هما حبو بعض

[حَرفُُ هجآءّ]

فى كل مناسبه بتعدى على البنت بيبئا نفسها فى هديه من حبيب القلب ( عنتر باشا )


لو فى فترة الخطوبة عنتر مش بيخلى هدية الا لما يجبها لعبله

(واللى نفسك فيه ياوحى وكلام الاسطوانات ده )


اما بئا بعد الجواز ( وياريتها ياعين امها ما اتجوزت )


سنه أولى جواز الهدايا لسه شغاله وكله فل الفل


فى عيد ميلادها داخل بالهديه


شويه كمان ويدخل ببوكيه ورد


فى عيد جوازهم داخل بالهدية


(مكنش الجواز يبئا سنه واحده وكفايه كده )




اما بعد السنه الاولى



الرجاله بيصابوا بامراض مزمنه وحساسية ضد الهدايا وعيد الحب والشوبنج
وسمعهم بيتقل وبيفقدوا النطق


وعبله داخله على عيد ميلادها قالت : هو الراجل ده هيجبلى ايه فى عيد ميلادى داهية ليطنش
وفى قاعده تجلى جمعت عنتر وعبله مع بعض


علبة : حبيبى اسمع كده بيت الشعر ده كتبتهولك مخصوص
حبيبى بحبك موت من غيرك ممكن اموت

عنتر :بكل ثقه مانا عارف


عبله : اهو انت كده ديما حابطنى انا انسانه عندى احساسات ومشاعير وانت طول الوقت كده معندكش قرون استشعار للرومانسيه









عنتر : ( فى سره ) الله يخرب بيت مشاعيرك الشايطه دى وبعدين قرون ايه هو انا صرصار



عبله ( ادخل فى المفيد )
حبيبى هتجبلى ايه فى عيد ميلادى ؟


عنتر : (بنظرة تعجب وتقريبا فقد الذاكره) بيقول لنفسه مين الوليه دى ؟



عبله : ايه عايز تقول انك مش عارف ان عيد ميلادى قرب وانك لازم تجبلى هدية تعبر بيها عن حبك ليا ؟


عنتر : ( وهو رافع حاجبه الشمال ) طب وايه علاقة الحب بالهدية ؟ ما عنتر اهو كان بيحب عبله وعمره ما جبلها هدية


عبله : ( حاطه ايديها فى وسطها ) ليه مهو جبلها هدية 100 ناقة حمر وكتبلها 100 نخلة فى الساحل الشمالى



عنتر : لا انتى غلطانه اللى جاب الحاجات دى شيبوب



عبله : لا شيبوب قالها افقعيلى عين وافقعلك عين ونعيش عور احنا الاتنين وبعدين انت بتهرب ليه كل ده عشان تفكس هدية عيد ميلادى وبعدين انا جهزت نفسى وجبت ورد وشمع احمر


عنتر : وشمع ليه هو النور هيقطع ليلتها ؟


عبله : ( صبرها على وشك النفاذ ) لا الشمع عشان الرومانسية وكده يعنى



عنتر : اصلا الاحتفال بعيد الميلاد حرام وانا مش هحتفل بيه


عبله :( بدئت تجيب اخرها ) مش لازم نحتفل بس جبلى هديه وبعدين ما شم النسيم حرام بنتحتفل بيه ولا ده عشان فيه اكل؟


عنتر : والله فكرة انتى ليلتها اعميلى طاجن فته باللحمه والصلصه الحمرا بدل الشمع الاحمر والكلام الفاضى ده


عبله :( ماكسه فى ايديها الفازه ) لا انا هعملك تعويره ودمك يسيح وهى بردوا حمرا وخلاص


وانتهى يوم عنتر فى القصر العينى بــــ 6 غرز


كل ما ورد فى الموضوع دهون خيال ولا يمت لواقعى بايوتها حاجه

[روح صامتة]

ههههههههههه
دي حقيقة ^^
الرجالة كائنات متحولة )
والست المفروض بقه ما تفرطش ف هدية عيد ميلادها :d
تسلمي ي اسيل ع الموضوع ^^
النهاية كانت متوقعة :d
:*

[العاشق الذى لم يتب]

كلامك مظبوط
والتسلسل رائع
هوده اللى بيحصل مع ناس كتيرة بعدالزواج
الله ينورعليك اسيل
تسلم الايادى

[NGMA]

ههههههههههههه عندك حق

[Silver Flower]

هههههههه
حلوا الحوار هادا
انا مع الرجل دائما مسكين يمكن غلبان من الي بيشوفه كل يوم
عنده حاله يأس
ههههه

[Reem♡A|❀]

ههههههههههههههههه
حلووه بايوتهاا حاجةة
..
احكلنا انتى الواقع ي سيلا : ))

[حَرفُُ هجآءّ]

اقتباس المشاركة الأصلية كتبت بواسطة روح صامتة ههههههههههه دي حقيقة ^^ الرجالة كائنات متحولة ) والست المفروض بقه ما تفرطش ف هدية عيد ميلادها :d تسلمي ي اسيل ع الموضوع ^^ النهاية كانت متوقعة :d :*

صح والله هما دول المتحولون

نورتى يابنوته

[حَرفُُ هجآءّ]

اقتباس المشاركة الأصلية كتبت بواسطة العاشق الذى لم يتب كلامك مظبوط والتسلسل رائع هوده اللى بيحصل مع ناس كتيرة بعدالزواج الله ينورعليك اسيل تسلم الايادى

لا ان جيت للحق بيحصل مع كل المتزوجين
نورت رفعت

[حَرفُُ هجآءّ]

اقتباس المشاركة الأصلية كتبت بواسطة NGMA ههههههههههههه عندك حق

تسلمى يابنوته
نورتى

[حَرفُُ هجآءّ]

اقتباس المشاركة الأصلية كتبت بواسطة silver flower هههههههه حلوا الحوار هادا انا مع الرجل دائما مسكين يمكن غلبان من الي بيشوفه كل يوم عنده حاله يأس ههههه

انا شامه ريحه خيانه انثويه

نورتى اساره