الحصه الاولي من مدرسة الاميرات

[براءة طفلة]

السلام عليكم ازيكم يا اميراتي عاملين ايه يارب تكونوا كويسين نبدء: اولا الطابور مع المديرة برائة طفلة : الجمله دي بقولها كل موسم كل واحده فينا جواها اميره الاميره مش بالتاج والا الفلوس والا القصور الاميره موجوده كل واحده فينا بس المهم تطلعها ازاي وامتي دلوقتي عالفصول اهلا بيكم في اول حصه هنبدء بدرس خفيف وسريع كده كالمعتاد بس متتعودوش علي كده لان هنخش في الصعب بعدين الدرس الاول كل واحده فينا بتعاني من مشكلة المشي وخصوصا لو بتلبسوا كعب التدريب ده انتظموا عليه يوميا لحد اما مشيتكوا تتظبط اللي هتحتاجوه مجموعة كتب اول حاجه حطوا كتاب علي راسكم وامشوا بيه ولو تمكنتوا حطوا كتاب تاني وتالت وهكذا الدرس الثاني كيفية صب الشاي وشربه لازم واحنا بنصب الشاي يا اميرات او اي مشروب تاني نراعي الاتي 1-نحط ايد علي ايد البراد والايد الثانيه علي الغطا بتاعه 2-نقرب البراد من الكوبايه 3-نصب براحه ولازم كمان نراعي الحاجات دي واحنا بنشرب الشاي 1-يكون ضهرنا مفرود 2- راسنا مرفوعه 3-نشرب من غير صوت 4-نمسك الكوبايه من دراعها ونرفع صوباعنا الصغير اللي ماسك ايد الكوبايه الواجب: خدوا بالكم لازم تنفذوه لان ده اللي عليه الحضور ودرجاته 1-نفذي الدرس الاول بتاع المشي وقوليلنا قدرتي تشيلي كام كتاب وهعلن الحصه الجايه عن الـ3 بنات اللي قدروا يشيلوا اكبر عدد من الكتب 2-نفذي الدرس التاني بتاع صب الشاي وشربه وينفع مع اي مشروب تاني وقولولي مشي معاكم ازاي واي استفسار انا موجوده يا اميراتي

[ღ✿جومانا✿ღ]

هو انا هقدر استعمل في واجب الكتب كتب المدرسة و الف حولين الشقة و ارجع اوضة الكمبيوتر؟؟؟

اه و حاجة كمان انا لسا عندي 9 سنين و صغير ع الشاي ينفع اجرب اي عصير عندي؟؟؟

[Stop Ana Eltop]

هنجرب ونقولك النتيجه

[براءة طفلة]

اقتباس المشاركة الأصلية كتبت بواسطة احلاهم.واتحداهم هو انا هقدر استعمل في واجب الكتب كتب المدرسة و الف حولين الشقة و ارجع اوضة الكمبيوتر؟؟؟ اه و حاجة كمان انا لسا عندي 9 سنين و صغير ع الشاي ينفع اجرب اي عصير عندي؟؟؟

اه طبعا يا قمر ينفع


وبالنسبه للشاي ينفع هو كمان انا قلت كده في الدرس وبالنسبه للبراد ممكن تبقي تصبي لمامتك ممثلا او كده

[انا دنيته وهو حياتى]

بصى يا قمر
هو بالنسبه للواجب
هكتبهولك ع الخاص
واخر معاد ليه امتا؟

[براءة طفلة]

اقتباس المشاركة الأصلية كتبت بواسطة ♥انا دنيته وهو حياتى♥ بصى يا قمر هو بالنسبه للواجب هكتبهولك ع الخاص واخر معاد ليه امتا؟

مفتوح للدرس التاني يا قمر

[حالمة باميرى]

وانا هجرب وابعتلك على الخاص مع انى مش بلبس كعب عالى بس هجرب

[براءة طفلة]

اقتباس المشاركة الأصلية كتبت بواسطة ملٱك ٱلروِحً وانا هجرب وابعتلك على الخاص مع انى مش بلبس كعب عالى بس هجرب

مفتوح للاتنين يا قمر اللي بيلبسوا واللي مش بيلبسوا لان دي ملهاش علاقه دي بتظبط المشي

[ايمان طلعت]

درس بسيط وسهل
جارى التنفيذ يا ميس

[دلوعة EGYPT]

درس حلووووووو وصغنن صغنن
جاري التنفيذ وهبعتلك النتيجه بكره ان شاء الله