الحلقه الثانيه من ( الحـقـيـقـة ) مع ( esraa )

[morshooo]

بسم الله الرحمن الرحيم

اهلا بيكم جميعا

والحلقه الاولى من برنامج

( الحــقــيــقــة )

اكيد كل واحد فينا بيكون وراء اخبار واسرار محدش بيعرفها

غيرة هو بس ممكن يجى عليه وقت ويكون حابب يقولها

وممكن يقولها فى المنتدى هنا سواء فى ( المدونه الخاصه بيه )

او ممكن فى ( توبيك ينزله ) او ( توبيك ) يتم استضافته فيه

صحيح ممكن يكلم كلام غير واضح بس المهم عنده امه يكلم

كل ضيف هيكون مسئؤل عن كلامه يعنى كلامه

( صح ) او ( غلط ) مش مهم المهم انه اكلم وقال حاجا

والاكيد ان من بين السطور الاعضاء هتعرف حاجات كتير

سؤاء الضيف قاصد دا او قصدة المهم اننا هنخليه يكلم .

هنا فى برنامج

( الحــقــيــقــة )

البرنامج عبارة عن ( جزئين )

الجزء الاول ( اختيارات )

الجزء الثانى ( نعم ) او ( لا )

ضيفه حلقه النهاردة

المشرفه المميزة /

esraa



تعالو نشوف الحوار مع بعض .



الجزء الاول :

1 / مين الاقرب لقلبك فى المنتدى من الاسماء دى ؟

1 / aya 7ekaya

2 / hanan

3 / ملك جبال الاحزان

حنونتي

آية حكاية

ملك جبال الأحزان

"خليك طول عمرك في االمركز الأخير عشان تعرف ترخم مرة تاني "

2 / مين المطربه المفضله بالنسبالك ؟ اختارى ( 2 ) ؟ مع السبب ؟

1 / شيرين

2 / انغام

3 / اصاله

ممكن

1- أصالة

2- شيرين

لأنهم بيغنوا بإحساس ومحتويين الأغنية اللي بيغنوها
بس بشكل عام انا مش بسمع اغاني ولا بحبها بس ممكن الواحد
يسمع وهو بيقلب في التلفزيون وكده : ))

3 / مين الممثل الافضل بالنسبالك ؟ اختارى ( 2 ) ؟ مع السبب ؟

1 / السقا

2 / حلمى

3 / هنيدى

هختار أحمد حلمي

أفلامه
أنا شايفة أنها هادفة وكوميدي وشخصيته بتليق على أدواره

الاتنين الباقيين بسترخمهم : ))

4 / لو قدامك استفتاء عشان تختارى ادارى واحد فقط للمنتدى ؟ وتقولى السبب ؟

1 / طارق

2 / دمعه

3 / ساحر

هو كل إداري فيه ميزة بتميزه عن باقي الإداريين
فصعب أختار واحد بس

5 / ايه المسابقه الافضل بالنسبالك فى المنتدى الان ؟ وقولى السبب ؟

1 / المفتش ريموو

2 / اكتشف الصورة

المفتش ريمو
مسابقة مسلية وبتحمس



الجزء الثانى

1 / هل انتى راضيه عن نفسك وتصرفاتك الفترة الحاليه ؟

1 / نعم

2 / لا

3 / اعترض

نعم ولا :d
مش كل الحاجات راضية عليها ولا كل الحاجات مش عجباني
أكيد كل واحد مهما رضى عن نفسه ففيه برضو حاجات مش
راضي عنها مستحيل يكون راضي عن نفسه من جميع النواحي
وإلا فهو مغرور وشايف كل تصرفاته صح

2 / هل تريدين ان تصبحى ( مراقبه ) بالمنتدى ؟

1 / نعم

2 / لا

3 / اعترض

اعترض
مش فارقة مراقبة ولا أسود ولا بنك
المهم أني اكون مرتاحة في المنصب اللي فيه

3 / اتمنيتى قبل كدا ان عضو فى المنتدى ماتشوفيش اسمه تانى ؟

1 / نعم

2 / لا

3 / اعترض

نعم
حد كده كانت شغلته في الحياة ازاي ينرفزني وينرفز حنان

4 / حصل قبل كدا ان عضو بالمنتدى قالك ( بحبك ) ؟

1 / نعم

2 / لا

3 / اعترض

لا
كل واحد في المنتدى أسلوبه بيخلي الأعضاء تتعامل معاه بطريقة
فيه اللي بيحط لكل واحد حد مش يتعداه وفي اللي بيحب يبني
علاقات بين الأعضاء
يعني كل واحد وطبيعته بقى : )

