الموسم الثانى من ( لمن يجرؤ فقط ) ( خارج عن القانون )

[morshooo]

بسم الله الرحمن الرحيم

مزاج الخير

اهلا بيكم جميعا

وحلقه جديدة من

( لمن يجرؤ فقط )

طبعا التوبيك نزل من فترة ودا

( الموسم الثانى )

الى هيكون عبارة عن ( 10 حلقات )

ضيف حلقه النهاردة الحمد لله بقى عندة

( 25 سنه ) لسه امبارح وعشان كدا

بقوله ( كل سنه وانتا ) ^_^

ضيف حلقه النهاردة

( خارج عن القانون )







فى البداية تعالو نشوف الـ ( 8 )

نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق




الاختيار الاول :

اعترافات :

اولا :

شايف انك راضى عن حياتك حتى الان والا فى حاجات انتا نفسك مش قادر تتعامل معاها فى حياتك ؟

الحمد لله انا قادر اتعامل مع حاجات كتير
بس تعاملاتى بتكون ع مقدار ما معى من صلاحيات
والحمد لله ع كل شىء

ثانيا :

( لم ولن انساك ) مشاركه فى صفحاتك المكشوفه .
عندك استعداد تقول لمين المشاركه دى ؟

انا عندى استعداد انى اقول لو الامر يخصنى وحدى
بس بما ان الامر يخص انسان تانى
فاكيد مقدرش اقول




الاختيار الثانى :

( اعضاء المنتدى )

اولا :

فى الفترة الاخيرة حصل خلاف بينك وبين ( احساسى صحيح )
وحصلت على ( الحظر ) الى عايز اعرفه محصلش اى حديث
بينك وبينه لتقريب وجهات النظر وعندك استعداد لكدا والا لا ؟

لا محصلش حديث ومش عايز
ياسر انسان بيشك فى اى حاجه وكل حاجه
ومحتاج تبرير للكل واى كلمه
وانا دماغى مش فاضيه للكلام ده
فبلاش احسن
انا بقول اللى عايز اقوله فى الوقت اللى عايز اقوله
ومش قضينى انك تفهم كلامى او لا
انما لو سالتنى هقولك انا اقصد ايه
انما لو مسالتش وفهمت الكلام غلط
يبقا ديه مشكلتك وحدك

ثانيا :

محصلش قبل كدا وقولت كلمه ( بحبك ) لعضوة معانا فى المنتدى ؟

تقدر تقول اه وتقدر تقول لا
الامر معقد وصعب تفسيره




الاختيار الثالث

وجع دماغ :

من فترة تم حظرك بسبب موقع عملته على ( الفيس بوك ) باسم
المنتدى ؟ شايف انه كان من حقك انك تعمل حاجا زى كدا ؟

هو جروب ع الفيس مش موقع
وانا عملته لهدف ولازلت مؤمن به
وهو زياده التقارب بين اعضاء المنتدى

ومش من حقى انى اعمله لانى مش صاحب او مسئول عن المنتدى
بس انا قبل ما اعمله وع ما اتذكر عرضت ع طارق انه يعمله
ويمسكه
بس هو رفض عشان ده هيقلل التفاعل فى المنتدى

ثانيا :

شايف ان اسمك فى المنتدى بيعبر عن حياتك ؟ ويعنى ايه ( خارج عن القانون ) ؟

وما الحياه الا مجموعه من القوانين
لما يكون فيه قوانين انا شايف انها خاطئة "ايا كان مين صاحبها"
بخرج عنها ومبلتزمش بيها
وفى بعض الاوقات بخرج عليها وبقف ضدها




الاختيار الرابع

سؤال من مجهول :

* ليه تفاعلك ف المنتدى قليل وايه رأيك فى المنتدى الوقتى والمنتدى زمان من سنتين فاتو ؟

تفاعلى فى المنتدى قليل بسبب اشياء كثيره
اهمها ان وقتى ضيق ومش بخش ع النت الا اوقات معينه
ونضيف كمان ان مش اى موضوع يعجبنى
والفرق بين زمان ودلوقتى بيكمن فى عدد الاعضاء المتفاعلين
فى المنتدى

*بما انك شاب طموح لو جاتلك فرصه للسفر خارج البلد براتب أكبر هتسافر ولا لآء ؟

بعيدا عن ان فيه سبب قهرى يمنعنى من السفر
فانا مش من هواة الغربة ولو فى محاظه اخرى
فاكيد كنت هرفض

* امتى عكاشه يفكر فى الارتباط وهل الحته اللى فى الشمال دي دقت ولا لسه ؟

هفكر ارتبط لو حسيت ان البيت فضى عليا
او ان محتاج حد يرعانى
او ان الحته اللى فى الشمال تدق بقوة




الاختيار الخامس

صورة وتعليق :



ايه الى مخليك فخور قوى كدا انك ( برادعى ) وشايف انه الاصلح الفترة القادمه لقيادة مصر ؟

