النهاية / اخــر حلقات the guide مع مراقب اليوميات

[phalsteen]

مســـــــاء الخير واهلا بكم فـــــ the guide كان قد سبق وأعلنت عن ختام تواجدي في اليوميات بنزول 3 حلقات من برامجي هنا اخر حلقات اذاعه حب وقد تم والحلقه الخاصه الاولي من ذا جايد مع ساحر الاحزان والان النهــــــايه اخر الحلقات مع مراقب القسم للعلم الحلقه 3 اجزاء الجزء الاول تم ارساله لـ ا/ مورشو دون اخباره باسم العضو الجزء التاني / تم اخباره ووافق علي استقبال اسئله نفرتيتي كعضوه وليس كمقدمه البرنامج الجزء الثالث / اسئله ا/ مورشو بــــــكل الاحترام والتقدير لصاحب التواجد والاشراق المميز اتشرف بختام تـــــواجدي في اليوميات باستضافه مراقب اليــــوميات morshooo مراقب منتديات الاعضاء اهلا بيك فـــthe guide اهلا بيكى وسعيد بوجودى فى التوبيك ياتري حضرتك كنت متوقع ان حد من الاعضاء يدك اللقب دا ؟ يمكن اول حلقه ماتبعتهاش بصراحه حتى لما سما بعتتلى مكنتش اعرف نظام التوبيك وعرفت ان فى حلقه نزلت منه فمكنتش متوقع الصراحه لكن اكيد سعيد جدا باللقب البرنامج الغرض الاساسي منه عرض روح التعاون والمساعده بين الاعضاء ياتري حضرتك الي اي مدي بتحاول تساعد الاعضاء ؟ والله لو هقدر اساعد حد اكيد بساعده سواء فى اليوميات او المنتدى عموما بغض النظر عن شغل المراقب وانى اعتمد مواضيع واشوف الشكاوى لكن لو حد طلب مساعدة بحاول اساعد مقدرتش بقول انا مش هقدر وادله على حد يقدر يفيد العضو عنى . عند حضرتك تخمين للاسم اللي اداك اللقب ؟ بصراحه مش عارف بس حاسس انها عضوة مش قديمه فى المنتدى واكيد من متابعى اليوميات وحاسس كدا انى مبهدلها فى توبيك ( مورشو وصفحات الاعضاء ) انفراد حضرتك بالعمل في قسم واحد بس وهو اليوميات وقله التعامل مع اي قسم اخر في المنتدي هو السبب في بصمتك في اليوميات ؟ اليوميات الحمد لله شغال فيه كويس جدا ونجاح اليوميات مش من ( مورشو ) بالعكس من اعضاء المنتدى يعنى هستفيد ايه لما انزل مواضيع ومحدش يدخلها المهم ان يكون فى اعضاء مهتمين باليوميات والحمد لله الدليل اى عضو بينزل توبيك بيلاقى اعضاء ترد عليه ودا بيدل ان القسم ناجح باعضائه . باقى الاقسام انا فعلا مقصر فيها لكن انا مبحبش ادخل قسم واسيب رد لمجرد انى ازود مشاركات المنتدى فيه اقسام كتير بس الطبيعى ان فى اعضاء كتير بتهتم بقسمين تلاته لان بتلاقى فيهم الى عايزينه انا وجودى فى المنتدى يمكن اليوميات وشويه النقاش لما احب انزل حاجا . تفتكر علاقتك بالاعضاء ومساعدتك ليهم وانت كمشرف سابقا اختلفت بعد وجودك كمراقب ؟ معتقدش الحمد لله علاقتى بالاعضاء كويسه جدا وسواء كنت مراقب او مشرف او عضو معتقدش ان فى حد فى المنتدى حد هيطلب منه مساعده ويقوله لا حتى لو الاتنين على خلاف الجـــــــــــــــزء التاني في اجابه حضرتك الاولي قبل معرفتك بالضيف قولت انها مش عضوة قديمه هي اللي ادتك اللقب ياتري ايه السبب في كدة ؟ كنت حاسس انها عضوة يعنى مش من المشرفين او حد واخد منصب فى الادارة وقولت اكيد دى عضوة مهتمه باليوميات وبتدخل وبتابع ايه موقفك بعد ما عرفت اسم العضو ؟ مكنتش متوقع بصراحه التلميحات الجنسية والاسئله اللي تتصنف انها غير لائقه اخلاقيـــا اسلوب من اساليب الدعايه وجذب الاعضاء للمتابعه ولا كالعادة هتقول لو كانت كدة ماكونتش عملتها ؟ لو نوعيه الاسئله دى بتجزب الاعضاء يبقى انا صح وبخصوص توبيك ( ما لم تتوقعه ) لسه الحلقات الجايه هيكون فيها اعترافات واسئله محدش متوقعها والا حد هيكون عنده الجرائه انه يسئلها واى عضو من حقه يوافق او يرفض التواجد فى التوبيك . الجـــــرأة عموما ليها حدود خصوصا ان المكان فيه مختلف الاعمار ياتري الي اي مدي ممكن تحط لنفسك حدود للاستضافات وما تتضمنه عموما ؟ ماهو لو هنمشيها المنتدى فيه اعمار يبقى نلغى قسم ( الحياة الزوجيه ) لان فيه مواضيع بتكلم عن الزوج والزوجه والعلاقه الى بينهم مجرد دخول بنت او ولد لمنتدى وانه بيستخدم النت عموما يبقى معرض انه يشوف ويقرأ اى حاجا واحنا دلوقتى فى 2014 يعنى مبقاش فى حد مش عارف حاجا خاصه مع انتشار القنوات الفضائيه الى بنشوفها عموما . اكيد انا ضد اى سلوك مش محترم فى المنتدى لكن لمجرد سؤال او اتنين فى توبيك يبقى نقول انها قله ادب اكيد لا . خاصه اننا مش ملائكه قــــوانين قسمك عموما متضمنه شرط اساسي بعدم اداراج مواضيع او ردود خادشه للحياء تفتكر مواضيع حضرتك مينطبقش عليها البند دا ولا القوانين لاعضاء القسم مش مشرفينه ؟ شوفى القوانين كويس وانتى تجوبى على السؤال دا عدم إدراج مواضيع أو ردود تشتمل على كلمات خادشة للحياء طب ما حضرتك تشوف السؤال كويس وانت متسألنيش القانون اللي كتبته مفهوش اي زيادة عن السؤال معتقدش انى لما اسئل عضو انتا شوفت قبل كدا ( افلام جنسيه ) كدا انا بخدش الحياء . امال دا تسميه ايه حضرتك ؟ ( انا شايف ان فى فرق كبير ) احنا بس فى عيب فينا ممكن يكون توبيك كويس وناجح والاعضاء مهتمه بيه ولمجرد ان فيه سؤال واحد غريب علينا ندخل نقول شوفو قله الادب او شوفو بيسئل بيقول ايه الى حابب يقيم توبيك يقيمه كتوبيك كامل مش يقيم سؤال او اتنين فى وسط 10 اسئله عموما الاجابة دي مش اجابه سؤالي انا بسأل بمعني لو عضو هو اللي قام بنوعيه الاسئله دي هل حضرتك كمشرف للقسم هتسبها علي اعتبار ان دي قناعه شخصيه ووجهه نظر ؟ مفيش حاجا اسمها قناعه شخصيه انا مش شارى القسم لحسابى فى قوانين للقسم وفى ادارة لو شافت فى حاجا غلط اكيد بتقول ان فى غلط حتى لو لمراقب او مشرف او عضو عادى بمناسبة النجاح علي اي قوانين حضرتك بتقيس نجاح البرامج عموما ؟ اى توبيك بيتعرف هو ناجح والا لا من خلال اهتمام الاعضاء بيه والحمد لله فى برامج كتير ناجحه فى اليوميات سواء لمورشو او غير مورشو ودا سبب نجاح اليوميات ان الاعضاء مهتمه بالتواجد فيه . تفتكر ان مشرف القسم يمتلك الرؤية الخاصه بمعني هل يمتلك المشرف منظور خاص للحكم والتحديد علي اعتبارات هو وحده من يحددها ؟ اكيد مشرف القسم بيكون ليه طريقه معينه عشان يدير بيها القسم ودا بيبان بعد كدا ياترى هو ناجح هو والقسم والا لا كتير شوفنا اعضاء مميزين لكن لما ماسكو اقسام مانجحوش فى الاشراف ودا طبيعى ان كل مشرف لازم يفرض شخصيته على القسم علي اي تاريخ تم تحديد فترة تواجد نفرتيتي في اليوميات 3 او 4 اسابيع ؟ انتى نفسك لسه قايله انا موجودة من فترة يجى 3 اسابيع يعنى مغلطش لما قولت الكلام دا انتى كنتى غايبه بقالك فترة كبيره ورجعتى من تقريبا شهر والا حاجا كعضوة نشيطه فى القسم متي سنجد ترحيب ومساعده من حضرتك لرواد القسم اللي بيستمروا وتفادي حكاوي احباط الاستمرار وقتل الروح المعنوية لعدم الوصول للمقارنه الشخصية ؟ الى يشوف انى بعمل احباط للاعضاء معنديش مشكله والا هدخل فى انا عملت ايه ومين قال كدا لسبب بسيط انى مش فى دماغى انى احبط حد فى اليوميات مهما كان هو مين حكايه عدم الوصول لمقارنه مش انا الى هقول الكلام دا والا انا هحط فى دماغى مقارنه مع عضو بالعكس الاعضاء هى الى بتقارن وبتحدد زى ما حصل معاكى فى استضافه مع طارق وهو قالك حاجا زى كدا وانتى زعلتى مع ان التوبيك لا كان فى اليوميات والا كنت انا الضيف . الي حد كبير ممكن الارادة والعناد وكمان التحدي يكون حافز يؤثر في تواجد العضو ودا السبب ورا اختيار حضرتك حاليا للبرنامج يمكن ايام تواجدك كمشرف وفي بدايه دخولي عموما كان اسلوب التعامل ارقي من كدة بخطوات لكن برضو منكرش ان محاولاتك لاحباط واثبات فشلي كان دافع قوي للاستمرار والتواجد في القسم ماهو المفروض ماتخديش الى حصل بينا وتعمميه مع الكل هاتيلى اى عضو يقول انى احبطه وحسيسته انه فاشل اتحداكى لو جبتيلى عضو حصل معاه كدا فطبيعى لما اكون انا صاحب توبيك اكلم بلسان الاعضاء مع الضيف ماكلمش عن موقف حصل معايا واعممه كانه حصل مع كل الاعضاء . عموما : انا مبحبش الاعضاء الى دماغها صغيرة يعنى لو حصل خلاف بينى وبين مشرف قسم اقول مش هدخل القسم تانى وانقل مواضيعى القسم مش بتاع مشرف والا عضو اقسام المنتدى لجميع الاعضاء الـــــــــــجزء الاخير الاسئــــــــله من ا/ احمد Nefertiti سيدة مصر الأولي ليه تم اختيارى فى ( the guide ) ؟ لسببين 1/ زي ما قولت في اسئلتي ان الحافز ممكن يكون سلبي زي ما بيكون ايجابي يعني العند بيعمل عندي مفعول ايجابي مش بيأثر سلبي من روح الاحباط ممكن استمر علشان اثبت العكس ودا لحد كبير كان لحضرتك دور كبير في استمراري في اليوميات لحد دلوقتي 2/ اسلوب دعايه غير التلميحات الجنسيه اللي حضرتك بتتبعها يعني لما اخر حلقه تكون مع حضرتك وكمان برنامج ذا جايد اكيد اسلوب جذب ودعايه اختم بيه وجودي في قسم حضرتك وبعدين هاتلي عضو في قسمك حضرتك ليه برامج شغاله دايما وباستمرار غيري وانا الغي الحلقه واعمله معاكوا البرنامج من جديد انتى بتقولى انك بعتى لناس ومحدش اختار اليوميات ؟ ومجبتيش سيرة اعضاء الا محمود الصاروخ وحلم عمرى ؟ تفتكرى حد فيهم كان هيختار اليوميات اساسا ؟ والله انا مش الادارة ولا انيش صاحبه منصب زي ما قولت برضو حضرتك يبقي في حدود اغلب الاعضاء اللي اعرفهم واللي لاحظت تكريم الادارة لهم بتميزهم بعت وماكنتش حلم عمري ولا محمود الصاروخ بس كان في انا دنيته وهو حياتي وكمان براءة طفله وشاعر الحب الحزين اسراء وريم وسحر ودقه قلب واعضاء بالاخضر قالوا انهم لسه متعاملوش مع حد اوي في عموما مش متذكرة وماكنتش مقصودة يعني انا احب اظهر عداوة ولا خلاف ولا حتي ان اليوميات محدش بيجيب سيرتها ودليل علي حسن النيه برضو اصلي طبيعي متوقعه ان الكلام هيتحور بمليون طريق انا لما بعت لسحر مشرفه عالم الرجل ماكنتش فاهمه البرنامج فقالت كل الاقسام اللي بتدخلها وقالت اليوميات فقولتها تمام اختاري قسم واحد وواحد منه تديله اللقب قالت السوتش وملك جبال الاحزان وكمان قالت سبيني للاخر لاني هستني محمود وهستناه علي ما يدخل واخليه يجاوب وماكنش ينفع ابعت لحضرتك اقولك قولي مين عندك في القسم لانه لو ماكنش اختارك ماكنتش هتبقي كويسه ولو كان اختارك ماكنش هينفهع كطبيعه البرنامج يبقي فين الجرم اللي عملته هنا ؟ مش غريبه لما يكون ليكى خلافات مع ( ساد ايز و بيك بوص وساحر الاحزان وحودة ومورشو ) ؟ ياترى كل الخلافات دى كنتى مظلومه فيهم ؟ معلومات حضرتك غلط معنديش خلافات مع حد غير اخر اسمين بس ومحبش اقول ولا يتقال عني مظلومه لاني مبحبش الكلمه دي بس مغلطتش ولا هنت حد ولا كمان هسامح لو ليا حق عند حد ربنا يجبلهم حقهم مني ويجبلي حقي لو ليا حق عندهم سواء في الدنيا او الاخرة ان شاء الله اذاى تعملى توبيك مصالحه وانتى اول واحده رفضى المصالحه ورجعتى تقولى انا فشلت مش المفروض الى يعمل خطوة زى دى يكون هو اول واحد مسامح ؟ مبعرفش اسامح بس علي الاقل بحاول اغير من عيبي دا وعلشان كدة حاولت اهو بس لاقيت انه هيكون نفاق اني اضحك علي نفسي او اغصبها علي حاجه وكمان مبعرفش انسي حقي والموضوع كان محاوله ومفشلتش اوي لان كان ليها نتائج كويسه الي حد كبير بدليل اني اتسألت السؤال ا اكتر من مرة انتى بتكلمينى عن التلميحات الجنسيه فى المواضيع افهم من كلامك ان الاعضاء الى وافقو يكونو فى ( ما لم تتوقعه ) اعضاء مش كويسين ؟ لا طبعا متفهمش كدة ايه علاقه خلافي مع الاسئله باللي جاوب اجابه فعلا مناسبه ومتنساش اني سألت حضرتك عن وقت القسم قولت انه قبل عرض الاسئله ما طبيعي العضو ماكنش متوقع الاسئله دي وهضيطر يجاوب انا اعتراضي ان الكلام دا مش مكانه اليوميات عموما وبرضو لو كان كدة هتقبله من عضو ولا مواضيع العضو غير المراقب وخصوصا ان القوانين القسم بتقول لا يحتوي الموضوع ولا الرد علي كلمات خادشه للحياء هنا بئه هنقرر اللي حضرتك تشوفه خادش ومش مناسب ولا اللي الناس تشوفه ؟ اذاى لما يكون فى رساله خاصه بينك وبين عضو تنزلى الرساله لكل الاعضاء ودا حصل منك مرتين ؟ مره طلبتى ان التوبيك يتحزف والمره الثانيه دلوقتى ؟ لما قولتى انك بعتى لحرف هجاء تشيل اسمى من التكريم رغم انى لا اختارت والا عملت التكريم ؟ انا معنديش اسرار ولا حاجه اخبيها ولا اخاف انزلها وكمان منزلتش حاجه وزعلت حد ماجد اللي حضرتك تقصده عاتبني وانا حبيت اوضحله انه مش استقصاد ليه ولا حاجه وكمان اقل حاجه اقدمها لانسان بالاخلاق دي بعت ووضح وقالي وانا ولا كان في بالي اني اعتذرله ادام كل الاعضاء حتي لو مكنش في اي غلط مني والحمد لله وكمان لما الموضوع خلص طلبت حذفه محش كان ضدي ولا حاجه انا مغلطتش في حد والجزء التاني انا مكدبتش دي الحقيقه انا مقولتش شيلي الاسم لانها حاجه متخصنيش انا قولت مش هقبل تكريم ليا موجود عليه اسم مراقب اليوميات فلما قالت ان حضرتك مخترتش ولا تعرف فكان من باب العدل وتقديري لنفسي اني اقبله من اللي عمله بس علشان كدة لما اتشال قبلته ودخلت رديت عليه وبشكر اسيل جدا علي تقديرها لاسمي انتى بتقولى انك مش محتاجه تكريم منى ودا حقك لكن ايه حكايه انك ترفضى تكريم الادارة ليكى وتم رفض الطلب ووافقتى ؟ مين قال اني وافقت ؟ لو حضرتك تابعت حلقه امجد هتعرف اني مقبلتوش وبعدين حضرتك معلمتش ليا تكريم التكريم كان من اسيل وحضرتك زي ما قولت ماكنش ليك دور في دا وزي ما دي حريتي دي برضو حريتي متزعلش حد شاكرة قبولك الدعوة ا/ مورشو جزاك الله خيرا وتمنايتي بالتوفيق والابداع واكيد يسعدني قبول حضرتك هدية البرنامج ودي لشخصك انا هقبله ومش هعمل زيك على فكره شاكرة يا فندم وبكدة انتهي وجودي وعــــــــذرا لان اتمكن من متابعه الحلقه ولا التعليق علي الردود وفي النهاية اتمنى حقا ان اكون قد وفقت في ما تم من فكري وقلمي هنا وان كنت وفقت فهذا بفضل من الله وان اخفقت فمن منا معصوم لكم مني اصدق التحيايا والتقدير فـــ رعاية الله

