طريقه عمل الجبنه المقليه بشكل جديد

[Aya 7ekaya]

كثيرا منا مل من الطعام المعتاد الذي يتناولة يوميا تقريبا ومن ضمن تلك الاكلات التى تأكل يوميا هى الجبنه سواء على الفطار او على العشاء او يتم وضعها فى مكونات اكلات اخري وتقدم على الغداء

لكن اليوك سوف أكسر لكم هذا الملل مع طريقة جديدة لعمل الجبنه والطريقة بسيطه جدا والمقادير متوفرة جميعها فى معظم المنازل كما انها متوفره فى جميع المحلات وغير مكلفة


مقادير وطريقة عمل أصابع الجبنة المقلية



المقادير:
...
½ كيلو جبنة رومي أو موتزاريلا مقطّعة على شكل أصابع
2 بيضة مخفوقة بالملح والفلفل الأسود
½ حزمة بقدونس مقطعة قطع صغيرة
ثمرة فلفل أخضر مقطعة قطع صغيرة
2 كوب بقسماط مطحون
2 كوب زيت للتحمير
كوب دقيق

الطريقة:

1- اخلطي البقسماط مع البقدونس والفلفل الأخضر كويس.

2- حطّي أصابع الجبنة في الدقيق وبعد كده في البيض، وبعدين في البقسماط، واضغطي بإيدك كويس على كل قطعة جبنة علشان تتماسك مع خليط البيض والبقسماط.

3- دخّليها التلاجة لمدة نصف ساعة، وبعد كده خرّجيها وحمّريها في الزيت لغاية لونها ما يبقى دهبي، وارفعيها على مناديل ورق علشان تتشرّب أي زيت موجود فيها.

4- رصّيها في أطباق التقديم، وقدّمي معاها سلطة خضراء أو سلطة زبادي أو كاتشب.. وبألف هنا وشفا.

[الأميرة رودي]

هتعشينا جبنه مقليه النهارده يايوشــا
بس شكلها يجنن هحاول أجربها
تسلم ايدك ياقــمــــري

[Aya 7ekaya]

اقتباس المشاركة الأصلية كتبت بواسطة الأميرة رودي هتعشينا جبنه مقليه النهارده يايوشــا بس شكلها يجنن هحاول أجربها تسلم ايدك ياقــمــــري

هههههههه ع فكرة جاامدة جدا لازم تجربيها انا اول مرة اكلتها ف الكلية وعجبتنى قولت لازم اجربها
نورتينى سارة

[سارة بنت مصر]

تسلمى ياقمر على الوصفه

لازم اجربها

[Aya 7ekaya]

تسلمى ي سارة وان شاء الله تعجبك ^^

[توحد ارواح]

انا فعلا بقليها بس لوحدها كدا وبعدين احط عليها البيض
يعنى بتكون بيض بالجبنه كدا
بس دى وصفه رووووعه لازم اجربها باذن الله
تسلم ايدك يا قمر

[حالمة باميرى]

انا اول مرة اسمع بيها
وصفة حلوة وانشالله هجربها تسلمى اختى

[Aya 7ekaya]

اقتباس المشاركة الأصلية كتبت بواسطة توحد ارواح انا فعلا بقليها بس لوحدها كدا وبعدين احط عليها البيض يعنى بتكون بيض بالجبنه كدا بس دى وصفه رووووعه لازم اجربها باذن الله تسلم ايدك يا قمر

هتحبيها جدا سهله ولذيذة ابقى قوليلى رايك
نورتينى ^^

[Aya 7ekaya]

اقتباس المشاركة الأصلية كتبت بواسطة ملٱك ٱلروِحً انا اول مرة اسمع بيها وصفة حلوة وانشالله هجربها تسلمى اختى

هتحبيها جدااا
نورتى ي قمر