حل المسابقه التفاعليه " إستمارة التأهيل 2 "

[۩۩ elMagic ۩۩]

السلام عليكم ورحمة الله وبركاته


مسابقه تفاعليه " إستمارة التأهيل 2 "



حل موجز لأسئلة الاستماره
وبعدها سيتم عرض حلول الاعضاء

" استمارة التأهيل 2 "




السؤال الأول

اخر رقم مسجل دا معناه الرقم الحديث الظهور فى المنتدى
ودا طبيعي هيكون الاكبر رقم من ضمن الأرقام المكتوبه ..
والرقم الأقدم العكس اللى هى اول عضو سجل فى المنتدى
من ضمن ارقام الأعضاء المذكوره ودا اكيد هيكون أصغر رقم ..
يبقى 81880 - 10851 = 71029
ملف العضوه الشيهانه
http://forums.banatmisr.com/u71029/

............................

السؤال الثاني

مبدأيا لازم تعرف أصحاب الأرقام وتقسيمات الحروف الانجليزيه



وبعد كده هيتضح أن عدد الحروف الأنجليزي
47 حرف انجليزي ،،
هتضرب العدد دا فى إجمالي الارقام اللى أصحابها بالعربي
طيب انت عندك سبع أرقام فوق منهم رقمين
أصحابهم أسماءهم بالعربي " الأميره رودي وإبتسامه الزهر "
هتجمع الرقمين بتوعهم 76164 + 75173 = 151337
يبقى 151337 × 47 = 7112839
قالك بعد كده أطرح اجمالي أول ست الأرقام علماً بأنها الأكبر من بين الأرقام المذكوره ،،
طبعا هنا يقصد أرقام العضويات اللى مكتوبه قبل الأسئله فوق
هيبقى فيه عندك احتمالين للحل ::
والأثنين هيتطلعوا نفس النتيجه رغم اختلاف الأرقام تماماً فيهم
هتعرفوا ازاى دلوقت
الأحتمال الأول :
هو أنك هتاخد أول ست أرقام بس لازم هتشيل منهم
الرقم الصغير دا 10851
لان دا لا ينطبق عليه شرط الرقم الأكبر
الموضح في الأقتباس دا

اقتباس إذا علمت أنها الأكبر من بين الأرقام المذكوره

وبالتالي هنا هتبقى العمليه الحسابيه
7112839 - ( 54732+76164+81880+73695+45025 )
= 6781343
وبعد كده قالك طرح نفس المقدار ولكن بفارق 6170
يعني السؤال بصيغه تانيه
اطرح المقدار " 6781343 - 6170 " من الناتج الاخير ..
ودا بالمنطق هتبقى الأجابه هي نفسها مقدار الفرق بينهم
6170 دا لعب بالالفاظ ليس إلا
ولو عايز تحسبها هتبقى
6781343 - 6775173 = 6170

الأحتمال الثاني :
هو إنك هتتجاهل لفظ أول ست أرقام وكأنها ست أرقام بس
وهنا هتاخد أكبر ست أرقام من أرقام العضويات
وهتجمعهم هيديك المجموع 406669
هيبقى 7112839 - 406669 = 6706170
هتطرح منه الناتج بفارق 6170
هتبقى المعادله 6706170 - 6700000 = 6170
ملف عضوية عباس الجبوري
http://forums.banatmisr.com/u6170/

................................

السؤال الثالث

http://forums.banatmisr.com/msryat453044/
forums.banatmisr.com/msryat453044/

...........................

السؤال الرابع



.................................

السؤال الخامس

ترتيب أكثر أوسمه

الماجيك 38 وسام

وردس ويسبر 36 وسام

ابتسامة الزهر 30 وسام

جاسمين 28 وسام

لوست بيرل 22 وسام

الاميره رودي 12 وسام

سيلفر فلور 4 اوسمه

............................

السؤال السادس

الحدود الدنيا لألقاب الأعضاء
عضو جديد 100 مشاركه
" العضو لما بيسجل بيكون بدون اى ألقاب
ولكن اول ما بيتخطي حد الـ 100 مشاركه
بيحصل على لقب عضو جديد "
عضو فضي 700 مشاركه
عضو ذهبي 1000 مشاركه
عضو فوق الوصف 1500 مشاركه

......................

