الحلقة الاولى من برنامج (( فى الواقــــــــــع )) مع الاميرة رودى

[حَرفُُ هجآءّ]

فى الواقــــــــــع

عكس الخيال والوهم ... واقـــــــع

ما وجد حولنا .... واقــــــع

من منا لم يحلم بالبقاء ؟

من منا لم يحلم بالغنى والحب ؟

أمنيات واحلام كلها تدور فقط فى عقولنا

قليل منا من جعلها واقـــــــــع

وكثير مازال يحلم بتحقيق الحلم الى واقـــــــــــع


فى الحلقة الاولى من برنامج فى الواقــــــــــع

وفى حوار خاص جدااا

تشرفى وتسعدنى عضوة بروحها الجميلة

بقلبها الطيب

الأميرة رودي

مشرفة صفحات مكشوفة

اهلا بك رودى منورة البرنامج

اهلا بيكي


اولا مبروك التحضير للدبلومة وربنا يوفقك

الله يبارك فيكي
دعواتك المشروع يكمل

إن شاء الله ربنا يوفقك للخير رودى


ثانيا البقاء لله فى وفاة والدتك

ونعم بالله
ربنا رحمها ويرحمنا جميعا


اللهم أمين


هل كان لوالدتك آثر كبير فى حياتك ؟

أثر.؟
والدتى كانت أقرب حد على وجه الأرض ليا
كانت صديقه قبل ماتكون أم
عشان كده فراقها مؤلم جدا


ايه اكتر شىء افتقديه بغياب والدتك ؟

دعوتها الصافيه
والحنان والطيبه والاهتمام
حاجات كتير افتقدتها ومفيش مخلوق هيعوضهالي



احكيلنا ع الدبلومة بتاعتك عن ايه بالظبط ؟

والله لسه ياأسيل
كوني حصلت على الموافقه اصلا ع المبدأ فده انجاز
وان شاء الله فيه مشوار للكليه هروح أشوف الدنيا فيها ايه وأبدأ أرتب اموري




شخصية العام بتمثلك ايه ؟


السؤال ده أنا اللى حبه أسأله للناس اللى هتقرأ التوبيك والحلقه دي
ان كنت فعلا أستحق موضوع شخصيه العام ده
ولآ جات معايا حظ

حقيقي حبه أعرف ..



طاقم المراقبين : شايفة ان طاقم المراقبين الجدد كافى للدور الرقابى ولا كتير ولا قليل ؟

هيكون كافي ان شاء الله
اللى اترقو مراقبين الفتره الأخيره هم الناس اللى متواجدين ف المنتدى بشكل يومي
فمن ناحيه اعتماد المواضيع ومتابعه النشاط و....الخ
هيكونو أدها
أما من النواحى الأخرى فمش عارفه لأنهم لسه جدد ف المنصب
ومش هينفع نقيمهم دالوقتي



طلب اعفاء : مش شايفة ان طلبك بالاعفاء من الاشراف فى الوقت ده بالذات بيدل على اعتراضك لعدم ترقيتك انتى كمان حتى لو مش هو ده السبب ؟

هو فى الوقت ده لآزم يدل على كده
وانا عذرت الناس اللى فهمو الموضوع بالشكل ده لأني أخطأت فعلا انى طلبت الطلب ده فى الفتره دي..
موضوع طلب الأعفـاء كان فى بالي من فتره وكنت بتراجع عنه
بس نويته لما حصل تصرف انا اعتبرته تكميم لرأيي
لما عملت موضوع فى قسم المشرفين بقدم اقتراح بالغاء صندوق الابداعات اللى موجود فوق
لقيت موضوعي بتاعي بيتنقل الشكاوي لمجرد ان مشرفه دخلت قالت الترقيات فيها مجاملآت
طيب هو ده سبب ان التوبيك يتنقل الشكاوي ؟
مش دايما بنقول كل واحد له وجهه نظر وصعب انك تلاقي الكل بيتفق على شخص
طيب هي البنت قالت رأيها .. ليه بقى ننقل التوبيك ونقفل الموضوع ونحذفه وكل ده ..
أنا رفضت نقله وطلبت ان التوبيك يرجع قسم المشرفين وخصوصا انى عامله الموضوع بغرض التشاور مش عامله شكوى في حد. فطلبت ان التوبيك يرجع قسم المشرفين حتى لو اتلغى الرد اللي بيتكلم عن الترقيات
لكن تم تجاهل طلبي
رحت منزله التوبيك من جديد
فاتفاجئت المره دي بحذف التوبيك خالص !!
طب ليه بيتحذف ماانا نزلته من جديد وعلى نضيف أهو مفيش فيه ولا رد..
صممت انى أوصل فكرتي واقتراحي رحت منزلآه مره تالته
فكان الرد انه يتحذف 6 مرات ورا بعض !
وللعلم :
طلب رووكه وعاشقه الهدوء كان بناءا على نفس الموقف لآن هما كانو من المؤيدين لالغاء الصندوق وكانو واقفين ف قلب الموضوع وشافو التصرف والحذف
عشان كده حسو ان فيه تكميم للآراء وطلبو الاعفاء معايا ف نفس الوقت..

واللى يخليكي تستغربي انى لما أقول لسيلفر ليه دمعه تحزف موضوعي بالشكل ده ؟
يقولى ولما انتى لقيتيه اتحذف بتنزليه تاني ليه
ياسلام !!
فاهمه انتى نظام ( أنا لما أقولك اخرس تخرس ..)
وأنا كنت متوقعه الرد ده لان اللون الأحمر مش بيجي على بعضه ..!

كمان لما عملنا طلب الاعفاء لقينا أسلوب غريب واستهزاء من المراقبين ( لوست وماجيك) اللى هما أصلا أصغرنا سنا
كل واحد فيهم دخل بكلمه جامده وكأننا ناس وحشين أو قدمنا اساءه لحد فيهم !!
رغم ان التعامل معاهم بيتم من خلآل الردود والموضوعات فقط !
وف الفتره دي حصل أكتر من توبيك ف قسم المشرفين وكانت ردودهم بنفس طريقه الاستهزاء .

