صعبانة عليا ياأمى الغالية

[العاشق الذى لم يتب]

	مصر إمى مصر أم الدنيا صعبانة عليا ياأمى الكل بيهش فيك والكل نسى فضلك عليه ليه ياأمى خيراتك بننكرها ليه أتعلمنا نكره بعض ليه ليه ياأمى بخون بعض ليه ليه ياأمى بنقتل بعض ليه ليه ياأمى دمنا بقى رخيص ليه قلوبنا أتحجرت وليه القسوة فيها أتفجرت ليه ياأمى نضرب بالرصاص وليه أتنزع مننا الإحساس ليه ياأمى نشوف الدموع ونشوف البكا والقلب موجوع نقول إيه يعنى مايهمناش لازم نقتل ونعمل من الجثث شموع ليه كده ياأمى كلنا نتهم نشتم كلنا نلعن نسب نرمى التهم ليه كده ياأمى نسينا حريم مترملة وامهات تشوف أبنها على الخشب متحملة ليه كده ياأمى هونّا على بعضنا ليه الظلم بقى فينا صفات متأصلة ليه ياأمى جرينا ورا مناصب زائلة ليه نسينا ربنا وحسابه ويوم العاجلة ليه ياأمى بقينا كلنا الكرسى يهمنا صعبانة عليا ياأمى يجرالك ده مننا ياأمى أصرخى ونادى وقولى ياربنا حوش عن ولادى وأرحمهم بالفاضلة

[ساحر الأحزان]

كلمات جميلة اخ رفعت

مصر امنا وهمها هو همنا

وحتفضل على طول

فى قلبنا

[العاشق الذى لم يتب]

اقتباس المشاركة الأصلية كتبت بواسطة ساحر الأحزان كلمات جميلة اخ رفعت مصر امنا وهمها هو همنا وحتفضل على طول فى قلبنا

هتفضل دومافى قلبنا
شكرا لك
أمجد
شرفنى مرورك
تحياتى

[انا دنيته وهو حياتى]

كلمات جميله ياربفعت
فعلا مصر دى امنا وغاليه علينا
ومش ممكن ننكر فضلها

[العاشق الذى لم يتب]

اقتباس المشاركة الأصلية كتبت بواسطة ♥انا دنيته وهو حياتى♥ كلمات جميله ياربفعت فعلا مصر دى امنا وغاليه علينا ومش ممكن ننكر فضلها

شكرا
آية
شرفنى مرورك
تحياتى

[ويبقى الأثر]

يارب بجد كل اللى بيحصل ده ينتهى
ويرجع الامان لمصر وولادها
الحزن كتر اوى
ابن اتيتم
زوجه بقت ارمله
ام بتفقد ابنها الوحيد
كتير بجد
كلمات جميله رغم حزنها
دام قلمك استاذنا ودام التواجد العطر

[حالمة باميرى]

بجدكلمات فى منتهى الروعة وخلتنى دمعت
ربنا يرجع مصر لينا يارب ومتحرمش ام من ابنها ابدا

[شاعر الحب الحزين]

وصفت وبدقة شديدة حال مصر

لكن ما بعد ديق الا فرج وكل اللي بيحصل دلوقت

لحكمة عند رب العالمين لا يعلمها احد سواه

ان شاء الله ترجع مصر بلد الامن والامان

الله يسلم قلبك وقلمك يا صاحبي

الله يصلح حال الناس في مصر ويجمع بين قلوبهم بكل خير ومودة

[Safira]

اللهم احفظ مصر واجعلها في امانك واحسانك
اللهم اجعل لنا من كل هم فرجا
ومن كل ضيق مخرجا
ومن كل بلاء عافيه

كم كانت كلماتك رائعه فى معانيها

تسلم ايـدك

[العاشق الذى لم يتب]

اقتباس المشاركة الأصلية كتبت بواسطة قيثارة الصمت يارب بجد كل اللى بيحصل ده ينتهى ويرجع الامان لمصر وولادها الحزن كتر اوى ابن اتيتم زوجه بقت ارمله ام بتفقد ابنها الوحيد كتير بجد كلمات جميله رغم حزنها دام قلمك استاذنا ودام التواجد العطر

أشكرك جدا
منة
شرفنى مرورك
وجميل ردك الغالى
تقبلى تحياتى وودى