[العاشق الذى لم يتب]

قرأت وبتمعن
وتعبت من القراءة
وكل ماكان منك لمرشو جميلا
وكل ماكان من مرشولك جميل
ولكن ايه حكاية انك مش هتلحى تشوفى الردود
هو انت مسافرة كمان ولاايه
اتمنى اكون فهمت غلط
كما اتمنى لك كل التوفيق والسعادة اختى سما
شكرمرشو منورالبرنامج
تحياتى وودى

[حَرفُُ هجآءّ]

بصرف النظر عن اى كلام هقوله
الحلقة جميله اووى ياسما
ومورشووو من انشط الاعضاء فى المنتدى وبصمته فى اليوميات مش محتاجه كلام
وشهادتى فيه مجروحه

وانتى بصراحه عندك موهبه جميله اوى وابداع
وفعلا اشتغلتى على اليومييات بشكل رائع


نيجى بئا للسؤال ده

اقتباس اذاى لما يكون فى رساله خاصه بينك وبين عضو تنزلى الرساله لكل الاعضاء ودا حصل منك مرتين ؟ مره طلبتى ان التوبيك يتحزف والمره الثانيه دلوقتى ؟ لما قولتى انك بعتى لحرف هجاء تشيل اسمى من التكريم رغم انى لا اختارت والا عملت التكريم ؟ انا معنديش اسرار ولا حاجه اخبيها ولا اخاف انزلها وكمان منزلتش حاجه وزعلت حد ماجد اللي حضرتك تقصده عاتبني وانا حبيت اوضحله انه مش استقصاد ليه ولا حاجه وكمان اقل حاجه اقدمها لانسان بالاخلاق دي بعت ووضح وقالي وانا ولا كان في بالي اني اعتذرله ادام كل الاعضاء حتي لو مكنش في اي غلط مني والحمد لله وكمان لما الموضوع خلص طلبت حذفه محش كان ضدي ولا حاجه انا مغلطتش في حد والجزء التاني انا مكدبتش دي الحقيقه انا مقولتش شيلي الاسم لانها حاجه متخصنيش انا قولت مش هقبل تكريم ليا موجود عليه اسم مراقب اليوميات فلما قالت ان حضرتك مخترتش ولا تعرف فكان من باب العدل وتقديري لنفسي اني اقبله من اللي عمله بس علشان كدة لما اتشال قبلته ودخلت رديت عليه وبشكر اسيل جدا علي تقديرها لاسمي

الجزئيه الاولى وهى موضوعك عن رساله ماجد
عن نفسى اضايقت جدا من طريقتك فى الرد على الرساله وهى عمل توبيك برساله ماجد
لاسباب منها ان المفروض دى رساله على الخاص بينى وبين عضو
فمن المفروض ومن تقديرى لصاحب الرساله الاول استأذنه فى انى هنزل رساله ع العام لانه ممكن يرفض وانتى بكده ممكن تحرجيه
تانى حاجه لما انتى تنزلى الرساله ومش كاتبه اسم صاحب الرساله تفتكرى ان مش هيتعرف مين هو العضو ده ؟ ولتانى مره بردوا فيها احراج


اما عن جزئيتى
هااااااااااااااااااااا
المفروض ياسما انك لما تقولى لمراقب القسم اللى انا مشرفه عليه على رساله بينى وبينك
تستأذنى الاول فى انك هتقولى هو مش سر صح بس ده المفروض لاتباع الذوقيات بنا
انى اعرف لانى الطرف التانى
وبصراحه كده بالنسبالى ده نظام توقيع بينى وبين مورشووو انتى عملتيه وده شى برفضه على وجهه العموم

اما لو هتكلم فى اسم مورشووو على التكريم او لا
اولا انا حطيت اسمه لان دى شكليات للقسم ومش هتضايق مورشووو لو شلت الاسم وطبعا كنت متأكده مليون % انه مش هيزعل
وفى نفس الوقت مكنتش عايزه ازعلك ( لكن بجد انا اللى غلطانه )
وطبعا وقتها مش قولتله لانى عملت اعتبار للخلافات اللى كانت بينك وبينه ومكنتش عايزه ازود الخلافات خلاف جديد ( يعنى نيتى خير اوووى ليكى ولمورشووو )
لكن شوفى بئا لما لما تعملى حاجه لارضاء الجميع ومش بتوقعى ولا بتسخنى مشكله
ويتقابل بتوقيع وقله تقدير ليا

