حــلقة جديدة من حـوار جـــرئ مع ........

[phalsteen]

مساء الخير

نلتقي بك من جديد بحلقة جديدة من برنامج حوار جرئ


1/ البرنامج هيستمر في النقاش
نظرا لعدم وجود التفاهم بيني وبين مشرف اليوميات
وعدم تقارب وجهات النظر

2/ بنشكر م/ نور علي قبول ضيافتنا
ومساعدته لينا

نبدأ بئه الحلقة

ونشوف الضيف

هـــــــــو



غني عن التعريف
هو فقط بمثابة الثريا التي تنير الصرح

كم هي سعادتنا جميعنا بهذا التشريف الراقي !
وكم نتمنى , ان تطيب نفسك الشجيه .. بــ اسئلتنا وحوارنا لك ..

ولــ يسجل اركان هذا الصرح .. حضوركَ المضيء .. لهذا الموضوع!
فــ اهلا وسهلا بك .. وانت غنيـــــي عن الترحيب والتقدير .. لانك اهلٌ لذلك
واتمنى لك التوفيق بــ الاجابات والحضور الرائع ..



لازم تنفخي فينا أوي كدا أنفرتشيتشي
يزيد فضلك يا سيدة مصر الأولى


1/ تفتكر النشاط الاداري شئ ناقص المنتدي الايام دي ؟

لا عادي ..بشوف منه و أمجد بيردوا على مواضيع كتيره جدا
و خلي بالك اصلا المفروض الاداري مش تبقى وظيفته النشاط لانه بيستهلك وقته في امور أخرى زي الشكاوي مثلا
ممكن شكوى واحده مثلا تستنزف وقته كله
و غيره من الأمور
لكن بصفة عامة شايف الادارة حضورها كويس
و كلمة ادارة اقصد بيها منه و امجد


2/ كلنا مفتقدين ساحر
ياتري الادارة لجئت لمنصب نائب الاداري تعويض عن الغياب الاداري ولا لأعتبارت تانية ؟
دي فكرة (منه) عرضتها من زمان و حبت تفعلها
ما اظنش ان دا له علاقة بغياب امجد


3/ من وجهه نظر الادارة ليه اللون الاسود
زاد الفترة اللي فاتت ولسة قابل للزيادة ؟

المفروض انه يقل ؟
طبيعي يزيد ..لأنك بتعين جديد و يترفع قديم و هكذا
و اللون مش اهانة . بل بالعكس انا لما فكرت اني اعمله عملته عشان المشرف او المراقب او الاداري السابق مش يرجع تاني للون الاخضر زي ما كان بيحصل زمان
تقدري تقولي زي فكرة كبار الشخصيات و الحاجات دي

ففضلت انه يتميز بلون حتى بعد خروجه من الاشراف لعدم مساواته مع من لم يشاركوا اصلا في الاشراف

و انتي اهو مثلا لونك اسود ..حاسه انك مجروحه و لا حاجه ؟

انت عارف الاول انا اسوديت ليه
لو عرفت مش هقبل تعويض اقل من اني اخد مكانك
وبنفس اللقب كمان
وتعدل الاسم لــــ سليفرية
علشان هاخده
بس للأسف مبقاش ينفع اتكلم
فابعدني انا عن الحوار دا


مش متذكر الحوار بس أظن انه كان مع محمود و اطراف اخرى
أظن انه سوء تفاهم


نحكيلك يا فندم
الحوار مش زي مهو واصل لحضرتك
انا كلامي ماكنش علي لوست
وكويس انك وضحت انه بيحصل كتير اهو
الموضوع دا حصل فعلا مع الاداري حودا
وكان الاستضافه مع مورشو
وهو كان المقدم
وقبل ما تنزل شافها حودا ولاغها
واهو مورشو موجود مفتكرش هيكون ناسي
ولو ناسي انا فاكرة تمام جدا ؟



تفتكري من حقك تعمل حوار مع حد هيجيب اسم شخص ما بدون ما تستأذن الشخص دا ؟

ماهو زي ما بقولك وراد يكون في أمور خاصة معينه هو ماكنش حابب انها تظهر للعامة
ما انتي مش واخده بالك ..في حاجات كدا لمنا تبان للعامة و تضطر ترد هتضطر تفضح ..فأحسنلك و أحسنله ايه ؟ انك مش تتكلم
و أعيد برضو أنا فعلا فاكر حاجه زي كدا حصلت بس معرفش التفاصيل أو مش متذكرها

