الجنسيه المزدوجه

[big bốss]

الجنيه المزدوجه

- كيف لابناء رئيس و وزراء فى مصر ان يحملون جنسيتين مصريه و امريكيه

كما رأينا فى عهد مبارك

- و فى عهد مرسي أيضآ راينا ابناءه يحملون الجنسيه الامريكيه

- و الان المستشار العلمى لرئيس الجمهوريه عصام حجى يحمل الجنسيه

المزدوجه المصريه و الامريكيه

- لا اعلم كيف يسمح بتولى مناصب حساسه فى الدوله لمتجنسين بجنسيات

دول اخرى ؟

- اليس عند حدوث شىء او القبض عليه يستطيع الهرب الى الولايات المتحده

و التى ستوفر له الحمايه . اذا فما الذى يمنعه من ارتكاب جرائم و ما يحلو له

- لماذا لا يكون هناك قانون يمنع تولى اى شخصيه متجنسه بجنسيتين اى منصب

حساس فى الدوله ؟

- يعنى رجل الاعمال حسين سالم كان معاه جنسيتين لما حصلت الثوره هرب

على اسبانيا الى وفرت له الحمايه و رفضت تسليمه

يبقى ازاى نعين رئيس جمهوريه و اولاده متجنسين زى مبارك و مرسي

المفروض يكون فيه قانون يمنع ذالك

و الدكتور عصام حجى مستشار الرئيس العلمى وصف علاج القوات المسلحه

لفيرس سى و الايدز بفضيحه من و هو موجود فى الولايات المتحده

طيب ازاى انت فى منصب كدا و تقول كدا و تشوه صورة بلدك يعنى حتى

لا شاف الاكتشاف و لا اتاكد منه و لا اى حاجه

بس هو حقه يعمل كدا لانه متجنس


- ايه رايكم فى اصحاب الجنسيه المزدوجه و شغلهم وظائف حساسه فى الدوله

انت مع ذالك ام ضده ؟

[شموع الروح]

اكيد ضد كدا
فعلا لابد من وجود قانون بخصوص هذا الامر
لازم المناصب المهم دى واى منصب حساس
لا يتولاه الا من هو مصرى مئه بالمئه
اما من هم متجنسين فهم يقدموا الولاء لبلد اخرى
فاكيد لا يصلح لنا

ضده وبشده

تحياتى لك

[عاشق متيم]

طالما القانون لا يمنع يبقى مفيش مشكله
ورئيس الجمهوريه عادى يكون ابنائه يحملوا جنسيه اخرى
اهم حاجه ان يكون ابواه وجدوده مصريين
ولو واحد اخد الجنسيه المصريه
ومر على اكتسابه لها 5 او 10 سنين مش فاكر بالظبط
يقدر يرشح نفسه لمجلس الشعب
وعصام حجى معاه الجنسيه المصريه والفرنسيه والامريكيه
ويقدر ياخد الجنسيه التونسيه لانه متجوز من تونسيه وعنده منها اولاد
بس فى فرق بين التجنس واعطاء الجنسيه بقوه القانون
عصام حجى تم منحه الجنسيه الفرنسيه لتميزه
خد بالك لما يكون معاك باسبور امريكى او فرنسى
او اى دوله من اوربا ده هيسهل لك السفر والتنقل بسهوله جدااا
الباسبور المصرى يعتبر تهمه وبتقعد تخلص الاجراءات فى قرن
فتسهيلا على العالم المتميز بيعطوه الجنسيه
عصام حجى تاريخه كبير
بس للاسف عندنا شويه ناس كتير بتحب مصلحتها
وشغالين هجوم عليه حتى تعليقات على المواقع
بتدل اننا شعب اهبل ومتخلف .......
زى مقال اليوم السابع النهارده والكاتب بيقولوا اخترعت ايه لمصر
من ساعه ما بقيت مستشار ؟؟؟؟؟
اصل حجى مخبى الاختراعات فى الدولاب هههههههه
احنا بلد بطفش العلماء ولا ترعاهم وبتضع امامهم كل العراقيل
والا واحد زى مصطفى بكرى شخص لا يستحق التعليق
وطالع مبسوط وبيقول عصام حجى اتفصل من الكليه !!!!
ومش قال سبب الفصل ايه ؟؟؟
سبب الفصل انه اعترض على الاجراءات وتم فصله
والا الناس اللى بتنشر فيديو لحجى مع باسم يوسف
بيحسسونى ان باسم يوسف ده يهودى
مع ان الكلام اللى قاله حجى يدين القوات المسلحه
لانه قال ان تم رفضه من التجنيد لانه غير لائق ذهنيا ونفسيا
واخد بالك من كلمه ذهنيا دى !!!!!!!!
وان ضاع عليه منحه فرنسا ...
طبعا مفيش كشف فى التجنيد وانت دخلت الجيش يا نور
وشفت الكشف عامل ازاى ؟؟؟
عصام حجى عالم والمفروض نفخر بيه
اما بخصوص جهاز القوات المسلحه
كويس ان عصام حجى اكتفى بانه قال عليه فضيحه ومش قال اكتر من كده
انا مش مصدق انهم اخترعوا اى حاجه
ومفيش جهاز فى الدنيا كده
بس هما عارفين اننا شعب اهبل وبنصدق اى حاجه
جهاز بيعالج الايدز والسكر وفيروس سى والصدفيه
واى روبابكيه قديمه للبيع