فكذا حاجه اتراكمت خلتني اسيب الاشراف
دخل مورشو فى الموضوع وكلمني وطلب مني اتراجع عن طلب الاشراف والحق هو سمع مني وعارف ايه مضيقني ومضايق رووكه وهبه ف تعهد لي ان أسلوب المراقبين يتغير ويكون فيه اسلوب ومعامله أحسن من كده والاهتمام الاداري هيكون من غير تفضيل .
وفعلا تم رجوعنا الاشراف بس هبه رفضت واعتذرت عن الرجوع
هي حست بعدم تقدير وأكيد معذوره..




جماعى : انتى وروكه وهبه وواد حبيب هل كان فى اتفاق على طلب الاعفاء الجماعى ده ولا كانت صدفة ؟

والله ماكان اتفاق ولا حاجه
وكانت رووكه فى الوقت ده عامله مسابقه فى قسمها وكله شئ ماشي وتمام
هبه صحيح اللى كانت عاوزه تسيب الاشراف من قبل كده
بسبب برده بعض التصرفات والتجاهل المتعمد
يعني هي شافت ان الاهتمام الاداري لناس وناس ..
واد حبيب طلب الاعفاء صحيح فى نفس اليوم بس كان قبلنا ومكنتش لسه انا قررت ترك الاشراف
لآني مكنتش لسه عملت موضوع صندوق الابداعات


انتى شايفة انك قدمتى اللى عندك كله تجاه القسم اللى كنتى مشرفة عليه ولا كان فى تقصير منك ؟

لآ مكنتش مقصره فى حق قسمي وعلى أد ماأقدر كنت بقدم فيه أفكار
لكن طبيعه القسم ده انه لآينفع تعملي فيه مسابقات ولآحملآت تنشيطيه وغيره
وانا زيي زي أى حد بيغيب بسبب أى ظروف وبيرجع تاني

سياسة الاداره : من وجهه نظرك شايفة ان الترقيات الجديدة كانت فى محلها وتقديراً لمجهودهم فعلا فى المنتدى ولا لا ؟


كلهم يستاهلو أكيد
متواجدين باستمرار ونشيشطين

تقصير أم تجاهل : هل عدم ترقيتك ده بيرجع لتقصير منك فى الحضور العام فى المنتدى ولا الادارة تجاهلت ترقيتك ؟

يمكن تقصيـر مني.
بس هقولك سـر يمكن أول مره أقوله
حتى لو كنت أنشط من كده مكنتش هترقى برده
سيلفر سبيكترا قالي بالنص (( بصراحه كده ماقدرش أرقي حد وهو على خلآف مع حد فى الاداره لانى جربتها قبل كده وفشلت ))
برغم انى مش سألته أصلا ليه انا مش اترقيت ولآ عمري هسأل السؤال ده
بس هي الكلمه جات وسط الكلآم كده..
كان صريح وصراحته حلـوه.


هل الادارة ظلمت حد غيرك بحرمانه من الترقية والمفروض كان يترقى ومحصلش ؟

بصراحه مااقدرش افيدك فى الموضوع ده
لان النشيطين كتير
بس فيه ناس كانت تستحق vip وبرده خايفه اذكر اسماء انسى حد
بس اللى نشاطه طبعا ملحوظ وبيعمل مايقارب من الـ 200 مشاركه يوميا الرجل المتواضع




دورك فى المنتدى الفترة الجاية هل هتشاركى عادى فى المنتدى ولا هيقتصر وجودك ومشاركاتك فى مدونتك فقط ؟

وجودي فى المنتدى ونشاطي من عدمه مش هيرتبط باللون
هتلاقيني موجوده وبشارك عادي فى اي قسم
وأن رجعت بالأسود تاني وده جايز بشكل كبير برده هتلاقيني موجوده
وعلى فكره عاوزه اقول حاجه أخيره..
فيه ناس هنا انا بحبهم جداااا ومرتبطه بيهم فمااقدرش اسيب المنتدى أصلا عشانهم
لآني فيه اكتر من حد سألني اذا كان غيابي ده تمهيد لتركك المنتدى
فأنا قولت لآ انا مش هسيب المنتدى
وبأكدها تاني عمري مافكرت أسيب المنتدى بجد..


كلمة تحبى توجيهها للاعضاء و الادارة ؟


أحب أقول لأعضاء أنتو المنتدى
واجعلو روحكم الحلـوه هي أساس التعامل بينكم
بعيدا عن التصيد وأى اعتبارات تانيه


أما للاداره معنديش كلآم
ربنا يعينهم


نورتى الحلقة رودى


ودى كانت أول حلقة من البرنامج

[morshooo]

اهلا بالبرنامج الجديد
^_^
وحمدالله على السلامه
بقالك كتير مانزلتيش مواضيع

ورودى طبعا منورة التوبيك
والقسم وان شاء الله الفترة دى تعدى
ونخلص من اى خلاف موجود بين الاعضاء

منورين ^_^

[Lost Pearl]

اهلا اهلا يا رودي نورتي الحلقة اكيد

هعلق بس علي حوار نقل الموضوع ع السريع

موضوعك متنقلش عشان حد قال مجاملات ،، موضوعك اتنقل عشان روكة ردت باسلوب مش كويس ده غير ان الموضوع كان بدأ ياخد منحني جدال

انتي قدمتي اقتراح و الادارة ردت عليكي عادي جدا سواءا منة او طارق فـ الاخر

اللي حصل من المشرفين فـ النص مكانش ليه لازمة لا كلام باسلوب مش كويس او خروج عن نص اقتراحك ،،

بعدها انتي نزلتي الموضوع زي ما قولتي 5 مرات ،، فـ كان الاجراء الطبيعي انه يتحذف

و انا اللي استغربت منه ان يطلع منك انتي تصرف زي ده ،، ع الاقل لو مكانش عاجبك كنتي استنيتي طارق او امجد و اشتكيتي

