بطاطس فرسكس

[Words Whisper]

>> السلام عليكم <<





أنا بحب الفرسكس وأكيد ف ناس كتير بتحبها
واللي مش يعرفها يجربها
هقولكم بئا بتتعمل ازاي زي مابعملها ..





هنحتاج //

• بطاطس طبعا ..
• دقيق ..
• بيكنج باودر ..
• ملح ..
• فلفل أسود ..
• فلفل أحمر ( شطة ) حسب الرغبة ..
• بصلة ..
• فلفلة رومي ..

مبدئيا البطاطس ممكن تتسلق أو تتقلى الأول وممكن زي ماهي
أحلى حاجة انها تتعمل بدون تسوية مبدئية ( نيه )
تقطيعها يكون مش صوابع سميكة عشان تستوي ولا رقيقة أوي عشان مش تنشف
يعني زي مابنقطع البطاطس صوابع بشكل عادي ..


هنجيب الخلاط
يتحط فيه بصلة متقطعة أرباع و فلفلة رومي وشوي ميه قليلين
ويتحط بهار ملح وفلفل أسود وفلفل أحمر -للي بيحبه-
ونشغل الخلاط وطبعا لازم نحط الغطا عشان الخلطة مش تطلع برا
والخلاط شغال بعد البصلة ماتتفرم نفتح الفتحة اللي بتكون في الغطا دي ونحط معلقة صغيرة بيكنج
وبعدين نضيف الدقيق بالتدريج لحد ماتتكون خلطة [ شبه متماسكة ]
يعني لاتكون عجينية أوي زي بتاع المعجنات ولا انها سائلة
غالبا 5 ملاعق دقيق كفاية لو مش كترتم ميه ..
نصب الخلطة بئا في أي وعاء عميق ونحط فيها صوابع البطاطس
نسيبهم شويه لو عندنا وقت ، لو مستعجلين خلاص نسخن الزيت ونبدأ نقلي
البطاطس وهي بتتحط ، تتحط صباع صباع عشان مش تلزق في بعض
والنار بتكون عالية عادي و بتستوي مش تقلقوا ..
اللي عايزه تضيف بئا طعم لها زي الشيبسي ، فيه بهارات شيبسي عند العطارين ( جبنة - شطة وليمون - كاري ... الخ )
هاتوا النكهة اللي بتحبوها وبعد ماتطلع من الزيت وهي سخنة تتحط عليها ..





جربوها ولو حاجة مش واضحة اسألوا ..





الموضوع مش منقول على فكرة ..
دمتم بخير ..

[-esraa-]

شكلها يشجع أنك تاكليها : )))
كان في طريقة تقريباََ نفسها بس مع الهوت دوج وطعمها كان جميل
هبقى أجربها بقى ^^
تسلمي د. أسما ^^

[تيتشر نفشه ツ]

تعرفي كويس اني اتعلمت طريقتها علشان انا بحب البطاطس جدا وبحب ابدع فيه
وفي طريقه كمان ياسمسم حلوه جدا بعملها كتير
اسمها الويدجس
بتغسلي البطاطس كويس جدااااااا جدااا
بتقطعي البطاطس اصابع ضخمه جدا من غير ماتقشريها .. خليها كبيره عشان ماتتهريش
وتبعدين بتسلقيها نصف سلق
اوعي تخليها كتير في الميه ، يعني تخليها بتتسلق 13 دقيقه او 10 حتى

وبعدين تطلعيها وتقليها
وبالهنا والشفا طعمها تحفه
وعلفكره كليها بقشرها مش تقلقي لانك هتكوني منضفاها كويس اوريدي

هبقى اجرب الفريسكس واقولك ..
تسلمي

[العاشق الذى لم يتب]

وصفة حلوة وشهية
يسلمو

[Words Whisper]

اقتباس المشاركة الأصلية كتبت بواسطة -esraa- شكلها يشجع أنك تاكليها : ))) كان في طريقة تقريباََ نفسها بس مع الهوت دوج وطعمها كان جميل هبقى أجربها بقى ^^ تسلمي د. أسما ^^

آه ممكن بردو تتعمل نفس الخلطة للهوت دوج وممكن تعمليها بردو للدجاج بس تتقلي الدقيق أكتر ..
منورة ..

اقتباس المشاركة الأصلية كتبت بواسطة تيتشر نفشه ツ تعرفي كويس اني اتعلمت طريقتها علشان انا بحب البطاطس جدا وبحب ابدع فيه وفي طريقه كمان ياسمسم حلوه جدا بعملها كتير اسمها الويدجس بتغسلي البطاطس كويس جدااااااا جدااا بتقطعي البطاطس اصابع ضخمه جدا من غير ماتقشريها .. خليها كبيره عشان ماتتهريش وتبعدين بتسلقيها نصف سلق اوعي تخليها كتير في الميه ، يعني تخليها بتتسلق 13 دقيقه او 10 حتى وبعدين تطلعيها وتقليها وبالهنا والشفا طعمها تحفه وعلفكره كليها بقشرها مش تقلقي لانك هتكوني منضفاها كويس اوريدي هبقى اجرب الفريسكس واقولك .. تسلمي

آه عارفاها وبقشرها بعد ماتتسلق بس مش بحبها أوى
وممكن على فكرة وانتِ جايه تعملي الفرسكيس
تسلقي البطاطس صوابع الأول نص سوا
بس أنا جربت فيها السلق و القلي و انها تتعمل نية طلع أحلى حاجة النية ..
نورتِ حبيبتي :*

اقتباس المشاركة الأصلية كتبت بواسطة العاشق الذى لم يتب وصفة حلوة وشهية يسلمو

نورت حضرتك ..

[أمير المصرى]

تسلمى ياقمر

لازم اجربها

[Words Whisper]

اقتباس المشاركة الأصلية كتبت بواسطة أمير المصرى تسلمى ياقمر لازم اجربها

هلا بحضرتك
واسمي أسماء مش قمر ..


نورت حضرتك ..