مقلب عاشق والاداره فى بيج بوص

[عاشق متيم]

بسم الله الرحمن الرحيم

مفكرتش لحظه انى هعمل مقلب فى عضو !!!!!!!!
ومش بحب المقالب اطلاقا بدليل انى نزلت قصه قصيره بقلمى
http://forums.banatmisr.com/msryat440715/

وخليت اتنين ماتوا فى نهايه المقلب دليل ان ممكن تكون نهايه المقلب مش لطيفه وحتى قلت فى تعليقى على احد الردود هنعمل ايه فى عقول البنى ادميين اللى بتحب تعمل مقالب ....
وفعلا بعد ما عملت المقلب فى نور ونزلت توبيك هو دخل رد وقال مقلب مرفوض
ومتكلمنيش تانى ولم يتقبل الامر .....
مع انى انا المفروض اللى اذعل منه بسبب بعض كلامه الغير لطيف اللى قاله
بعد ما قفلت عليه الزمبيل
وفعلا مر يومين ولم اتكلم مع نور بسبب ظرف خاص بيا ومودى مش كان تمام
وبعدها ارسلت لنور

عاشق

السلام عليكم
شفت ردودك فى موضوع الشكوى فى اليوميات وانك رافض المقلب ؛ احنا كنا بنهزر معاك وانا لم اخرج عن النص فى الرسايل اللى بعتها لك ؛ انا كنت بحاول استفزك فقط ؛ انا عمرى ما ذعلت حد ولا بحب حد يذعل منى
ومش عاوزك تذعل منى لاننا كنا بنهزر معاك والمقلب مش هنزله
بالتوفيق

=========

نور


و عليكم السلام

مفيش حاجه يا عاشق

انا كنت متنرفز اليومين الى فاتوا علشان عندى مشاكل شخصيه

فكنت شايط ههههههههههه

فمفيش زعل و لا حاجه

و لو حابب تنزل الحلقه نزلها عادى مفيش مشكله

و احنا اخوات ربنا ما يجيب زعل

و مش تزعل من اسلوبي معاك بعتذر

===========

وانا افتكرت ان نور هيذعل بس هو كان متقبل وقال نزل المقلب
وانا هنزل المقلب بعد تعديل وحذف بعض الرسائل ...

===========================

انا بعت لامجد وقلت له عاوز اعمل مقلب فى نور وعاوز مساعدتك
وفعلا امجد وافق ؛
فانا بعت لنور رساله عنوانها ( يا اخى اتقى الله ) وقلت له
عاشق


مكنتش فاكر انك بالشخصيه دى
هو انا عملت لك ايه علشان تتكلم عليا بالطريقه دى ؛
انا عملت معاكم حوار وعملت مع الماجيك حوار ؛
ايه اللى فيها ؛
لكن يتقال عليا انى بوشين وانى بجامل الاداره وانى مش عارف ايه ؛ ليه كده وانا اللى بقول صاحبى ؛
وانا هقول رأيى فيك زى ما انت قلت رأيك فيا
ادارتك لقسم النقاش من اسوأ ما يكون ؛ ومتعصب لرأيك
وسبب من اسباب الخلافات بين الاعضاء وغير محايد بالمره ؛
وتكريماتك بتم حسب مزاجك وبالاحرى بتكون كلها للبنات ؛
ومواضيعك اى كلام فى اى كلام ومش بشوف منها فائده
زى موضوعك الاخير فى الاقلام بتاع الفيلم ؛
وحتى التكريم اللى انت واخده من شويه فى اليوميات
مجامله مجامله مجامله ؛
وبتحب تستعرض كتير زى موضوع الاحصائيات الاخير
جايب احصائيات 5 سنين وتقول 2014
وموضوع صفحه النقاش على الفيس
انا متأكد ان الغرض منها مش سليم
وانا غلطان انى اتكلمت معاك فى يوم ؛ طالما انت كده !!!