و بعدها انتي نزلتي شكوي ردينا عليكي و حاولنا نتفاهم و انتي قولتي كدة فـ الاخر

اقتباس المشاركة الأصلية كتبت بواسطة الأميرة رودي وهقولك حاجه لـلتوضيح حد نبهني ليها دالوقتى ممكن موضوعي يتاخد بشكل انى زعلآنه عشان الترقيات فمتعصبه وده الآكيد انه يتفهم كده بس أنا مش محتاجه اقسم بالله ان كل همى انى لقيت فعلا فيه اقسام مظلومه لـ حساب اقسام تانيه وان كان همى المصلحه لكن الامور اختلطت وبقى فيه السنه وحاجات مش حلوه عموما حصل خير ياجماعه وحقكو عليا مش هتكلم فى مصلحه حاجه تاني شكرا للردود

و سألتك لو حابة اوضحلك حاجة تاني و احمد الماجيك رد باردو بس انتي مش رديتي فـ خلاص توقعنا تفهمتي

و صحيح عايزة اقولك ان مع موضوعك نور نزل موضوع اسمه (اقتراح للمشرفين) و باردو كان عايز ياخد رأيهم و كدة علي نفس اساس اقتراحك ،، و منة نقلته باردو للشكاوي عشان الجو العام مكانش هادي

و الراجل لا نزل الموضوع 5 مرات و لا اشتكي و لا انسحب بهدوء او قال تكميم آراء او غيره

و بعدين يا رودي لو هنتكلم ع الاقتراح فـ انتي اصلا قسمك ليه احصائيات تحت لوحده ،، كان من باب اولي تطلبي ان دي اللي تتبدل و يبان فيها كل المواضيع و اهي حاجة خاصة بقسمك و باردو تفيد الصالح العام ،، خصوصا انتي قسمك بيبان فـ الاحصائيتين فوق و تحت كمان


بالنسبة لردودي علي موضوع جبل بقي فـ كان فيها التالي

اقتباس المشاركة الأصلية كتبت بواسطة Lost Pearl لأ طبعا انا ماقولتش كدة ،، انا اقصد عدد من المشرفين و اظن اني مش اللي اهين حد فيكو يعني كلكو حتي اكبر مني سنا و واجب عليا احترامكو

اقتباس المشاركة الأصلية كتبت بواسطة Lost Pearl انتو كلكو علي راسنا كلنا من فوق يا روكة و المنتدي من غيركو مكانش هينفع و اسفة لو كنتو فهمتو حاجة مقصدهاش من كلامي

افتكر اكيد مخدتوش بالكو من المكتوب بالاحمر و الا ماكنتيش قولتي حسينا باهانة

حتي اهو انا قايلة من قبل ما تقولي انكو اكبر مني سنا و واجب عليا احترامكو ،، و ده حال الاغلبية هنا اكبر مني

لأ بجد انا مش شايفة انه قللت منكو فـ حاجة و لا اسلوبي كان وحش بدليل صاحبة الموضوع جبل كانت بعتالي فـ حاجة و قالتلي بالنص احييك لأن لم تتركي لي فرصة أزعل من طريقة ردك والحمدلله ،، فـ انتو بس عشان كنتو زعلانين تلاقيكو اخدتو الامور بحساسية قليلا

و لو كنت عملت كدة بدون قصد فـ انا already اعتذرت مسبقا لو انتو فهمتو حاجة غلط من كلامي ،، و الاعتذار ليكو و للي شايف اني استخفيت بيه

حلقة حلوة يا اسيل و فـ انتظار الجاي ،،

رودي انرتي كثيرا بقي و ربنا يرحم مامتك و يوفقك فـ الدبلومة ،،

[big bốss]

ربنا يرحم والدتك و يصبرك على فرقها

امممممممممممم

بينتى وجهة نظرك و اعتراضك و كل الى حصل خلاف فى وجهات النظر

و الموضوع عدى و ان شاء الله الى جى افضل

استضافه حلوه يا اسيل

و رودى منوره و عيزنها منوره على طول معانا

بالتوفيق للجميع ،،،،،،

[شموع الروح]

أسيل برنامج حلو ومن اول حلقه كدا قوي
لا الله ينور يا قمر
رودي منوره الحلقه والمنتدي كله
تحياتى

[Lamees]

برنامج حلو يا اسيل
ورودي منورة الحلقة
ربنا يوفقك يا رودي
وربنا يرحم والدتك ويصبرك على فراقها

[SiLver Spectra]

اقتباس واللى يخليكي تستغربي انى لما أقول لسيلفر ليه دمعه تحزف موضوعي بالشكل ده ؟ يقولى ولما انتى لقيتيه اتحذف بتنزليه تاني ليه ياسلام !!

موضوعك نقل للشكاوي و انتي عارفه يا رودي ليه اتنقل ..اتنقل عشان البعض رد بشكل مش كويس عن اشخاص اخرين و انتي قولتي : طب احذفوا الرد ماشي لكن تنقلوا التوبيك ليه ؟
قولتلك اننا لو حذفنا الرد فقط بس كدا و فضل موجود الموضوع في مكانه هيخش المشرف يلطش كلمه تانية مالهاش داعي نهائي زي (حذفتوا ردي ليه ) و غيره من الكلام
و دا حصل بالفعل مع الرد فما بالك بالحذف !
اول مشاركة لروكه
للعلم ان موضوع الاميره رودي كان بيتعلق بصندوق اخر الابداعات
لكن هنشوف دلوقتي الردود ازاي خرجت عن سياق الفكرة

======روكه========
تمام قوى وانا معاكى ف الطلب يا ساره

فيه ناس مهدور حقها كتير اقلام سابت القسم

عندى بعد تحفيذ منا ليهم لحد ما عرفو ان الابدعات

بتظهر جريو عليه ...

