حلقه جديدة من ( أجمد عضو ) معانا ( SiLver Spectra )

[morshooo]

بسم الله الرحمن الرحيم اهلا بيكم وحلقه جديدة من ( اجمد عضو ) الفترة الاخيرة كلنا تابعنا الاحداث فى المنتدى وكان فى كلام كتير جدا عليها شوفنا اعفاءات من الاشراف وتلبيه سريعه لطلبات الاعفاء وشوفنا ترقيات وشوفنا عودة مشرفين مرة اخرى وشوفنا عدم عوده البعض الاخر شوفنا استضافات وشوفنا كلام كتير جدا سواء فعلا حصل او حصل واتفهم غلط : عموما النهاردة معايا ضيف تم اتهامه الفترة الاخيرة بعده اتهامات منها ( عدم البقاء على المشرفين ) و ( عدم التدخل لحل مشاكل المشرفين ) النهاردة هنعرف كان موقفه ايه من طلبات الاعفاء وكمان موقفه ايه من الاحداث الاخيرة بالمنتدى : معانا المتيمز / SiLver Spectra ودلوقتى مع الحوار : س / هلا والله هلا يعنى انا بقول كل شهر نعمل معاك استضافه ؟ خليتني وجه محروق باقيت عامل زي مها احمد أي برنامج بتطلع فيه مافيش فلوس على الحاجات دي ؟ س / عايز اعرف بس حاجا عشان دا اهم سؤال فى الاستضافه حاطط علم ( المغرب ) ليه فى عين المنتدى ؟ اصلي هتجوز واحده مغربية ههههه تفتكر لو حطيت علم مصر كان حد هيعلق ؟ أكيد لأ طيب تخيل انك داخل منتدى أو موقع مش مصري و لاقيت ناس مش مصريين رافعين علم مصر..ايه شعورك وقتها ؟ أكيد هيكون كويس . طيب و ليه ما اعملش كدا و نفرح غيرنا و احنا معانا فعلا جنسيات اخرى ؟ فمش لازم يكون في سبب أو لو عايز سبب فعلا فالسبب ان معانا ناس محترمة من جنسيات تانية بتشارك في منتدى اسمه بنات (مصر) حد هيقولك اشمعنا المغرب ؟ هقوله كلوا جاي بس مش لازم ورا بعض هيكون مفاجئات افضل عشان الموضوع يبان بشكل عفوي اذ فجأة تفتح المنتدى تلاقي علم بلدك ..دا بيفرق كتير في نفسية صاحب العلم دا غير اني مش هحط غير للجنسيات اللي بتشارك معانا بنشاط طيب و ليه بدأت بالمغرب ؟ بلد بنت حلال شعبها طيب س / نبدء بقى ياعم الحاج من يجى 15 يوم تقريبا ايه سبب الترقيات الفترة الحاليه ؟ اسأل منه عادي . مايكونش المنتدى اتولد بالناس اللي موجوده دي ؟ مش لازم كل فترة بتعين ناس جديده ؟ مانعينش و نقفل الرقابة بالمفتاح على القديم ؟ دي مش أول مره نعمل تعيينات جديده سبق و اتعملت ترقيات كنت انا فيها كمراقب عام و تعينات تانية لضياء و تالته لحنون و ميشو و تكنيكال و رابعه لعلاء و خامسه لفلاور و سارة و سادسة لماتركس و سابعة للوست بيرل و ثامنة لمنه و أمجد و تاسعة لويسبر و ماجيك يبقى انت بتتكلم عن الترقية العاشرة تقريبا و طبعا كان في قبلي و كمان في حاجات ممكن اكون ناسيها و دا كلو بتكلم عن ترقيات للرقابة بس س / كنت راضى عن الترقيات الى حصلت والا كنت معترض على حد معين ؟ عادي ..حتى لو في تخوف من بعض من تمت ترقيتهم فسبق قبل كدا و واجهنا نفس التخوف دا مع ناس تانية و دلوقتي شغالين و زي الفل بس دا مايمنعش ان في تخوف شوية بخصوص الاحتكاك و بالذات ليك انت و نور فإحذر من غضب سيلفر =)) س / دورك فى الترقيات استشارى فقط والا بتعرض اسماء ليتم ترقيتها ؟ استشاري او لو عندي اضافة لاسم معين او تعليق على حد س / اعتقد محصلش قبل كدا وتم ترقيه ( 4 مراقبين ) فى ظل وجود تقريبا ( 5 مراقبين ) ؟ العدد كدا كبير والا المنتدى محتاج للعدد دا من المراقبين فعلا ؟ انت احسبها بنشاط المراقبين ال4 الجداد نشطين حاليا و حط النائبين كمان و دول نشاطهم بيقل شوية مع الدراسة و في اللي تواجدهم متقطع خلال ايام او في اليوم الواحد و احنا بنقدر الظروف س / منصب ( نائب الادارى ) دمعه قالت انه زى ( المراقب ) بخصوص الصلحيات ؟ وفى اعضاء قالت ان المنصب مجامله والدليل انه لسه ظاهر الفترة الحاليه وطالما مفيش جديد فى الصلحيات يبقى ايه اهميته ؟ بتهتموا بحاجات غريبه يا اخي ..اقولك يا سيدي عشان لما حد فيهم يبقى احمر مورشو مايقولش و اشمعنا انا ما احنا كنا زي بعض ههههه س / ( لوجى ) بقالها فترة كبيرة ( مراقبه ) تقريبا قبل ( ساحر و منه ) مش يمكن المنصب دا اتعمل عشان تحس ان فى تقدير ليها ؟ بص أنا مش صاحب الفكرة عامة بس أهو مستقبلا ممكن ياخدوا صلاحيات اضافية يساعدوا فيها الادارة بظروفها س / انتا قولت قبل كدا ان ( توحد ارواح ) مكنتش تعرفها بدرجه كبيرة واستغربت فى استفتاء شخصيه العام انها وصلت للمرحله الى وصلتلها ؟ شايف انها تستحق الترقيه ؟ مش لازم تلفت نظرك لأن مين قال ان لفت النظر دا هو مقياس العدل ؟ هي لو بتشارك في اماكن انت مش بتشارك فيها مش هتاخد بالك منها و دا طبيعي هل مثلا انت كمورشو بتاخد بالك مين نشيط في الادبي ؟ أنا شخصيا حتى لما كنت بميز كنت بستعين بناس في الادبي يعرفوني مين كويس في القسم عندهم . لأنك طالما مش بتابع النشاط و عينك عليه مش هتعرف تحكم بعدل و توحد ارواح ترتيبها دلوقتي رقم تلاته في التفاعل في وقت قصير و اللي هيحكم هنا هو انك تخش على عضويتها و تعمل سيرش س / ( بيك بوص ) الاعضاء شايفاه نشيط وشغال فى المنتدى بشكل كبير بس بيقولو ان كل همه ( صندوق الابداعات ) ؟ والدليل ممكن تلاقيه منزل اكتر من ( 5 مواضيع ) ؟ شايف انه يستحق فعلا الترقيه ؟ الواد دا عايز يعمل انقلاب يعني لو مت و لا حاجه اعرفوا ان هو السبب لأ و داخلك في استضافة يقولك أنا هبقى اداري احمر قريب . .دا لما تشوف حلقة مورشو أنور ههههههه ( والنبى ما هيشوف الحلقه ابدا ) س / ( حوراء ) اعتقد الكل متفق عليها وكتير قالو ان ترقيتها أتاخرت ؟ بس عايز اعرف حاجا منك انتا مقتنع بوجودها ( كمراقبه ) والا لا ؟ و ليه لأ ؟ الفكرة في النهاية يا مورشو انت عندك مجموعة من الاعضاء كل فترة و بتقارن بينهم و بتحاول تختار الأنسب للمنصب حسب تقديرك (البشري) فحتى لو لم يقع عليك الاختيار المرادي دي مش نهاية العالم و لا دا يعني انك وحش ما انت أهو مثلا من 2010 و شغال في اليوميات و باقيت مراقب في 2014 س / ( مورشو ) برضو نسبه كبيرة متفقه على وجودة من ضمن الترقيات ؟ شايف انه يستحق والا لا وشايف انه ينفع ( كمراقب ) والا لا ؟ يا سلام و لما جيت على نفسك قولت نسبة كبيرة ههههه أما نشوف يا عم مرشد هتعمل ايه هل هتقدروا تعملوا استقرار و خمول شكاوي و لا هتشعللوها .. ( وهو الاستقرار هيجى من المراقبين بس ) س / هكلم معاك شويه عن ( قسم المشرفين ) ؟ قسم المشرفين طبيعته ان بيتم مناقشه اى اقتراح من المشرفين فيه والا ايه دورة فى المنتدى ؟ اه و ارشادات من الادارة و خلافه س / ( الاميرة رودى ) قدمت اقتراح بخصوص ( صندوق الابداعات ) وتم نقله للشكاوى انتا وضحت الى حصل وجبت اقتباسات فى حلقه ( فى الواقع ) وقولت سبب نقل التوبيك ؟ طيب لما بيتم نقل التوبيك والعضو بينزله تانى ليه بيتم نقله مرة تانيه ؟ أظن الموضوع مش ان موضوعك لازم ينزل في القسم الفلاني بالعافية و انا وضحت الظروف و بعض الردود اللي كانت السبب في نقله . المهم في النهاية ان تم الرد على الاقتراح و انت صاحب الاقتراح هتقدر ترد لو في الشكاوي فالمسألة مش عناد من طرفين المسألة تنظيم و لو كنت شايف ان دي اهانة . طيب و الردود اللي بتنزل دي نسميها ايه ؟ مادي اهانة واضحه و زي ما ذكرت انت بتحتوي المشكلة و النقاش اللي بيقلب دا فالذكاء هنا انك هتاخد الموضوع اهو زي ما هو و صاحبه هيشوفه بس هيتنقل للشكاوي و هيترد عليه و هو هيقدر يرد اما لو كانت النفوس سليمة و اقتراح زي كدا ايه اللي هينقله للشكاوي ؟ مافي اقتراحات كتيره جدا عندك في المشرفين ! فكل الموضوع هو انك بتعمل فرامل للخروج عن النص لاحتواء النقاش و دا امر لازم تتفهمه كويس بالذات لما تكون انت مسؤول و بصراحة كدا (منه) مدلعاكم بزيادة س / يعنى ممكن نشوف ( دمعه ) الفترة الجايه ( دراكولا ) ؟ آه هتحولوها فيمباير هي طيبه بزيادة شويتين احنا نجبلكم بقى ضياء يلسوعكم شوية زي ابراهيم عيسى انا جنب ضياء كنت الصدر الحنون س / فى مشرفين بيقولو ان اى ( اقتراح ) بيتم الاعلان عنه لازم يتقالهم ( لا ) والدليل اقتراح ( رودى ) بخصوص صندوق الابداعات و ( عاشق ) بخصوص ( الخواطر ) ؟ يعني اي حد يقترح اي حاجه نوافق ؟ في اقتراحات بيتوافق عليها بس الفكرة انك بتقيم الاقتراح دا يعني مثلا لو حد قالك حطلي قسم اليوميات اول قسم في المنتدى ..هتوافق على طول عشان تبقى ماقولتش لأ ؟ طب لو غيره و غيره اقترحوا حاجات من دي هتوافق على كلو؟ و لا انت دورك كمسؤول انك بتقيم الاقتراح و بتدرسه و بترد على صاحبه ؟ عمرك شوفتني برد و بقول لأ و بسكت ؟ و لا برد بنقاش و بتوضيح ؟ فلو هناخد موضوع صندوق الابداعات انا مثلا عملته من سنة تقريبا ليه عملته ؟ عشان الاقسام الكتابية كان فيها ضعف نشاط فكنت لما اكتب موضوع بمجهود عالي لمدة ساعات و تحليل و موال في الاخر ابص الاقي مافيش غير ردين تلاته ! فدا شيء ضايقني و حتى بدأت ساعتها احط اللي بكتبه في الملاحظات عشان الناس تشوفه و بعدين فكرت و قولت طيب ليه مانعملش الخاصية دي لكل الاعضاء لمواضيعهم الحصرية ؟ هي دي الفكرة اما بقى الكلام انه اثر على الطبخ و الديكور . المفروض الحاجات دي ليها زوارها من البحث مخصوص و بالتالي مشكلتها في البحث . دا غير ان ماينفعش اقارن ديكور بنقاش . لازم كل قسم يكون له اختصاصه و تكون متفهم دا كويس و انت كمشرف على قسم . خلص رقابتك و شارك في اقسام اخرى ايه المشكلة ؟ ما انا مثلا كنت مشرف برامج و كنت قاعد في الاقلام على طول . مش لازم احبس نفسي في قسمي ! فلو عايز حتى تظهر نفسك مش لازم تتقوقع في قسمك . و لو كنت صاحب ابداع او لمسة او تحليل هيبان دا للعيان حتى لو كنت مشرف صوت الاعضاء أنا مقدر برضو فكرة ان المشرف نفسه في مواضيع تظهر في الصندوق بس الموضوع هنا بيرتبط بفنيات . و حاولنا اننا ندخل اقسام كتير حصرية زي التصاميم خلال الفترة اللي فاتت بس الفكرة ان القسم يكون مبني على مواضيع حصرية مستمرة مش مجرد موضوع واحد و من غير صندوق فاحنا بنتابع برضو كل الاقسام و أظن لو لاحظت هتلاقي مشرفين كتير بياخدوا اعلى ترقية اشرافية برغم ان اقسامهم مش بتظهر في الصندوق برضو اقتراح عاشق انا وضحت فيه ان قسم الخواطر في الاصل للمنقول بعد فتح اقسام ادبية حصرية أو خلينا نقول قسم (عام) فلو عايز تكتب فيه انت حر بس ما اقدرش احوله لقسم حصري لان كدا هيفقد مميزاته و هبقى بستنسخ اقسام متشابهه في الفكرة مش منطقي مثلا اعمل قسم عام حصري و في عندي قسم اقلام .. دا حتى النقاش لما اتحول لحصري اثر على الاقلام . بالرغم من ان النقاش هو للمناقشة و المفروض الاقلام للتقارير و التحليل الموسع و شوفته في رد بيقول مستنيين التطبيق على كلامي اللي ذكرته في اعادة الهيكلة و ربط اشراف الاقسام التلاته الموضوع هياخد وقت و صبر شوية لان في تعقيدات اخرى (و دي مش مبالغة بس مش لازم افصح عنها) لكن هحاول اتفرغ ليها قريب س / صحيح فى نيه لدمج ( النقاش والاقلام ) ؟ انا شوفت تقريبا ( نور ) قال حاجا ظى كدا ان فى تفكير لدمج القسمين ؟ المفروض النقاش بيكون في وضع تساؤلات و يكون المحتوى مش كبير زي الاقلام الاقلام للمواضيع العامة و التقارير حتى لو كان في خلط بين الاتنين من البعض أو حتى أنا شخصيا بحتار احيانا يكون نقاشي و لا في الاقلام لكن في مواضيع ماتنفعش غير في النقاش زي (ايه رايكم في كذا) و كمان مواضيع لا تصلح للنقاش ومكانها الاقلام فقط زي مواضيع المشاعر على سبيل المثال و اللي مش بتكون خواطر أو اي مقالة عامة غير نقاشية س / انتا مع ان مشرف يقدم اقتراح او حل لقسم تانى هو مش مشرف عليه ؟ وياترى المشرف هيتقبل ان حد تانى يقترح حاجا بخصوص القسم الى ماسكه ؟ مش باخدها بحساسية . عادي يمكن عنده فكرة او حاجه احنا مش واخدين بالنا منها س / صحيح انتا ممكن تختلف مع ( دمعه ) او ( ساحر ) والا لا ؟ هو حد يختلف مع الملايكه دول طب بالذمة مش ببان جنبهم شيطان ؟ س / ايه حكايه ( ماينفعش ارقى حد على خلاف مع الادارة ) على كدا ( رودى ) مش هتشوف اى ترقيه بما انها قالت انك قولتلها الكلام دا ؟ الامر دا مش غريب دا مش معناها ان كل المراقبين هنا مثلا بيموتوا في بعض لأ طبعا . بس الفكرة ان ماحدش شايل من التاني و دا عامل مهم بصراحة فانا اللي لمسته فيهم ان مشكلة سابقة مش مصفية بينهم بس دا اللي اقدر اقولهولك لأن انا مش بحبذ التصدعات سبق قبل كدا و اتكونت تكتلات و خلافات و مجازر مش بقولك ان رودي هتعمل كدا بالتحديد جايز تقديري غلط لكن بتكلم بصفة عامة في ان يبقى في تراكمات سابقة بين اتنين و دا يكلم دول و التاني يكلم دول و تخش في سيناريوهات مش كويسه لا تعرف تجيب اولها و لا اخرها دي الفكرة اللي بقولها في اني مش هقدر اعين حد في منصب حساس على خلاف كبير مع حد تاني هيشتغلوا مع بعض ازاي ساعتها ؟ فمهم يكون في تفاهم كبير بين المراقبين و التفاهم دا بيحتاج ماحدش يشيل من حد دا معنى كلامي و لو بتكلم عن شخصي فانا غالبا مش بحط مشرف على قسم اضافي الا لما بكلم المشرف الاول و باخد رضاه و قبوله و زي ما وضحت (بتكلم عن نفسي) س / قصدك ( منه وامجد ) مش بيعملو كدا انهم مش بيكلمو المشرف لتعين مشرف تانى معاه ؟ ويمكن اتقال قبل كدا ان ( الصفحات ) محدش اخد رئى رودى فى تعيين ( تيتشر ) معاها ؟ سوسه و عايز توقع الناس يا مرشد معرفش و الله موضوع تيتشر تم ازاي و لذلك انا ذكرت و قولت عن نفسي و غالبا ... عشان لو حد هرش هنا في المنتدى بيخش يشيلني الموضوع و ما اظنش رودي هترفض تيتشر بس هو الأفضل فعلا انك تدي خبر للمشرف الآخر س / ليه تم قبول اعفاء ( عاشقه الهدوء ) بكل سهوله ؟ ومحدش اكلم معاها فى اسباب طلبها ؟ هي رفضت تكتب اسباب في موضوعها و طلبت الاستقالة العاجلة مع مجموعة من الاسماء فلبيت طلبها . يعني مش كسرتلها طلب و لا شيلتها غصب عنها .أو زي ما قالت : بشكل تعسفي! الكلمة غريبة جدا لأن تعسفي يعني بشكل قصري و كأنها مش طلبت استقالة ! و ممكن تتخيلها في ان عضو يقولك احذف موضوعي فلما تنفذله طلبه يقولك ان مورشو حذف موضوعي بشكل تعسفي! . انا لو طلبت استقالة هبقى ممنون لما حد يحققهالي جالي طلب قريب من مشرفة و بتقولي الله يخليك شيلني بقى من الاشراف فشيلتها و كانت سعيدة جدا فانت لو زعلت من تلبية الطلب ..امال طلبته ليه ؟ و أظن كلمة (تم تلبية طلبك) ماتزعلش كان ممكن تكتب شكوى . لو كنتت عايز تقدم اعتراض بدون ما تتشال بس س / بس مكنتش تستاهل انك حتى تسئلها ايه سبب الطلب ؟ يعنى هفرض انك جيت دلوقتى قولت يا جماعه انا هسيب الادارة يبقى كلنا نقول خلاص سيبها مش هتحس بأهانه لو دا حصل او انك غير مرغوب فيه ؟ كان في مواضيع سابقة للأسماء المذكورة في موضوع الطلب الجماعي فالسبب هنا كان واضح انه بيتعلق بالاحداث دي . لو كان طلبها فردي كان ممكن افكر في المسألة و اتساءل عن السبب و ساعتها أكيد ماكنش الطلب هينفذ بسرعة. و زي ما ذكرت انت لو شايف ان نقل الموضوع للشكاوي اهانة و بعض الردود مش اهانة يبقى في مشكلة معايير هنا س / تانى يوم تم قبول اعفاء ( رودى وروكه ) ؟ ياترى حد اكلم معاهم والا تم قبول الاعفاء بسهوله ؟ كان في تراكمات قبلها لمشكلة انا مش شايفها حاجه كبيرة (موضوع انتقل للشكاوي و في اسباب لكدا) فقررت البي طلبات الاستقالة الحاجة الوحيدة اللي بتصبرك على التلبية بتكون في ايجاد مساحة من التفاهم س / وانتا حاولت تتفاهم معاهم انتا تقريبا مكنش فى اى تدخل منك الا بعد قبول الاعفاء ؟ والا حصل تدخل منك قبلها ؟ الموضوع كان خاص بالأميرة رودي و تم الحوار معاها و كان حوار عادي عبرت عن غضبها و حاولت افهمها بس ليه اتنقل و اشوف وجهة نظرها لكن بعدها ظهر موضوع الاستقالة الجماعية مساحة التفاهم مش لازم تبقى من طرف واحد . بالعكس انا و حسب ظني بحاول ادي قدر كبير من المرونة و في النهاية مش انا اللي اقدمت على طلب الاعفاء س / كنت عايز اعرف منك ايه هى حدود الاحترام بين الاعضاء فى المنتدى ؟ الموضوع بيكون أخذ و عطاء يعني ماتجيش مثلا تلقح كلام و تقول كوسه و مصلحة و كلام من دا و بعدين تطلب مني اني احترمك كمثال الاحترام لازم بيكون من البداية متبادل احنا بنتناقش في فكرة ما فيكون الكلام حول هذه الفكرة و بالعقل لكن لما مثلا اقول مورشو دا بتاع مصالح و بيرد على حبايبه بس . هتناقشني هنا ازاي ؟ بالذات لما اتعنت في راي دا ؟ ماهتلاقيش نقاش يتقال أو ينفع . حتى لو ناقشتني مره . تخيل في كل موضوع اخش ارمي الكلمتين دول ساعتها هتعمل ايه ؟ س / فى توبيك ( فى الواقع ) رودى اكلمت عن عدم الاحترام او الاستهزاء من جانب ( لوست و ماجيك ) برضو مش عايز نجيب اقتباسات بس عايز اعرف ايه مدى احترام وتعامل الاعضاء خاصه لو فى فرق فى السن بينهم ؟ وارد يكون في حد فيهم غضب في الرد عليها بس المشكلة اللي ظاهره هو ان في تراكمات و بالتالي هيكون صعب تجيب بداية الخيط و سبق و قولت لو في امر معين ابعته في رسالة خاصة بحيث اني اعرف امسك الامر من بدايته لكن مش يبقى مجرد كلام مرسل و اقول دا فلان كان مكشر و هو بيرد عليه أو يبقى في موضوع قبله و يتقال فيه كلام مش كويس و بعدين احاسب حد على ردة فعله عامة اعتبر دي رسالة للمراقبين أن لازم يكون في هدوء بقدر الامكان في الرد على العضو المشتكي و بتحصل كتير جدا اني ببعت تنبيه لمراقب و بقوله انت كنت منفعل أو خلي بالك من انفعالك و للأعضاء لو صادفك موقف سلبي قدم شكوى او حتى رسالة اعتراض بدون ما ترد لاني لما بدخل و بلاقي اتنين رادين على بعض خمسين مره بيكون صعب اني ادي حكم هنا س / انتا كان عندك مانع فى رجوع ( رودى وروكه وهبه ) للاشراف مرة تانيه ؟ و ايه اللي هيخلي في مانع ؟و هما ناس قديمه معانا و مشهود ليهم النشاط والانتماء للمنتدى و حبهم للمكان و انت لما قولتلي كدا اثناء حوارك معاهم قولتلك المكان موجود و يشرفونا في أي وقت يعجبهم انا مش شيلتهم بمزاجي . هما طلبوا و دا قابله طلب عودة . الا هبه اللي مش طلبت ترجع بس المانع الوحيد للرجوع هيكون في حالة السلوك السيء وهما سلوكهم مشهود بالطيبة طيب ايه المانع التاني ؟ هو انك مثلا كل شوية تطلب تتشال و بعدين تطلب ترجع بشكل متكرر و دا ماحصلش للحظة برضو و زي ما ذكرت سابقا انا مافيش تار بيني و بين حد و المشكلة بتنتهي عندي بخروجي من الموضوع اللي فيه خلاف س / مش يمكن دا الى زعلهم انهم ناس مشهود ليهم بالنشاط والانتماء ؟ فلما طلبو حاجا زى كدا اتوافق عليها بسهوله ؟ طيب قولي ايه هي الخطوات الواجب اتباعها في غضب مشرف من موقف مش هو صاحبه لموضوع اتنقل للشكاوي لأسباب ؟ يعني مش هحط اقتباس للكلام اللي اتقال بس كان في مجمل بعض الردود كان غير لائق . و بعدين يكون الرد في احد الاستضافات : يلا يا طارق احتوي ! طب هو طارق دا مش بني ادم و حقه ياخد موقف هو كمان و لا هو الغضب دا ليكم انتوا بس !؟ هيقولك بس انت مسؤول يا طارق . تمام طب و انت مش مسؤول عن الكلام و تعرف تقوله فين و امتى بالظبط ؟ يعني لو عندك غضب ما و قولته في رسالة خاصة مش ساعتها هيكون افضل ليك و للجميع و لاقتراح رودي ؟ سبق و احد المسؤولين قريب عرفت انه عايز يتشال لأسباب ما لكن دا مش قاله في موضوع و لا عمل خلافات و خناقات . كان مجرد كلام خاص و بناء عليه اتكلمت معاه و بادلته نفس الخصوصية و الموضوع تم و انتهى س / من وجهة نظرك المشاكل الى حصلت دى كلها مين السبب فيها ؟ و دا ممكن نسميه سوء تفاهم مش أكتر لكن لو فكرت فيها هتلاقي الموضوع مش مستاهل كل دا س / الى حصل دا هيأثر على المنتدى ؟ يعنى الظاهر لاعضاء المنتدى انكم مش باقيين على حد وان عندكم استعداد انكم تشيلو بالـ ( 4 ) مشرفين ؟ مش باقيين على حد عشان طلب استقالة و بقى مشرف سابق ؟ هل عضويتك اتحذفت ؟ هل مش قادر تشارك ؟ و هل المطلوب انك تسيب حد من الادارة يتهزق بسبب ترقيات مثلا في موضوع عشان مش يعملوا استقالة جماعية ؟ و لما يعملوا استقالة جماعية تمجد فيهم ؟ عايز الاجابة النموذجية ؟ لو أنا مش باقي على حد منهم يا مورشو ماكنتش هقولك و مازلت بقول : اللي عايز يرجع فيهم للاشراف يشرفنا في اي وقت دا بيتهم و مطرحهم المكان موجود بس هو يشاور و يقولنا س / الدراسه خلاص هتبدء والخمول هيكتر مفيش اى حاجا فى دماغك الفترة دى عشان حاله الخمول الجايه والا دا الطبيعى ؟ ممكن مسابقة ذكاء جايه الأفكار و المشاريع هتبقى في الصيف س / اخيرا تحب تقول ايه لاعضاء المنتدى خاصه الى فى خلافات بينهم الفترة الحاليه ؟ امبارح اتكلمت مع ياسر و كان الكلام ودي .. انت لو عايز تتفاهم صدقني هتقدر تتفاهم و انا عمري ما سديت طريق التفاهم دا بس لازم يكون الموضوع متبادل مش من طرف واحد انا مش بشيطن حد (غير نفسي) و عاف و مدرك ان مهما كان الموقف فانت ليك وجهة نظر بس لازم انت كمان تدرك ان الطرف الاخر ليه وجهة نظر لو تداركت دا هتلاقي مساحة التفاهم متوفرة دا لأي عضو عامل خلاف مع عضو آخر دا في النهاية منتدى . و لو فكرت هتلاقي العملية تافه جدا و ما تستاهلش انك تشيل يمكن كلمة واحده بس تذيب كل سوء التفاهم اللي حاصل و أي عضو زعلان مني في حاجه فأنا موجود في الخاص وبكدا بتخلص حلقه النهاردة انتظرونى وحلقه جديدة من اجمد عضو تنبيه: اى خروج عن اطار الحلقه سوف يتم حزف الرد واى تعدى على اى عضو سوف يتم حزف الرد