السؤال السابع والثامن والتاسع والعاشر

26000
30000
8500
1500

........................

الأسئله الحسابيه
" الحادي عشر والثاني عشر والثالث عشر "

والحادي عشر مش عارف اختلط عليكوا الأمر
اكتر من عضو افتكر الرقم 37705
ولكن هو 377.5
ودى تتحل بالاحتمالات كـ طريقه تقليديه بسيطه
وممكن تمشي عكس العمليه الحسابيه
بأنك هتبدأ بالرقم الإجمالي وهتطرح كل ما سبق
بدل الجمع هيتطلعلك الناتج النهائي 145 ..



_________________

وبكده انتهت الحلول
ودلوقت مع حلول الأعضاء حسب الاسبقيه فى الأرسال

ساحر الأحزان

حل السؤال الرابع والسابع والثامن والتاسع والعاشر صح
ليك 9 نجوم
مجموعتك يا معلم



..............................

احلاهم.واتحداهم

حلت الاسئله الاختياريه
للأسف كان تخمينك خاطئ
ولكن يكفي شرف المحاوله

مجموعتك يا جميل



...................................

ايمان طلعت

حلت السؤال الثالث والخامس والسادس صح
ليكي 4 نجوم بقآ

مجموعتك يا ايمان



عايزين شغل أجمد من كده المره الجايه

...................................

Aya 7ekaya

حلت صح السؤال الثالث والرابع والسادس"3 نجوم منه"
ليكي 5 نجوم بقآ

جنب صحباتك يا يويو



................................

براءة طفلة

حلت السؤال الأول والثالث والخامس والسادس والسابع
والثامن والتاسع والعاشر صح
ليكي 17 نجمه يا بنوته
الله ينور احنا بقينا أجمد من المره اللى فاتت

يلا اول من يدخل المجموعه دي



.....................................

✿ Celiηα

حلت السؤال الرابع والخامس والسادس والثامن والتاسع والعاشر صح
ليكي 13 نجمه يا سيلينا
موش انتي دي بردك
بس طالما بقينا جامدين وغيرنا المجموعه
يبقى تومام تومام

مجموعتك يا جميل



...........................................

Islam Hagras

حل السؤال الثالث والرابع والسادس والسابع
والثامن والتاسع والعاشر صح
ليك 14 نجمه
مبروك يا معلم
منضم فى مجموعة



.........................................

عاشق متيم

صاحب المركز الاول
حل صح السؤال الاول والثالث والرابع والخامس
السادس والسابع والثامن والتاسع والعاشر
ليك 18 نجمه

كانت نجمايه واحده وتنضم للمجموعه الجديده
بس بردوا يجي منك يا معلم
والجيات كتير



...........................................

Arco Baleno

ريحت نفسها
وحلت صح الاسئله البسيطه اللى مفيهاش تعب
السؤال الثالث والرابع والسابع والثامن والتاسع والعاشر
ليكي 10 نجوم

الله ينور يا عم ناصر بإعتبار إني انا حلمي
نغمه لا يفهمها إلا لجنة تحكيم فورمس جود تالنت
يلا حاجزلك كرسي فى المجموعه دي بقآ



..............................

حلم عمري

حلت السؤال التالت والرابع صح
حقا حقا ابهرتيني يا وفاء
ليكي نجمتين يا جميل

يلا يلا على مجموعتك



..............................

ملك جبال الاحزان

حل السؤال الثالث والرابع والخامس والسادس والسابع والعاشر
عسل يا حودا فالح من يومك
ليك 10 نجوم يا واد

خش خش المجموعه دي



..................................

Ѕad Єyes

حل السؤال الأول والثالث والرابع والخامس والسادس"3نجوم"
والسابع والثامن والتاسع والعاشر صح ..
من الناس اللى فكرت كويس ف السؤال الثاني
اللى محدش قرب من الحل غيره هو وصاحبة المركز الاول مكرر
جايه دلوقت
المهم انت مشيت بالاحتمال الثاني وطلعت الاجمالي 406669
وحسبت حساباتك الأولي صح 7112839
مكنش فاضلك غير انك تطرحهم من بعض
وتشيل الفارق 6170 وتحدد ملف العضويه
ودا هو كان المطلوب اللى انت معملتوش ..
السؤال الحادي عشر انت من اللى اختلطوا عليهم الامر
وافتكرت الـ 377.5 كده 37705
انتوا مدرستوش العلامات العشريه فى المدرسه ولا ايه
طريقك حلك هتكون صح لو كنت اشتغلت بـ 377.5

مبروك يا معلم ليك 17 نجمه

مجموعتك



....................................