وكمان المتابعه فين بتاع زمان من وقت الصندوق ده وشغلى

ف القسم محدش شايفه بالأمانه فكره مش ناحجه والمنتدى بيقع

شئ فشئ بسبب التحيذ اللى فيه

ومبارك التريقات اللى تمت وفيها نوعيه من المجامله مش الكل معظمهم

بضم صوتى لصوتك ساره
=======================

تم الرد عليها من منه

==========منه==============
وعليكم السلام
اولا الترقيات دى مش آخر حاجه فى الدنيا
الشهور جايه كتير ولكل مجتهد نصيب
ومحدش يقدر ينكر ان المجموعه دى من انشط المشرفين هنا
وبالنسبه لخاصيه آخر الابداعات
دى لما اتعملت كان المقصود منها نشر الحصري والتشجيع على الابداع
لو فيه امكانيه نعمل خاصيه تانيه تظهر باقى مواضيع الاقسام هاتتعمل ان شاء الله
لان زى مانتوا عارفين اغلبها منقولات
وهاسأل طارق فيه لان ده شغل فنى
وطبعا اهم حاجه مصلحه المنتدى

===============

فردت روكه رد تاني

=========روكه=========

والله انتى شايفه انهم يستحقو ولكل مجتهد نصيب

منقول كلمه حق وياريت تكونى عدله شويه وبلاش

تخلى المشاكل الشخصيه وسيط ف عمل الصح

لما ناس تغيب شهور وتترقى ده ايه يا اداره يا حقنيه

ولكل مجتهد نصيب

المناصب مش دائمه يا منه فوقى شويه

=================

رد منه
=======منه==========
طيب واضح ان من اسلوب التوبيك انه شكوة
وانا نقلته يارودى لحد ماطارق يدخل يوضحلك امكانيه تنفيذ اقتراحك
=================

فالافضل هنا هو انه ينقل للشكاوي بينا و بينك و في النهاية تم بالفعل الرد عليكي في الفكرة و هو المطلوب و اديتك الرد الفني في ذلك

======= سيلفر=========
طيب يا رودي مافي عندك هاك الاحصائيات و بيظهر فيه كل الاقسام ؟
ايه الفكرة اني اعمل صندوقين للاحصائيات ؟

الميزة ان الصندوق اسمه (اخر ابداعات الاعضاء) كتشجيع للعضو اللي بيكتب
و مع ذلك في ناس بتكتب مواضيع و بيجيلها رد واحد بس او ردين ..مش بيجيله 20 رد عشان نقول انه صندوق سحري ..الا بس لو كان موضوع مثير للجدل

الصندوق دا مااتعملش غير لما لاحظنا ان في ضعف في التفاعل للمواضيع المكتوبة . و دا كمحاولة لتحفيز الكاتب

تفتكري مثلا لو لغينا الصندوق فوق ..هتلاقي بقى في نشاط في قسم الديكور و الازياء !؟
يعني مثلا انا كسيلفر سبيكترا هخش الازياء و هبقى نشيط فيه و لا هي ميول ؟

و زي ما ذكرت الصندوق بيختص بالحصري كنوع من لفت الانتباه ..و خلال الفترة اللي فاتت ضيفنا اقسام كتير للصندوق بعد تحويلها للحصري
لكن في اقسام صعب انك تضيفها لان صعب تحولها للحصري زي المشاكل الزوجية
دي مثلا عايزه متخصص و هبه قطب و الناس دي ..و مواضيعها بتكون منقولة بنسبة 99% على ما اظن
نفس الفكرة للشعر و الخواطر ..احنا عاملين قسمين للحصري و القسم الاخير معمول للمنقول ..عشان في ناس بتحب تنقل
دا امر مهم اننا نفهم اختصاص القسم . مش اننا نحولها لقسمي و قسمك
انا شخصيا شايف مثلا ان قسم الخواطر للمنقولات المفروض اي حد بيكتب بنفسه مش يكتب فيه
المفروض كمان اشرافه يتعلق بالمراقبة فقط

و في وسائل اخرى متاحة زي البنرات و الاهداءات و الدعايا في الزوار

اما اخر حاجه بالنسبة لضعف النشاط
فدا انا ذكرت سببه كتير قبل كدا يا رودي و وضحت انه بيتعلق بضعف الارشفة
وضعك في محركات البحث كان افضل ب10 مرات زمان عن دلوقتي ..و السبب ايه ؟ مشاكل فنية حصلت قبل كدا و استمرارها لفترة طويلة وصلنا لكدا
و دا تقدري لتلاحظيه من معدل التسجيل اللي بقى اقل من 10 في اليوم في حين انه كان اعلى من 70 قبل كدا
لكن مالوش علاقة بالصندوق
و مستعد اشيلك الصندوق لفترة و نشوف هل الاقسام التانية هتبقى نشيطة ؟
كل اللي هيعمله انه هيضعف نشاط الاقسام الحصرية فقط
و بالتالي لما حد يكتب حاجه بعد تعب و مجهود حصري في الاخر مش هيلاقي موضوعه ظاهر
و اخره يجيله ردين تلاته

فهي دي الفكرة ..الموضوع مش اننا نقلبها (غيرة) اقسام
الموضوع اننا نفهم طبيعة كل قسم ..ممكن بسهولة نلغي الاقسام التانيه و نريح دماغنا
لكن احنا بنسيبها كوسيلة من تنوع الاهتمامات ..واحد مثلا عايز يشوف برنامج يحمله ..عايز يشوف موضه جديده . عايز ينزل موضوع في الديكورات .و هكذا

انا افتكر لما كنت مشرف البرامج ماكنتش بستنى ان قسم برامج الكمبيوتر يكون هو اول قسم و الناس كلها بتتفاعل فيه و غير كدا اقول ان في ظلم في قسمي !!
انا كنت فاهم طبيعة عملي كويس و ان وظيفتي هي رقابية مش اكتر و كمان فاهم طبيعة القسم انه بيقدم خدمة مش مطلوب منه اكتر من كدا ..و كنت بروح اكتب مواضيع في الاقسام العليا =)) اللي هي الاقلام و النقاش ..
فدي النقطة اللي لازم نفهمها ..هي مش حرب اقسام نهائيا
لكننا بنحاول ندي اولوية للابداع بصوره المختلفة
و المنقول و المواضيع الخدمية لها مكانها في اقسامها

====================

لكن التصرف في انك تنزلي موضوعك في المشرفين بتجاهل موضوعك اللي في الشكاوي 6 مرات فدا تصرف غير مسؤول منك .
العملية مش عملية اني اخرسك . لكنه تنظيم و لازم يبقى في احترام للتنظيم دا و الا هتقلب فوضى
اظن قسم المشرفين فيه اقتراحات كتيره جدا و في اقتراحات اتكلمت عن نفس النقطة اللي اثرتيها لكن باشكال مختلفة و عادي جدا طالما الموضوع النقاش فيه لم يأخذ منحنيات شخصية من اللي بيردوا عليه
لكن الظرف اللي كان وقتها هو ان في ناس كان واضح انها زعلانه من الترقية و قالت كلام مش كويس زي :

