لا اله الا انت سبحانك اني كنت من الظالمين

مساء الخير
انا بصراحة ظلمت انسانة وسببتلها مشاكل كتير في البيت عندها
وهيا متعرفش ان انا اللي سببتلها المشاكل دي فتعبت اوي وبعدين انا حسيت بالذنب ووقفت جنبها لغاية ما تعدي المرحلة دي بس للاسف بعد فوات الاوان بعد ما كانت فقدت الثقة ف كل الناس واتخانقنا خناقة كبيرة وسيبنا بعض
بس المشكلة ان هيا بقت تحسبن على اللي ظلمها
والدعاء ده كان زي الرصاص على صدري ما اقدرش اتحمله لان ربنا سبحانه وتعالى قال وعزتي وجلالي لانصرنك ولو بعد حين بس بجد ما كانش قصدي وكنت غافلة وجاهلة ورجعت لربنا وبقيت ادعي يارب لاتحملني ما لا طاقة لي به ولا تؤاخذني بذنوبي
مش هاقدر اروح اقولها طبعا ان انا اللي ظلمتك
اعمل ايه ادعوولي يا جماعة تسامحني ادعولي كتير اوي الله يجزيكم خير يااارب

[ساحر الأحزان]

طالما اعترفت بذنبك وغلطك يبقى أطلب منها السماح على شان ما تشيل ذنبها

وما فسد شىء فعلية أصلاحة مهما كلفة من متاعب

على شان ما تحس بتأنيب ضميرك

وتشيل ظلمك عنها

أدعى ربنا ولا تتوانى عن تصليح خطأئك أتجاها

[phalsteen]

الاعتراف بالذنب
اول الطريق للتوبة منه
بس حاولي تصلحي ذنبك او تتعرفي لها بيه
مهما كانت العواقب اكيد هتكون افيد
ومتخافيش شكلك انسانه قلبك كبير
وان شاء الله ربنا يسامحك ويساعدك

[رضا التركى]

أرى إنك تعترفى بما كان منك

يمكن أو أكيد هتزعل منك فىالاول وده شئ طبيعى

ولكن بعدين هتسامحك أكيد طالما كان بغير قصد

أهم شئ ( الصراحة ) حافظى عليها دايما بينك وبين كل الناس

[حَرفُُ هجآءّ]

حاولى تصرحيها هيكون افضل
عشان تسامحك حتى لو مش سمحتك وقتها اكيد مع الوقت هتنسى وهتسامحك

[حالمة باميرى]

قوليلها وعرفيها عشان تبقى برئتى ذنبك
وعملتى الى عليكى واعترفتى
وربنا يهديها وتصالحك انشالله وتسامحك

[esra2 mohamed]

حاولى تقوى علاقتك بيها
وتصبحى محل ثقه بالنسبالها
وتخففى عنها الى بيحصل
لها وتلمحى لها بشكل او باخر
انك السبب
لحد ماتوصولوا مرحله
انها تسامحك عل ذنب زى ده
واعترفلها بيه

وربنا معاكى