Lost Pearl

صاحبة المركز الأول مكرر
حلت السؤال الاول والثالث والرابع والخامس والسادس والسابع
والثامن والتاسع والعاشر صح ..
نفس تعليق ساد ايز طلعتي الرقم دا صح
7112839 ومشيتي طبقا للإحتمال الثاني 406669
بس مش كملتي صح بعد كده ..

المسائل الحسابيه
انتى الوحيده اللى فكرت فيهم كلهم بشكل صحيح الى حد كبير
وعلشان كده كان ليا شرف الكومنت علي الحلول
س11
انتي من اللي اختلط عليهم الأمر بردك
عوضتي بـ 37705
ولاحظت انك عوضتي عن خمسه بـ 0.2 "خُمس"
انا قولت خمسه تبقى 5 مش 1÷5 يا الاء
وبالمثل عشره دي 10 مش عُشر0.1 او 1÷10
صحيح قولت نفسه ونصفه بس مقولتش خُمسه وعُشره
الضمه هنا موهمه وانا عايزها 15 مش 0.3..

س12
دي فزوره يعني هتمشي الخطوات زي ماهو قايل
اول ما شوفت فى حلك قاسمه البسط كله على 3
كنسلت الحل علطول ..

س13
جننتيني وربنا فى المسأله دي
خلتيني احلها اكتر من مره عربي وانجليزي
وامشي مع خطواتك الاقي مفيش حاجه غلط
بس اكتشفت الخطأ فين بعد كده
الخطأ عندك مش فى الضرب ولا القسمه ولا ترتيب اولويات العمليات الحسابيه
ولكن الخطأ كان فى الجمع والطرح
وبالتحديد فى الجزئيات دي من حلك



اول خطوه سدس + 9 مش هينفع تجمعيهم
لان انتي نسيتي إن الـ سدس إشارتها سالبه
وبالتالي هنا العمليه طرح ولكن ستظل الإشاره موجبه
علشان الـ 9 الموجبه اكبر من سدس السالبه
وبالتالي هتبقى الخطوه هنا
7 - (6÷53) +2
وبعد كده لو هتعملي دي بالآله حاسبه
هيتطلع معاكي 6÷23 ودي هتروح بإشاره مخالفه الجانب الآخر
وهتكملي المسأله عادي لغاية ما توصلي لـ -15
وانا عمتاً مش بأفضل الحل بالكسور والعلامات العشريه
كنتى ريحتي نفسك من الاول
وظبطتي الاعداد الصحيحه تجمعيها مع بعض مع مراعاة إشاراتها
والكسر يروح النحيه التانيه بإشاره مخالفه
المسأله هتكون أبسط من كده شويه ,,

يلا مبروك 18 نجمه

مجموعتك بقآ



......................................

بكده يكون انتهي موضوع النتيجه
نورتوا المسابقه بوجودكوا وإجاباتكوا
نتمني تكونوا أستمتعتوا معانا
انتظرونا مع المزيد والمزيد إن كان للعمر بقيه
مودتــــــــي ,,

[ملك جبال الاحزان]

طب عشر نجوم المرة ديه تمام
اهو زدنا 4 نجوم المرة الجاية نزيد 4 تانى وتبقا الدنيا فله
بس انا حليت السؤال الاول ده ازاى طلع معايا غلط ؟ ؟؟؟؟
ووحياة ابوك يا احمد مش انت تدخل محاسبة ويطلع عينك
وتيجى تطلع عنينا احنا
انا يا عم بكره الرياضة اصلا مش ناقصة تيجى ورايا هنا كمان
تسلم ايدك يا واد مجهود حليوة

[Lost Pearl]