اقتباس لما ناس تغيب شهور وتترقى ده ايه يا اداره يا حقنيه ولكل مجتهد نصيب المناصب مش دائمه يا منه فوقى شويه

..بناء على الموقف دا و لاحتواء ازمة النقاش اتنقل الموضوع للشكاوي و طرحتلك وجهة نظري فيما يخص الموضوع
و لو عندك وجهة نظر اخرى ممكن توضحيها في نفس الموضوع او حتى بعمل موضوع جديد مافيش مشاكل طالما الاجواء هديت

اقتباس كمان لما عملنا طلب الاعفاء لقينا أسلوب غريب واستهزاء من المراقبين ( لوست وماجيك) اللى هما أصلا أصغرنا سنا كل واحد فيهم دخل بكلمه جامده وكأننا ناس وحشين أو قدمنا اساءه لحد فيهم !! رغم ان التعامل معاهم بيتم من خلآل الردود والموضوعات فقط ! وف الفتره دي حصل أكتر من توبيك ف قسم المشرفين وكانت ردودهم بنفس طريقه الاستهزاء .

ماعنديش مشكلة اناقشك في النقطة دي كمان بكل هدوء
انا حاليا دخلت اطلع على الردود في الموضوع
كان دا اول رد ليكي تعليقا على دمج الماجيك لموضوعك مع روكه بتاع طلب الاستقالة
بالمناسبة انا مش مع الدمج عموما في اي حاجه ..بس انتي دا كان ردك

========رودي========
هى كمان طلبات الاعفاء بيكون فيه دمج ؟
يعني يااما تتنقل الشكاوي يااما تتدمج
هو انت بتتصرف بناءا على ايه يا أحمد ؟
بناءا على رغبه العضو اللى منزل الطلب ولا بناءا على مزاجك انت فى نقل ودمج !
افرض ان روكه دي واحده مش برتاحلها وعاوزه موضوعي يكون مستقل !
لآ حقيقي بندهش من التصرفات
والاسلوب ده مش يليق ابدا باداره منتدى زى بنات مصر

عموما مشكور ياسيدي ونورت
==========================
رده عليكي

========الماجيك========
هههههههههه
لا بناء ع مزاجي طبعا ^^
يابنتي هو مش انتوا جماعي مع بعض هناا
طلب أعفاء من الآشراف
فا دي مصلحه ليكوا إن اخليكوا بردوا متمسكين بـ روح الجماعه ^^
كبري دماغك يا رودي
الموضوع اتدمج ولا مأتدمجش
الاثنين نفس الطلب
واللى هيتم عمله هنا هيتم عمله فى التاني مش هتفرق
ربنا يهدي ..
=====================
رد روكه

=======روكه========
متشكرين أستاذأحمد على اللهجه اللى

داخل بيها وع فكره فيه اسلوب ارقى

من كده أحنا مش اطفال قدامك علشان

تقول دمجت علشان يكون اسرع

والطلب كان جماعى الاول وبناء ع طلب الاخت لوجى

كل وحده نزلت لوحدها

اتمنى تغيرو من اسلوبكم ف الرد احنا اكبر من كده بكتير

سناً ومكانه

ربنا يوفقك ف دراستك
======================
رد الماجيك

=========الماجيك=============
أظن انتي عارفه كويس ي روكه
التعامل بينا عامل ازاى
ولغاية دلوقت انا محافظ على أسلوبي معاكي
انا واحد من الناس اللى جابت اخرها
من كل الحوارات الماضيه اللى حصلت
وعلى كلامك انتوا كبار سناً فا اكييد عندكوا وعي وعارفين بتعملوا ايه
فا خلاص مبقاش فيه مجال للمحايله ولا حتى الجدال والنظر في الطلب
ومبقاش فيه حل غير قبول الطلبات حسب رغبتكوا
عموما انا بتمنالكوا التوفيق في حياتكوا
والتوفيق لـ رودي ف الدبلومه اللى هتعملها ..
=================


=======روكه==========
لا حورات ولا حاجه بس اللى بستغرب منه

كلمه محايله ديه انت تقولها ولوجى تقولها

هاتلى حاجه تقول ان فيه حد اتحايل

واحمد كان مجرد مستمع لا حل ولا غيره

وياريت تبقو تسمعو الطرفين مش طرف قال انا حاولت وهما رفضو

زى ما قال ربنا يوفق احمد هو كمان
ع العموم بردو بشكرك وربنا يوفقك انت اخ بحترمه
======================

يبقى ظاهر هنا ان حصل شد بينكم من البداية لمسألة ما تستاهلش كل دا
الفكرة اني طلبت ان كل واحد يقر باستقالته سواء موضوع او مشاركة . فلو الموضوع ادمج حتى لو ماكنتش بتحبذ دا فمش قضية أو مشكلة كبيرة نفتعلها
فكان ردك مش حلو و مش هقولك وحش . بس هو تقريبا رد بنفس الاسلوب بتاعك
احنا بنتعامل باحترام بينا كلنا مش بان دا سنه اصغر و دا اكبر

اقتباس فكذا حاجه اتراكمت خلتني اسيب الاشراف دخل مورشو فى الموضوع وكلمني وطلب مني اتراجع عن طلب الاشراف والحق هو سمع مني وعارف ايه مضيقني ومضايق رووكه وهبه ف تعهد لي ان أسلوب المراقبين يتغير ويكون فيه اسلوب ومعامله أحسن من كده والاهتمام الاداري هيكون من غير تفضيل . وفعلا تم رجوعنا الاشراف بس هبه رفضت واعتذرت عن الرجوع هي حست بعدم تقدير وأكيد معذوره..

