مسابقه رحلات حول العالم

[Safira]

السلام عليكم

فكرة المسابقه في بالي بقالها كتير
والـ منعني انزلها الدراسه
واتمنى انها متكنش متكررة

المسابقه في قسم السياحه والسفر

المسابقه عبارة عن :
12 مشترك
3 مراحل
تصفيات كل مرحله
8 ضيوف + حكمين = 100 درجه
جوائز وشهادات تقدير وشكر

التوضيح :

12 مشترك ::
دول الـ حابين يشتركوا في المسابقه .. حد اقصى 12 مشترك

3 مراحل ::
يعني المسابقه هتكون ع 3 مراحل

اول مرحله ..

(( رحلات في قارة أفريقيا & قارة أميركا الجنوبيه ))

تاني مرحله ..

(( رحلات في قارة آسيا & قارة أميركا الشماليه))

تالت مرحله ..

(( رحلات في قارة أوروبا & أستراليا ))

هيتطلب من المشتركين انهم يخدونا في رحله الى بلد ( هتختارها انت بنفسك حسب المرحله )
بمعنى ::
1/ يتم تنزيل توبيك عن بلد هتختارها
2/ يتم تنسيق التوبيك ع اكمل وجه
3/ تتكلم عن التوبيك كأنك مرشد سياحي كدا وواخدنا في رحله .. انت وشطارتك بقى

تصفيات كل مرحله ::

هيتم عمل تصفيات كل مرحله بعد تنزيل التوبيكات

في نهايه اول مرحله هيتم استبعاد 3 مشتركين اصحاب الدرجات الاقل ويكمل معانا 9 مشتركين
في نهايه تاني مرحله هيتم استبعاد 3 مشتركين اصحاب الدرجات الاقل ويكمل معانا 6 مشتركين
في نهايه تالت مرحله هيتم استبعاد 3 مشتركين اصحاب الدرجات الاقل ويفوز معانا 3 مشتركين
ويتم توزيع المناصب ع حسب الدرجات

بالنسبه بقى لـ 8 ضيوف + حكمين = 100 درجه ::

8 ضيوف هيتطوعوا من الجماهير ( الاعضاء ) لأبداء رأيهم في توبيكات المشتركين في كل مرحله ويدوهم درجات / 10 .. يعني 80 درجه

الحكمين هيكونوا انا و عضو يتبرع يكون حكم معايا هنقول احنا كمان رأيينا في توبيكات الاعضاء ونعطيهم درجات / 10 .. يعني كدا الـ 100 درجه
واحنا الـ هنتكفل بكل ترتيبات المسابقه طبعا

بالنسبه لاخر حاجه في التوبيك الطويل الـ مش بيخلص ده

الجوائز ::

الادارة هي الـ هتحدد جوائز اصحاب الـ 3 مراكز
بس احب اقول ان لو المسابقه اتعملت المشتركين هيتعبوا اوي فا حددوا جوائز ع قد تعبهم
اما باقي المشتركين الـ مش هيحالفهم الحظ هيتم تكريمهم واعطائهم 100 مشاركه + شهادات شكر تقديرا لجهودهم ومشاركتهم

ياريت تكون المسابقه خفيفه مع ان حاسه اني ملياها تعقيدات غريبه
وتكون مش مكررة
انا بس حبيت انشط القسم اكتر

يلا مين هيشترك ومين هيتطوع ؟؟

[دمعه حائره]

مسابقه جميله وحددى التحكيم معاكى من اولها عشان تبقى منظمه
وخلى الجوايز
250+وسام
200
150
ولو التوبيكات كويسه زودى اوسمه للمركزين التاانيين

[العاشق الذى لم يتب]

جميل الكلام الطويل الكبير الكتير
ومسابقة شيقة
ومجهود اشكرك عليه
وان شاء الله معاك مشترك
بس حكاية
نقلوهم متشكرين
وشهادة تقدير يعمل بيها يعنى
يعلقها على باب الدكان
على حسب علمى والمفروض
يكون للمشتركين جميعا تحفيز
وتشجيع بدل مايجليهم احباط وبنتحروا
يعنى اللى هيوصلو مثلا المرحلة التانية وخرجوا
واللى سبقوهم فى الخروج
المفروض يبقى ليهم عدد من المشاركات
ولو محدود على الاقل تشجيع بجوار الشهادات
مش كده ولاايه

ابقى بلغينى عن موعد الانطلاق
ربنا يحيينى ويحييك
تحياتى

[رآقيہ بأخلاقـى]

مسابقة جميلة اوى يا قمر
هتعرفنا كتير عن بلدان منعرفش عنها حاجة
بالتوفيق ليكى وللمشتركين ان شاء الله
تحياتى للجميع

[عاشق لعنة الحب]

