برنامج ارض الخوف برنامج رائع

[شموسه]

السلام عليكم ورحمة الله وبركاته

بسم الله الرحمن الرحيم




طبعا اكيد سمعتم عن برنامج فير فاكتور بس يارترى انتم متابعينه هو عموما اليومين دو توقف بسبب وفاة حفيد الرئيس لكنه بييجى كل يوم الاعه 8 على الحياه 1 ويعاد الساعه 11 لكن دى بتكون اليوميات بتاعته اما الحلقه الاساسيه اللى بيكون فيها كل الاثاره بتبقى يوم الاحد الساعه 11

عموما المووع ده عن البرنامج وكل الاعضاء اللى متابعين البرنامج هندخل كل يوم طبعا بعد مشاهدة الحلقه ونعلق عليها ونتناقش فيها لان فعلا البرنامج رائع وله شعبيه كبيره جدا

اتمنى منكم المشاركه والتفاعل واللى مش بيتانع البرنامج ده رابط من اول حلقه خالص

سكرين شوت للحلقه الاولى






يللا مستنيه تفاعلكم

[SiLver Spectra]

أهي فكرة برضو يا شموسة

بس المهم الناس تتفاعل في الموضوع

على فكرة البرنامج دا كنت بتابعه زمان على الmbc كان إسمه تحدى الخوف

هو طبعا برنامج عالمي

لكن بتاع الحياة مش بتابعه بصراحة

تحياتي

[شموسه]

ميرسى يا طارق على التشجيع

بس اللى بييجى على الحياه مش هو اللى كان بييجى قبل كده لان ده جديد خالص عموما هسيبكم عشان اتفرج عليه باااااااااااى

[A . y . a]

الله بجد مرسي يا شموووستي

انا كنت عايزه اتابعه من اول ما بدا بس ما شوفتش الحلقة الاولى

شكرا ليكي ياقمر

فعلا برنامج جميل اووي لو كنت اكبر من كده شوية كنت اشتركت هـــــع:blow:

مرسي يا شموووسة:vb36:

[Mahmoud Mohie]

رائع يا شمووسه

بجد البرنامج جميل جدا

اقتباس على فكرة البرنامج دا كنت بتابعه زمان على الmbc كان إسمه تحدى الخوف

لأ يا سيلفر هو كان شبيه له لكن مش كان مصرى

المهم تحياتى لكى يا شموسه

اخوكـى

ma7moud

[شموسه]

ميرسى يا اجمل اعضاء على مروركم

المهم اقولكم حلقة النهارده كان فيها ايه

بس قبل ما اقول هشرحلكم الاول البرنامج ماشى ازاى ولبرنامج عباره عن حلقه واحده فى الاسبوع وبتبقى يوم الاحد الساعه 11 بالليل وبيكون فيه 3 تحديات واللى بيخسر اول تحدى بيترحل لتانى تحدى واللى بيخسر تانى تحدى بيترحل لتالت تحدى واقل اداء فى تالت تحدى بيترحل لمصر

لكن على مدار الاسبوع بيجيبوا اليوميات بتاعت المشتركين وهما فى الكامب ( المخيم )


ابدا بقى

فى التحديات الاولى اللى اترحلت عن ارض الخوف كانت نانسى فايز توأم مريم فايز وطبعا دى كانت اول واحده تترحل عن ارض الخوف

وفى الحلقه التانيه وبعد التحديات التانيه وبعد ما اتبقى ايهاب واحمد وهبه فى التحدى الاخير خسرت هبه وكان المفروض انها تترحل عن ارض الخوف لكن لانها محبوبه جدا منهم كلهم فسمح لها البرنامج انها تنتظر معهم 5 ايام ولان حظها رائع وهى محظوظه جدا اصيب وليد فى قدمه وبسبب الاصابه كان المفروض يترحل من ارض الخوف غضب عنه رغم فوزه فى كل التحديات لكنه قبل مايمشى قال لهم انه مشى غصب عنه وانه عايز هبه تكمل مكانه وعشان كده هبه كملت

اما فى الحلقه الثالثه اللى جت الاحد اللى فات كان فيه 3 تحديات وللاسف فى واحد منهم اترحل عن ارض الخوف وانا مش هقول لكم هو مين ولو عايزين تعرفوا ممكن تشوفوا حلقه النهارده او بكره بالليل فى اليوميات

اما امبارح فهما جابوا حلقتين من اليوميات مع بعض وده بسسب توقف البرنامج لمدة 3 ايام

