا ليه أشغل تفكيري بحاجه مش هتجيب وجع دماغ غير ليا انا بس ! الحكايه مش مستاهله .. الاستضافه كده خلصت متابع كويس انت يا عاشق ليك مستقبل حلو فى المنتدى لو إستمريت بمتابعتك ونشاطك دا بالتوفيق ليك يا معلم كل عام وانتم بخير،، وانت طيب وبالتوفيق فى الامتحانات ===================== بكده تنتهى الحلقه واتمنى ان الموضوع كمان يخلص ويتحل . علشان الواحد يقدر يركز فى شغله كعالم فلك

[ღ✿جومانا✿ღ]

اه صح فكرتني ماتنساش التوقعات بتعت احلاهم واتحداهم

( ربنا يستر )

[✿ Celiηα]

الحكاية مش مستاهلة أصلاً
بس لو نبطل تنشيف الدماغ ده ونحلها بالعقل والحكمة
واظن ان الموضوع شخصي وانتو دخلتوه فموضوع مراقب ومشرف
بسبب وجود خلافات سابقة وكده
ولو كل مشرف منع المراقب من دخول قسمه او التعديل فيه
فالمراقب كده هيبقى بيعمل ايه فالمنتدى

وحلقة حلوة يا عالم الفلك ركز فشغلك :d

[عاشق متيم]

مورشو واخد قرار بتجميد مشاركاته بس عاوز يرد على كلام الماجيك
وبعت ليا رد عاوز يضيفه

رد مورشو

اقتباس وحوارات الغلق والفتح فا دي حاجه إتعودت عليها من مروشو إن اى إجراء بأعمله ألاقيه لازم يرجعه تاني والغريب إنه مبيعملش دا مع الناس التانيه

يا ريت مايبقاش الكلام فى المطلق كدا
هات مواقف ^^
وقولى مين الناس التانيه الى مش بعمل معاهم كدا
وبرضو هات مواقف ^^

اقتباس واخر شكوي نزلها طارق اتخنق من كله وقفل الموضوع ..

طيب طارق يرد
ويقولنا ياترى اتخنق من ايه فى اخر شكوى :d

اقتباس يبقى الراجل واجب عليه يخش يكلمني يا احمد انا مش عاجباني الكلمه دي

مش انتا مراقب
بقا مشرف هيعدل على مراقب برضو
دا حتى يبقا حرام فى المنتدى ان مراقب
يقول حاجا ومشرف يبعتله خاص والمراقب
يوافق على كلامه انتو مش بتقولو مش موافقين
ان المشرفين يتصرفو فى الاقسام وبتدخلو
يبقا اكيد كل كلمه بيقولها المراقب بتتحسب ليه او عليه

اقتباس طيب ي عم انت ليك حق تقوم تغلط نفس الغلط انت كمان طب هتاخد حقك ازاى دلوقت من بعد ما انت كمان غلطت

طيب كويس انك اعترفت ان ليا حق اهو ^^
وبخصوص اخد الحق ازاى الحمد لله اخده
فى الشكاوى والدليل بعد قفلك للشكوى اتفتحت تانى
وبعد ردك بعد ما طارق قفل الشكوى اتحزف
يعنى اخد قرارين واكنهم مش موجودين
حزف شكوى واتفتح ورد واتحزف
فماتقولش بقا اننا فى منتدى وبخرج انسى
الى يخليك تدخل ترد على شكوى مقفوله قبلها بيوم
وشكوى تانيه مقفوله من 3 ايام وتدخل ترد
ويتحزف تانى ردك يبقا لا المنتدى والموضوع فى دماغك

اقتباس ويعمل من الحبه قبه واصلا لو شاف الزوار بتاعتي انا ودمعه هيلاقيني باكلمها بهدوء وبهزار وانا وهى واحد وهى اللى قالت كده كمان

ههههههههههه
طيب ما دا كويس
يبقا فى شكوى وعضو عايز حد يدخل
يقول مين صح ومين غلط وانتو بتهزرو :d

اقتباس الغريب إن لاقيت المراقب يقولي دى اول حلقتين هزار ! طيب انا هأمشيها هزااار

من غير ما تمشيها خلاص ماتزعلش
انا والمراقبه ومحمد علاء كدابين يا جماعه
عموما هم يدخولو ويقولو الى حصل افضل
عشان بس ماتفتكرش الى فى دماغك
ان لما لقيت اعضاء مضايقه فقولت انها كانت هزار

اقتباس دخلت قولت جوا إنه يفضل تاخد إذن العضو اللى هتجيب إسمه قبل ما تنزل موضوع النقد علشان لو اى حد طلب بحذف إسمه فا هيتم عمل دا .. موفقين

اعتراضى انك دخلت قولت كلام
متفقين عليه من البدايه اصلا
وانتا والا شوفت الردود والا شوفت حاجا
لان الكملتين دول احنا متفقين عليهم
انا وعكاشه وياسر شاف ان انا وعكاشه
متفقين ان الضيوف هيعرفو انهم فى الحلقه

اقتباس جيبتله قانون من قسمه وحطيتهوله علشان مش يتكلم تاني لاقيت فى الاخر معدل وشايل كل كلامي !!

