حلقة جديدة من ( أجمد عضو ) مع ( روووكه )

[morshooo]

بسم الله الرحمن الرحيم

اهلا بيكم جميعا

وحلقه جديدة من

( اجمد عضو )




النهاردة معايا ضيفه مميزة جدا

تم نقلها الفترة الاخيرة للاشراف

على قسم

( صفحات مكشوفه )

بعد نقلها من الاشراف على قسم

( الخوأطر )

معانا الشيف العالمى /

روووكه





تعالو نشوف ياترى قالت ايه :




س / فى البدايه اهلا بيكى فى ( اجمد عضو ) ؟

آهلا بيك أحمد ومبارك عليك حوده القمر

ربنا يخليه لك ويحفظه يآآرب

س / الف مبروك الاشراف على الصفحات ؟

الله يبارك فيك تسلم يآآرب

س / قبل ما نكلم عن حاجا عايز اعرف منك ايه رئيك فى
( صفحات الاعضاء ) ؟

بلاَ أستثناء ممتازين جدآآآ

س / والقسم نفسه يعنى شايفا انه بيعبر عن الاعضاء
والا البعض بيروح لاستخدام القسم بشكل تانى ؟

آكيد بيعبر ع الآعضاء كل مدونه ليها طابع خاص بيعبر
عن شخصيه صاحبها فيه اللى طريقته عكس التعامل ف اى
موضوع عام ع المنتدى وفيه اللى طبعه واحد
يعنى تحس آن المدونه منزل خاااص جداآآ بالعضو

س / اية سبب نقلك من الخوأطر لصفحات مكشوفه ؟

حبيت أفتح صفحه جديده مع نفسى
ومع المنتدى عامتا

س / وهى صفحتك او تواجدك الماضى كان ايه مشكلتك مع الاعضاء ؟

الحمد لله عمرى ما كان ليا مشكله مع عضو يمكن آنا من النوع
الهادى جداا ف التعامل هنا رغم آنى عصبيه شويه لكن عمرى
ما زعلت حد منى وآن حصل بعتذر و
الحمد لله فيه تعاون بنا بدرجه كبيره يمكن لو سالتهم
هيقولو لك مقيمه 24 ساعه ف القسم ومعاهم
خلافى كان بسبب مجهودى ف القسم ومش لقيت آى تقدير
للتعب فيه علشان كده قررت آنى آبعد عن القسم
ومدخلتش فيه يمكن مره وحده بعد رجوعى للاشراف
علشان آشوف نتيجه مسابقه الحبيب كان وصانى آتابعها
وآنا قصرت معاه بصراحه ووضحت ليه آنى مش حابه ادخل
القسم بس
والحمد لله الامور هدئت وقدرت آنى أفتح صفحه جديده
بنفس الروح اللى بتعامل بيها مع الاعضاء

س / شايفا ان فى اى تشابه بين القسمين ؟

لا مختلفين تمامً عن بعض

س / انتى الى طلبتى انك تكونى مشرفه على الصفحات
والا تم ترشيحك من ( رودى ) ؟

كانت رغبه منى آنا وبصراحه رودى رحبت بيا
وطلبت النقل وتم برضآ المشرفين والحمد لله





س / طبعا بعد الخلاف الاخير الى حصل مع الادارة
وتم سحب الاشراف ثم العودة لما رجعتى انتى كنتى مقررة عدم
دخولك قسم الخواطر ؟

ده حقيقى آنا أخدت قرار آنى مدخلش القسم تانى حسيت
آنى غريبه عنو رغم حبى للقسم

س / طيب وايه سببك موافقتك بالعودة على قسم الخوأطر طالما
مكنتيش ناويه تدخلية ؟

روجوعى كان ع الآبدعات وسآلت طارق وبصراحه مش نكر آنه
فعلا عاوز ينقلنى الابدعات بس وصله آنى كنت ع خلاف مع
آبتسامه وف وقتها بعت لى آبتسامه ولقتها
مستغربه انى بقولها هو انتى زعلانه منى ف حاجه
ولله الحمد مفييش آى خلاف بنا ...
والامر وضح ل طارق وهو مشكور بجد مش قصر معايا
بس آنا بعد الوقت ده ومتابعتى للصفحآت طلبت اتنقل ليها
لانى حبيت التعامل فيها قربت كتير من الآعضاء نآس آعرفها
وناس اول مره اتعامل معاهم والحمد لله آنى محبوبه منهم
وبيبان آنهم مرتاحين لوجودى من التقيمات ربنا يوفقهم جميعا