الف شكر سما
نورت مورشوووو الحلقة

صحيح نسيت
اياً كان اللى حصل وبيحصل وهيحصل
انا ومورشووو الحمد لله اكبر من اى كلام يعمل مشكله بنا

[phalsteen]

اقتباس المشاركة الأصلية كتبت بواسطة حَرفُُ هجآءّ بصرف النظر عن اى كلام هقوله الحلقة جميله اووى ياسما ومورشووو من انشط الاعضاء فى المنتدى وبصمته فى اليوميات مش محتاجه كلام وشهادتى فيه مجروحه وانتى بصراحه عندك موهبه جميله اوى وابداع وفعلا اشتغلتى على اليومييات بشكل رائع نيجى بئا للسؤال ده الجزئيه الاولى وهى موضوعك عن رساله ماجد عن نفسى اضايقت جدا من طريقتك فى الرد على الرساله وهى عمل توبيك برساله ماجد لاسباب منها ان المفروض دى رساله على الخاص بينى وبين عضو فمن المفروض ومن تقديرى لصاحب الرساله الاول استأذنه فى انى هنزل رساله ع العام لانه ممكن يرفض وانتى بكده ممكن تحرجيه تانى حاجه لما انتى تنزلى الرساله ومش كاتبه اسم صاحب الرساله تفتكرى ان مش هيتعرف مين هو العضو ده ؟ ولتانى مره بردوا فيها احراج اما عن جزئيتى هااااااااااااااااااااا المفروض ياسما انك لما تقولى لمراقب القسم اللى انا مشرفه عليه على رساله بينى وبينك تستأذنى الاول فى انك هتقولى هو مش سر صح بس ده المفروض لاتباع الذوقيات بنا انى اعرف لانى الطرف التانى وبصراحه كده بالنسبالى ده نظام توقيع بينى وبين مورشووو انتى عملتيه وده شى برفضه على وجهه العموم اما لو هتكلم فى اسم مورشووو على التكريم او لا اولا انا حطيت اسمه لان دى شكليات للقسم ومش هتضايق مورشووو لو شلت الاسم وطبعا كنت متأكده مليون % انه مش هيزعل وفى نفس الوقت مكنتش عايزه ازعلك ( لكن بجد انا اللى غلطانه ) وطبعا وقتها مش قولتله لانى عملت اعتبار للخلافات اللى كانت بينك وبينه ومكنتش عايزه ازود الخلافات خلاف جديد ( يعنى نيتى خير اوووى ليكى ولمورشووو ) لكن شوفى بئا لما لما تعملى حاجه لارضاء الجميع ومش بتوقعى ولا بتسخنى مشكله ويتقابل بتوقيع وقله تقدير ليا الف شكر سما نورت مورشوووو الحلقة صحيح نسيت اياً كان اللى حصل وبيحصل وهيحصل انا ومورشووو الحمد لله اكبر من اى كلام يعمل مشكله بنا

انا هنا هعلق علي كذا نقطه

الظاهر انك مش واخده بالك
انها مش رساله دا موقف ومعمم بالنسبه ليا خصوصا بعد رفضي تكريم الادارة لنفس السبب
وبعدين انا عارفه الذوقيات كويس اوي
لاني لا صغيره ولا محتاجه اتعلمه من حد
وبصرف النظر عن الكلمه
النقطه المهمه هنا
استأذن دي لو رساله خاصه او شهاده او حتي كلام بيني وبينك
لكن دا كان حاجه مهمه اوي واتعدلت ونزلت ادام كل الناس
ولو كانت خاصه او متفعش لا انا كنت هقبلها ولا حضرتك كنتي هتعمليها

نيجيي بئه للكلمه الصعبه دي
بتاعته توقيع

عموما معنديش كلام اقدر اقوله ع النقطه دي
غيرانا انقي بكتير اوي من كدة


وبخصوص موضوع ماجد
فدي انا بس طرف فيه
وبدل حاجة تخصني
يبقي اسفه مش هسمح اناقشها مع اي طرف

[phalsteen]

اقتباس المشاركة الأصلية كتبت بواسطة العاشق الذى لم يتب قرأت وبتمعن وتعبت من القراءة وكل ماكان منك لمرشو جميلا وكل ماكان من مرشولك جميل ولكن ايه حكاية انك مش هتلحى تشوفى الردود هو انت مسافرة كمان ولاايه اتمنى اكون فهمت غلط كما اتمنى لك كل التوفيق والسعادة اختى سما شكرمرشو منورالبرنامج تحياتى وودى