================

طبعا نور مش عارف ايه اللى بيحصل

فرد وقال


و انا هقول عليك ليه كدا ؟

و انت تصدق انى اقول كدا - احنا صحاب و اعتز بيك و بقدرك

و انا مش هزعل من كلامك دا

بس اقسم بالله العلى العظيم ما جبت سيرتك و لا بجبها فى اى حاجه

و عامتآ شكرآ

==============

وانا علشان اظبط الدور روحت قدمت شكوى ( كده وكده ) فى نور فى قسم الشكاوى علشان الاعضاء تشوفها وهو كمان يشوفها فى احصائيه اخر المشاركات وفعلا نور شافها وبعتلى رساله زوار وقاللى فيها
نور :

انت عملت فيا شكوى و بعتلى رساله وحشه

بس انا مش عارف ايه الى حصل

فياريت توضح ؟

قبل ما ارد عليك

==========
ما رديتش على نور

فنور بعت لدمعه ودار بينهم الحوار الاتى

نور :



منه

عاشق بعتلى رساله وحشه

و عمل شكوى فيا

و انا مش عارف حصل أيه ؟

فياريت تقليلى حصل ايه ؟

=======


دمعه :

مش عارفه ايه حصل هاشوف كده

======

نور :

شوفى و قليلى

========

دمعه

طيب يانور حاول تكلمه رسايل

=========

نور


هو بعتلى رساله بيقولى انت قلت عليا و مش عارف

قلتله انا عمرى ما اقول علك حاجه و اقسمت له

-فالظاهر ان حد لاعب فى دماغه و قله نور بيقول عليك

بس انا مقلتيش حاجه ولا بقول و لا بعيد على اى حد

و ربنا يشفى الى فى المنتدى دا

==========

دمعه

طبعا يانور هوا انت فيه زيك ولاعمرك جيبت سيره حد
وعاشق بردو ابن حلال ومايستحقش كل ده
ربنا يهدى

==============

ونور سجل خروج

فانا بعت لتور رساله قلت له فيها

عاشق :


ما هو انك تغلط فى الناس حاجه مش جديده عليك ؛ وانك برده تغتاب الناس وتجيب فى سيرتهم
وفى الاخر تغلط فيهم ....
احنا ولا صحاب ولا غيره
الكلام مع الاداره وانا قدمت شكوتى وقلت اللى عندى .
خلص الكلام

==============

وبعت لامجد وقلت له نور كلم دمعه ابعت له الرساله
فبعت امجد لنور الرساله دى

ساحر الاحزان :


ازيك يا نور

كنت بقول نور انسان عاقل

ومحترم وكويس

يقوم تشتم عاشق كدة

عيب يا اخى

انا بقول انكم اصحاب

وهو عاشق عمل شكوى فيك

ارتحت كدة

الحكاية مش ناقصة

والحظر باين واقف على الباب

لان الواحد زهق من الى بيحصل دة


مفيش اى احترام ولا اى تقدير بين الاعضاء

============

ساعتها لقيت مورشو بيبعت ليا رساله وبيقول فيها

مورشو :

ازيك عامل ايه
مالك يابنى انتا ونور
وشكاوى وكلام اتقال عنك ومش عنك
ماتشوف ايه وصلك
ومن مين واعرف فى ايه بالظبط

==========

فانا رديت عليه وقلت

عاشق :


انا الحمد لله كويس ؛
انت ازيك
انا وصل ليا كلام ومن شخص موثوق فيه ؛ وحتى الرسائل حطيتها فى الشكوى
والاداره قالت انها هتتدخل ؛ وانا منتظر رد الاداره

========

فرد مورشو وقال

مورشو :


شتمك يعنى
عشان توصل لكدا
دا حتى انتا ونور الحمد لله
علاقتكم كويسه ببعض

===========

وانا مش رديت على رساله مورشو دى على اساس انى مضايق وكده
ولوست بيرل قالت ليا خلى مورشو يساعدك ده ابو المقالب ...
بس انا قلت لنفسى لو مورشو ادخل ؛ احتمال نور يسيب المنتدى
( مورشو يتفات له بلاد )
-------------