ههههههههههه انت يابني عملتها بال ه مش بال ة

انا قلت لو عايز خمسة هتكتبها خمسة مش خمسه

و ع المسألة الاخيرة اه انا نسيت الـ - هههههههههه

و اول سؤال انا ماكنتش عارفة انك عايز العضوية مخدتش بالي

يللا حلوين الـ 18 نجمة

و معلش ع الخط بقي انا لو كنت اعرف انك هتركز فيه كنت كتبته بخط محترم ههههههههه

تسلم ايدك ،،

[۩۩ elMagic ۩۩]

اقتباس المشاركة الأصلية كتبت بواسطة ملك جبال الاحزان طب عشر نجوم المرة ديه تمام اهو زدنا 4 نجوم المرة الجاية نزيد 4 تانى وتبقا الدنيا فله بس انا حليت السؤال الاول ده ازاى طلع معايا غلط ؟ ؟؟؟؟ ووحياة ابوك يا احمد مش انت تدخل محاسبة ويطلع عينك وتيجى تطلع عنينا احنا انا يا عم بكره الرياضة اصلا مش ناقصة تيجى ورايا هنا كمان تسلم ايدك يا واد مجهود حليوة

وهى دي مسائل حسابيه يا واد
انت لو شغلت دماغك هتحل يا فالح
اعمل بلقمتك علشان ربنا يكرمك فى المستقبل
يا مهندس علي ماتفرج

[۩۩ elMagic ۩۩]

اقتباس المشاركة الأصلية كتبت بواسطة lost pearl ههههههههههه انت يابني عملتها بال ه مش بال ة انا قلت لو عايز خمسة هتكتبها خمسة مش خمسه و ع المسألة الاخيرة اه انا نسيت الـ - هههههههههه و اول سؤال انا ماكنتش عارفة انك عايز العضوية مخدتش بالي يللا حلوين الـ 18 نجمة و معلش ع الخط بقي انا لو كنت اعرف انك هتركز فيه كنت كتبته بخط محترم ههههههههه تسلم ايدك ،،

خمسه لو جربتي تنطقيها هتلاقي ان مش هينفع فيها التاء المربوطه
هتبقى اخرها هاء مربوط شويه وهأقولك ماء مربوطه
انا تعليمي مجاني ف العربي الحقيقه
بس مُقتنع ان ال5 خمسه وال1÷5 خُمس
وبعدين خطك جميل ي عم دا افضل مني بمراحل
انا مشكلتي كانت فى طريقة الحل موش الخط يا بـرنــــــــس
يلا مبروك مبروك
الجيات كتير

[Lost Pearl]

لأ بقي عشان البتاع ده كان معقدني فـ العربي

حطيلها تنوين تعرف هي ه و لا ة

خمستون و خمسوهو

عادي انا مبسوطة ،، و وراك وراك يعني

[عاشق متيم]

اقتباس هتكون صح لو كنت اشتغلت بـ 377.5

بقى بذمتك 37705 = 377.5
وانا قرأتها خُمس
بس كويس اوى 18 نجمه
مجهود عالى يا ماجيك
تسلم ايدك
بس الموضوع ده واقف عليك بخساره
بتتعب ومش بتاخد حاجه فى الاخر
والا انت ماشى بمبدأ نحن نعمل من اجل الاخرون يكسبوا نجوم

[۩۩ elMagic ۩۩]

اقتباس المشاركة الأصلية كتبت بواسطة عاشق متيم بقى بذمتك 37705 = 377.5 وانا قرأتها خُمس بس كويس اوى 18 نجمه مجهود عالى يا ماجيك تسلم ايدك بس الموضوع ده واقف عليك بخساره بتتعب ومش بتاخد حاجه فى الاخر والا انت ماشى بمبدأ نحن نعمل من اجل الاخرون يكسبوا نجوم

انا مأنكرش ان الحكايه مجهده جداا معايا
ومش فيه خلق الأسئله ولكن فى التصميم
وعمتاً احنا كنا زماان بنحل وندور على الجوايز
ولكن دلوقت خلاص عجزنا
مش هناخد زمنا وزمن غيرنا بقى
بس لو عندك اى اقتراحات قولي عليها

[دمعه حائره]

الف مبروك ويدوم التميز تستاهلوا كل خير
وتسلم يااحمد مجهود عالى

[Marwan1337]

هههههههههههه

اية التعقيد دة يا عم
مبروك للناس اللى كسبت

و هارد لك للناس اللى مكسبتش ^^