الله يكرمك يا رفعت
لا انا موجودة اهو
لو في اي اسئله او حتي استفسار
مفيش مشاكل هقبله
منور اخي الفاضل

[phalsteen]

بالمناسبه وبرضو لكل الناس اللي هتدخل التوبيك وتشوف الكلام دا

انا مروحتش للمراقب وقولتله الحق اسيل شالت اسمك
انا لا قولت ولا اصلا كان في دماغي الحوار دا
لانه اتقفل من فترة

بس انا وحضرته لما كنا بنجهز الاسئله
كنت سامحه بالتعليقات
علشان منردش علي بعض هنا

وهناك

قال الكلام دا

اقتباس وتم تكريم الاعضاء المتواجدين فى القسم وانتى كنتى من ضمن الاعضاء الى اتكرمو بخصوص التكريم بالنسبالى انا قولت قبل كدا انى ضد تكريمات الاقسام للاعضاء ودا مالوش علاقه بتحفيز المشرف لاعضاء القسم .

فانا ساعتها حبيت اوضلحه اني ماكنتش عاوزه منه تكريم
ولا اصلا تكريمه كنت هقبله
فعلشان كدة جات سيرة اسيل
يعني ورحمه امي ما كان توقيع ولا اي تهم من دي

لا منا مش محتاجه تحفيز
الحمد لله انا مبحبش العوامل المساعده
بس للعلم بشئ بس
لما نزل التكريم اللي ماكنش فيه غيري
انا طلبت حذفه من اسيل
ولما قالت انها هي اللي عملته
فقولت اني مش هقبله طول ما اسم حضرتك في الموضوع
ولما المشرفه حذفت الاسم
قبلته ورديت


الكلام دا والردود دي في الملاحظات بتاعتي
وتاريخها عليها
يعني مبكدبش ولا حاجة

[حَرفُُ هجآءّ]

اقتباس المشاركة الأصلية كتبت بواسطة nefertiti انا هنا هعلق علي كذا نقطه الظاهر انك مش واخده بالك انها مش رساله دا موقف ومعمم بالنسبه ليا خصوصا بعد رفضي تكريم الادارة لنفس السبب وبعدين انا عارفه الذوقيات كويس اوي لاني لا صغيره ولا محتاجه اتعلمه من حد وبصرف النظر عن الكلمه النقطه المهمه هنا استأذن دي لو رساله خاصه او شهاده او حتي كلام بيني وبينك لكن دا كان حاجه مهمه اوي واتعدلت ونزلت ادام كل الناس ولو كانت خاصه او متفعش لا انا كنت هقبلها ولا حضرتك كنتي هتعمليها نيجيي بئه للكلمه الصعبه دي بتاعته توقيع عموما معنديش كلام اقدر اقوله ع النقطه دي غيرانا انقي بكتير اوي من كدة وبخصوص موضوع ماجد فدي انا بس طرف فيه وبدل حاجة تخصني يبقي اسفه مش هسمح اناقشها مع اي طرف

ياستاذه سما
كانت فى بنا رسايل خاصه على الموضوع ده وكلامك معايا مكنش على العام
يبئا المفروض ما هو على الخاص يفضل خاص لحد ما الطرفين يكونوا موفقين بنزوله على العام اما لو كنتى بئا اتكلمتى معايا على العام فى قبول التكريم من عدمه عادى مش هتكلم

وبالنسبه لتعديل التكريم فانا اللى عدلتله ومحدش عارف انى عدلته ليه عشان تقولى كان ادام الناس الناس مش عارفه سبب التعديل

اقتباس نيجيي بئه للكلمه الصعبه دي بتاعته توقيع عموما معنديش كلام اقدر اقوله ع النقطه دي غيرانا انقي بكتير اوي من كدة

هو انتى لما تقولى لمراقب القسم اللى انا معاه على نفس القسم كلامك بينى وبينك ممكن يزعله منى يبئا ده اسمه ايه ؟

اقتباس وبخصوص موضوع ماجد فدي انا بس طرف فيه وبدل حاجة تخصني يبقي اسفه مش هسمح اناقشها مع اي طرف

تمام ادام هو موضوع يخصك ومش مسموح فيه بالنقاش ليه عملتى به موضوع مسموح فيه لرد الاعضاء فيه ؟
وليه جاوبتى على سؤال مورشووو فى الحلقه ماهو موضوع خاص بئا ولا هو مسموح لاعضاء واعضاء لا ؟