نور سجل دخول بالليل

ورد على رسالتى وقال

نور :



يا محترم

انت بتهزر ولا بتتكلم جد

انا مليش فى القيل و القال و مش بحب الكلام دا

و عملت شكوه عملت

قولى من قالك كدا ؟ و ايه الدليل ؟

============


فانا رديت عليه وقلت

عاشق :


ما هو واضح انك مالكش فى القيل والقال !!!!!
امال بتكلم عليا ليه وتجيب فى سيرتى ؟؟؟؟؟
انا مش طايق اتكلم مع واحد بالشخصيه دى
حسبى الله ونعم الوكيل


============


ونور رد على رساله دمعه وقال


هو ابن حلال انا هتجوزه يا منه

انا بقلك ايه الحكايه ؟

دا كل المنتدى عرف الموضوع الا انا

هو دا مقلب ولا بجد

فهمينى بئا


=============

ونور رد على رساله ساحر الاحزان وقال

نور :


هو انتوا هتشتغلونى ولا ايه

انا مش ناقص

هو من غير ما حد يتاكد من حاجه

داخلين فيا شمال

فيه ايه يا امجد ؟

ما تفهمنى حصل أيه ؟

و ايه الحظر على الباب يعنى

يا اهلا بيه

انا مش بتهدد


=============


ونور سجل خروج ومش نزل مواضيع فى المنتدى اليومين دول

ودخوله كان قليل


============


اليوم التالى


ردت دمعه على نور وقالت
دمعه :


معلش نور مش وقته بس انت عارف احنا بنثق فيك قد ايه

========

انا شفت رساله دمعه من هنا وقلت لازم ادخل فبعت رساله زوار لدمعه وقلت


عاشق :

ايوه ؛ قولوا كده !!!!!!!
تقولوا كلمتين فى الشكوى ومش توجهوا اى حاجه للعضو اللى غلط فى حقى
وجايين دلوقتى تقولوا له احنا بنثق فيك
ده عضو مش بيحترم الاخريين
انا مش عارف انتوا ممسكينه اكبر قسم فى المنتدى ازاى !!!!!
ولو حقى مجاش هيبقى ليا رد فعل تانى ؛ حتى لو وصلت لحظرى ...
وانا دلوقتى صدقت ان قسم الشكاوى مالوش لازمه ؛ وان فى اعضاء مدللين عند الاداره

==========

فردت عليا دمعه وقالت

دمعه :

نو كومنت بصراحه

============

وساحر الاحزان رد على رساله نور وقال

ساحر الاحزان :


على شان لم يتكلم نعرفة

مش نبقى زى الاطرش فى الزفة

ونلم الموضوع دة


اعرفك أيه ؟

مش لما اعرف انا الاول

انا كل الى بعته ليا و زعلان علشانه ان حد قله ان نور قال عليك كلام

بس دا الى اعرفه ....

===========

نور سجل دخول ورد على رسالتى ودار الحوار التالى

نور :

ما تحاسب على كلامك

و لو كنت محترمك فدا علشان انت حد بقدره

انما هتتجاوز حدودك معايا

فمش هسمحلك

و خلى الى قلك ينفعك

..........................

و لو بعت رساله تانى

هتزعل منى

==========

عاشق


تقديرك واضح ؟؟؟
.......................................
بس الخروج عن النص دى حاجه مش جديده عليك

============
نور
.....................
و خلاص على كدا انتهينا

معاك حاجه ضدى اديها للاداره و هى تشوف شغلها

و كفايا على كدا قلت احترام

علشان انت لو رضيها على نفسك نتكلم بالاسلوب دا

انا مش هرضها

سلام


===========

وبعت نور رساله لدمعه وقال لها

نور :

لو سمحتى يا منه

شوفى الموضوع

و متخليش عاشق يبعتلى رسايل تانى

علشان وصلنا لمرحلة تنشنه و قلة احترام

و انا مش هرضى بكدا

=========

وردت دمعه وقالت

دمعه :