تفتكري من حقك تعمل حوار مع حد هيجيب اسم شخص ما بدون ما تستأذن الشخص دا ؟

بما انك دكتور يبقي اكيد كنت شاطر في الفيزياء
يبقي ركز انت بئه
انا مقولتش ان اللي هيجي دا هيقول غلط
وبعدين زي ما حطينا صورتك كنا هنحط صورة التاني
والحدق واللي مش هحدق يفهم
يبقي ايه لزمة اسمه بئه وايه لزمة التهديد مكنا نستني الحلقة احسن ولو حتي كانت وصلت لحظري ؟

انتي برضو مخصصه الفكرة على موقف معين .
و أنا مش طرف فيه فهقولك ايه بقى هنا ؟
أنا بكلمك بشكل عام بناء على تجاربي الشخصية عن أسباب عدم رغبة الاداري في اخراج خلاف ما
و قيسي الموضوع على نفسك . في كتير بيطلبوا ان اسمهم مش يجي . مش عايز مشاكل و لا قلبت دماغ . ما اقدرش اقوله لا بالعافية هقول اسمك ! و اطلع افضح خصمك و اردحوا لبعض !




بمناسبة الاسود
جاتلي شكوي للعرض من خلال برنامجنا

Silver Flower

============


اللون الأسود بصراحه زعلني
مش عشان شي عشان انا تقريبا ولدت في المنتدى ويعتبر نفسي بنت وأخت
المنتدى والموجودين
انا غبت صحيح ولكن لظروف غصب عني

انا مع الاداره انه حد ينوب محلي الانه المنتدى بيلزم فيه مراقبين
يعني احنا كل يوم كنا ندخل وكان في. مواضيع مخالفه وأعضاء
كيف الفترة الي غبتها
بس

انا طارق بعت رساله الي انه راح يتم إزالتي من المراقبة
بس لما تتحسن ظروفي راح يرجعني

رديت عليه وقلت اه
طيب


بس لما رجعت
بعتت رساله لطارق يرجعني
هو رفض او ممكن تقولي قالي خلي دمعه او ساحر يرجعك
انا زعلت
وقلت او أخدت قرار نهائي بعدم أخد او قبول اي ترقيه بعد هيك

انا فش بيني وبين طارق شي بالعكس طارق انا غلطت في حقه يوم من الأيام
وهو اكيد شهم سامحني
بس مش عارفه هادي القصه الي صارت يمكن ازعلت منها ومش لازم يمكن أزعل

والقصه إلها فتره
يعني مش قبل يومين
عشان ما حد يحسبها انه انا زعلانه من حد انه اترقى
الكلام كان قبل شهر او اكتر
انا طبعي صريح وما بحب المجاملات والي على قلبي على لساني


وعم تسأليني عن اللون الأسود
ما بحبه

ياريت يكون لون تاني غير الأسود
ما بدنا نرجع لمنصبنا هههههههه عم فكر حالي وزيره عن صحيح

بس غيروا لونا لو سمحتوا

================

سارة فلاور
البنت دي زي العسل هههههههههه
غلطي فيه ايه يا سارة انتي كمان ..الناس تفكرك بتردحي و لا حاجه =))
عشان نوضح بس لانها فاضحه نفسها كداهو و كل شوية تقول غلط فيه
الموضوع كل ما فيه ان كان في مسابقة كنت عاملها و الحل جوا الموضوع بس المشاركات مش بتظهر غير للمراقبين . و هي بطريقة أو بأخرى قالت الحل لحد و اعترفت بكدا بعدها و الموضوع عدا بسلام مافيش حاجه
انا بذكر عشان اوضح بس ان الموضوع صغير جدا و مايستاهلش انها تقول كلمة (غلط فيه )
بالعكس انا بثق فيها جدا و مش موقف زي كدا اللي يخليني مثلا اغير نظرتي عنها . و حتى هي اعترفت لواحدها لانها حست بالذنب و الموضوع تافه
احنا أكبر من كدا
و سارة دي كمان قلبها ابيض . .