المسابقه دى خلصت ولا لسه هتبدا ؟؟؟؟؟؟؟؟؟؟

عاوز ادخلها

[الآمير العآشق]

فوووكيرر كتير حلوووه مولين
وحتي لو مكرره / كافي انها بتكون تنشيط للقسم
<< يحني هي المشاركات ولا الوسنه هيستوردوها من الخارج ههههههههه
يحني زي ما قالت منه في تاني اقتراح
مفروض من البدايه يكون اوسمه للتلات مراكز الاولي
خصوصا انو هيكون 12 عضو مشترك
<< ولو 12 مشترك عشان وسام واحد فقط
هتعطي ملل للمشاركه
وان شاء الله اكون مشترك / اذا كان فيها 3 اوسمه

[Safira]

اقتباس المشاركة الأصلية كتبت بواسطة دمعه حائره مسابقه جميله وحددى التحكيم معاكى من اولها عشان تبقى منظمه وخلى الجوايز 250+وسام 200 150 ولو التوبيكات كويسه زودى اوسمه للمركزين التاانيين

تمام .. تسلمي يامنة تعبتك معايا

اقتباس المشاركة الأصلية كتبت بواسطة العاشق الذى لم يتب جميل الكلام الطويل الكبير الكتير ومسابقة شيقة ومجهود اشكرك عليه وان شاء الله معاك مشترك بس حكاية نقلوهم متشكرين وشهادة تقدير يعمل بيها يعنى يعلقها على باب الدكان على حسب علمى والمفروض يكون للمشتركين جميعا تحفيز وتشجيع بدل مايجليهم احباط وبنتحروا يعنى اللى هيوصلو مثلا المرحلة التانية وخرجوا واللى سبقوهم فى الخروج المفروض يبقى ليهم عدد من المشاركات ولو محدود على الاقل تشجيع بجوار الشهادات مش كده ولاايه ابقى بلغينى عن موعد الانطلاق ربنا يحيينى ويحييك تحياتى

ماانا كنت نسيت اكتب ان في مشاركات لباقي المتسابقين .. شكرا انك فكرتني
وانت اول متسابق معانا
بالتوفيق

اقتباس المشاركة الأصلية كتبت بواسطة Ðą2ЄŦ ĄĽβ مسابقة جميلة اوى يا قمر هتعرفنا كتير عن بلدان منعرفش عنها حاجة بالتوفيق ليكى وللمشتركين ان شاء الله تحياتى للجميع

تسلمي ياقمر بس مش هتشتركي خليكي حتى من الجمهور المتطوع ولا ايه ؟؟ فكري وردي عليا بقى

اقتباس المشاركة الأصلية كتبت بواسطة عاشق لعنة الحب المسابقه دى خلصت ولا لسه هتبدا ؟؟؟؟؟؟؟؟؟؟ عاوز ادخلها

لا مخلصتش ولو هتشترك فاانت تاني مشترك
بالتوفيق

اقتباس المشاركة الأصلية كتبت بواسطة الآمير العآشق فوووكيرر كتير حلوووه مولين وحتي لو مكرره / كافي انها بتكون تنشيط للقسم << يحني هي المشاركات ولا الوسنه هيستوردوها من الخارج ههههههههه يحني زي ما قالت منه في تاني اقتراح مفروض من البدايه يكون اوسمه للتلات مراكز الاولي خصوصا انو هيكون 12 عضو مشترك << ولو 12 مشترك عشان وسام واحد فقط هتعطي ملل للمشاركه وان شاء الله اكون مشترك / اذا كان فيها 3 اوسمه

انا من الاول كنت عايزه 3 اوسمه .. بس عشان انت طلبت هلغي الفكرة
ها هتشترك ولا لا يعني ارسى ع بر انا ورايا شغل

[الآمير العآشق]

اقتباس انا من الاول كنت عايزه 3 اوسمه .. بس عشان انت طلبت هلغي الفكرة ها هتشترك ولا لا يعني ارسى ع بر انا ورايا شغل

هههههههههههههههههآآي
حلووه ورايا شغل
ماتجيبي من الاخر وتقولي ورايا غسيل مواعين

بس بردو كلمي منه عن 3 اوسمه
عشان 12 متسابق وكووماان مراحل
يحني مجهودها جاامد / فكري وبلغيني عشان موش فاضي ورايا شغل

[Safira]

فعلا كلمت منة وقلتلها هم هيتعبوا في المسابقه فاوافقت ع 3 اوسمه
وبعدين امشي من هنا هو انا تحت امرك

[الآمير العآشق]

الامر لله وحده
/
ايوه كوودا 3 اوسمه هتخليني اطلع مواهبي ف الرحلات
وبعدين انتي تطولي تكوني تحت امري << ع الاقل
موش هتعبك كتير وهخليك تعملي ليا النسكافيه وبسسسس