[۩۩ elMagic ۩۩]

اجابات عقلانيه
نتمني الامور اللى عدت دي خلاص بابها يتقفل
وبعدين المسابقات دي مستنينها منك ي عم
اصل عايز اجيب الماكسمم بتاع النجوم
واخليك تظبط دفعه جديده زي كل مره

[Mo7aMaD 3aLa2]

اقتباس س / منصب ( نائب الادارى ) دمعه قالت انه زى ( المراقب ) بخصوص الصلحيات ؟ وفى اعضاء قالت ان المنصب مجامله والدليل انه لسه ظاهر الفترة الحاليه وطالما مفيش جديد فى الصلحيات يبقى ايه اهميته ؟ بتهتموا بحاجات غريبه يا اخي ..اقولك يا سيدي عشان لما حد فيهم يبقى احمر مورشو مايقولش و اشمعنا انا ما احنا كنا زي بعض ههههه

سؤال صااايع ورد أصيع =)))))))))))))))

,, بصرآحة يا طارق انا بحسدكـ =))

بحسدك على قوة تحملك ,, ووجودك دايما موضع اتهام

دة مش معناة ان انت صح علطول ,, بس وجودك دايما فى دائرة الصراع الحتمية

بتدافع عن نفسك وبتدى مبررات ,, انا زهقتلك أصلا =))