هي غابت فعلا فترة طويلة تقريبا سنة او اكتر مش متذكر
و اتشالت مع الاستبيان
بعتتلي انها هترجع زمان و كانت بتغيب بعدها برضو
بعد كدا حصلت تغيرات كتيره
بس يا سارة لو عايزه ترجعي نرجعك
دا انتي نور عنينا ..
و شهاداتك عندنا ..
ابريل 2009



مارس 2010 شهادة ال vip





و كشهادة مني
هي فعلا كانت نشيطه لسنوات و من المشرفين اللي بيلتزموا بقسمهم بدون ملل ..
و حتى لما باقيت مراقبة كانت بس بتشيل المخالفات و عمر ماحد اشتكى عليها نهائي
مش بتاعت مشاكل و لا خلافات اصلا

فعادي يا بنتي ترجعي ..انتي حد قديم مش غريب
و مش شاركت شهر و لا سنة ..دي شاركت سنين معانا
2009 و 2010 و 2011 و 2012
المهم بس انك تبقي زي زمان في تواجدك و نشاطك في اقسام حواء

4/ الشكوي التانية ودي مقدمة مني انا
ولاول مرة هتتعرض
تفتكر من حق الادارة التجسس علي رسايل الاعضاء
خصوصا الاعضاء اللي بيعملوا البرامج
ويتم الارسال لهم بالغاء التوبيك
قبل ما ينزل ؟

معرفش الحالة بالظبط اللي حصلت
بس خلينا نعكس السؤال : تفتكري من حقك تعمل حوار مع حد هيجيب اسم شخص ما بدون ما تستأذن الشخص دا ؟

احنا نزلنا قانون بنطلب فيه انك تطلب اذن الطرفين مش طرف واحد ..لان حصلت مشاكل كتير سابقا اضطرتنا اننا ننزل القانون دا
فأظن (مع اني معرفش الحاله زي ما ذكرت) انك المفروض قبل ما تعمل استضافة تبلغ الطرفين و يكون في رضا منهم
عشان يكون في جو ايجابي في النقاش بعد طرح الموضوع
مش يبقى تخبيط و زيادة فرقة !
و دي هي الفكرة عامة ..ممكن اتنين مش طايقين بعض و تعمل استضافة مع حد فيهم و يتكلم عن التاني و نلاقي التاني نازل فيه خبط و تقلب تهزيق و شرذمة و ناس تخش في النص و الموضوع يتنيل اكتر من الأول

فدي هي وجهة النظر مش أكتر


بخصوص اللون الاسود
ليه بعده مفيش اي نظرة تانية
يعني انا من يوم ما اسوديت ما اخدتش حتي كلمه شكر من الادارة
برغم اني مبنزلش اي حاجة الا بقلمي
واهي دي شكوي بئه اهي
وهاتلي اي تكريم ليا من الادارة
ولا علشان انا معرفش منهم حد ؟

انتوا قالبينها دلع أوي على فكرة
كل حاجه يلا كرمني يلا كرمني
يا بنتي المنتدى انت بتخشه للترفيه و لتبادل الافكار
انت بتكتب حاجه يترد عليها غيرك يكتب فترد عليه
هي دي المتعة . مش اني استنى وسام و تكريم ..
حد يعرف يكرم 90 ألف عضو ؟
مهما هتكرم هتلاقي اللي يقولك و أنا
فاحنا بنركم اه بس بالعقل . و لو مش اتكرمت دي مش اهانة
انت هدفك التبادل و تقضية وقت ..مش انك تزايد على غيرك
العملية مش استقصاد
يعني زي برنامج دا ..انتي بتحاولي تعرضي فيه وجهات نظر عدة ..ممكن حد تاني يقولك انتي مستقصداني و مش عايزه تاخديني في برنامجك ..و لبما تجيبيها يطلعلك عشرة و عشرين واحد تاني يزايدوا عليكي بنفس المنطق و انت قاصد مش تجيبني ..

