لاتقولي حلواني ولا اطياب لانشون موري للأحباب

[موري كول]

لاتقولي حلواني ولا اطياب لانشون موري للأحباب بسم الله الرحمن الرحيم رجعتلكو تاني ومعايا طريقه عمل اللانشون من عمايل ايديا .... شوفو الصور ونكلم في الطريقه بعدين لو حد اتريق كدا ولا كدا انا هنا اهو وسمعاه الطريقه بئا 3 بيضات 3 حبات حبهان 3 ملاعق دقيق 3 جبنه مثلثات مكعب ونص مرقه دجاج نص ملعقه صغيره فلفل اسود نص كوب زيت زيتون اخضر لو حابين تضيفوه نقطه صغيره من(دم الغزال) لونها احمرمن عند العطار او قطعه بنجرمسلوقه ممكن تعمليه من غير لحمه عاادي وبيطلع زي اللي في الصور ده وطعمه كأنه معمول بلحمه بالظبط لان محطوط فيه مرقه دجاج وممكن تزودي معلقتين لحمه مفرومه واو قطع دجاج صغيره كل الخلطه دي تتحط علي بعضها في الخلاط العادي وتضربيها الخطوه المهمه هنحط حله مايه تغلي علي النار ونحط الخلطه دي في اي حاجه علي شكل اسطوانيه قابله للحراره زي لبانه او كنكه او كبايه استنلس انا عملتها في علبه معدن مربعه كانت بتاعت شاي اخضر ونحطها في الحله اللي فيها ميه يعني بالمختصر تعمليلها حمام مايه ونغطي الكبايه او الي انتي حطيتي فيه الخلطه نسيبها من ساعه لساعه ونص بس هتلاقيها مسكت لو في اي استفسار انا معاكو .. سلام

[عاشقة الهدوء]

على فكره طريقه سهله وجميله جداا وممتازه
وأنا عملتها كتير واللانشون بيبئه طعمه رهيب ويجنن
تسلمى ياحببتى وصفه جميله للفائده بحييكى عليها
وتاكليه بالهنا ربنا يحفظك

[-esraa-]

اقتباس نقطه صغيره من(دم الغزال)

هو دم غزال بجد : ))))

ليكي مستقبل موري
تسلمي يا جميلة
وبانتظار الطبخة الجاية : )

[العاشق الذى لم يتب]

لانشون جميل وبيفتح النفس
تسلم الايادى
تحياتى

[روح صامتة]

الطريقة دي اللي بيعملوا بيها اللحمة الباردة ^^

بجد كويس انك طبقتيها في البيت
^^
تسلم ايدك ي حبيبتي :*
خمس نجوم

[۩۩ elMagic ۩۩]

الله ينور موري
لا يجي منك
هاتي الطبق دا بقآ
يدوم النشاط

[جبل عالي]

لالالالالا بجد والله برافو عليكي

واول فرصة هنفذها بجد واصورها واجيبهالك

تراجعي عليا بقااااااااا

بس حقيقي بأحييك

ده انا كنت بجهز موضوع للمايونيز حالا والله

هههههههههههههههههه

يللا بقا عشان الاكلة تكمل للكل هنا

بألف شفا

استنوا المايونيز بقااااااا

[ملك جبال الاحزان]

مش عارف ليه انتى دايما واقعه فى وشى هههههههههه

علياالطلاق من بعد ما شوفت منظر الانشون بتاعك
حلفت انى ما هاكله تانى
هو ماله عامل كدة ليه
انا بطنى وجعتنى من الشكل
امال الطعم لا بجد مجهود جامد بس بدل التعب ده كله
ما تضربينا بالمسدس احسن هههههههههههههههه

بس والله مجهود جميل منك وشرح كويس لكل الناس اللى عايزة تموت
اقصد عايزة تتعلم
برافوا عليكى

[الأميرة رودي]

ههههههه والله عسل
وبيعجبني فيكي انك طباخه شاطره وأكلآتك يتكون جامده
بصراحه طريقه اللانشون دي مجربتهاش
بس أوعدك أجربها
تسلم ايدك حبيبتي

[دمعه حائره]

ده انتى طباخه شاطره بجد ماشاء الله عليكى
تسلمى احلى مورى