الحب مالى البلد .. يارب شوية كراهيه بقى .. !

[محمود الصاروخ]

سالخير عليييكوا جميييعا
==

أخباركو شباب ؟ يارب دايما بخيير كده


أنا محتااار .. اه وربنا محتااار
ماهى بصراحه حاجه بقت تخلى الواحد محتااار


وقع تحت إيدى مقطع لـ راجل بيقول كلام ف الجون
الكلام كان كالأتى :-

يا إخوانا إنتوا مش ملاحظين ان الكلام العاطفى و التعبيرات الرومانسيه زادت أوى
اليومين دول ؟؟ !

لا ياأخووويااا دى رطرطت

حبيب قلبى - روحى - عمرى - قمرى - نور عينى - واحشنى ياغالى
والنعمه الشريفه بمووت فيك

الكلام ده كله مكانش ف قاموسنا اليومي قبل كده
والكلام ده مش بيقوله راجل لـ ست .. أو ست لـ راجل ...
لا ده ممكن يتقال من راجل لـ راجل ومن ست لـ ست وأى حد تقابله يقوم رازعك
طقم حنيه كده و الدنيااا بقت زى الفل

الغريب بقى ان جو الحب ده جاى ف وقت الحب فيه إنتهى تماما
والناس مش طايقه بعضها .. !

بس انا من رأى الفضل يرجع لـ التكنولوجيا والموبايلات اللى وفرت علينا كتير ف الحب
دلوقتى تجيب رساله جاهزه ولا تكتب ولا توجع دماغك وأول ما تعمل Send
كده شكرا يامعلم وليلتك جميله

الفرق بين حب زمان و حب دلوقتى بقى واضح جدااا

زمان كنت تلاقى مثلااا عبدالحليم حافظ و لبنى عبدالعزيز ف فيلم الوسادة الخالية
بتقوله ف المكالمه
أقفل بقى ياصلاح
لا و بتقولها بشكل يدووخ " سلاح " كده يعنى
لدرجه إن انا اتمنيت ان يكون اسمى صلاح بسبب كلمتها دى
ده الإحساس وصلنى وانا بتفرج ع الفيلم ما بالكوا صلاح كان عامل ايه ف الفيلم

دلوقتى بقى مكالمات الحب بقت موووضه
تقعد تحب و ف أخر المكالمه تقولك
يالا باى
إيه يالا باى دى ؟؟ !
ولا تقولك سى يووو
هو إيه الى سى يوووو ؟؟ هو انا غلطت ف حاجه

ومش كده بس .. دلوقتى عشان حضرتك تبقى مثقف ومتحضر ولك ف اللغات
تقول " تيك كيير بيبى "

طب تيك كير من ايه ؟؟ هو انا مسافر الصومال ؟

لا فعلا .. الناس بقت تحب باستفاضه والحب كتر و الدنيااا بخير ياجماعه
حب حب حب تروح أى مكان حب حب كافيه سينما حب حب
حتى ف الشارع حب حب حب

يارب شويه كراهيه بقى ده الحب مالى البلد



بس ع فكرة
انا بحبكوا جدا بحبكوا كلكوا و بتوحشونى جدا خلوا بالكوا من نفسكوا
وتيك كير بقا .. يلا سى يو


خالص حبى
محمود الصاروخ
بروف قديمـا .. إشطـه حـاليا

[شاعر الحب الحزين]

هههههههاي هو مش اشكال لو الحب يملا البلد

دي حاجة جميلة جدا بس يا ترى الحب ده شكله إيه

وبعدين حب الافلام ده حاجة والحب اللي ف واقعنا حاجة تانية خالص

هو لولا الحب اللي في الأفلام تمثيل كان صلاح قفل السكة ولا كانت

لبنى قالتله اقفل بقى يا صلاح بس في النهاية والمختصر المفيد للكلام

إن الواقع بيفرض نفسه علينا دلوقتي وعايزين نقلد حركات الافلام ف الوقت ده

يعني محدش هيقلد حليمو ف مكالمة ولا حد هيحب بطريقة لبنى ف تمثيلها

وشوف بقى افلامنا في الوقت ده والحضارة والسي يو والسي فود والسي دي

هههاي احسن حاجة ان كل واحد يحب بطريقته وبقلبه وميقلدش حد

تسلم بجد يا حودة موضوعك شدني وعجبني المرح وخفة دمك في الموضوع

أسلوبك جميل جدا يا حودة أي لف يو ههههاي

احترامي بقى