الحلقه الاولى من ( الحـقـيـقـة ) مع ( Aya 7ekaya )

[morshooo]

بسم الله الرحمن الرحيم

اهلا بيكم جميعا

والحلقه الاولى من برنامج

( الحــقــيــقــة )

اكيد كل واحد فينا بيكون وراء اخبار واسرار محدش بيعرفها

غيرة هو بس ممكن يجى عليه وقت ويكون حابب يقولها

وممكن يقولها فى المنتدى هنا سواء فى ( المدونه الخاصه بيه )

او ممكن فى ( توبيك ينزله ) او ( توبيك ) يتم استضافته فيه

صحيح ممكن يكلم كلام غير واضح بس المهم عنده امه يكلم

كل ضيف هيكون مسئؤل عن كلامه يعنى كلامه

( صح ) او ( غلط ) مش مهم المهم انه اكلم وقال حاجا

والاكيد ان من بين السطور الاعضاء هتعرف حاجات كتير

سؤاء الضيف قاصد دا او قصدة المهم اننا هنخليه يكلم .

هنا فى برنامج

( الحــقــيــقــة )

البرنامج عبارة عن ( جزئين )

الجزء الاول ( اختيارات )

الجزء الثانى ( نعم ) او ( لا )

ضيفه حلقه النهاردة

المشرفه المميزة /

Aya 7ekaya



تعالو نشوف الحوار مع بعض .

الجزء الاول :

/ عايزك ترتبى الافضل بالنسبالك فى المنتدى ؟ وتقولى سبب اختياراتك هيتم اختيار الاعضاء عشوائى ؟

1 / rancy

2 / esraa

3 / Reem♡A|❀

اعتقد اسراء انشط حد الفترة اللى فاتت

1 / esraa

2 / Reem♡A|❀

3 / rancy

لما بتكون موجوده نشاطها بيكون واضح لكن حاليا هى مش موجوده بسبب الامتحان

/ مين المطرب الافضل بالنسبالك ؟ اختارى ( 2 ) فقط ؟ وقولى السبب ؟

1 / عمرو دياب

2 / حماقى

3 / كاظم

( حماقى )

ثم

( عمرو دياب )

بحب النوع ده من الاغانى

ولانى ماسمعتش ( كاظم )

كتير كنت لسه صغيرة وقت شهرته الجامده دى

3 / لو قدامك الشخصيتين دول ومطلوب منك تختارى واحد بس فيهم والاختيار اجبارى ؟ هتختارى مين وليه ؟

1 / مبارك

2 / مرسى

هختار( مرسى )

رغم انه كان فاشل فى سياسته وحكمه للبلد واخطائه كانت قاتله
وهكون منصفه لو قولت انه سبب من اسباب اللى احنا فيه دلوقتى
رغم كل الضغوطات اللى كانت عليه انا عن نفسى وده شىء
واضح من اى راى كتبته الفترة اللى فاتت كنت مؤيده لمرسى مش
للاخوان يعنى انا اخترت مرسى فى السؤال ده مش معناه انى
اخترت الاخوان دى ملاحظه بس للعلم لانه رغم كل المساوىء
اللى انا قولتها عن مرسى دى ف هو مش حرامى ودى النقطه
الفارقه بينه وبين مبارك او دى اكبر نقطه اكيد فى نقاط تانيه بس
من وجهه نظرى مبارك سرق البلد ونهبها اما مرسى فشل ف
حااجت كتير بس بردو مش كان حرامى

4 / دى اخر ( 3 مشاركات ) ليكى فى المنتدى حاليا عايزك تختارى افضل ( موضوعين ) منهم عجبوكى ؟ وتقولى السبب ؟

1 / الحلقه الثالثه من ( ضمير عضو ) معانا ( رائحة القهوة )

2 / غضبك يكشف عن شخصيتك

3 / مسابقه ولد الهدى للموسم الثالث

اختار مسابقه ولد الهدى
وتوبيك ضميرعضو
واما بالنسبه لاختبار الشخصيه
ف بالنسبالى لعبه مش صحيحه ف الغالب

5 / ايه افضل فيلمين بالنسبالك من الافلام دى ؟ وقولى السبب ؟

1 / لا تراجع والا استسلام

2 / مسجون ترانزيت

3 / البيه رومانسى

لا تراجع ولا استسلام

وبعدين

مسجون ترانزيت

لا تراجع ولا استسلام انا شوفته من النحيه الكوميديه
مسجون ترانزيت عجبنى فيه التشويق




الجزء الثانى

مطلوب منك تجوبى بـ

( نعم ) او ( لا )

مع التوضيح :

1 / هل انتى راضيه عن تصرفاتك الفترة الحاليه ؟

1 / نعم

2 / لا

3 / اعتراض


لا
فى شويه اهمال ف حاجات كتير منها الدراسه بالاضافه انى
ساعات بكون متسرعه وعفويه شويه فى تصرفاتى وده بيخلينى
اغلط كتير

2 / هل تمنيتى الموت لشخص ما فى حياتك ؟

1 / نعم

2 / لا

3 / اعترض

نعم
لنفسى

3 / هل اعجبتى بشخص فى المنتدى واتمنيتى ان يتحدث معكى ؟

1 / نعم

2 / لا

3 / اعترض

نعم
اكتر من حد ومش بقصد بيهم شباب منهم بنات واول حد اتمنيت
اتكلم معاه هى منه وناس تانيه

4 / هل فشلتى فى الحب سابقا ؟

1 / نعم

2 / لا

3 / اعترض

نعم

هو انا مش عارفه اسميه فشل ده بحكم النهاية ولا ايه بالظبط
بس لو بحكم النهاية ف هو فشل

