أحيانـــــــــا يـــــــا قلبــــــــــي

[شاعر الحب الحزين]

أحيانـــا يـا قلبـي بتبقــى السعـــــادة فـــي دموعنـــــــا

وبيبقـــى الحــــزن فـــــــي ضحكاتنـــــــــا

أحيانـــــــا مـش بنرتـاح غيـر لمـا يسكـن الحزن ضلوعنــا

وأحيانــا فــي موتنــا بتبــدأ حياتنــــــــــــا

زي مـا وافقنـا نحـب من غير ما نتحــــــب واتخدعنـــــــــا

وزي مـا عشقنــا الحــزن بكلماتنــــــــــــا

مشينـا الطريـق معاهـم وفـي الآخـر لوحدنــا رجعنــــــــا

شايليــن جراحنـا وأوجـــاع ذكرياتنـــــــــا



أحيانـــــا يــــــا قلبـــــــــي بنقــول عــن العــدو صديـــــــق

واللــي يخــاف علينــا يبقــى بنظرنـــا عـــــــدو

عشـان الطيبيـن كتـر طيبتهــم خــلت قلبهـم غريـــــــــــق

فـي بحــر نسيــان مفهـــوش نــور ولا ضـــــــــو

بنــدور عاللــي يظلمنــا ونمشــي معـــــاه الطريــــــــــــــق

ولــــو طــــار نلحقــه نطــــير معــاه فـي الجــــو

ولا عمرنـا بنستقــوى غيـر على الطـيب اللي قلبه رقيــــــق

ونخـــاف ونحتـــرم اللـي يخوفنــــــا العـــــــــــو



مـــع الأقــــــوى بنمشــــي حتـــى لــــو كـــان غلطــــــــــان

بيتسنـد علينـا وبنساعـده ينشر ظلمه في كل مكــــــــــــان

حــــــــب الدنيـــــــــــا عمـــــــــــى القلــــــــــوب

في ناس ذنبها الطيبـة وعمرها ما بتتـــــــــــــــوب

وعلى حساب طيبتها قلوب تانية بتعمل ذنـــــــوب

هنـا قلب ظالم وهناك قلب مظلوم وكله محسـوب

وفــوق رب كبيــر شايـف كـل حاجـة بيعملهـــا الإنســــــــــان

مـــــــا تأيــــدش حـــــد بيظلـــــم أخــــــــــــوك

تقبـل تنظلــم انتــا ويقف ضدك حتى أبــــــــوك

القــرار بإيــدك إنتـــا ارجـع للحــق أرجـــــــــوك

دم المسلم حرام حرام حرام مهمـا عمـــل ومهمـا كـــــــــــــان




شـــــــــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ــ

[دمعه حائره]

احيانا بتيجى غشاوة على العين والقلوب
وماتعرف تفرق بين العدو والحبيب
والصح والغلط
وده سبب الفتن والضياع اللى وصلنا ليه
تسلم ويدوم التميز

[ويبقى الأثر]

ومين ياشاعر يتعظ ولايتوب
ويعرف الدنيا دواره ومكتوب
فين الضمير راح وفين سكته
ده كل نفس يابن ادم محسوب


راقى بحرفك
يسعدنى التجوال بين طياته
اسعدك البارى

[* ادم *]

احيانا طريقة تفكيرنا واتجاهتنا تموت قلوبنا

تقول لمين بقى ،،،

جميلة كلماتك احييك عليها

[Lamees]

دنيا فانية بتعمينا وبتزيد
على اكتافنا ذنوب
وبنمشي فيها مغمضين
وعن طريق الحق بنحيد

كلماتك معبرة جداً شاعر
دام نبض قلمك الراقي

[جبل عالي]

اقتباس في ناس ذنبها الطيبـة وعمرها ما بتتـــــــــــــــوب وعلى حساب طيبتها قلوب تانية بتعمل ذنـــــــوب هنـا قلب ظالم وهناك قلب مظلوم وكله محسـوب

رائعة وأكثر ياشاعر فعلا

كلما قرأت حرفك تيقنت ان ورائه شاعر

يغوص ببحور المعاني والأحاسيس ويرتقي

في كل خاطرة عن سابقتها ويعلو ليجاور مصاف الرائعين


راقتني تلك الأحيان الموصوفة بقلمك

حاكيت واقعنا بكل سلاسة ومقدرة


ننتظر كل جديد لك وبالتوفيق دائما

[غالي الأثمان]

مأراوع قلمك حين يصول ويجول
بين الكلمات تختار الحروف بكل أتقان.
تصيغ لنا من الأبداع سطور تُبهر كل من ينظر إليها.
دمت بحب وسعاده .

[شاعر الحب الحزين]

اقتباس المشاركة الأصلية كتبت بواسطة دمعه حائره احيانا بتيجى غشاوة على العين والقلوب وماتعرف تفرق بين العدو والحبيب والصح والغلط وده سبب الفتن والضياع اللى وصلنا ليه تسلم ويدوم التميز

عندك حق في كل كلمة قلتيها

بس الأمل كبير في ربنا سبحانه وتعالى

إن الأمان يرجع لحياتنا تاني ان شاء الله

اختي الغالية دمعة حائرة تواجدك الجميل

وتفاعلك مع كلماتي اسعدني جدا

كل الشكر والتحية لكي اختي الفاضلة

[شاعر الحب الحزين]

اقتباس المشاركة الأصلية كتبت بواسطة قيثارة الصمت ومين ياشاعر يتعظ ولايتوب ويعرف الدنيا دواره ومكتوب فين الضمير راح وفين سكته ده كل نفس يابن ادم محسوب راقى بحرفك يسعدنى التجوال بين طياته اسعدك البارى

اسعد الله قلبك اختي العزيزة قيثارة وسلمك من كل شر

تواجد جميل وتفاعل جميل جدا اسعدانني جدا

كل الشكر والتحية لكي اختي العزيزة قيثارة الصمت

[شاعر الحب الحزين]

اقتباس المشاركة الأصلية كتبت بواسطة what احيانا طريقة تفكيرنا واتجاهتنا تموت قلوبنا تقول لمين بقى ،،، جميلة كلماتك احييك عليها

نقول لربنا سبحانه وتعالى وهو حسبنا ونعم الوكيل

اخي العزيز اسعدني جدا تواجدك الجميل

وتعقيبك على كلماتي القليلة كل الشكر والتحية

لك اخي الغالي