الراجل ده من القلائل اللى بيقولو حاجه وبينفذوها
(فى مجال السياسه)
وليه مبادئ واضحه وصريحه
ويسير فى طريق مستقيم لا يحيد عنه ابدا
بعد عن كونه الاصلح او لا
بس لو هو مسك البلد
فانا متاكد انه لو قال كلمة هيوفى بيها
وهيلم الشعب حواليه مش هيفرقهم
وهيصارح الشعب بكل حاجه وبكل صدق


2 /



ضد والا مع

ترشيح السيسى وشايف ان فى افضل منه الفترة الحاليه والا لا ؟

ضد
لانه لو اترشح بنسبه 70% هيكسب
وساعتها الكل هيقول(وانا منهم) انه ساند الشعب فى 30\6
عشان يمسك البلد فيما بعد
وانا شايفه زى باقى المرشحين
لا هو افضلهم والا هو اسوئهم
هم يطمعون فى الكرسى
وبعد ان يجلسو عليه سيفكرون ماذا يفعلون وكيف يفعلون

3 /



( مرسى )

شايف انه يستحق الى بيحصل فيه وفعلا كان من اسباب انهيار
الدوله والا مشكلته انه مسك مصر فى وقت صعب ؟

يعنى هو مكنش عارف ان الوقت ده صعب؟؟؟
طالما انا شايف انى مش قد المسئوليه كنت سبتها من الاول
او مجرتش عليها فى الاساس
بس هو اتغر فى جماعته واعتمد عليهم
وجماعته برضو هى اللى غرقته




بكدا بتخلص حلقه النهاردة

انتظرونى وحلقه جديدة وضيف جديد

تحياتى

[big bốss]

لا جامد يا عكش انا متفق معاك فى ارائك السياسيه

بس ضد البردعاوى دا مش مقتنع بيه بصراحه لانه بيهرب من المسئوليه

و ربنا يجعل بنت كدا جامده تضربك فى قلبك علشان يدق

منور الاستضافه يا عكش

و استضافه مميزه يا مورشو كالعاده

موفقين يا شباب ،،،،،،

[Silver Flower]

شو هاد يا احمد وين الاسئله الصواريخ
فش ولا صارخ وحتى قاذفات
اسىئله خفيفه وصريحه بس كان بدي اعرف آشيا اكتر من الضيف
متل شو سبب الخلاف وليه وكيف وبكم
بس يلا
حلقه حلوه
موفق محمد وبيستاهل كل خير

[حالمة باميرى]

اناعجتبنني الحلقه ربنا يكرمك اخي في حيات تسلم مروشو

[♥SaRa]

حلـقة مـ الآخر بجد يا مورشو
وعكاشة من الآشخاص الي بجد بحترمها وبحترم وجة نظرها
وفعلاً اوافق علي رأية ان السيسي لو اترشح ناس كتير هتفقد الثقة فية.
وانا معاك يا عكاشة فـ كدة لكن هو دة الخيار الوحيد المتاح حالياً
وتالي ممكن يقدر يقوم مصر تاني لأنة وآحد فاهم هو بيعمل اية

[booody99]

حلقة ممتعة طبعا معاكم بلا ادنى شك...

عكاشة من الشخصيات القلة الي بحترمها جدا لأسلوبه المحترم حتى مع من يخالفه الرأي...

يمكن حصل اختلافات بينا في الآراء اكتر من مرة ولكن كانت مجرد اختلافات وليست خلافات...

شخصية لما تكلمه بالعقل هتعرف تتفاهم معاه وفي الآخر لازم احدنا يستفيد ومع الحق اينما كان...

خارج على القانون كل احترامي وتقديري على الحلقة الرائعة والاجابات البسيطة بدون تكلف...

مورشو منورنا دايما وانت الجندي المجهول ههههههه جندي مجهول ايه الجندي المشهور قصدي ^^

منورين آرجالة

[Stop Ana Eltop]

انا امنيتى الوحيده من يوم مادخلت المنتدى دا انه الخلاف الى مابينك ومابين احساسى صحيح يتحل وتبقوا اصحاب وحبايب كمان

حلقه جميله جداا تسلم يا مورشو
ومنور يا خارج عن القانون

^_^

[العاشق الذى لم يتب]

كلام جميل وهواه عليل ماأدرش أءول حاجة عنه
الله على عكوشة صحبى الغالى
شوف ياعاكشضة لازم نتخانق انا وأنت عبلشان نتحظرمع بعض
إيه رأيك فى الفكرة دى
الاخ عكاشة اظن واظن واظن
وظنى يصل لليقين
انسان محترم وعن نفسى عمرى ماشوفت منه كلمة خارجة عن القانون
بالرغم انه هونفسه خارج عن القانون
لك عندى مودة خاصة
وأحييك على كل ماجاءفى إجاباتك
تحليلا وموضوعا متفق معاك
وكل الشكرليك مرشو
وبرنامج راقى
دام الجميع بالف خير
تحياتى وودى
رفعت كان هنا

[خارج عن القانون]

مستغرب بصراحه يا مورشو

من عدم تعليقك ع الاجابات

لى رجوع باذن الله

[حَرفُُ هجآءّ]

الحوار جميل اكيد بعكاشه
ان شاء الله ربنا يوفقك فى حياتك
ويرزقك ببنت الحلال
ونفرح فيك