اوك اهدى انت ومش هايبعتلك


========

ورد نور عليها وقال

نور :

اوك ههدى

بس انا بشر مش حجر

=========

وبعتت دمعه ليا رساله زوار وقالت

دمعه حائره :

ياريت مش تبعت لنور رسايل تانى
وخلى الكلام معانا

=======

فانا رديت وقلت

عاشق :

انا برد على اللى هو بيبعته
والكلام معاكم انا مش شفت انكم اتخذتوا قرار يعنى
حتى طارق دخل رد فى الشكوى ومش قال ايه الاجراء اللى هيتم مع العضو ده ؟؟؟؟

========

ده رد طارق فى الشكوى


انتوا بتلعبوا من غيري

( شوف بقى يا نور لو طارق كان اشترك فى المقلب ؛ كانت تبقى حاجه زى الفل ؛
وفكرت انى اطلب من طارق انه يعطيك مخالفه ؛ بس مش عارف اعمل ايه فى قلبى الطيب ؛ واعتقد ان طارق كان هيرفض لان رد فعلك ساعتها مش كان هيبقى كويس )

==========

ردت دمعه حائره عليا وقالت

دمعه :

اوك يبقى نهدى شويه وبلاش نكبر الموضوع

==========

فانا رديت على رساله نور وقلت

عاشق :

بلا سلام بلا عبدالسلام
............
امال كنت بتشتم وتغلط ليه ؛ طالما انت محترم
انا مش طايق ارد عليك اصلا
وقدمت كل اللى عندى للادارة

============

فرد نور وقال

نور :

ا نت اسلوبك مستفز

و قادر ارد عليك

بس صعب عليا و مصدوم فيك انك تتكلم معايا بالطريقه دى

و مش هاين عليا ازعلك بكلمه و ماسك اعصابي علشان احنا اصحاب

==========

ورد على رساله ساحر الاحزان وقال


عادى يا امجد

الى يقول حاجه يجيب دليل

و بعدين انا مش بكلم حد فى المنتدى خالص

لا فيس ولا رسائل
============

ولقيت نور بيسجل دخول قبل الفجر فانا كنت بعت له رساله
وقلت

عاشق :

صحوبيه ايه اللى بتتكلم عليها
هو انت بعد كلامك اللى قلتو خليت فيها صحاب
انا اللى اتصدمت وذعلان انى اتعاملت مع واحد زيك فى يوم من الايام
وكرهت المنتدى لانك فيه
===========

ورد نور وقال

نور :

يوووووووووووووه
..........

انا الى هغور منه

==========
وسجل خروج ساعتها

فانا رديت وقلت

عاشق

يلا مع السلامه واهو على الاقل هنستريح من مواضيعك ....
ونميمتك على الاعضاء ومجاملاتك للبنات

===============

تم حذف بقيه الرسائل ...........

=================

طبعا انا بشكر كل الطقم الادارى من اداريين ومراقبين ( ردوا فى الشكوى ) لاشتراكهم
فى انجاز هذا العمل الكبير
==========
احنا كنا بنهزر معاك يا نور ؛ بس اعمل ايه لما اجى اعمل توبيك عن اعضاء
مش بيبقى قدامى غيرك انت ومورشو والاداره ؛
يلا خيرها فى غيرها بس مش كنت اعرف ان رد فعلك هيكون كده بعد الزمبيل
ما يقفل عليك ؛ دا انت طلعت اصعب من هيفاء

[♥SaRa]

هههههههههههههههههههههههههههههه
انكـ يا نور دخلت شمال بعد ما اتقفل عليك الزمبيل
ههههههههههه دا بيقولك اصعب من هيفاء يا نهاااارررر
والله انتوا اعضاء عثل
تيجبوا الضغط والسكر
هههههههه
اضحك الله سنكم
ضحكتوني جامد بجد
نايس مقلب
بس والله نور صعبان عليا كل شوية يتعمل فية مقلب
الولد هينتحر مننا يا جوماعة هدوا السلخ شوية ^^