عموما دا امر يرجع لمورشو بس في حديثك معايا وقت طلبك الرجوع ماقولتيش حاجه عن كدا أو أنا شخصيا مش اديتلك تعهد بحاجه معينه . قولتلك وقت ما تحبي ترجعي فاهلا وسهلا و تنورينا و حصل بالفعل و طلبتي ..
انتي قولتي اه عن ان سلوك للماجيك و للوست بيرل مش عجبك
بس قولت لو في حاجه معينه بلغينا بيها لان اكيد مش هنرضى بان حد يقدم شكوى عادية يخش حد يرد عليه بشكل مش كويس
بس اللي ظاهر ادامي هو ان الردود من البداية ماكانتش كويسه بداية من موضوع صندوق الابداعات و تبعياتها
بل انك قولتي ان عاشقة الهدوء عملت كدا من نفسها . و اتفاجئتي بالموضوع
فيما معناه ان ماكنش في نيتك تستقيلي فممكن نقول كان كلام بينكم لحظة غضب
و عامة فتصرف مورشو تصرف نبيل

اقتباس يمكن تقصيـر مني. بس هقولك سـر يمكن أول مره أقوله حتى لو كنت أنشط من كده مكنتش هترقى برده سيلفر سبيكترا قالي بالنص (( بصراحه كده ماقدرش أرقي حد وهو على خلآف مع حد فى الاداره لانى جربتها قبل كده وفشلت )) برغم انى مش سألته أصلا ليه انا مش اترقيت ولآ عمري هسأل السؤال ده بس هي الكلمه جات وسط الكلآم كده.. كان صريح وصراحته حلـوه.

صحيح الكلام دا 100% ..
حتى المشرفين . لازم بيكون في حد ادنى من التفاهم
مااقدرش احط مشرف على قسم و فيه مشرف تاني عليه و كانوا متخانقين مع بعض قبل كدا او يكونوا مش طايقين بعض
لان دا هيتسبب في مشاكل و خناقات لا حصر لها تؤدي الى هرج و مرج بالذات لما يكون المنصب حساس
و دا كلام بقوله عن واقع .
و لذلك لما كلمتيني انا كنت بسألك ليه متخانقه مع منه لانك بتقولي ان في امور شخصية بينكم أو ان منه واخد امور شخصية بينكم حسب تفسيرك ..حاجات زي كدا و فيما معناه ان العلاقة بينكم مش كويسه
و دا كمان كان نفس كلام روكه في موضوعك الاول (و حطي عليها علامات استفهام)
و بالتالي لو اتنين شايلين من بعض هيصعب اني احطهم في نفس المنصب
و هنا بكلمك بصراحة مطلقة
دا مش معناها اني بطلب ان عقلك يكون نفس عقلي او عقل منه
فمثلا مورشو او بيج بوص او غيرهم . كل واحد منهم له تفكير و دماغ بس الاهم هو ان ماحدش شايل من حد ..
و بالتالي يظل اي اختلاف هنا في وجهات النظر فقط سهل تحتويه

و الاهم هو انك بتقولي ان المنصب مش فارق معاكي و دا شيء كويس و يحسبلك

********
منورة يا رودي
و حوار موفق يا أسيل ..

[الأميرة رودي]

أسيـل متشكــره ياجميله على الاستضافه الحلـوه
سعدت بيها طبعا واللقاء معاكي بيكون له طعم خاص
ربنا يوفقك دايما

اقتباس المشاركة الأصلية كتبت بواسطة morshooo اهلا بالبرنامج الجديد ^_^ وحمدالله على السلامه بقالك كتير مانزلتيش مواضيع ورودى طبعا منورة التوبيك والقسم وان شاء الله الفترة دى تعدى ونخلص من اى خلاف موجود بين الاعضاء منورين ^_^

أهلا بيك مورشو
نورك غطا ع الكل
معدناش بنحس بقطعه الكهربا طول ماانت موجود
نورتني حقا وان شاء الله كل شئ يبقى تمام فى القسم

[۩۩ elMagic ۩۩]

مش معني ي رودي إن اتكلمنا بأسلوب صعب شويه
يبقى دا بسبب حاجه انتي عملتيها ضدنا !
المشكله انك لسه مش مدركه إن المفروض كلنا طاقم واحد
وخصوصا الطاقم الرقابي والاداري لما بتحصل اى مشكله
لو كله موجود بيتابعها
وبالتالي اللى بيحصل مع اى طرف من الطاقم
هيبقى كأنه حصل مع باقي الطاقم ..
تقدري تعتبري دا ردي ع رسالتك اللى لسه مش رديت عليها لغايه دلوقت ،،
دا حتي انتي لما انتقدتي تصرف نقل الموضوع للشكاوي
ونزلتي شكوي بعدها ضد اللى كان بينقلها
احنا اللى ردينا عليكي ودافعنا عن الشخص داا
لاننا تابعنا كل حاجه كانت بتحصل ،،
وبخصوص فرق السن فا اكييد دا شئ محفوظ
بس انا احب اوضحلك حاجه قولتها لحد منكوا بعد انتهاء المشكله
وهي إن دا مش مقياس ممكن تلاقي ناس سنها كبير بس عقلها صغير والعكس صحيح
وبالتالي اللى بيحكم هنا التصرفات
وانا بعتلك رساله وقتها علشان اهديكي شويه وقولتلك تستني الرد الفني
بس انتي افتكرتي إن حوار النقل للشكاوي دا اتاخد بالعند وبدون سبب
وإن كان فيه عند فعلا فا دا كان منك انتي مش حد تاني
لان النقل للشكاوي كان له اسبابه ودا طارق وضحه في الرد السابق ..
بخصوص عاشقة الهدوء فا دي كانت الضحيه
اللى انا زعلت كتير علشانها لان محصلش اى حاجه منها
ولكنها دخلت وسطيكوا ف الاعفاء الجماعي ،،
عمتاً دلوقت كل دا بقي في الماضي
مكنتش احب اتكلم ف الموضوع دا بس طالما انتي اتكلمتي فا لزم الرد
ربنا يصلح الحال ويهدي الأمور
تسلمي اسيل لمجهودك<<

[الأميرة رودي]