بس دا اللي أقدر أقولهولك


5/ جالنا سؤال من عضو جديد في المنتدي
وانا من اول ما سجلت هموت واسأل
لية اسم المنتدي كدة
بس العضو دا متضرر بصراحة


أنا رديت على آدم في موضوعه بتاع النقاش
الاسم فعلا محرج لاي شاب
هو اسم تجاري عموما
يعني الدومين القديم كان اسمه msryat ايه علاقة الاسم دا بكلمة (منتديات بنات مصر) ؟ و لا حاجه
بس الفكرة لصابحها هو انه يستغل اسم مش مستهلك وقتها



6/ كلمنا عن كواليس حركة الترقيات الاخيرة ؟

كلميني انتي عنها ..ايه رايك فيها ؟ =))
عادي ..منه طلبت اننا نعمل تعيينات جديده
طيب هتعيني مين ..فلان و علان و بديها مشورتي برضو و بس



تفتكر نظرة منه لكل الاعضاء كانت كفاية ( بخصوص الترقيات )
يعني مش حاسس انها ظلمت ناس بعينهم برغم انها محبوبة الجماهير هنا ؟

منه في النهاية انسان و شخص . و كل انسان له طريقة تفكير تختلف عن التاني . مش كمبيوتر احنا مبرمجين على حاجه معينه و بنعملها
فالتقديرات دي قولنا مرارا و تكرارا انها نسبية
بمعنى انك بتحاول تجتهد و بتختار
أنا أزعل و أضايق لما الاقي الناس دي مختاراهم بشكل غريب !
لكن أنا متابع الناس دول و عارفهم
عارف توحد ارواح مثلا و واخد بالي انها بتشتغل في صمت و متفاعله بشكل يومي في العام و الاسلاميات و بعض الاقسام ..
و هي شافت فيها مقومات اخرى بيتطلبها المنصب الحساس
و عارف مورشو و نور و اركو ..دول مش هنفكر ونقول نشاطهم ايه لأنه باين
فهنا ايه اللي يخلي الواحد يضايق مثلا ؟

أكيد مش هتختار 10 مراقبين مثلا و لا هنحط المنتدى كلو مراقبين
و لا اي حد بيشارك هيبقى مراقب . في معايير اخرى زي قدرته على الرد . قدرته على التفاهم يبقى صبور شوية مش منفعل ..تبقى دماغه حلوة و نفسيته مش شايله..و هكذا

طبيعي انت بتختار عدد معين بنظرتك الشخصية بناء على مقاييس اعتبارية
بقولك تاني انها مش وحي الهي ..هي مقاييس انسانية و لذلك فمهما كان الاختيار عمره ما هيكون صائب 100%
لكن نقدر نقول انه مقبول و كويس

انت لو فاتح شركة و كان عندك 10 شاطرين و عايز تختار رئيس ليها منهم ..لازم هيقع اختيارك على شخص واحد لكن ماينفعش تختار ال10
و دا لا يقلل من العشرة طبعا



في استضافه جبل لمورشو
قولت هو اي حد عاوز يترقي ومحصلش هيجمد نشاطة
وبعدين انا ازاي هرقي عضو هيجاوب بكلمتين ويحط العلامة دي ^_^
يا سبحان الله مورشو اترقي ولسة مبطلش الحكاية دي ؟

دا كان هزار على فكرة ..أو تقدري تقولي هزار على جد
مورشو لم يقع عليه الاختيار في كذا حركة للترقيات
شايفين ان اختياره هياثر على عمله في الاستضافات و كدا او شايف انه في اليوميات افضل . كنظرة
و حبينا نرقيه بقى كفايه كدا =))
زي برضو حوراء

و بيجي عليك وقت بتكون محتاج فيه تحط مراقبين جدد لتعويض غياب البعض و لاضافة سرعة مثلا في الموافقة على المواضيع بدل ما تبقى على مراقب و اداري تبقى على اكثر من شخص على سبيل المثال
فتم اختيار مجموعة جديده و وقع عليه الاختيار
و يلا اما نجربه ..

انتي عمرك ما شوفتي حد بيقدم طلب لشركة و بيترفض اكثر من مره و بعدين بيتقبل ؟
و عندك صاحب الواتس اب ..دا كان قدم على الفيس و تويتر و رفضوه و راح عمل شركة لواحده و دلوقتي الفيش اشترتها بأكتر من 18 مليار دولار ..
ما اقدرش الوم الفيس هنا ..لانه اصلا حتى لو اشتغل معاهم ممكن ماكنتش فكرة الواتس ظهرت . و بعدين هو تقدير منهم . جايز مش عايزين حسوا انه مش هيضيف ليهم ..
و الراجل في الاخر مش شايل منهم و عادي قابل صفقة الانضمام و حتى لما اترفض مش قاعد يشتم و لا اي حاجه (لما شوفت تويتاته وقتها) اسمها لم اوفق او لم يحالفني الحظ