س / شايف ان تصرفك كان صح بعدم مشاركتك فى القسم
المشرفه علية ؟

صح لان طاقتى كلها خرجت فيه ولقيت نفسى مش هقدر
آكون بنفس الكفاءه اللى كنت عليها ...
وحسيت آنى غريبه فيه مش مكانى وقولت كده ف المدونه
وقتها آنى مشرفه بالون بس مع ايقاف التنفيذ
كآن صعب عليا دخوله تآآنى

س / انتى كنتى على علم بنقلك من الخواطر ؟

آآكيد علشان ده طلبى

س / شايفا ان 3 مراقبين على الصفحات دا طبيعى ؟ وياترى
هنشوف تجاوزات اخرى من الاعضاء فى صفحاتهم رغم
وجودكم مشرفين ؟

موضوع 3 مراقبين ع الصفحات فده مش جديد
قبل كده كانو 4
الحمد لله الاعضاء متافهمين معانا وآن شاء الله
مش هيكون فيه خلافات قول يآآرب

س / كلنا شوفنا مشرفين بيتواجدو وبيمشو من الصفحات وكلها
بسبب خلافات بين مشرفين القسم ؟ ايه السبب الى ممكن يحصل
وتعلنى انسحابك من القسم ؟

وقت ما آحس آن وجودى هيسبب مشاكل آو هيزعل عضوه
/عضو منى هنسحب بكل هدوء
وآن شآء الله مش هيحصل لانى بقدر الجميع زى
ما بيقدرونى وبيحترمهم جدااااااااااااااا
موضوع خلافات لله الحمد مش شوفت لحد الآن اى حاجه تزعل
من رودى آو تيتشر بالعكس فيه روح بنا
يمكن مش بشوف تيتشر ومتكلمتش معاها بسبب دخول
الامتحانات ربنا معاها و الحمد لله وجودى بنهم مش
مزعل حد منهم




س / تم تقسيم مهام بينكم والا كل مشرف بيدخل يشوف
المشاركات ويتابعها فقط ؟

كل وحده فينا بتعمل اللى تقدر عليه والحمد لله

س / مازعلتيش لما تم اسناد مهمه الخواطر لمشرفين الابداعات ؟

لا والله اللى زعلنى آنهم شالو فوق طاقتهم ربنا يعنهم
ع المهمه ديه وهما قدها أبتسامه هى وشاعر الحب
ربنا معاهم

س / لو الادارة كانت بعتتلك تختارى بين الصفحات او الابداعات
والخواطر كنتى هتختارى ايه ؟

لا هو أمجد بعتلى ع فضفضه بس آنا مكنتش هقدر آدى
فيه أنما أخترت
الصفحات لأنىِ تابعت فيها فتره وحسيت آنى قربت
من الأعضاء أكتر

س / انتى كان فى اى اهتمام منك بقسم الفضفضه قبل كدا عشان
كدا تم ترشيحك للقسم دا ؟

ولا عمرى دخلته غير مره وحده مشكور آمجد
عرض عليا الاشراف عليه لانه شاف آن أسلوبى
كويس ف الرد وآقدرآساعد الاعضاء بس بجد آنا مش آعرف
الاشراف عليه هيكون آزى مبارك ع سما بقآ
مشاء الله عليها قدرت تشغله الله يوفقها يارب
وبشكرك آمجد ع عرضك الله يوفقك

س / انتى ورودى وهبه ماشاء الله علاقتكم مميزة جدا ودا واضح
فى المنتدى بس برضو عايز اعرف مين الى بتهز رجليها فى
التوقيع ؟

الحمد لله
هوب ورودى دول نور عينى
ربنا ميحرمنى منهم يآآآرب
مين اللى بتهز رجليها
يآخبر آبيض آنت لسه معرفتش هههههه
فكر شويه

س / عايز اعرف ايه رئيك فى الانتخابات الرئاسية القادمة ؟

والله البلد لله الحمد مش عارفين طريقها فين
فآنا بشفق ع اللى هيمسك البلد آيناَ كان



س / شايفا ان هيكون فى تزوير فى الانتخابات ؟ والا النتيجه
هتكون بناء على أرادة شعب ؟

آراده شعب طبعاً الشعب هو اللى خلع نظام دام 30 سنه
ونفس الطريقه عزل مرسى بعد مده سنه تقريباً
ربنا يصلح الحال للجميع

س / هترشحى مين فى الانتخابات السيسى والا صباحى ؟

صباحى نوعآ ما الشعبيه بسبب
جبهه الانقاذ الوطنى لانهم مش آفادو الشعب
ووقت الجد أختفو وللعلم كان صوتى وقت مرسى
لصباحى مش عن أقتناع لانى كنت رافضه
شفيق ومرسى
ووقت ماكان التصويت لمرسى وشفيق
بطلت صوتى
آن شاء الله هدى للسيسى رغم آنى كنت ضدد آنه
يسيب منصبه ويرشح نفسه كان مكانه آحسن