[big bốss]

اقتباس المشاركة الأصلية كتبت بواسطة شموع الروح اكيد ضد كدا فعلا لابد من وجود قانون بخصوص هذا الامر لازم المناصب المهم دى واى منصب حساس لا يتولاه الا من هو مصرى مئه بالمئه اما من هم متجنسين فهم يقدموا الولاء لبلد اخرى فاكيد لا يصلح لنا ضده وبشده تحياتى لك

ما هى المشكله فى كدا انهم بيتجنسوا و ولائهم بيكون لبلد تانيه مش مصر بس

و اول ما تحصل حاجه يروحوا يهربوا على طول للخارج

[big bốss]

اقتباس المشاركة الأصلية كتبت بواسطة عاشق متيم طالما القانون لا يمنع يبقى مفيش مشكله ورئيس الجمهوريه عادى يكون ابنائه يحملوا جنسيه اخرى اهم حاجه ان يكون ابواه وجدوده مصريين ولو واحد اخد الجنسيه المصريه ومر على اكتسابه لها 5 او 10 سنين مش فاكر بالظبط يقدر يرشح نفسه لمجلس الشعب وعصام حجى معاه الجنسيه المصريه والفرنسيه والامريكيه ويقدر ياخد الجنسيه التونسيه لانه متجوز من تونسيه وعنده منها اولاد بس فى فرق بين التجنس واعطاء الجنسيه بقوه القانون عصام حجى تم منحه الجنسيه الفرنسيه لتميزه خد بالك لما يكون معاك باسبور امريكى او فرنسى او اى دوله من اوربا ده هيسهل لك السفر والتنقل بسهوله جدااا الباسبور المصرى يعتبر تهمه وبتقعد تخلص الاجراءات فى قرن فتسهيلا على العالم المتميز بيعطوه الجنسيه عصام حجى تاريخه كبير بس للاسف عندنا شويه ناس كتير بتحب مصلحتها وشغالين هجوم عليه حتى تعليقات على المواقع بتدل اننا شعب اهبل ومتخلف ....... زى مقال اليوم السابع النهارده والكاتب بيقولوا اخترعت ايه لمصر من ساعه ما بقيت مستشار ؟؟؟؟؟ اصل حجى مخبى الاختراعات فى الدولاب هههههههه احنا بلد بطفش العلماء ولا ترعاهم وبتضع امامهم كل العراقيل والا واحد زى مصطفى بكرى شخص لا يستحق التعليق وطالع مبسوط وبيقول عصام حجى اتفصل من الكليه !!!! ومش قال سبب الفصل ايه ؟؟؟ سبب الفصل انه اعترض على الاجراءات وتم فصله والا الناس اللى بتنشر فيديو لحجى مع باسم يوسف بيحسسونى ان باسم يوسف ده يهودى مع ان الكلام اللى قاله حجى يدين القوات المسلحه لانه قال ان تم رفضه من التجنيد لانه غير لائق ذهنيا ونفسيا واخد بالك من كلمه ذهنيا دى !!!!!!!! وان ضاع عليه منحه فرنسا ... طبعا مفيش كشف فى التجنيد وانت دخلت الجيش يا نور وشفت الكشف عامل ازاى ؟؟؟ عصام حجى عالم والمفروض نفخر بيه اما بخصوص جهاز القوات المسلحه كويس ان عصام حجى اكتفى بانه قال عليه فضيحه ومش قال اكتر من كده انا مش مصدق انهم اخترعوا اى حاجه ومفيش جهاز فى الدنيا كده بس هما عارفين اننا شعب اهبل وبنصدق اى حاجه جهاز بيعالج الايدز والسكر وفيروس سى والصدفيه واى روبابكيه قديمه للبيع

