الراجل الي بجد

[saMka samir]

ـآلسلآم عليكم ورحمة الله وبركاتة
إزيكم ؟ يارب تكونوآ بخير
انا كنت عاوزة اكتب الكلمتين الي هكتبهم هنا دلوقتي في مدونتي
بس انا عاوزة الكلام يوصل لاكبر عدد ممكن
لان الموضوع مستفزني اوي.. مش بمعني غايظني .. بمعني انه مخليني عاوزة اتكلم عنه



لو سألت أي بنت ايه مواصفات فتي أحلامك ؟؟


..


..

..

..

......قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....


قعدت أفكر كتييييييير يعني ايه واحد "راجل بجد "؟؟!!!


ووصلت لشوية اجابات ..
• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..
• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك
• الراجل اللي بجد .. عمره ما يطلع سر بينه وبين واحد صاحبه
• الراجل اللي بجد .. عمره ما يتخلي عن مسؤليه أو يتهرب منها
• الراجل اللي بجد .. عمره ما يصاحب بنت ويروح يتكلم عليها مع أصحابه
• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك
• الراجل اللي بجد .. مبيبقاش فرحان بيكي وهو ماشي جنبك وأمة لا اله الا الله بتتفرج عليكي
• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته
• الراجل اللي بجد ...هو اللي يقول الحق ولو علي رقبته
• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )
• الراجل اللي بجد .. عمره ما يفرض نفسه علي واحده رافضاه
• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت
• الراجل اللي بجد .. هو اللي يقدر يستوعبك وقت ضعفك ..
• الراجل اللي بجد .. عمره ما يستغل حب واحده ليه عشان يضغط عليها
• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه
• الراجل اللي بجد ... عمره ما يكون محبط ولا يائس ولا شايف الدنيا سوده
• الراجل اللي بجد مش شنب ولا عضلات ولا طول وعرض !!!!
• الراجل اللي بجد مواقف وأفعال ... حاجات كده أكبر من أنها تتوصف بكلااااااااام
الراجل حتي لو محبكيش مش هيهينك او هيخليكي تحسي انك مش ملكتي قلبه .

[حبيت وفى الاخر بكيت]

جميل جدا بارك الله فيك على الموضوع الجامد ده

[رآقيہ بأخلاقـى]

بصى يا قمر لو لاقينا الراجل اللى بجد
هتلاقى معاخ الحب والحنان والامان ويصون ويحافظ عليكى
وعلى اسرارك وعلى كرامتك يحافظ على كبريائك
هو دة الراجل اللى بجد يعنى البنت بتقول عايزاه راجل بجد
لانها لما تلاقى الراجل اللى بجد هتلاقى فيه باقى الصفات
وفى الاخر بقولك مفيش حد كامل الكمال لله واحدة
مستحيل تلاقى راجل بجد اللى هتتوفر فيه كل الصفات دى
بشكرك على موضوعك القيم

[الآمير العآشق]

وااااااااو
هو فيه ايه ياناااس
هو لازم كوووداا تكشفو عن صفات شخصيتي كوودا علني ادام كل النااس
حراام عليكوو فضحتووني وضيعتو تواضعي

يسلمووو saMka samir
كلآم كتير حلووو
وموضوع اكتر من راآئع
دمتي متالقهـ

[توحد ارواح]

تمام الراجل اللى بجد
هو من تكون فيه هذه الصفات مجتمعه
وممكن فى كلمه واحده هو من يتقى الله
اكيد هيخاف عليكى ويراعى ربنا فيكى
وهيكون هو طريقكِ للجنه باذن الله
تسلمى يا قمر ع الطرح الجميل
بانتظار جديدكِ المميز
منوره القسم

[حالمة باميرى]

بصىياقمر مفيش حد كامل غير رسول الله(ص)
بس الراجل الى بجد الى يتقى ربنا بجد فى الىبيحبها

[ساحر الأحزان]

كلمات جميلة منك

ومفيش كمال

الا لله وحدة

اهم حاجة ان صفاتة الحلوة تغطى سلبياتة

[العاشق الذى لم يتب]

والله كلام مظبوط
وهو فعلا ده الرجل بجد
تسلمى اختى
بارك الله فيك
تحياتى