بس الله يعين صاحب النصيب بق

س / ايه رئيك فى المحاكمات الاخيرة ؟ ومنها الاعدام للعشرات
واحاله اوراق المئات لمفتى الجمهورية ؟

محدش عجبه ولا هيعجبه آى قرار تخده المحكمه
وكمان نطق المحكمه بالاعدام ده مش آخر حاجه
لازم تنطق بحكم زى ديه بحيث يبقى فيه طعن آستئناف
ويتخفف الحكم ومن ناحيه تانيه بيهدى كل آسره راح
آبنها او حد منها ع ايد اشخاص قتلت ودمرت مش بقول
كل الاخوان قتله لا انا بحدد اللى خرب وقتل ومفكر نفسه
بيحارب يهود مش مسلمين
ربنا يهدى الحال ويجمع الشمل من جديد ومصر تستقر بقآ وننهى
ع كلمه آنت سيسى ولا مرسى ونقول آحنا مصرين وبس

س / ياترى هنشوف رووكه فى المنتدى وهيبقى فى انتشار
والا دورك هيكون فى الصفحات فقط ؟

لا آن شاء الله هحاول آنتشر ع قد ما آقدر وع حسب الوقت اللى
هكون موجوده فيه رغم اللى يدخل الصفحات
مش يفكر يخرج منها جميله بجد

س / مين لفت نظرك الفترة الاخيرة بقسم الصفحات ؟

دول كتير قوى ومقدرش آقول آسم وآنسى حد
كل واحد ليه طبع يشدك ويخليك تتابع وتقيم
مشاء الله عليهم ربنا يوفقهم بالخير

س / قاعه صفحات مكشوفة هيكون لية دور فى المنتدى قريب ؟

أن شاء الله فيه فكره بجمعها وهتنزل ف قاعه الصفحات
ودعواتك بقآ تنجح والاعضاء يشجعونى فيه

س / تحبى تقولى ايه لاعضاء المنتدى ؟

يآآرب مكنش ضيفه تقيله عليكم وآكون جديره بوجودى
ف المكان الجديد وآتمنى ميكنش حد زعلان منى
ويآرب يوفقكم جميعا بالخير
ويوفقك آحمد ويخلى حوده لك
مبسوطه بوجودى معاكم ومع آحمد
دعواتى للجميع





بكدا بتخلص حلقة النهاردة

انتظرونى وحلقة جديدة

وضيف جديد فــ

( اجمد عضو )

[Silver Flower]

بعض النظر عن آرائها السياسية
الي برضوا انا بحترمها
روكه حبيبت قلبي
روكه ام قلب ابيض يارب اسمع منك خبر مفرح عن قريب ان شالله
ومنوره الاستضافة يا حلوا انتا

[شاعر الحب الحزين]

فراشة المنتدى هنا

انسانة راقية جدا وطبعا بحترمها جدا جدا

لما كانت في قسم الخواطر مشرفة عليه

بصراحة كان القسم مشع بضياء حروفها

وردودها ومتابعتها كانت شاملة الجميع

هي انسانة فكرها راقي جدا وإحساسها عالي

انا شخصيا كان ليا الشرف اني عرفت انسانة بحجمها

هي ورودي وهبة الثلاثي المرح في المنتدى ربنا يخليهم لبعض

حوار جميل يا مرشدي زي ما عودتنا على مواضيعك

دايما عامل شغل كويس بيبسط الكل منك

اتمنالك التوفيق يا ابو محمود

واتمنى التوفيق ل روكة في حياتها هنا وخارج اسوار المنتدى

احترامي وتقديري للجميع

[حَرفُُ هجآءّ]

الحلقة جميله اووى مورشووو
مع رووكه عسولة المنتدى
ان شاء الله تكونى مرتاحه فى الصفحات
لان هو القسم الوحيد اللى الاعضاء بتختلى بنفسها فيه
وانتوا ما شاء الله متبعين كويس
انتى ورودى وزينب

منوره رووكه

[الأميرة رودي]

اقتباس س / كلنا شوفنا مشرفين بيتواجدو وبيمشو من الصفحات وكلها بسبب خلافات بين مشرفين القسم ؟

طب والله العظيم المره دي ماهسيبك الا ماتجيبلي دليل على كلآمك ده..
عشان انت ذكرت نقطه خلآفات دي كتير قبل كده ف لقاءات ومالهاش اساس من الصحه
هو عشان فيه مشرفين سابو الاشراف عليه قبل كده بقى بسبب الخلآفات!!
ما عندك كل قسم ف المنتدى وارد انه يمسك اشرافه ناس ويسيبوه بعد فتره
هاتلي قسم واحد محصلش فيه كده ...