هههههههههههههههه

دا انت شايل فى قلبك يا عاشق

انا معرفش تاريخ عصام حجى و لا انجازاته

بس انا ضد تصرفه انت عارف بلدك بتخوض حرب و لما تطلع و تقول كدا

تبقى جريمه - انا عن نفسي معرفش الجهاز دا صح او كذب

بس بعقلك كدا الجيش ايه مصلحته انه يقول كدا و يفضح نفسه

مفيش حد يعمل كدا الا لو كان واثق من نفسه

و بعدين دى مؤسسه عسكريه مش اى كلام

و بعدين هما محددين يونيو الى جاى هيبدائوا يعالجوا الناس كلها شهور يعنى

و هتظهر الحقيقه

زى ما الكل توقع ان استقالة الببلاوى علشان السيسى يستقيل و هيترشح

و فى الاخر كان فى الحكومه الجديده

اخيرآ انا ضد ان شخص مسئول يحمل جنسيه غير المصريه

[.Lamar]

اول شى انا ضد قصة الجنسية المزدوجة

لكل الاسباب اللى اطلت بذكرها

بس انا مش معاك فى هجومك على دكتور عصام حجى

الدكتور قال رأيه من وجهة نظر علمية و بكل شفافية

ودة شىء يُِحسب له مش عليه

مش زى باقى اعضاء الحكومة الافاضل ولا زى وزيرة الصحة اللى ما اعلنت عن انتشار

مرض الانفلونزا الا بعد ضغط من نقابة الاطباء و منظمة الصحة العالمية

ليه بنرفض المصداقية هل لاننا اتعودنا على اللى يضحك علينا و يوهمنا ؟؟؟

ولا لانى بأييد فريق لازم اغض الطرف عن اخطاؤه و امشى معاه على طول الخط حتى لو

كلامه مش مقنع وانسى انه بشر له اهداف دنيوية و شخصية

بدال ما نزعل من رجل قال كلمة حق .... نزعل من اللى استغلوا مرض الغلابة

و جهلهم عشان يحققوا تأييد شعبى بشى وهمى مالوش وجود

شكرا ليك على الموضوع

[big bốss]

اقتباس المشاركة الأصلية كتبت بواسطة لمار* اول شى انا ضد قصة الجنسية المزدوجة لكل الاسباب اللى اطلت بذكرها بس انا مش معاك فى هجومك على دكتور عصام حجى الدكتور قال رأيه من وجهة نظر علمية و بكل شفافية ودة شىء يُِحسب له مش عليه مش زى باقى اعضاء الحكومة الافاضل ولا زى وزيرة الصحة اللى ما اعلنت عن انتشار مرض الانفلونزا الا بعد ضغط من نقابة الاطباء و منظمة الصحة العالمية ليه بنرفض المصداقية هل لاننا اتعودنا على اللى يضحك علينا و يوهمنا ؟؟؟ ولا لانى بأييد فريق لازم اغض الطرف عن اخطاؤه و امشى معاه على طول الخط حتى لو كلامه مش مقنع وانسى انه بشر له اهداف دنيوية و شخصية بدال ما نزعل من رجل قال كلمة حق .... نزعل من اللى استغلوا مرض الغلابة و جهلهم عشان يحققوا تأييد شعبى بشى وهمى مالوش وجود شكرا ليك على الموضوع

حضرتك دا فى امريكا

ازاى عرف ان الجهاز فضيه و هو الجهاز فى مصر ؟؟؟؟؟

دا ترهلات قالها و فين المصداقيه

اذا كان الجيش عمل مؤتمر صحفى و بدا فى انتاج الجهاز و حدد يونيو القادم

يبدأ كشف على المصريين و دكاترت الكبد قالوا انه جهاز فعال

ازاى بئا و احد بلد تانى اول ما سمع الخبر قال دا فضيحه

[.Lamar]

اى علاج جديد على حسب معلوماتى البسيطة

بيعلن عنه فى مؤتمر للعالم كله

لكن انى اطلع اقول انه جهاز و كمان بيعالج اكتر من مرض من اخطر الامراض الموجودة

و بمنتهى البساطة امر غريب

حتى شرح كيفية عمل الجهاز و موضوع الكفتة كان كلام غير علمى ولا منطقى بالمرة

ووصفه بالفضيحة هو تعبير قليل على نظرة المجتمع الدولى لينا دلوقتى

و معلش زى ماحضرتك بتقول انه فى مكان تانى وبتشكك فى مصداقيته

ايه المانع اننا كمان نشكك فى الجيش لين يثبت العكس

اسفة للاطالة و شكرا على سعة صدرك بالحوار

[عاشق متيم]

