ع هامش الكتابه

Abdallah · منذ /04-27-2018, 07:19 PM

السلام عليكم

مساء الخير

احب اقولكم جميعا
من يحبنى و من يكرهنى
و من لا يرانى اصلا .

حبكم مازال فى قلبى

و تحياتى للجميع .

Abdallah · منذ /04-27-2018, 07:26 PM

انا ناوى اجهز مسابقات رمضان 2018
ان شاء الله قريبا راح اطلعكم على أفكار
و التفاصيل راح تعرفوها فى اول رمضان

و كام عام و انتم بخير .

Abdallah · منذ /05-09-2018, 06:24 PM

ارجوا من الجميع التماس العذر لى
لعدم ردى على أغلب مواضيع المنتدى
لا اجيد الرد على مواضيع الرومانسية
و الدرامية و الأجتماعية و الصعبانيات

و لكم خالص التقدير و الأحترام .

Abdallah · منذ /07-28-2018, 12:38 AM

بعتذر جدا من الجميع لغيابى المستمر
بسبب تجهيز شقتى و شقة اخى احمد
خلصنا النجارة و الكهربا و المحارة و الجبس و الفرم
و خلصنا شغل السباكة و دخلنا على السراميك

ياااااااااااااااااااه معناه اعيشها منذ فترة و ما زالت مستمرة
لان اخى بالجيش و بيقعد 20 يوم و بيجى 10 ايام فقط

اتمنى للجميع التوفيق و التمليك مفيش احسن منه
بس مكلف جدا و متعب جدا و الصنايعية مستفزة جدا

Abdallah · منذ /08-14-2018, 09:15 PM

الحمد لله رب العالمين
انتهينا امس من تركيب السراميك
و جاء النجار ظبط الأبواب و ركبهم
و أن شاء الله هكون موجود من بكرا

Abdallah · منذ /08-15-2018, 10:38 AM

يوم جديد أعيشه بدون صوت الصنيعية
او التكسير او التخبيط او شيل الرمل و خلافه
انا بقيت بنام 10 ساعات باليوم ( الحمدلله )
بعد ما كنت بنام 4 ساعات بالعافيه
طبعا كان حلم يكون عندى شقة جاهزة
و ها قد كان بس حلم متعب و مكسر للعظام
شيل رمل و خشب و اسمنت و سراميك و طوب
و فضى هنا و هناك و انقل من هنا لهناك و العكس
عشنا أكثر من شهر بدوامة واحده فقط اسمها السراميك
و كأنه ذنب انى قولت عايز الحمام و المطبخ و الطرقة
سيراميك كامل ارضيات حوائط و سقف فكسر ظهرى
و ها انا استعيد عافيتى بالنوم المتزايد يوميا .

Abdallah · منذ /08-21-2018, 08:52 PM

ربما تحدثت سابقا عن حبى
لأسف لم استطيع نسيانه
مازال حبى لفتاة كلية الطب
يربع بعرش قلبى على الرغم
من عدم محادثتى لها بأى شيئ
منذ اعوام و اعوام مضت

الحب من طرف واحد مؤلم جدا

Abdallah · منذ /08-22-2018, 10:44 AM

أكثر حاجة بتجذبنى بالمنتدى
كثرة الكتابة بالمدونات
نعم نشاط هذا القسم يعجبنى .

Abdallah · منذ /08-22-2018, 08:12 PM

أشكر كل من يتابع مدونتى و يعطينى تقيمما
اعذرنى انا اقرأ التقيم عندما ادخل لوحة التحكم
غالبا بقرأه متاخر يعنى اسبوع او شهر تقريبااااا

تحياتى و احترامى للجميع .

Abdallah · منذ /08-24-2018, 09:17 AM

السلام عليكم و رحمة الله و بركاته

الحمد لله رب العالمين ، هذا العيد لم يمر كغيره مطلقا
الخروج و زيارة الأقارب تجعل من فرحة العيد كبيرة
بجد انا بداخلى سعادة لا توصف من اول يوم بالعيد الى الأن
زيارة اقاربى و التحدث معاهم و الأطمئنان عليهم
و زيارة المرضى و العزومات شيئ رائع ،
أتمنى للجميع حياة سعيدة أكثر و أكثر و أكثر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رسم على هامش الحياة	Words Whisper	قصص - روايات - بقلم الاعضاء	19	07-13-2014 03:51 AM
هامش الكتاب	الشاعر اسامه حامد	قسم الخواطر - وهمس القوافى حصرى بقلم الأعضاء	1	01-20-2014 07:39 PM
علي هامش الحياة	phalsteen	بقلم أعضاء بنات مصر - حصري	3	03-04-2013 05:37 PM
علي هامش الحياة .....	abomalek	منتدى التنميه البشريه	2	02-23-2013 11:29 AM
على هامش الزكريات	همسه الجوارح	منتدي ابداعات الاعضاء الادبية	7	11-21-2011 06:40 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

ع هامش الكتابه

صفحات مكشوفة