وأنا اتحداك لو جيبتلي مشرف سابق للصفحات هنا وقال انا سيبت القسم بسبب خلآف مع باقي المشرفين..


مورشو >> ماتخلينيش احطك فى دماغي
وقد اعذر من أنذر

رووكه>> حبيبه قلبي
منــوره طبعا بغض النظر انك ضيفه مع هذا الموروشو
اجابات هايله وعاقله زي ماعودتينا
ووجودك فى القسم اضافه جميـله والحمد لله انتى انسانه محبوبه وطيبه من قبل ماتيجي الصفحات
ربنــا يوفقك فى مهمتك الجديده ياحبيبتي
حــوار ممتاز ياسي أحمد
منتظرين كل ضيوفك

[همس الحنين]

حلقه رائعه

رووكه شخصيه حبوبه اوى

وبتقدر الكل

حتى فى تقيمتها بتعلق بمبادئها وده بيخلينى احترمها جدا

ربنا يوفقك

حلقه واسئله رائعين يا أ. موشــو

[morshooo]

اقتباس المشاركة الأصلية كتبت بواسطة الأميرة رودي طب والله العظيم المره دي ماهسيبك الا ماتجيبلي دليل على كلآمك ده.. عشان انت ذكرت نقطه خلآفات دي كتير قبل كده ف لقاءات ومالهاش اساس من الصحه هو عشان فيه مشرفين سابو الاشراف عليه قبل كده بقى بسبب الخلآفات!! ما عندك كل قسم ف المنتدى وارد انه يمسك اشرافه ناس ويسيبوه بعد فتره هاتلي قسم واحد محصلش فيه كده ... وأنا اتحداك لو جيبتلي مشرف سابق للصفحات هنا وقال انا سيبت القسم بسبب خلآف مع باقي المشرفين.. مورشو >> ماتخلينيش احطك فى دماغي وقد اعذر من أنذر رووكه>> حبيبه قلبي منــوره طبعا بغض النظر انك ضيفه مع هذا الموروشو اجابات هايله وعاقله زي ماعودتينا ووجودك فى القسم اضافه جميـله والحمد لله انتى انسانه محبوبه وطيبه من قبل ماتيجي الصفحات ربنــا يوفقك فى مهمتك الجديده ياحبيبتي حــوار ممتاز ياسي أحمد منتظرين كل ضيوفك

اجرى من هنا ارودى
دليل ايه بس بقى قسم الصفحات
مكنش فيه خلافات بين مشرفينه
:d

[العاشق الذى لم يتب]

مروة من الأعضاءالعظماءوالفاعلين فى المنتدى
وهذا ليس مدحا منى وإنماشهادة لله رب العاتلمين
وعلشان كده لماأتشالت من الإشراف
كنت تقريبا فى حالة زهول
وطبعا علشان كان الشيل ثلاثى
فده صراحة كان فوق الخيال
حيث أن الثلاثة كواكب بمعنى الكلمة فى المنتدى
وأخيران كان عندى بمثابة زلزال مدوى لما أتشالت أختى الغالية أم عبدالله
وإن شاءالله قريبا تعود لمكانتها وتفاعلها
من جديد فى المنتدى كماعادت روكة ورودى
مروة كاتبة وشاعرة ولها طابع خاص يميزها فى كل مواضيعها
وكذلك ردودها دائما ماتكون فى الصميم
وفعلا من ساعة ماراحت الصفحات
ماشءالله عليها
مافيش مشاركة وحدة من أى عضو إلا وهى تتابعها وتمرعليها واضعة اللين
ربنايوفقها مع الاعزاء سارة وهبة
وشكرا مرشو لهذا البرنامج
والذى يعد من أنجح البرامك كافة فى المنتدى
سعدت بوجودى معاكم
تحياتى

[واد حبيب]

انا كمان عوز اروح صفحات مكشوفه

[كوين ميرو]

حلقه جميله مع ضيفه اجمل

روكه انسانه رقيقه جدا وروحها جميله جدا

وهى ورودى وتيتشر متابعين لقسهم بجدراه وجهد

ربنا يسعدك حبيبه قلبى ونشوفك منتشره فى المنتدى قسم قسم ^_^

تسلم ايدك يا احمد حلقه جميله