5 / هل يوجد تفرقه فى المعامله من ( والدك ) او ( والدتك ) ليكى انتى واخواتك ؟ يعنى بيفضلوكى عن اخواتك او بيفضلو حد من اخواتك عنك ؟

1 / نعم

2 / لا

3 / اعترض

نعم

وبما ان انا الوسطانيه ف نعم ونعم ونعم كمان هههههههه
وانا ديما بعارض المووضوع ده وبحاول اتناقش معاهم بس الاهل
ديما شايفين انهم على حق وممنوع حد يناقشهم ف حاجة



6 / قابلتى شخص قبل كدا ومحدش عرف فى البيت بالمقابله دى ؟

1 / نعم

2 / لا

3 / اعترض

لا
الحمد لله انا عمرى ماقبلت حد و ديما رافضه مبدأ المقابله لان اللى
بيقابل مرة هيقابل مليون مرة

7 / غيرتى قبل كدا من زميلتك او احد اقاربك ؟

1 / نعم

2 / لا

3 / اعترض

نعم

اكيد دى حاجة موجوده وهكدب لو قولت لا واواقات بسبب الدراسه
مثلا او بسبب شخص حصلت قبل كده

8 / هل قابلتى احدى عضوات المنتدى فى الحقيقه ؟

1 / نعم

2 / لا

3 / ارفض

لا
ماجتش الفرصه بصراحه كان نفسى انزل طنطا
اقابل سهر وولاء ومرام بس ماعرفتش

9 / عملتى قبل كدا تصرف وحتى الان ندمانه انك عملتيه ؟

1 / نعم

2 / لا

3 / اعترض


لا

انا لو ندمت هندم فترة مؤقته مجرد حزن بس مش اكتر لكن انا
مش بندم على حاجة عملتها لانها حصلت خلاص

10 / متاكدة انك صريحه فى كل اجاباتك السابقه ؟

1 / نعم

2 / لا

نعم
الحمد لله



انتظرونى وضيف جديد

وحلقه جديدة من

( الحــقــيــقــة )

[واد حبيب]

اقتباس هل قابلتى احدى عضوات المنتدى فى الحقيقه ؟ 1 / نعم 2 / لا 3 / ارفض لا ماجتش الفرصه بصراحه كان نفسى انزل طنطا اقابل سهر وولاء ومرام بس ماعرفتش

دولت بس من طنطا
انتي لو نزلتي طنطا ممكن تقبلي بنات المنتدي كلها
نص بنات المنتدي من طنطا
اقولك علي حاجه اصبري للعيد اللي جي
وهتلاقي المنتدي كله في الفرح بتاعي في طنطا
هههههههههههههههههههههههه
تسلمو علي الحلقه الجميله
وانت يا مروشو ربنا يقدرك علي فعل الخير
والجهاز بتاعك يخرب

[رووكه]

أحلى حاجه فيكى صرحتك

وربنا أنتى شخصيه مثكره ايوته

جميله الحلقه وجميله الضيفه

ربنا يوفقك ويصلح حالك يا قلبى

تسلم أحمد ع الحلقه

دعواتى

[جبل عالي]

آية انسانة واضح انها حساسة جدا

وتمني الموت ياأيوي بيكون لحظة يأس مش أكتر

ربنا يسعد قلبك دايما ويوفقك

بصراحة إجابات في منتهى الصراحة والقوة

موضوع مميز جدا يامورشو

ننتظر كل جديد لك

تحيتي وتقديري

[morshooo]

اقتباس المشاركة الأصلية كتبت بواسطة واد حبيب دولت بس من طنطا انتي لو نزلتي طنطا ممكن تقبلي بنات المنتدي كلها نص بنات المنتدي من طنطا اقولك علي حاجه اصبري للعيد اللي جي وهتلاقي المنتدي كله في الفرح بتاعي في طنطا هههههههههههههههههههههههه تسلمو علي الحلقه الجميله وانت يا مروشو ربنا يقدرك علي فعل الخير والجهاز بتاعك يخرب

روح يا شيخ
ربنا يفصل شاحنك دائما
يابنى لو قطه عبرتك فى فرحك ابقا قابلنى
قال نص المنتدى قال

[ana lola]

حلقه جميله اوى عشان آيه طبعا فيها
وعجبتنى فكره البرنامج
تسلم ايدك يا morshooo ^^

[واد حبيب]

اقتباس المشاركة الأصلية كتبت بواسطة morshooo روح يا شيخ ربنا يفصل شاحنك دائما يابنى لو قطه عبرتك فى فرحك ابقا قابلنى قال نص المنتدى قال

متخفش البطاريه مشحونه
هههههههههههههه
يا ابني انا اذيع الفرح هنا حصري علي المنتدي
وانت هتكون حاضر في الفرح
بس ربنا يستر منك اصل عينك وحشه
هههههههههههههههه

[big bốss]

حلقه جميله يا مورشو

و آيه انسانه محترمه و صريحه

و بعدين مش تتمنى الموت كدا هى الحياه صعبه بس لازم نعشها

[morshooo]

اقتباس المشاركة الأصلية كتبت بواسطة واد حبيب متخفش البطاريه مشحونه هههههههههههههه يا ابني انا اذيع الفرح هنا حصري علي المنتدي وانت هتكون حاضر في الفرح بس ربنا يستر منك اصل عينك وحشه هههههههههههههههه

انا هاجى اعمل لقاءات مع المعازيم
واعرفلك مين جايلك
ومين جاى للبوفيه
طبعا انتا يا رمضان هتلغى البوفيه اصلا

[دمعه حائره]

حلقه جميله وآيه واضحه جدا للكل
وبنوته هاديه وموهوبه
انا كمان نفسي اتعرف عليكى اكتر
وتنورى طنطا ان شاء الله
تسلم مرشد على الحلقه