اقتباس اهلا اهلا يا رودي نورتي الحلقة اكيد هعلق بس علي حوار نقل الموضوع ع السريع موضوعك متنقلش عشان حد قال مجاملات ،، موضوعك اتنقل عشان روكة ردت باسلوب مش كويس ده غير ان الموضوع كان بدأ ياخد منحني جدال

عمرنا ماشوفنا فى المنتدى ان لما حد يقول رأيه فى ترقيه حد
انه كده بيهينه..
رد روكه ان كان كويس أو غير كويس هنعتبره مبرر لنقل التوبيك أول مره
لكن مش مبرر أبدا لحذف موضوعي 6 مرات متتالين
5 مرات من دمعه والمره الأخيره منك أنتي
رغم انك بنفسك قولتى انك مكنتيش ف المنتدى ساعه النقل والحذف لكن بمجرد مادخلتى حذفتي التوبيك فى المره الأخيره !!
طب على اى اساس حذفتيه ؟
هل انتى بعتيلي او اتكلمتي معايا وشوفتي فيه ايه ؟
ولا انتى حذفتيه لمجرد ان دمعه كانت بتحذفه قبلك فالمفروض انك تتبعي نفس النهج ؟
طب دمعه حذفته من باب العنـد لسبب أو للآخر
دي حاجه شخصيه أو حاجه فى نفسها هي حره
طب انتى لما حذفتيه حذفتيه ليه
هل قرأتي فيه كلمه مخالفه ؟
هل انا ف كلامي وجهت كلمه لشخص بعينه ولا التوبيك كان مجرد اقتراح ؟

انتي قدمتي اقتراح و الادارة ردت عليكي عادي جدا سواءا منة او طارق فـ الاخر

اللي حصل من المشرفين فـ النص مكانش ليه لازمة لا كلام باسلوب مش كويس او خروج عن نص اقتراحك ،،

مشرفين مين اللى خرج عن نص اقتراحي ؟
محدش كان لحق يرد أصلا لان التوبيك كان اتحذف بعد وقت قصير جدا من نزوله !!
كل اللى ردو أيدو فكرتي

واد حبيب وعاشقه الهدوء ورووكه و انجي
محدش رفض الفكره الا مورشو وكان له اسبابه الخاصه..

بعدها انتي نزلتي الموضوع زي ما قولتي 5 مرات ،، فـ كان الاجراء الطبيعي انه يتحذف

ازاى اجراء طبيعي انه يتحذف !
في قوانين المنتدى العامه ماشوفناش فيها ان التوبيك اللي مافيهوش ولا حرف مخالف سهل انه يتحذف..

و انا اللي استغربت منه ان يطلع منك انتي تصرف زي ده ،، ع الاقل لو مكانش عاجبك كنتي استنيتي طارق او امجد و اشتكيتي

طيب جميل كلآمك
انا لما نزلت التوبيك المره التانيه من جديد ومفيش فيه ولآ رد
ليه ماتسبش وفضل لما أمجد أو طارق يدخلو وأهو الموضوع زي الفل أهو ولآ حد بيتكلم بأسلوب كوس ولآ مش كويس !!


و بعدها انتي نزلتي شكوي ردينا عليكي و حاولنا نتفاهم و انتي قولتي كدة فـ الاخر

أنا قولت الكلام ده لآني حسيت ان كل اللى بيردو عليا بيتكلمو بلسان واحد وانى هتعب ف نفسي ع الفاضي
بمجرد ماكان ينزل رد لحد من المراقبين الآقي المراقبين كلهم داخلين لآيك لآيك
ودى حاجه ملحوظه فعلا هنا
تحسي اننا ف مجلس الشعب والرأي اللى يصدر من حد منكم الكل يدخل يقول موافقه موافقه


و سألتك لو حابة اوضحلك حاجة تاني و احمد الماجيك رد باردو بس انتي مش رديتي فـ خلاص توقعنا تفهمتي

و صحيح عايزة اقولك ان مع موضوعك نور نزل موضوع اسمه (اقتراح للمشرفين) و باردو كان عايز ياخد رأيهم و كدة علي نفس اساس اقتراحك ،، و منة نقلته باردو للشكاوي عشان الجو العام مكانش هادي

كل واحد حـر وله وجهه نظره
ولسه طارق قايل ف الرد اللى قبلنا ان مش كل واحد زي التاني ولا بيفكر زيه ...

و الراجل لا نزل الموضوع 5 مرات و لا اشتكي و لا انسحب بهدوء او قال تكميم آراء او غيره

و بعدين يا رودي لو هنتكلم ع الاقتراح فـ انتي اصلا قسمك ليه احصائيات تحت لوحده ،، كان من باب اولي تطلبي ان دي اللي تتبدل و يبان فيها كل المواضيع و اهي حاجة خاصة بقسمك و باردو تفيد الصالح العام ،، خصوصا انتي قسمك بيبان فـ الاحصائيتين فوق و تحت كمان


والله لما اتعمل صندوق تحت خاص بصفحات مكشوفه مكنتش انا اللى طلبته
طارق اللى عمله وشاف ان القسم ده مميز عن بقيت الاقسـام لطبيعته فحب يميزه
وفى كل الأحوال لو اتشال أو فضل زى ماهو مش هتفرق كتيـر
وإن كنت متوقعه انه ممكن يتشال الفتره الجايه طالما انتى نوهتي لشئ زي كده


بالنسبة لردودي علي موضوع جبل بقي فـ كان فيها التالي






حتي اهو انا قايلة من قبل ما تقولي انكو اكبر مني سنا و واجب عليا احترامكو ،، و ده حال الاغلبية هنا اكبر مني

لأ بجد انا مش شايفة انه قللت منكو فـ حاجة و لا اسلوبي كان وحش بدليل صاحبة الموضوع جبل كانت بعتالي فـ حاجة و قالتلي بالنص احييك لأن لم تتركي لي فرصة أزعل من طريقة ردك والحمدلله ،، فـ انتو بس عشان كنتو زعلانين تلاقيكو اخدتو الامور بحساسية قليلا

و لو كنت عملت كدة بدون قصد فـ انا already اعتذرت مسبقا لو انتو فهمتو حاجة غلط من كلامي ،، و الاعتذار ليكو و للي شايف اني استخفيت بيه

بالنسبه لردودك اللى اقتبستيها هنا فأنتي جيبتي ردود معينه مش جيبتيها كلها
وانا لما أجبت على اسيل ف الحلقه كان بدون اقتبااسات لاحترام الخصوصيه
بس بما انك اقتبستي انتى وطارق يبقى نقتبس احنا كمان

ده ردك على جبل

اقتباس دلوقتي يا جبل في شوية مشرفين زعلانين من الترقيات + بعض الطلبات التانية عملو مشكلة من كام يوم زي ما شوفتي الموضوع اللي اتنقل للشكاوي كدة

أولا كلمه شويه مشرفين يمكن عقبت عليها يومها وأنها معجبتنيش ومش كويسه
فيها نوع من التقليل .