5 / مفيش شخص فى حياتك اتمنيتى يكون هو دا زوجك فى المستقبل ؟

1 / نعم

2 / لا

3 / اعترض

لا
أنا مفرغة حياتي للدراسة




6 / جالك تفكير قبل كدا انك تتمنى الموت لنفسك ؟

1 / نعم

2 / لا

3 / اعترض

لا
ومين فينا مستعد للموت !
مهما كان الواحد همومه مغرقاه فلازم يفكر ان في واحد بيتمنى
جزء صغير من النعم اللي عايش فيها

7 / حصل قبل كدا انك اشتغلتى ( نميمه ) على احد اصدقائك او افراد عائلتك ؟ واكلمتى عنهم بطريقه مش كويسه ؟

1 / نعم

2 / لا

3 / اعترض

طبعا لا ولا كمان : )
ليه أقعد اكره الناس في بعضها
ليه اكلم عنه بطريقة مش كويسة يعني
الواحد كده هيرتاح تحت مسمى فضفضة ؟
ليه نخلق جو الكراهية والبغضاء جو نفوسنا؟

8 / هل جربتى الحب سابقا او تعيشى الان فترة حب ؟

1 / نعم

2 / لا

3 / اعترض

لا
أنا لسه صغيرة





9 / حاسه ان فى تفرقه فى المعامله من ( والدك ) او ( والدتك ) ليكى انتى واخواتك ؟

1 / نعم

2 / لا

3 / اعترض

لا
الحمد لله مفيش تفرقة واحنا صغار كل واحد يحس انه المضطهد
والمظلوم والتاني المدلع ... الخ بس لما الواحد بيكبر بيفهم

10 / حاسه ان فى اسئله جوبتى عنها وانتى غير راضيه ؟ يعنى مش متاكدة من الاجابه ؟

1 / نعم

2 / لا

3 / اعترض

لا
إن شاء الله متأكدة واخد الدرجة الكاملة كمان




وبكدا بتخلص حلقه النهاردة

الهاديه جدا

انتظرونى وضيف جديد

وحلقه جديدة من

( الحقيقة )

[همسه دموع]

حلقه حلوه مورشو
مع ضيفه دمها خفيف
بالتوفيق
فى انتظار حلقات جديده

[Šeŋdeřellą]

جميلة جدا فكرة الاستضافة
والضيفة مميزة جدا بخفة دمها وروحها الجميلة
اختيار مميز جدا لضيوفك مورشووو

موفقين باذن الله

[Aya 7ekaya]

حلقه جميلةة ي سو انتى متفائله كده حلو مش زى هههههههه
وربنا ييوفقك ف دراستك

[حلم عمري]

فعلا حلقة هادية وضيفة رقيقة
اجابتها صريحة
ربنا يوفقك في حياتك يااارب
تسلم مورشو بانتظار حلقة جديدة ان شاء الله

[Reem♡A|❀]

الله عليكى جمممممممميل اوى
تسسلمى يابت ع الاجابات الحلوه
والله الفيديو ده ^^ هههههههههههههـ5
يسسـأإـموو مورشد

[ساحر الأحزان]

استضافة جميلة مرشو

مع اسراء

خلعت من الكمين تبعك على خير

منتظرين الضيف القادم

[دمعه حائره]

اجابات جميله من ايسو العسوله
بنوته جميله ونشيطه ومعاملتها مع الجميع باحترام
ربنا ينجحك حبيبتى وتحققى اللى تتمنيه
شكرا مروشو على الاستضافه

[حالمة باميرى]

حلقة حلوة اوى واسراء اجابتها حلوة وصريحة
ربنا يوفقك حبيبتى

[Silver Flower]

استضافه رائعه
منوره الإجابة يا قمر