اقتباس المشاركة الأصلية كتبت بواسطة big bốss هههههههههههههههه دا انت شايل فى قلبك يا عاشق انا معرفش تاريخ عصام حجى و لا انجازاته بس انا ضد تصرفه انت عارف بلدك بتخوض حرب و لما تطلع و تقول كدا تبقى جريمه - انا عن نفسي معرفش الجهاز دا صح او كذب بس بعقلك كدا الجيش ايه مصلحته انه يقول كدا و يفضح نفسه مفيش حد يعمل كدا الا لو كان واثق من نفسه و بعدين دى مؤسسه عسكريه مش اى كلام و بعدين هما محددين يونيو الى جاى هيبدائوا يعالجوا الناس كلها شهور يعنى و هتظهر الحقيقه زى ما الكل توقع ان استقالة الببلاوى علشان السيسى يستقيل و هيترشح و فى الاخر كان فى الحكومه الجديده اخيرآ انا ضد ان شخص مسئول يحمل جنسيه غير المصريه

هههههههههههه
انا هشيل فى قلبى ليه بس ؟؟؟
بس المصريين دول ناس عجيبه
عصام حجى له تاريخ كبير
كفايه انه مصنف ضمن افضل 100 عالم وافضل 5 علماء مسلمين فى امريكا
ومعاه زويل والباز
دا غير جوائزه العالميه ومنصبه المهم فى ناسا
انا شايف انه حر فيما يقول وليست جريمه على الاطلاق
وانه رجل متمسك بكلمته وعدلى منصور كلمه علشان يرجع فى كلامه
بس هو ظل على موقفه وزويل اشاد بيه
انا حاسس ان الجهاز ده بيرجعنا لزمن المعجزات
انا اتمنى انه يطلع حقيقى
بس متأكد مليار فى الميه انه غير صحيح
لان مكتشف الجهاز وفريق البحث
مش بيعرفوا يتكلموا وبيتهتهوا فى الكلام
وشهر يونيه هيجى ومش هنتأكد من حاجه والا هنعرف حاجه
ومفيش مواطنين هيكشفوا ولا غيره
والقوات المسلحه عاوزه تكسب شعبيه زياده عند الناس
تصدق انى قرأت ان عدلى منصور والا السيسى مش كانوا يعرفوا حاجه عن الجهاز

وبخصوص السيسى فى الحكومه الجديده
السيسى مش هيسيب منصبه الا قبل غلق باب الترشيح لرئاسه الجمهوريه ب 5 دقائق
ساعتها هيسحب ورق الترشح ويكون مجهز عدد التوكيلات
وربنا يدينا طوله العمر ونبقى نعمل موضوع
القوات المسلحه بتستغفل الشعب
بزمتك انت مصدق ان فى جهاز كده
طب يخلوا علماء من العالم ييجوا يشوفوا الجهاز
بس الجهاز لن يخرج من مصر الا اذا تم نقل الاهرام من القاهره
معلش من الجيزه

[booody99]

موضوع مهم فعلا بس أظن مصر هي الوحيدة الي تقدر تجاوب عالسؤال ده -_-

فيلم عسل اسود يمكن ورانا ان المصري اكتر واحد بيتهان جوا بلده وخارجها وده على أرض الواقع ومعايا انا كمان

مصر بيئة غير صالحة لتنمية أصحاب العقول...وانما بيئة خصبة لأصحاب الأذرع

يمكن الجنسية الأخرى لتسهيل التنقل او المكانة العالمية بجانب المصرية ولكن أرى ان مصر جنسية الغلابة الي زينا

اما للأشخاص سؤال..انا معرفش عيال مرسي معاهم جنسية ولا لا بس لو كان معاهم مسافروش ليه واحتموا في بلدهم التانية؟!

اما موضوع عصام حجي...فشوف اما انك بتهين ثورة 30 يونيو او بتهين قواتنا المسلحه ^_^

لأن لو بتشكك في حجي يبقى بتشكك في عدلي منصور يبقى بتشكك في 30 يونيو يبقى بتشكك في جيشنا الي جاب دول كلهم

في الأخير رسالة صغنونة :-)

اللهم اجعل جنسيتنا المصرية شفيعا لنا يوم القيامة :-(