كلمه عملو مشكله دي انا بقى اندهشت منها
وانا راضيه زمتك تجيبلي الكلام اللى انا عملت بيه المشكله
كمان رد ليكي بتتكلمي فيه بنبره سخريه

اقتباس دلوقتي هم مديين خبر يعني احنا مش مصدومين بالخبر ده و لا اول مرة نعرفه طارق مشكورا مشالش كلهم لحد ما كل واحد ينزل طلبه مستقل و بعدين احنا خلصنا مرحلة المحايلة يا جبل ،، لأنهم قالو ميت مرة و مورشو قعد يقولهم بلاش يعني هو خلص محايلتهم و ع الاصرار ده كله فـ مش قدامنا الا اننا نوافق عشان كدة طارق شال هبة و اللي هينزل منهم موضوع كمان هيتشال صدقيني مرحلة المحايلة خلصت ع الخاص و الـ emails فهمتي يا جبل ؟

دخلتي يوميها وكررتي كلمه مرحله المحايله خلصت ومعتش وقت نتحايل عليهم وكلآم زي كده..

======

ده بقى كان رد جبل عليكي

اقتباس معلش يالوست اسمحيلي مش مقبووووووووول واسفة بجد مش مقبووووول ابدا التبرير اللي اتقال ان مورشو خلص المحايلة معلش اللي اتعمل معايا منكم كلكم كتييييير اوي بمعنى استحملتووووني يااااما وحتى لما صممت كان ابسط حاجة انكم سبتوني وسكتوا خااااااااااالص بصي عايزة اقولك من الآخر القرار مش مريح وكان بتسرع كبير وده مش طريقتكم ولا أسلوبكم في الاستغناء عن حد وخصوصا لما يكون زي الانسانة دي او حتى اللي معاها ايا كانت اساميهم بقا فهماني ؟؟ وبجد والله اول قرار بوجود كل المراقبين دول انا مستغربة بجد مش بهاجم اشخاااص عشان محدش يرد بعصبية انا بهاجم سياسة جديدة خااالص من الآخر سياسة مش مريحة

------------

وده رد لمشرف تاني خالص معروف ومميز جداا مش هذكر اسمه لآني مش استأذنته

كلآمه يدل برده ان بعض ردودك فى بعض الأحيان بتكون بشكل ساخر أو مستفز


[QUOTE]
انا مش عارف انتى بتضحكى علي ايه ؟؟؟؟
انتى ممكن بطريقتك دى تستفزى اللى قدامك ويرد عليك بطريقه هتذعلك
لـ اما الضحكه دى كانها سخريه ؟؟؟
وانتوا مش بتقدموا اسباب مقنعه ولا بتعرفوا تقدموا اسباب مقنعه
علشان كده جبت مقارنه بين قسم القصص ( كله منقول ) وبالرغم من كده فيه قسم حصرى !!!!!!!!
غير كده انتى مش من صلاحياتك ولا انتى والا اى مراقب تقولوا مرفوض او غير مقبول ....
القرار بأيد طارق
بدليل ان الماجيك وافق قبل كده على حاجه وتم رفض الطلب من ساحر !!!!!!!
وانتى مش كنتى موافقه على اقتراح الاقسام الغير حصريه ؟؟ وبالرغم من كده تم رفض الطلب !!!
غير كده الفكره حلوة وتنفع تتنفذ بس انتوا كل حاجه بترفضوها !!!!!!!!!!!!!!!
لما تبقوا تعرفوا تقولوا اسباب منطقيه وعقليه تقدروا تقنعوا بها غيركوا ساعتها هبقى اقتنع ....
مش غريبه ان كل اسبابكم المشرفين لا يقتنعوا بيها !!!!![/QUOTE]

وهنا أكيد واضح من كلآمه انك اتكلمتي معاه بطريقه فيها نوع من السخريه ممكن أجيبلك كمان الرد اللى رديتيه عليه يومها واللى خلاه يقولك كده..!

رده عليكي ان اغلب الاقتراحات اللى بتتقدم بيتم الرفض .
وانك دايما بتتكلمي بلسان الاداره حتى وانتى مراقبه من قبل ترقيتك لنائب اداري..
اللى اعرفه ان المراقب لآ بيعين مشرفين ولا بيقبل استقاله ودور المراقب معروف ومحدود
له مهام زي الاشراف بس بتزيد صلآحياته..



هقولك حاجه أخيره لوست
يمكن انا مفيش مره من يوم وجودي ف المنتدى شوفتك متحمسه لاعفاء حد من المشرفين زي ماشوفتك معايا انا
ومش فاهمه لحد دالوقتي ليه !
كلآمك كله ف توبيك قسم المشرفين حسسني بكده وانا صريحه معاكي وياريت ماتاخديش صراحتي بحساسيه..
رغم انه لم يتم التعامل معاكي بأي شكل غير بكل اسلوب محترم
لو كنتي شوفتي مني شخصيا معاكي شئ وحش ياريت تواجهيني بيه او حتي تبعتيلي رساله خاصه
لكن الموقف اللى انتى واخداه لمجرد انك بتسمعي لحد فدي حاجه تانيه ترجعلك انتي




حلقة حلوة يا اسيل و فـ انتظار الجاي ،،

رودي انرتي كثيرا بقي و ربنا يرحم مامتك و يوفقك فـ الدبلومة ،،


ده نورك
أمين يارب
ويوفقك انتي كمان ..