و الحياة نسبة كبيرة منها (حظوظ) بجانب الاجتهاد طبعا
بس الفارق بين المجتهد و المجتهد كتير جدا بيكون (الحظ) و ممكن نسميه (التوفيق)





مش شايف ان اللقب دا من نوع قمع الحريات هنا يا سليفر
خصوصا انك لازم تمثل الحيادية بعيد عن ميولك الشخصية
ولا دا كارت ارهاب لمنع اي رأي معارض ؟


ههههههههه هي كلمة مشير باقيت بتخوف أوي كدا ؟
على فكرة انا كنت حاطتها بس كهزار يوم الموضوع الخزعبلاتي . أو تقدري تقولي كوسيلة سخرية
و غبت ساعتها ايام لما كنا بنجهز لأخويا
و رجعت مكسل اشيلها =))
بالعكس منظرها انا شخصيا بشوفه مش كويس لأن اللي بيسجل جديد هيقولك ايه مشير دي كمان ؟ مصدق نفسه و لا ايه !


8/ اقسام الابداعات انهارت الفترة الاخيرة
تفتكر ايه الاسباب ورا كدة
خصوصا بعد الاعتراف بهجرة اقلام مميزة لعدم تقدير اقلامهم ؟

انهارت =)
كبيرة أوي الكلمة دي ..
طب قوليلي كدا قسم صفحات مكشوفة هينهار ؟
يعني ماحدش هيشارك فيه ؟
عارفه من غير اي مشرف هتلاقيه شغال زي الفل و نشيط
ليه ؟ عشان الناس بتشارك فيه و عجباها فكرة التغريد داخل القسم

المشكلة (ارشيفية) يعني تسجيل اعضاء جدد
و لذلك الموضوع بيترمي على المشرف بدرجة كبيرة انه يقطع نفسه مواضيع يوميا عشان تحس انه مش (منهار)

لكن في النهاية و دا المهم هو ان الكل بيقدر يعبر عن رايه داخل القسم و بيقدر يكتب اللي هو عايزه مهما كانت ميوله السياسية


9/ حاليا اهتمام الادارة قل بالاقسام الحصرية
زي ما واضح في الخزعبلات والابداعات
مع احترامي للمشرفين
منهم كل اللي بيعمله انه اسمه علي القسم
ومنهم اللي تقريبا مبيسبش القسم بتاعه
ومع ذلك نظرة الادارة واحدة
بمعني تاني
في مشرف مدخلش بقاله شهور
ومنهم اللي مدخلش من شهر
ومنهم اللي موجود يوميا
فين العدل في التقييم ؟

قوليلي اسماء بالظبط عشان الكلام العام مش بعرف ارد عليه
بفضل تخصيص الحالة ..
يعني ايه مشرف بيدخل و مش بيدخل ..هو مثلا لو مشرف قاعد 360 يوم متفاعل بمعدل 10 ساعات يوميا و بعدين نشاطه ضعف شوية بس كان مازال موجود ..مطلوب مني اشني اشيله و اقوله انت مش ليك قيمه اصل في جديد متواجد على طول و مش ينفع اساويك بيه !
الموضوع مش بيتاخد كدا و لازم تصبر شوية على ظروفه على حاله و غيره
و عامة السؤال دا تقدري تخصصيه لمنه لو حابه تعمليلها استضافة لانها هي اللي بتابع كويس ..
انا مسلم ليهم موضوع المتابعة دا من زمان


10/ ايه اغرب مشكله شوفتها هنا في المنتدي؟

أغرب مشكلة ان مايكونش في مشكلة اصلا =)
بس يعملها مشكلة و خلاص ..سيبته هيقولك ليه سايبني شيلته ..انت بتشيلني بسهولة كدا
اللي هو نظام حد يقولك : اسكت خالص
فتقوله : خلاص سكت . فيرد عليك : انت كمان بترد عليه ؟
جر شكل يعني


11/ ايه الجديد اللي هنشوفه من سليفر ؟

بحارب في منتجة مقاطع فيديو
الجهاز بيبيض معايا ..
فالعملية هتاخد أيام
التفاصيل هعلن عنها لما اخلص جزء كبير من العمل