كل كلامك يا راجل
طيب دا انتا دخلت قولت
مش عارف تمسك قسمك سيبه لحد تانى
وماتنساش نفسك :d
ولما رجعت الرد التانى شيلت ماتنساش نفسك
عشان مايتمسكش عليك غلطه
يعنى اجى اقولك ماتنساش نفسك يا ماجيك
فى المنتدى وهتبقى مبسوط
او اجى اقولك طالما انتا مش عارف تعمل
حاجا كمراقب اتكل على الله ونشوف غيرك
ياتجيب الرد كامل يابلاش لكن ماتحسسنيش
انى دخلت فيك شمال من نفسى كدا .

اقتباس ودمعه قبل ما تختفي لاحظت ان ردودها صعبه فى الشكوي دي لانها جابت اخرها فعلا من عدم الاحترام والتقدير اللى مش موجود ويمكن دا سبب إختفاءها الكام يوم دول

انتا يعنى بتكلم بلسانها عشان تقول ان دا
سبب عدم دخولها وحكمت يعنى ان دا
هو سبب عدم دخولها

اقتباس وانا مش فاهم القصه لان الشكوي نزلت يوم 30 او 31 تقريبا شهر 12 وانا دخلت المنتدى بعدها بأربع أيام كنت مشغول

طيب انتا داخل لقيت شكوى ومش فاهم هى القصه
والشكوى مقفوله من ادارى المنتدى ودخلت بعد 3 ايام
بترد ليه ^_^
وعموما اهو ردك اتحزف يعنى اهو قرار كمان
بتاخدة وبيتحزف

اقتباس انا مأفتكرش مره إني غلقت موضوع فى اليوميات ولا حتى النقاش

ياريت تربط الرد دا بأول اقتباس انا بعتهولك
وكدا كفايه
اعتقد اخر اقتباس دا لو اتربط باول اقتباس
هيقول حاجات كتير .
( بكده يكون انتهى رد مورشو )

==============
مورشو وضح وجهه نظره الحلقة اللى فاتت
وانت يا ماجيك وضحت وجهه نظرك الحلقه دى
ومورشو حابب يضيف رد
وانت حقك يا ماجيك انك ترد عليه لو عاوز
ويارب الموضوع ينتهى لان الحكايه مش معضله
وكبرت اوى ولو فضلنا نرد على بعض هتاخد منحنى تانى
واحنا فى الاول والاخر فى منتدى ترفيهى
وبالتوفيق لنا جميعا

[۩۩ elMagic ۩۩]

طيب احنا هنقعد نقتبس كلام لـ بعض !
ماكان ممكن انا كمان اخش اقتبس حاجات من الموضوع التاني !
لو عايز تشوف مثال
فا أقرب مثال هو موضوع اجمد عضو بتاع استضافه طارق
لوست معدله الموضوع وحاذفه ومعدله ردود
وانا عارف إنها اللى شالته دا كان قرار تجميد مشاركاتك باين
بس كون إنها دخلت عدلت حاجه بصرف النظر عن ايه هى
وانت متعملش حاجه كده ولا ترجع كلامك تاني
فا دي حاجه محصلتش معايا قبل كده !
ودا كلام طارق فى الشكوي قبل ما يقفلها

اقتباس يا عم مرشد خلاص يا حبيبي هنعد نجر شكل بعض ! جبتلك الحل المرضي هقفل الموضوع

انا مبقولش كلام من الهوا !
باقي كلامك دا مش هيفرق معايا فى حاجه
ومش هأرد عليك تاني
علشان الموضوع مياخدش مجري تاني
مش عايز انقله الشكاوي !