بس تماسك تحسد علية فعلا

,, بـ النسبة لمورشو ,, فـ انا عايز اقولكم هو مورشو هيفضل مورشو مراقب عضو مشرف

هو شخصية ثابتة داخلة المنتدى لهدف معين الا وهو اثارة المشاكل والبلبلة بين الاعضاء

وممكن بعد التحريات يثبت ان هو جاسوس مندس من منتديات معادية =))

منورين

[Stop Ana Eltop]

ماشاء الله والله اجابات عقلانيه اوى

بس سؤال يعنى طالما الاداره بالعقل دا المفروض تقفل قسم الشكاوى عن المراقبين وكمان قسم المشرفين يبقى زى الشكاوى عشان يبقى التعامل مباشر مابين الاداره والمشرفين بس

لا حد يزعل ولا حد يوقع والتعامل لما يبقى مقتصر الخلافات بتقل اصلا عشان محدش بيلعب فى دماغ حد

بحس انه مورشو بيدور على المشاكل مابين السطور

منور الاستضافه يا دوكتور

[Lamees]

منور يا دكتور طارق بأجوبة عقلانية
تثبت انك شخص ذو ذكاء وحكمة
منور يا مورشووو بأسئلتك الواضحة
عايزة اقول اني مش حاسة بأي حاجة حصلت
او اي مشاكل من اللي بتحكوا عليها دي
وربنا يهدي النفوس
وربنا يجمعنا في الخير دايماً
ودي للجميع ..~

[واد حبيب]

حلقه جميله يا مرشو
ربنا يهدي الامور
منور يا طارق

[حلم عمري]

منور يا دكتور اجابات عقلانية جداا وضحت حاجات كتير اكييد
وزي ما حضرتك قلت في الاخر دا منتدي واكيد مفيش حاجة تستاهل انا احنا نزعل من بعض عشانها
وربنا يقدم اللي فيه الخير دايما
مورشو كالعادة متميز وبتولعها ^_^

[عاشق متيم]

اقتباس س / انتا مع ان مشرف يقدم اقتراح او حل لقسم تانى هو مش مشرف عليه ؟ وياترى المشرف هيتقبل ان حد تانى يقترح حاجا بخصوص القسم الى ماسكه ؟

وايه المشكله هنا !!!!
اى مشرف يشوف ان فى حاجه تنفع لقسم تانى ومش يبادر بيها
يبقى شخص انانى ومبيحبش الا نفسه ومصلحه قسمه ومبيحبش المكان
لو كل واحد فكر فى نفسه وفى قسمه يبقى عليه العوض ...
وعادى جدااا لما حد يقدم اقتراح للقسم اللى انت مشرف عليه
انا فى عضوه قدمت اقتراح ان يتعمل قسم للاعجاز العلمى
وقدمته طلب فى قسم الشكاوى والاداره وبالتحديد دمعه كلمتنى
وقلت لها انا عندنا القسم الرئيسى العام ينفع لكل التوبيكات
ولو وافقنا بكره عضو هيطالب بقسم للعقيده وقسم للتفريغ الصوتى
ومش هنخلص طب ما انا عندى قسم شامل ينفع فيه كل حاجه غير السنه والصوتيات والمرئيات
زى ما عضو زمان مش فاكر اسمه كان طلب فى صوت الاعضاء يتعمل قسم فرعى لليوتيوب الاسلامى من قسم اليوتيوب ؛ وطارق دخل رد عليه وقال له ما عندنا قسم للصوتيات والمرئيات
ليه اعمل قسم تانى !!!وهناك منتديات تانيه كبيره فيها القسم الاسلامى 5 اقسام رئيسيه ده غير الفرعى ..
ومش ذعلت يعنى ان العضوه قدمت الاقتراح ولو كان هيفيدنا كنت رحبت بيه ..
وثبت لها موضوع بعدها وكرمتها ؛ المفروض افرح لان فى حد يهمه مصلحه المكان ..
========
الاستضافه كلها مش عرفت حاجه جديده
غير ان طارق كلم ياسر وده شيىء جيد ومبادره رائعه من الطرفين
مش سألت طارق ليه عن كلام حوده فى قسم المشرفين وان الاداره وطاقمها خط احمر ؟
وان الحريه بتقلب ببجاحه وان هيبقى فى عقوبه ؟؟ وان طارق دايما يتكلم عن الديمقراطيه فى المكان ؟؟
ليه مش تم اعاده هيكله المراقبين وان الاقل يتشال علشان محدش ينتقد الاداره عليهم ؟؟
هل من حق المراقب يرفض اقتراحات ؟؟؟؟
انت قلت ان المراقب عام على كل الاقسام ؟ طب نور قدم شكوى ليه ؟؟؟
لماذا تم حرمان المشرفين من انهم يقدموا طلبات ترك الاشراف فى قسم المشرفين ؟
وليه تم اعطاء المراقب حق الرد فى طلبات ترك الاشراف وان القرار بيد الاداره وحدها ؟
يبقى يتمنع عن المشرفين والمراقبين ؟؟؟
=======
منور يا طارق كالعاده
وتسلم يا مورشو على الاستضافه

