تجوزيني أنا ناشط سياسي _ ساخر _ حصري

[فتحى عيسى]

تجوزيني ...
أنا ناشط سياسي ...
فكري قياسي ...
ونظرتي ...
مفيهاش عيوب ...
وخبرتي ...
لُوكَه تقيلة ...
وزنها يجي طن طوب ...
وواد حليوة ومتنور ...
ومزاجي عالي ...
حَبوب ...
وإيدي فرطة ...
لا قصير ...
ولا شعري طار ...
وعينيه عسلية ... يمكن سودا ...
قولي طحيني ...
مديه علي غروب ...
والسحنة ...
قرنفلي علي نيلي ...
والنبوغ مسكوب ...
وعندي بدال الشقة ...
ميت خيمة في كل هروب ...
مفروشة علي سنجة عشرة ...
إيشي جبنة نستو علي قديمة ...
علي كام مشروب ...
وبطرمان عسل وطحينة ...
وزلعة مْش بريما ...
وفحل كنتلوب ...
وحبة مناديل مبلولة ...
ونتفة خل ... وبروة صابونة ...
لزوم غاز المحبوب ...
والبيبسي في الأجازات ...
وف أعياد التخشيبة ...
يحمونا بالنوبه ...
ويليفونا بالمقلوب ...
إحنا اللي عصرنا ...
الكدب ذنوب ...
ومشينا ...
علي حبل الساعة ...
وسرقنا فرح القلوب ...
وإتخوزقنا جماعة ...
وإتفضحنا زي الأوتة ...
في موسم الخيار ...
أجوزيني ...
وأكسبي فيا ثواب ...
أنا لقطة صدقيني ...
وحبايبي كتار ...
مش يمكن تورثيني ...
بعد كام نهار ...
بس أوعديني ...
تكتبي ...
علي شاهد قبري ...
عاش حمار ...
ومات حمار ...
فتحي عيسي
الرياض
فجر الثلاثاء
14-1-2014

[واد حبيب]

طيب ما تجوزني انا ما انا مشرف في قسم الشغر والخواطر
انت هتجبلها برطمان عسل انا اجبلها كلمات جميله
هههههههههههههههههه
بجد جميل جداااا يا فتحي
والله مبدع بجد
تسلم يا غالي علي كلماتك الجميله
في انتظار جديدك

[فتحى عيسى]

اقتباس المشاركة الأصلية كتبت بواسطة واد حبيب طيب ما تجوزني انا ما انا مشرف في قسم الشغر والخواطر انت هتجبلها برطمان عسل انا اجبلها كلمات جميله هههههههههههههههههه بجد جميل جداااا يا فتحي والله مبدع بجد تسلم يا غالي علي كلماتك الجميله في انتظار جديدك

ههههههههههههههههه
حلال عليك ياعم شيل
شكرا لك علي تشريفك الرائع
وتفاعلك الراقي برقي شخصك
بوركت
مودتي وإحترامي

[همسه دموع]

ههههههههههههههههههههههههههه
طالب عروسه ولا بياعت خضار افهم
تسلم على روحك المرحه وكلماتك الجميله
تحياتى وتقديرى واحترامى

[رووكه]

جوازه زى الفل والله

ايه الراجل الفوووووووول أوبشن ده

كامل متكمل ياعينى على هتاخده

للاسف هتكون هى الراجل

وربنا دمك خفيف مشاء الله

الله يسعدك ويوفقك دائما

تقيمى والختم المعتادددد

[فتحى عيسى]

اقتباس المشاركة الأصلية كتبت بواسطة همسه دموع ههههههههههههههههههههههههههه طالب عروسه ولا بياعت خضار افهم تسلم على روحك المرحه وكلماتك الجميله تحياتى وتقديرى واحترامى

ههههههههههههههه
والله بتاعة الخضار أحسن من شغلتة هو صايع وضايع وبياع كلام
وأسمه في البطاقة ناشط سياسي بدعة النصابين والحلانجية
أشكرك علي تشريفك الرائع
وتفاعلك الراقي الشفيف
وذوقك الكريم
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة رووكه جوازه زى الفل والله ايه الراجل الفوووووووول أوبشن ده كامل متكمل ياعينى على هتاخده للاسف هتكون هى الراجل وربنا دمك خفيف مشاء الله الله يسعدك ويوفقك دائما تقيمى والختم المعتادددد

والنبي قوليلهم محدش مقدر المواهب هههههههههههه
بس حلوة أوي
فول أوبشن دية تفتكري تنفع ده محصلش عربية ربع نقل
ولا حتي كارو
أشكرك علي تشريفك العاطر دوما
الحاضر بحرفه الجميل وإحساسه العالي
وذوقه الكريم
ودعواتك الطيبة مثلك
بوركتِ
مودتي وإحترامي

[العاشق الذى لم يتب]

سلمت ولاحرمناهذا الجمال
مع انهارسالة فيهاسخرية
ولكنهاتحمل مضمون رائع
تحياتى ومودتى

[همسه الجوارح]

ايه الجوازه العال دى
حسيت نفسي فى سوق عكاز فجاه
بس جد يسلمو الايادى
منسقه ومنقه
واسلوب هزلى رائع
يسلمو
فى انتظار المزيد
مودت ى

[فتحى عيسى]

اقتباس المشاركة الأصلية كتبت بواسطة الرجل المتواضع سلمت ولاحرمناهذا الجمال مع انهارسالة فيهاسخرية ولكنهاتحمل مضمون رائع تحياتى ومودتى

الرائع الرجل المتواضع
شكرا علي تشريفك الراقي
وتفاعلك العاطر بكرمه وذوقه
بوركت
مودتي وإحترامي