[Silver Flower]

القصه مش مسستاهله
بس آجمالا او الي متعودين عليه انه المدير السلطه الكبيرة والمراقب السلطه الأصغر والمشرف سلطه أصغر
كل واحد وصلاحياته وكل واحد بتصرف على حسب السلطه قصدي مكانه
الهيئه هي مش على رمانه على قلوب مليانه
الله يصلح الأمور بينكم

[جبل عالي]

الله ينور عليكي يا حورا والله العظيم


قسماً بالله فعلا كل حرف قالته كنت رح أكتبه هنا

وبجد ياريت النفوس تهدا كده وكل واحد يبادر للتاني

ويقوله ياعم لو تصرفي ضايقك ... يعلم ربنا اني ماكنت أقصده

وان شاء الله الجاي يكون أحسن


صدقوني كلكم هترتاحوا لأنكم فعلا أعلام المنتدى

مترموش تاريخكم كده بسهوووووووولة


منين بتقولوا مسألة مش مستاهلة ومنين مصممين

ان مفيش تنازل عن الموقف ؟؟ الله يصلح الحال يارب

تمنياتي لكم بهدوء الحال للجميع يارب

[Lost Pearl]

اقتباس لاقيت لوست دخلت وعكست المخالفه يعني بقت من نور عليا اناا وعرفت من دمعه انها كانت بس عايزه تعدل سبب المخالفه

هههههههه دي حقيقة فعلا و انا مكانش قصدي اعكسها اكيد يعني هههههههههه

معلش بقى عندي دي ،،

باقي الحوار بقى يا رب المشكلة دي تتحل على خير ،،

تسلم يا عاشق ،،

[الأميرة رودي]

طب ليه الآمور توصل للدرجه دي
ومورشو يقرر يجمد مشاركاته وكل لاحتقان ده !!
كلنا مُعرضين للـ عصبيه وفعلا بنتعصب وبيخرج مننا كلآم ممكن يزعل اللى حوالينا
ده وارد ..
بس بنرجع ونروق كده ونقول مفيش حاجه مستاهله انا نخسر صداقتنا مع بعض
أو وجودنا فى المكان اللى جمعنا من البدايه
نور و مورشو أتمنى مايكونو زعلآنين من حاجه ولآ من ماجيك لآن وجودهم فى المنتدى
له شكل ولون خاص مانقدر نستغنى عنهم ..
وكذلك أحمد ماجيك وضح وجهه نظره وقال كل اللى فى قلبه باستفاضه

يبقى صفو نفوسكم بقى واتعاملو بشكل طبيعي ويكون فيه قواعد واسس نحترمها كلنا ونتعامل على اساسها .. ولو فيه اجراء هيتم من قبل المراقب يبعت رساله خاصه للمشرف
يفهمه اللى حصل وانه أخد الاجراء ده ( حتى لو المشرف مش موجود وقتها بمجرد مايفتح المنتدى هيشوفها ) والموضوع بسيط أصلا مش هياخد مننا وقت
ويبقى احنا كدا ضمنا انه محدش هيزعل من التاني

[Mo7aMaD 3aLa2]

اقتباس اول حلقتين ناس كتير اتضايقت منها بسبب النقد اللى مكنش موفق وفجاه يطلع الحوار هزار ومقلب وهيبدا جد من اللى جاي .. دا كلام يخش العقل !

مشكلتى فعلا ان انا بعيد عن المنتدى ,, متواجد اة لكن بيقتصر تواجدى ف الصفحات وقسم النقاش احيانا

علشان انا لو متواجد ومندمج مع الناس ,, كنت عرفت ان المقلب دة مينفعش يتعمل

لان ببساطة النفوس مش صآفية ,, ولان حد ممكن يستغل دة خلال جولات الصراع زى مانت بتعمل دلوقتى يا ماجيك

انا كتبت مشاركة فـ نهاية الحلقة بتاعتى قولت فيها الحقيقة بس تقريبا محدش شافها

اقتباس

اقتباس ههههههههههههههههههه ,, يعنى انتوا كان عاجبكوا الملل اللى انتو عايشين فية دة !! كان لازم نعملكوا مقلب عشان تفكوا التكشيرة شوية ,, بس مش عارف فى ناس كشرت زيادة يتعمل معاهم اية دول طبعا كل الكلام اللى انا قولتة الظاهر فى صورة نقد ملوش اساس من الصحة ولا دة اسلوب نقد من الاساس والناس اللى اتكلمت عنها انا بحترمهم وبقدرهم ,, اتعاملت مع معظمهم فى كتيييييير من المواقف وبجد المنتدى يتشرف بوجودهم وطبعا هقول لأى حد زعل من المقلب والله دى حاجة ترجعلك وبطل رخآمة ..

بس الظاهر ان انا لما كتبتها كنت بكلم ناس خلاص اختفت من المنتدى