12/ ايه رأيك في البراجرم بئه
هيتقفل ولا هياخد حصانه دبلومسية ؟

هيتقفل
كويس و ابن حلال
بس بما انه برنامج عن الجرأة و كدا
فمن غير زعل ..اتمنى نشوف مستواه من مستوى برنامج مورشو ..برنامج مورشو بيدي اسئلة أكتر و كمان عاشق متيم كان بيعمل برنامج بشكل كويس جدا
مش بقولك انك وحشه ههههههه انتي بتحاولي انا عارف
بس هي العملية هتاخد وقت
لو استمريتي هتعديهم على فكرة و هتطوري أكثر و أكثر
أنا شخصيا ليه تجارب في البرامج الحوارية و لاقيت نفسي فاشل فيها ..
مش بعرف اعيش في جو المذيع
ببقى عايز ارغي انا
دا غير اني لو مش مندمج و سخن . بلاقي نفسي مش عارف اسأل في ايه


وجهه كلمه لكل اطياف المنتدي

بقول لأعضاءنا الكرام انهم يستحملوني على قلبهم شوية
هو أنا اه خلقي ضيق . و كتير ببقى عايز اختصر و اتكلم بقصر الكلام
بس أنا مش شرير ..انا متوحش بس هههههه

[phalsteen]

اسمحلولي وبرغم اني مقدمه البرنامج
الا ان سليفر ارغمني ع الرد
نظرا انه حطني في مقارنة بيني وبين مورشو هنا
وبناء ع كدة انا لازم اوضح
ودا حق مكفول

اقتباس فمن غير زعل ..اتمنى نشوف مستواه من مستوى برنامج مورشو ..برنامج مورشو بيدي اسئلة أكتر و كمان عاشق متيم كان بيعمل برنامج بشكل كويس جدا

يبقي تقصد اجمد عضو
لانه تقريبا هو دا اللي شبه حوار جرئ
ودا طبعا مقدرش انكره
بس دا لان مورشو مشرف فبيعرف الخلافات
وكمان علاقاته كتير ومتعدده الجوانب
وكمان تفرق انا نفرتيتي وهو مورشو
فاكيد بيعرف دبه النمله زي ما بيقولوا
فبتكون المساحة اوسع

اقتباس مش بقولك انك وحشه ههههههه انتي بتحاولي انا عارف

عيبه في حقي ع فكرة
تقصد البرنامج:d
ودا عموما عادي

اقتباس لو استمريتي هتعديهم على فكرة و هتطوري أكثر و أكثر

ودا شئ اكيد:d

اقتباس أنا شخصيا ليه تجارب في البرامج الحوارية و لاقيت نفسي فاشل فيها .. مش بعرف اعيش في جو المذيع ببقى عايز ارغي انا دا غير اني لو مش مندمج و سخن . بلاقي نفسي مش عارف اسأل في ايه

خلاص شوف حد يدينا كورس
واهو نستفيد :d

[big bốss]

حلقه جميله يا سما و الاسئله كويسه

و الضيف غنى عن التعريف

بس كنا عايزين نسأله متى ستتنازل عن العرش

و فى انتظار منتاج الفيديو دا

منور يا مارشال

[morshooo]

اقتباس 2/ البرنامج هيستمر في النقاش نظرا لعدم وجود التفاهم بيني وبين مشرف اليوميات وعدم تقارب وجهات النظر

مش كنتى تقولى ايه السبب طيب ^_^

المشير منور الحلقه اكيد

ويمكن كان فى حاجات كتير جدا

عايزا طارق كان يكلم فيها الفترة دى

كان ممكن تطلعى منه حاجات كتيرة

بالتوفيق

[العاشق الذى لم يتب]

يسلام يسلام يسلام
جميل وعظيم
وحصلى الشرف والرعب
مع بعض
علشان انااول واحديبشوف صاحب مقام
وهو متواضع كده
والله ياسموالادارة وياصاحب الفخامة
كلامك عجبنى اوى
ايه بس الهدوءده وطولت البال
ماشاءالله عندك صبر
بجدحوارجميل مع اخويا الغالى طارق
ربنايكرمك مش هكترفى المدح لحسن فيه ناس بتفكرانى بنافق
وعاوز منك تتنازل عن الادارة لى
كل الشكرليك
وكل الشكرللمذيعة القديرة سما
ماشاءالله الباش مهندس طفح عليك بهندسته
خلاك انت كمان مهندسة
التوفيق للجميع
تحياتى