[SiLver Spectra]

مش سألت طارق ليه عن كلام حوده فى قسم المشرفين وان الاداره وطاقمها خط احمر ؟
وان الحريه بتقلب ببجاحه وان هيبقى فى عقوبه ؟؟ وان طارق دايما يتكلم عن الديمقراطيه فى المكان ؟؟
طارق ضد فكرة ان الادارة خط أحمر
و اظن فيما يخصني مش بتدخل نهائيا في سياسة تحرير البرامج
تصرفات حوده يسأل عنها هو

ليه مش تم اعاده هيكله المراقبين وان الاقل يتشال علشان محدش ينتقد الاداره عليهم ؟؟
وجودهم مش عامل ضرر في المنتدى
يعني ما بنقولش انه عامل زحمة و مش هنعين جديد بدليل اننا عينا اربعة جداد
فالمراقب اللي شايف ان نشاطه ضعيف حاليا فهو مش عاملي مشاكل نهائي و لا تداخل في المهام
و دول عددهم 2 و واحد منهم بيشارك في الخفاء و له نشاط رقابي في قسمه
و بالتالي فانت بتتكلم عن شخص واحد تقريبا
و احنا فعلا بنشيل كل فترة . و اسأل فلاور

هل من حق المراقب يرفض اقتراحات ؟؟؟؟
المراقب بيضيف وجهة نظره . بس القرار في الاقتراح بيرجع للادارة و تقديرها
و في امور بتحتاج خبرة فحتى الاداري ممكن يلجالي لسؤالي عن امكانية تطبيق فكرة ما

انت قلت ان المراقب عام على كل الاقسام ؟ طب نور قدم شكوى ليه ؟؟؟
ايه المشكلة انه يقدم شكوى او استيضاح ؟

لماذا تم حرمان المشرفين من انهم يقدموا طلبات ترك الاشراف فى قسم المشرفين ؟
ساحر وضح دا في موضوع..الفكرة أشبه بمنع عرض تنازلات الاشراف في الاقسام العامة و بنظرية ابو ادهم : بتعمل بلبلة
فدا ممكن لظروف حصلت

وليه تم اعطاء المراقب حق الرد فى طلبات ترك الاشراف وان القرار بيد الاداره وحدها ؟
يبقى يتمنع عن المشرفين والمراقبين ؟؟؟
غالبا بيرد لاستيضاح الامر . مش شايف فيها مشكلة
و عامة اذا كان طلب الاستقالة لخلاف ما او لاعتراض ما فمكانه الشكاوي
اما لو السبب لظروف خاصة فدي لا تعتبر شكوى

[عاشق متيم]

المراقب بيضيف وجهة نظره . بس القرار في الاقتراح بيرجع للادارة و تقديرها
و في امور بتحتاج خبرة فحتى الاداري ممكن يلجالي لسؤالي عن امكانية تطبيق فكرة ما

حلو اوى الجملتين دول ؛ ياريت بس المراقبين يعرفوا كده ويدخلوا يقولوا وجهه نظرهم بس
مش يقولوا مرفوض وشوفوا غيره !!!!!!!!!

==========
قسم اليوميات ليه دخل تحت المراقبه مع ان الفكره اتعرضت من اسيل واتقال ان فى مواضيع
لا تحتاج الموافقه ؟ هل هناك شيىء استحدث ؟؟
========

شفت عضوه سألتك عن العصابات ؟ انت قلت اتلغت لانها كانت غير مدروسه ؟؟
يعنى ايه غير مدروسه ؟؟ وهل تم الغائها علشان عملت جبهه معارضه وانهم هيجيبوا حق
المظلوم وحجات شبه كده وان شفت مشاركه لميرو انهم تم التهديد بالاقصاء ؟؟؟
وهل فعلا الاداره ضد ان حد يعارض والا المعارضه تكون بأدب وعدم تعدى الحدود ؟؟
وهل لو كان هناك عضو نشيط جداااا وفى مخالفه مع الاداره لن يترقى مع انه نشيط وهيتم ترقيه
ناس اقل منه ؟؟؟

========
ليه مش يتعمل اجتماع مع المشرفين فى قسم المشرفين ويتم تصفيه النوايا وفتح صفحه جديده ؟؟

========
اتقدم طلب بنزول تنبيه بمنع الكلام فى الترقيات ؟ هل الكلام فى شيىء غلط ؟؟

====
ليه مش يتقال للمراقب الشكوى اللى تكون خصم فيها مش تتدخل فيها سواء بالغلق او غيره ؟
( تم قفل توبيك فى الشكاوى قريب )
========
اخر سؤال علشان انا كده رخم بصراحه
انت قلت انك ممكن تكون ادارى سابق وانت مش متخيل الموضوع ده ؟
هل فعلا ممكن تفكر فى كده ومين هيبقى الدعم الفنى والمشورة واخذ رأيه
وحاجات كتير محدش يقدر يعملها غيرك وخصوصا انك الاب الروحى للمكان
وهل ممكن تبعت لحد تقول له اعتمد ليا موضوعى ؟