وعلى فكره اصلا التوبيك بتاع ماجد لو كنت شوفته قبل نزوله مكنتش اعتمدته
لكن دخلت بعد ما اتحذف

[حَرفُُ هجآءّ]

اقتباس المشاركة الأصلية كتبت بواسطة nefertiti بالمناسبه وبرضو لكل الناس اللي هتدخل التوبيك وتشوف الكلام دا انا مروحتش للمراقب وقولتله الحق اسيل شالت اسمك انا لا قولت ولا اصلا كان في دماغي الحوار دا لانه اتقفل من فترة بس انا وحضرته لما كنا بنجهز الاسئله كنت سامحه بالتعليقات علشان منردش علي بعض هنا وهناك قال الكلام دا فانا ساعتها حبيت اوضلحه اني ماكنتش عاوزه منه تكريم ولا اصلا تكريمه كنت هقبله فعلشان كدة جات سيرة اسيل يعني ورحمه امي ما كان توقيع ولا اي تهم من دي لا منا مش محتاجه تحفيز الحمد لله انا مبحبش العوامل المساعده بس للعلم بشئ بس لما نزل التكريم اللي ماكنش فيه غيري انا طلبت حذفه من اسيل ولما قالت انها هي اللي عملته فقولت اني مش هقبله طول ما اسم حضرتك في الموضوع ولما المشرفه حذفت الاسم قبلته ورديت الكلام دا والردود دي في الملاحظات بتاعتي وتاريخها عليها يعني مبكدبش ولا حاجة

مجرد ذكرك لرساله خاصه بنا قولتيله شىء يخصنى زى ما يخصك

[phalsteen]

ا/ النقطه الاولي

انا طلبت الحذف بصفه رسميه مش شخصيه ودي تفرق
يعني ماكنش مطلوب مني ادخل في التوبيك نفسه
واقول احذفوه
لا انا طلبت منك حذفه كمشرف القسم وكصاحبه التوبيك
وبعدين اتحول عام لما اتعدل زي ما طلبت ونزل
هنا بئه مبقتش خاص
لاني لما طلبت الغاء تكريمي من الادارة برضو
مكتبتش في التوبيك ولا دخلته
ومع ذلك المراقب سأل اهو
والسؤال كان قبل حلقه امجد
يعني كانت الاعضاء كلها هتعرف
وانا النقطه عندي واحده

النقطه التانية

والله حضرتك لسه قايله ان انتوا اكبر من كده
وبدال هو اللي بدأ وقال انه مبيحبش التكريمات
ولا كان ليه دور
فيبقي طبيعي ارد وادافع عن نفسي

النقطه التالته

بخصوص موضوع ماجد

الادارة اللي وافقت عليه
وكمان مش ذنبي ان مشرفين القسم ماكنوش موجودين
وعموما حتي لو كان اتحذف ماكنتش هعيط

[حَرفُُ هجآءّ]

اقتباس المشاركة الأصلية كتبت بواسطة nefertiti ا/ النقطه الاولي انا طلبت الحذف بصفه رسميه مش شخصيه ودي تفرق يعني ماكنش مطلوب مني ادخل في التوبيك نفسه واقول احذفوه لا انا طلبت منك حذفه كمشرف القسم وكصاحبه التوبيك وبعدين اتحول عام لما اتعدل زي ما طلبت ونزل هنا بئه مبقتش خاص لاني لما طلبت الغاء تكريمي من الادارة برضو مكتبتش في التوبيك ولا دخلته ومع ذلك المراقب سأل اهو والسؤال كان قبل حلقه امجد يعني كانت الاعضاء كلها هتعرف وانا النقطه عندي واحده النقطه التانية والله حضرتك لسه قايله ان انتوا اكبر من كده وبدال هو اللي بدأ وقال انه مبيحبش التكريمات ولا كان ليه دور فيبقي طبيعي ارد وادافع عن نفسي النقطه التالته بخصوص موضوع ماجد الادارة اللي وافقت عليه وكمان مش ذنبي ان مشرفين القسم ماكنوش موجودين وعموما حتي لو كان اتحذف ماكنتش هعيط

اياً كانت الصفه اللى طلبتى بيها
كلامك معايا كان على الخاص واقدر اجبلك الرسايل الخاصه هنا
بس انا مش كده
وعادى لوكنتى طلبتى على العام او فى الزوار



حبيبتى ردى ودافعى برحتك لكن تجيب سيرتى لالالالا



لكن واضح ياسما اسلوبك فى نقل الخاص على العام هيعمل مشاكل ملهاش لازمه
فبلاش او تستأذنى الطرف التانى