[big bốss]

دمعه حائره

ساحر الاحزان

عاشق متيم


اخر ناس اتوقع انه يحصل منهم مقلب فيا

و بجد انا اتنرفزت

بس اعترف انه اضحك عليا

بس انتم كلكم اتفقتم عليا اداره و مراقبين معرفش هونت عليكم ازاى

مفيش الا مورشو هو الى دافع عنى ههههههههههههه

نايس مقلب

و متزعلش يا عاشق متيم لبخت معاك فى الكلام

بس انت حد عزيز عليا جدآ

و حتى طارق كان عارف و مش قلى

[big bốss]

اقتباس المشاركة الأصلية كتبت بواسطة ana banota baskota هههههههههههههههههههههههههههههه انكـ يا نور دخلت شمال بعد ما اتقفل عليك الزمبيل ههههههههههه دا بيقولك اصعب من هيفاء يا نهاااارررر والله انتوا اعضاء عثل تيجبوا الضغط والسكر هههههههه اضحك الله سنكم ضحكتوني جامد بجد نايس مقلب بس والله نور صعبان عليا كل شوية يتعمل فية مقلب الولد هينتحر مننا يا جوماعة هدوا السلخ شوية ^^

فقعولى المراره يا ساره

[✿ Celiηα]

حاسة بيك وانت بتحاول تمسك نفسك يا نور
هي عشان بس الادارة اتدخلت فدخل عليه المقلب جامد
حلوة يا عاشق بالرغم من اني بردو ضد المقالب :-)
ربنا يكون فعونك يا نور

~

[عاشق متيم]

اقتباس المشاركة الأصلية كتبت بواسطة big bốss دمعه حائره ساحر الاحزان عاشق متيم اخر ناس اتوقع انه يحصل منهم مقلب فيا و بجد انا اتنرفزت بس اعترف انه اضحك عليا بس انتم كلكم اتفقتم عليا اداره و مراقبين معرفش هونت عليكم ازاى مفيش الا مورشو هو الى دافع عنى ههههههههههههه نايس مقلب و متزعلش يا عاشق متيم لبخت معاك فى الكلام بس انت حد عزيز عليا جدآ و حتى طارق كان عارف و مش قلى

انا كنت رافض تماما انى اعمل فيك مقلب
بس اتعرضت لضغوط من قبل هذه الاداره
وبعد ما بعت لك الرسايل
انا قلت فى الشكوى انك صعبان عليا
بس قلت نكمل الحكايه
=======
انا مش ذعلت منك
وانت من الشخصيات اللى بعزها جداااااا هنا فى المنتدى
وقلت الكلام ده قبل كده
وتعيش وتاخد غيرها

[واد حبيب]

انا اعترض علي هذا
الاداره بتعمل مقالب في الاعضاء
لزم يكون لك وقفه من حديد يا نور

[Silver Flower]

يلا تعيش وتأكل غيرها
أنتا أنضحك عليك شي وأنك تتخان شي تاني
يلا ما علينا
مبروك المقلب
تعيش وتأكل غيره

[big bốss]

اقتباس المشاركة الأصلية كتبت بواسطة ✿ Celiηα حاسة بيك وانت بتحاول تمسك نفسك يا نور هي عشان بس الادارة اتدخلت فدخل عليه المقلب جامد حلوة يا عاشق بالرغم من اني بردو ضد المقالب :-) ربنا يكون فعونك يا نور ~

تماسك و تمالكت نفسي حتى انفجرت

اه الاداره هى الى خلتنى صدقت

ادعيلى يا سيلينا عقبالك

[-esraa-]

الجرعة جامدة: )))
بس كويس ان نور استحملها
هههههههه يﻻ تعيش وتاخد غيرها
عاشق متيم اللي هيعمله فيك نور حلال ههههههه