ليه ادفع نقدية لما ممكن اعمل بأيديا(تفصيلي ✂ .e.m.

[موري كول]

ازيكو يارب تكونو بخير انهارده ولأول مره هفصل بنطلون بناتي ودي الطريقه ومن تصويري اول حاجة نشوف الادوات اللى هنستخدمها وبعدين نجيب البنطلون اللى عايزين نعمل زيه ونفرده كده على رجل من البنطلون الجينز ونعلم بالقلم الجاف عشان نعرف الحدود بتاعت الرجلين قبل مانقص ونسيب شوية من عندنا علشان الخياطة ونقص ✂ ونعمل الرجل التانية على نفس المقاس ده بنفس الطريقة ودول وهما محطوطين على بعض من غير الخياطة واللى انا مسكاهم دول نخيطهم فى بعض واللى زيهم من ورا ونروح مخيطين طروف الرجلين زى كده وتكون الغرز صغيرة عشان مش تبان وتبقا جامدة ونتني (نطوي) طروف الرجلين زى كده ونخيطهم برضو والافضل الخيط يكون طبعا نفس اللون ونجيب نص متر استك عريض ونخيطه عند الوسط بس لازم واحنا بنعمل الاستيك نشده على اللبس وبعدين نخيطه عشان لما يتساب يلم وينضم على بعضه بس مانخيطش الاستك على الطرف اوى ونروح بعد مانثبته نتنى الطرف اللى سيبناه على الاستك ونخيطه وبعدين بعد الشغل ده نقلب تتتتتتتاااااا ايه رأيكو بس لسه برضو خليكو متابعين معاااايا عارفين شكل العروة او التانية بتاعت السوستة اللى بتبقا على البنطلونات نعمل بالجينز واحدة زيها نفس الشكل طبقتين ونسرجها الاول ونروح مخيطينها على البنطلون فى مكان مناسب للسوستة ولو عندك اى زرار حطيه فى السوستة من فوق ولو عايزين نعمل جيوب نحطها من ورا نقص بالشكل ده ونسرجهم برضو الاول ونخيطهم فى اى مكان عايزين يكون فيه جيوب ولو عايزين اى حركات على البنطلون كده نقص اى شكل احنا عاوزينه وبالابرة نشيل خيوط الجينز زى كده خيط خيط بالترتيب ونثبته من النص على البنطلون بغرزتين بس ونسيب الطروف طايرة كده وده مثال ولو عندك حرف او رقم على لبس قديم قصيه بشكل حلو من غير مايبوظ وخيطيه على البنطلون او اشترى باتجات مثلا والزقيها انتى وزوقك دي الجيوب والصورة دى الحاجات اللى نزوق بيها الشكل الاخيييييييييييييييييير بس كده يارب يكون عجبكو اللي هيدخل الموضوع من غير ما يكتبت مشاركه هزعل منه كتتتير علشان انا تعبت في الموضوع بجد

[دمعه حائره]

بجد برافو عليكى هوايه قليل اللى بيعرفها
او يحاول يتعلمها ومبسوطه جدا بتجربتك دى
والنتيجة هايله

[Hearts Whisper]

الله عليكى بجد تسلم ايدك موهوبة فعلا
فى انتظار جديدك :*

[Silver Flower]

شغلك حلوا
بس لو من غير الأزرار يعني الشكل الاول احلى ساده اشيك
بس اكيد ما شالله عنك
امبين عليكي شاطره ومعدله

[جبل عالي]

برافو ياجميلة فكرتيني بقاااااااا

تسلم ايدك وتابعي بجد ربنا يوفقك يارب

[براءة طفلة]

حلو اوووي يا موري بجد ممتاز جداااااااا مش كتار اللي بيعرفوا يعملوا الحاجات دي هحاول اطبقه ان شاء الله ^_^

[نور ونار]

حلو ياقمر
وعندك صبر رهييييييب
ربنآ يعينك يارب
والنتيجه جميله
بس شيلى الزرآر
هيكون اشيك
ومبروك ع اللى هيلبسه
تقييمى للنتيجه ومجهودك ..

[ويبقى الأثر]

تسلم اديكى حبيبتى
جميل جدا شغلك ده
برافو

[انجي_1]

ماشاء الله عليكي
تسلم ايدك يا قمر

[ايمان طلعت]

هههههههههههه
فكرتينى بنفسى والله
عملت الحاجات دى كتير لاولادى وهم صغيرين
تسلم ايدك بجد جميل بس لو شيلتى بتاعه السوسته والزرار هيبقى ارق واحلى كتير
منتظرة شغل من دة كتير بقى
تحياتى