[phalsteen]

اقتباس المشاركة الأصلية كتبت بواسطة big bốss حلقه جميله يا سما و الاسئله كويسه و الضيف غنى عن التعريف بس كنا عايزين نسأله متى ستتنازل عن العرش و فى انتظار منتاج الفيديو دا منور يا مارشال

عادي هنسأله ميهمكش
وحلوة كويسة دي
كويسة منك دي

[phalsteen]

اقتباس المشاركة الأصلية كتبت بواسطة morshooo مش كنتى تقولى ايه السبب طيب ^_^ المشير منور الحلقه اكيد ويمكن كان فى حاجات كتير جدا عايزا طارق كان يكلم فيها الفترة دى كان ممكن تطلعى منه حاجات كتيرة بالتوفيق

وانا ملزمة اقولك يعني
لو عاوز تقولنا انت اتفضل
اهو خير وخيار برضو
وهو المشير مخاصمك مثلا
ما تورينا جمال حواراتك
ولا خلاص سلمت نمر

[عاشق متيم]

بخصوص نقل البرنامج للنقاش او الفضفضه او اى قسم
عاوز اقولك مش تخلى خلاف فى وجهات النظر بينك وبين مورشو
انك تهجرى قسم اليوميات او اى قسم فى المنتدى
قسم اليوميات ليس ملك مورشو او اى قسم ملك لمشرف
لكن انك تطلبى نقل كل مواضيعك من اليوميات !!!
مع احترامى لحضرتك ده مش صح ؛
وعلى فكره قسم النقاش اتعمل فيه استضافات قبل كده كتير
زى برنامج مسك الشهاده وانا واستضافات لنور على فترات ...
بس هناك نوعيه من المواضيع مش هيبقى لها مكان الا اليوميات
فلما تنزليها فى قسم غير قسمها زى الفضفضه او غيره
اعتقد انها مش هتبقى حلوة وفى مكان غير مكانها .....
============
طارق شخصيه مميزة وطبعا منور الحلقه
بس حسيت ان الحوار قصير غير كده الفتره اللى فاتت كانت مليئه بالاحداث
فكان المجال كبير جدااااا انك تسألى اسئله كتير
ان شاء الله نشوف لكى حلقات اخرى
وتبقى حلقات متميزة
بالتوفيق لكى انتى والمشير

[phalsteen]

اقتباس المشاركة الأصلية كتبت بواسطة العاشق الذى لم يتب يسلام يسلام يسلام جميل وعظيم وحصلى الشرف والرعب مع بعض علشان انااول واحديبشوف صاحب مقام وهو متواضع كده والله ياسموالادارة وياصاحب الفخامة كلامك عجبنى اوى ايه بس الهدوءده وطولت البال ماشاءالله عندك صبر بجدحوارجميل مع اخويا الغالى طارق ربنايكرمك مش هكترفى المدح لحسن فيه ناس بتفكرانى بنافق وعاوز منك تتنازل عن الادارة لى كل الشكرليك وكل الشكرللمذيعة القديرة سما ماشاءالله الباش مهندس طفح عليك بهندسته خلاك انت كمان مهندسة التوفيق للجميع تحياتى

والنبي يا رفعت ضحكتني
حلوة صاحب مقام
المقام لله يا رفعت
وبعدين سليفر متواضع ع طول
دا كفاية مخدش مني تمن الاستشارة الطبية :d
ياريتنا نتعلم من الهندسة
دا علي عينا وراسنا يا رفعت
وشرف كبير والله
نورتنا

[morshooo]

اقتباس المشاركة الأصلية كتبت بواسطة nefertiti وانا ملزمة اقولك يعني لو عاوز تقولنا انت اتفضل اهو خير وخيار برضو وهو المشير مخاصمك مثلا ما تورينا جمال حواراتك ولا خلاص سلمت نمر

مانا لو عملت مع المشير حوار

فى ناس هتزعل :d

ولازم تسلم نمر شويه كدا

عشان باقى المواهب تظهر على الساحه :d