لســـــآكـ حزيـــن " أنا وقلمي والموسيقي "

[Şα3Đ..♥]

لساك حزين لسه بتبكي علي اللي فات من السنيين جواك كتير م الذكريات شيء م الحنين لسه بتحب اللي باعوك وبتفتكر ف اللي سابوك لسه بتحن ل صوت ابوك بعد الممات معرفش ليه حابب تعيش جو السكات حاسسك ضعيف ناسي ربيعك ف الخريف لسه بتخاف من الفرح قلبك خفيف ولا انت تايه ف الزمن وسط اللي فات عمر البكي ولا الشجن ما هيحيي شي ف الاصل مات اطلع ودور ف البشر علي المعاني الطيبه ركز ودقق ف الصور عن ناس بعيد قريبه اضحك بقي ايوه كده دي الدنيا دي متعوده متسيبش فينا ذره امل ولا شجعت يوم ع العمل وبتفتري ف اللي حصل ولا فرحتنا ولو ساعات ف لان قلب استوي والجرح منك اتروي فـ افرد جناحك ف الهوا واطلع وطير عايزك تسيب كل الوجود وحاجات كتير واقوي وكسر ف الصمود امَلك يدقدق ف الجمود قوم واحيي قلبك بالصعود صحي الضمير واهرب بقي من الغروب ومتعيش في دور الهروب دور ودعبس ف القلوب عن خلق لسه فيها خير وكبر لناس تهوي الذنوب وقرب من روح الفقير دول ناس غلابه بتلتقي الفرح في كل الخطي والضحكه فيهم ما تنتهي ولا يعرفوا معني البكي قرب منهم وهيدعولك وهيفرحوا بيك ويغنولك دي الناس دي زيك من توبك بس انت اللي بتهوي الغير وخلاصه القول عندك من الخلق ياما وياما عندك من الناس دولا ودول حاول تلقي بر سلامه علشان الدنيا يومين وتزول

[العاشق الذى لم يتب]

تسلم ياغالى
توبيك روعة
ومضمون قيم
بالتوفيق لك
تقبل تحياتى وودى

[phalsteen]

لـــــــــسه حزين
والحزن في دمي
عايش فيه
مغروس
من همي
مولود في سحابة
وليله كئيبة
فـــ دنيا قوية
عاوزة جبال
وانا علي قدي
انا غلبان
ضعفي سلاحي
وصوتي جبان
شوفت ابويا
في حضني
انا ميت
فــ صرخي
ضاعت كــــل الآه
ببكي وببكي
والدمع دا راح
راح الحضن
وهــي كمان
عرفت اليتم
فـ دمع عنيا
قالت هرجع
وادايني هشـوف
وياريتها ترجع
تمسك ايدي
ومش راح
اهون

لسه حزين
والحزن دا عيبي
لو كنت اقدر
كنت راح اقتل
منا علي قدي
في دنيا وحوش
ناسها جبانه
مليانه ديانه
وبكل وشوش


منك لله يا سعد عيطني
مش عارفه ارد
انا برضو اللي نكدية
ومش داخله مواضيعك تاني

[Şα3Đ..♥]

مسيري هنبسط وافرح
واحب تاني واتوه واسرح
بس الحكايه مفيش مطرح
اداري فيه همي وغلبي

[phalsteen]

ضاع الفرح بكتر الآه
وزاد الجرح بحب الجاه
بقي للظلم الف طريق
وصوت الحق كأنه ضعيف

[ايمان طلعت]

غدا سيشرق نهار جديد
وستشرق شمس جديدة
يمكن بلهيبها ان تذيب جليد القلب
او بلهيبها تُدمىَ الجراح


رائع جدا ما كتبته
كلمات مليئه بالاحساس
تحياتى لك

[الأميرة رودي]

ماشاء الله عليك
احساس برغم الأم والحزن فيه
الا انه معبر وراقي لأبعد الحدود
حروف لمستني ومضمون قريب من القلب
تسلم ايدك وربنا يسعدك يامحمد