والحلقه بتاعت امبارح كانت عن ان حماده هلال كان عايز يشوف غرفهم ودخل واتفرج على غرفة البنات وغرفة الاولاد

وبعد كده وليد دخل يخضر شنطته عشان يمشى وطبعا الوداع كان صعب جدا وبعد ما مشى جه للمشتركين جوابات من اهلهم

وبعد كده اليوم اللى وراه صحيوا من النوم وقعدوا يلعبوا وبعد كده كان فيه مشهد طريف جدا للولاد وهما بيغسلوا هدومهم وده كله كان المشتركين اللى المفروض يروحوا التحدى الثانى كانوا فى التحدى الثانى وهو عباره عن ان فى زجاج مكسور والمفروض انهم يمشوا عليه والتحدى كان صعب جدا

بكره بقى او النهارده بالليل هيجيبوا اللى حصل




وارجو من الاعضاء اللى بيتابعوا البرنامج انهم يدخلوا ويشاركونى فى التعليق عشان احنا عايين تفاعل

[اسكندريلا]

والله ياشموسة لو دفعولى مال الدنيا كله

ما اشيل رجلين فراخ ببقى

وامرغ وشى فى الدود

والقى الدود بيلعب بين سنانى


ابداااااااااااااااااااااااااااااااااااااااااااااا

ههههههههههههههههههههههههههه



السؤال هنا لازم تسئليه

مين من الاعضاء يتجراء ويعمل كده ؟

وقال ايه كمان يحطوهم فى تابوت زجاج ماليان عناكب وتعابين وفيران


يا نهاااااااااااااااااااااااااااااااااااااارى

ربنا عرفوه بالعقل ياشموسة


شكرا شموسة على الموضوع الجامد ده

بس قوليلى انتى بتابعى البرنامج ولا بتذاكرى

ههههههههههههههههههههه


لالالالالالالالالالالالالالالا مافيش وقت

ربنا معاكى وبالتوفيق باذن الله

[شموسه]

ههههههههه

لا يا قمر انا خلصت امتحانات خلاص

بس الفكره مش كده

الفكره هى انهم يتحدوا خوفهم ويعملوا اى حاجه علشان يكسبوا يعنى الفكره كلها اصرار واراده ليهم وطبعا كلنا بنأرف من الدود والثعابين وكده لكن اعتقد ان ارادتهم القويه خليتهم مش يفكروا فى كده وخليتهم يفكروا بس انهم يكسبوا


ميرسى يا قمرايه على مرورك يعنى انتى شكلك كده بتابعيه بس شكله مش عجبك صح ؟؟؟؟؟؟

بس بجد نورتى الموضوع

[اسكندريلا]

خلصتى يا قمر

عقبال اولادى يارب

خنقونى

هههههههههههههه

بصى البرنامج عجبنى فيه حاجات حاجات


يعنى اتحدى بقفزة ولا اكون جوه تابوت زجاج مخروم
وانزل المياه واحاول افتحه

اما فكرة الحيوانات دى صعبه

ده الواحد بيشوف صرصار بيقف ينط على الكرسى

مش فيران وتعابين

وده مش يمنع انى اتابعه لانه برنامج جديد وجرىء

بس اتابع ايوة افكر انى اشارك الف لا

بجد مرسى يا شموسة على مجهودك

وانتى فعلا شمش نهار المنتدى

[شموسه]

ميرسى يا حبيبتى والله ده انتى اللى نورتى الموضوع وربنا مع اولادك ويخلصوا عشان يريحوكى هههههههههه


وانا برده مع كل التحديات بس بصراحه باكره التحديات المقرفه وبيصعبوا عليا وهما بيعملوها لكن بحب بقية التحديات والبرنامج بصراحه بحبه لانه كل يوه جديد واليوميات بتاعتهم بتبقى لذيذه جدا

وبصراحه لما بافكر انى يعنى ممكن اشترك فيه فباقول انى ممكن اعملها واجازف بس عشان اجرب بس اعمل ايه بقى انا عندى 14 سنه هههههههههه

وبعدين فيه منهم مش بيروح التحديات المقرفه لو كسب التحدى الاول زى شريهان كده ماشاء الله من اول مادخلت وهى بتكسب من التحدى الاول

وعموما ميرسى يا قمر على التواصل والتفاعل وبجد ارجوكى خليكى متواصله معايا عشان واضح ان الاعضاء مش بيشوفوا البرنامج ومش عاجبهم هههههه