( morshooo ) و ( صفحات الاعضاء 14 ) ^_^

[morshooo]

بسم الله الرحمن الرحيم

اهلا بيكم

وحلقه جديدة من برنامجكم

( ) و ( صفحات الاعضاء )




تعالو نشوف جابتلكم ايه النهاردة

دائما الواحد بيفتخر بالى بيعمله وهو صغير

وكمان بيفتخر بالالعاب الى كان بيلعبها

وياسلام لو هو مخترع الالعاب دى

الطفولة حاجة جميلة : )

لما كنت صغيرة مش بحب أبداً ألعب لعبة تقليدية ﻻزم اخترع

لعبة جديدة

من الالعاب اللي كنت بحبها:

أجيب ورق واقعد ارسم سمك واحدة كبيرة وواحدة رفيعة

وواحدة لونها احمر...الخ

واقوم حطاه كله على طاولة واشتغل بياعة سمك:d

واحط عرايسي على أساس دول الزباين:d

ولما يجوا يشتروا اقوم اوزن السمك ليهم وبعدين امسك المقص

واقطع ديل السمكة واقشرها

( يمكن كانوا العرايس عايزين تنضيف ):d

واحطهلهم في أكياس وياخدوها

ولما يخلص الورق اللي رسماه عليه السمك أروح اخده

منهم ويرجعوا يشتروا

عاجباني اللعبة : )

ماشاء الله وبيرجعو يشترو

( esraa )




الواحد دائما بيحب يهدى النفوس

ودا موجود فى عضوة واحده بس فى المنتدى

ههههههههههههههههههههه
بالهنا و الشفا ياخويا انا كلت قرنبيط و الحمدلله شبعانة
انا هبعت اللينك لوفاء :d

ههههههههههههههههههههههههاي
حرام حرام كده حوري هتعيط انا هبعتلها اللينك

هى بتدخل تبعت اللينكات بس

ياترى التوبيك دا هتبعته لمين

( جومانا )




بحب جدا الدقه على فكره وقليل جدا الى

بيكون دقيق فى كلامه صحيح ممكن يقول كلام وخلاص

بس المهم انه يكون دقيق جدا

بلقاس بلقاس بلقاس بلقاس بلقاس
ايوا خمسه فى وش العدو
فى معظم الناس عارفين بلد بلقاس
و ناس تانيه لا ,,
بلقاس دى بعتبرها دوله مستقله بعيد عن
الصراعات والحروب التى تتم فى مصر
ودا مش من فراغ والله انما فى احداث هقولها دلوقتى
لما حصلت ثورة 25 يناير طبعا الدنيا كلها كانت مقلوبه
انما بلقاس ملقتش جثة ماشيه فى الشارع بتهتف
او بتقول حاجة
كان يوم عادى خالص
وفى يوم تانى كان مقلوب بردو
الحمدلله لقيت يجى 5 ولا 6 فى الشارع بيهتفوا
لا يا رب عشان اكون دقيقه
اوى كانوا 7 بالظبط الحمدلله اول ما صوت
البوكس قرب
اجرى يا مجدى فى ثانيه مفيش حد بقا فى الشارع

شوفتو الدقه كانو 5 والا 6 هم كانو ( 7 ) بالظبط

شكرا على دقتم الجميله جدا يا

( ana lola )




الصدمات بتختلف من شخص لاخر

وبتختلف من ولد لـ بنت بس فعلا فى صدمات

بتكون وحشه جدا والواحد لو شاف منظر معين فى بنت ممكن

يقول ( يععععععععععععععععععع )

اكبر صدمه للبنت لما تكون خارجه

برا البيت وعينها توجعها مثلا

وتفضل تدعك فيها تدعك فيها

وفى الاخر تفتكر انها حاطه كحل

لازم كحل لازم كحل

بتتكحلو لمين

( كوين ميرو )




الله على الواحد لما يحلم بعربيه ( مرسيدس مثلا )

او ياعم ( سكودا ) او ( تويوتا ) او حتى ( ميتسوبيشى )

الاحلام مش حرام والله بس الحرام ان الواحد يحلم ويبخل

على نفسه :

انا نفسى اسوق موتوسيكل بس محدش يضحكك
لانى بجد بتعب فى المواصلات وبقا السرقة الونشل وكل الى تحبة
تشوفة فى
ام الاتوبيسات
بس لم قلت لابوية قعد يضحك افتكرونى اتجننت
وكمان نفسى اسوق موتوسيكل بطة البنات طبعا متعرفش بس
الشباب
يعرفوة
لية بقا لانة ينفع للبنات
حتى شوفوا شكلة ظريف ومحندق كدة



هو انا فعلا اتجننت والا اتهبلت
والا اية بقا

هى من ناحيه محندقه فهى محندقه

وهتتحندق اكتر لما تمشى بيها فى وسط الناس

( prinses sahar )

برسل تحيه حب وتقدير لادارة المنتدى

انها عينتك مشرفه ( عالم الرجل )

كل دى اسرار فى اعضاء كتير مش بتعرفها

عن اعضاء المنتدى وعشان كدا هندخل جوا

( المدونات ) ونشوف ايه الاسرار الى فيها

وربنا يقدرنا على ( فعل الخير )

[حلم عمري]

اسراء كنت بعمل زيك كدة فمش هتريق بقا ههههههههههههههههه
ربنا معاك يا مورشو ويقويك علي الشر اقصد الخير ^_^

[حالمة باميرى]

ربنا يقدرك على فعل الخير
بص ياابنى كنت بسوق عجلة وبلعب بوكس وكاراتية وكونغ فو
وحاليا بتعلم مصارعة
وبعرف اسوق الموتوسيكل بس مطلعتش بية برة
وقريبا داخلة على مشروع توك توك اهو نلقط رزقنا بعيد عن الوظيفة
يعنى احترس منى
اصل الزمن دة عاوز كدة
منور امروشو منتظرين الفضايح الباقية انا بفكر اكهربلك القسم دة

[الأميرة رودي]

ههههههههههههههه حبايبي والله على عيني أسيب اسراركم تتسرب كدهو
بفعل هذا المورشو
كل المشاركات عسـل واللى كاتبينها ناس عسل
مالكش دعوه واطلع منها

[-esraa-]

هههههههههه : ))
مضايقاك في ايه اللعبة يا عدو الطفولة
جبت مشاركتي يعني عشان بقالك كتير ما اتريقتش

حلقة مش حلوة بتاتاََ

[شموع الروح]

هههههههههههههه انت كارثه
سهر هو محندق فعلا بس حرام عليكى نفسك
ههههههه تسلم يا مورشو
تحياتي

[الحان الورد]

-

موضوع الكحل ده حقيقي جدًا يا ميرو :d

المشاركات كلها دمها خفيف ^^
وحلو الموضوع يا مورشو

[Caramilla]

هههههههههههه حلوووووه الحلقه بجد
كنتي تاخديني اللعب معاكي يا سوسو

وربنا يكرمك يا سهر انا كمان بحب اركبه بس ابقي ورا حد
ركبته مره ورا خالي وياسلاااااااام علي كميه الهوا الرهيبه
بس ده يابنتي بيطلع الروح هتفضلي طول الطريق خايفه

[ana aboodya]

الحلقه حلوه اوي ههههههههههههههههههههه

[دمعه حائره]

هههه
بتكحلوا لمين
وعاوزة تركبى موتوسيكل ياسحر
اظاهر هانقلك من عالم الرجل قريب