حالمة باميرى فـــــ حوار خاص

[phalsteen]

مــــــــساء الخير واهلا بكم في حلقه خاصه جدا من حوار خاص حلقه النهاردة مميزة اوي بالنسبه ليا مش بس لان ضيفتي هي اختي اصلا اجدع انسانه عرفتها وقلب ابيض بجد صاحبه بمعني الكلمه واخت بجد بتتميز بخفه دمها وطيبتها وقلب الحنون في رقه الندا وجمال الزهور صعيديه ومجنونه خزعبلات يا ناس مش عارفه اقول في حقها ايه ولا ايه بس كفايه انها بجد من الناس اللي بتشرف بدخلهم حياتي وكمان الحرماييا دي سرقت ابني حمني رحبوا بالكبيرة ومرات ابني اللي خدته غصب عني حالمة باميرى مشرفه قسم عالم الرجل مساء الخير حببتي واهلا بمرات ابني مش عارفه اقدملك يا مضروبه بس بجد اكيد مبسوطه اوي انك معايا بئه انا اكتر يا حماتى قدمى اى حاجة حلوة منك بما انك صعيدي يا عم الحاج جات عليكي لحظه اتمنيتي فيها تكوني راجل ؟ ياااااااااااة جت على الجرح ههههه بصى انا عندى 6 ولاد وانا بنت واحدة من صغيرى وانا بلعب كاراتية وكونغ فو وبوكس وكورة ورياضة وكمان اشتركت سباحة بس خفت ومكملتش وكنت بقضى مشوايرى بالعجلة وكنت بلبس جينز وقمصان بعد كل دة تسالى السوال دة انا عشت حياتى كلها ذكر هههههههههه بس معرفتش انى انثى غير فى ثانوى ياختى يعني ايه بنت جريئه بالنسبلك يا سحر بصى ياحماتى الجرئة ليها حدود مش نعمل الغلط ونقول دى بنت جريئة لا طبعا وايه حدود الجرأة للبنت حدود الجراة انها متعملش حاجة تغضب بيها ربنا واو تاذى اهلها بيها وياتري نقدر نقول ع سحر انها جريئه بنسبه كام % ولية ؟ امممممم 70%بس المعقول ليه شايفه ان الحب بعد الجواز مش قبله انتي معقدة يا سحر ؟ لا مش حكاية معقدة اصل احنا الى اتربينا عليها فى الصعيد كدة بس طبعا مع الزمن اتغير والناس اتغيرت مفيش حد بيحب بجد ف تقولى حب الحلال مفيش احلى منة في حد في قلبك يا سحر قوليلي في ودني عادي احنا اخوات مش هسيح ؟ ههههههههه بصى من فترة بس الحمد الله ربنا كرمة واتجوز ربنا يسعدة حاليا لا انا بحلم بفارس احلامى وانتى عارفة مين يا حماتى اوعوا تفهموا صح عمران خان ومستنياة يخلص كام فيلم ويجى يخطبنى انا الحمد الله متستتة فى بيت ابوية يا حماتى نفسك تبقي ام ؟ اكيد طبعا يااااااة انتى مش بتشوفينى لم زميلى يجوا ويكون معاهم اولادهم بلمهم والعب معاهم ويعني ايه امومه بالنسبه ليكي ؟ يعنى الحب والاهتمام وانك تبقى مسئولة عن حاجة انتى مش ندمانة عليها فى حياتك لانك اتمنتيها واكيد انتى عارفة لانك جربتى ربنايخليلك خطيبى حاسه بالامان انا طول ما ابوية وامى واخواتى بخير اكيد حاسة بالامان ويعني ايه امان بالنسبة ليكي ؟ امان يعنى اكون جمب الى بحبهم ايه مواصفات فارس احلامك بئه وابوس ايديك متقوليش عمران خان ؟ هههههههه انتى عارفة اكيد عمران خان بس زى ما قولتى فى الحقيقة مفيش بصى بصراحة انا نفسى يكون فى شكل وجسم راندى اورتن بتاع المصارعة ويكون معاة عربية عشان المواصلات اتمرمت يا حماتى ياختى فى الاتوبيسات ويكون يتقى ربنا فية ويكون رومنسى ويحبنى واهم حاجة يكون اهلى راضيين عنة بس كل دة يا حماتى سيحتلنا تعملي ايه لو حد قالك انه بيكرهك لا عمرى لانى دايما بحب الهزار والضحك وعمرى ما حد زعل منى الحمد الله وياتري انتي بتكرهي حد يا سحر لا وربنا وحتى لو زعلت من حد بعاتبة وخلاص طب ايه اللي ممكن يخليكي توصلي لمرحله الكره ؟ تصدقى يا حماتى لو قلتلك عمرى ما وصلت لدرجة انى اكرة حد حتى لو اذانى ايه اكتر حاجه بتطاردك في احلامك انا دايما بحلم بحاجات كتير يعنى دايما بحلم ان حد بيشدنى من شعرى متعرفيش لية دايما الحلم دة معاية او حد بيحاول يسحبنى فى بير او في تفكيرك وبتحاولي تهربي منها يا سحر ؟ تفكيرى نفسى انسى مرحلة فاتت من حياتى بجد ايه اكبر مشكله في حياتك ؟ انا عندى مشاكل كتير بس محدش بيعلم غير صاحبة بس انا دايما بقول طول ما اهلى بخير الحمد الله ممكن تسامحي اللي كدب عليكي حتي لو بتحبيه ؟ ايوة وحصلت والمسامح كريم يا حجة محدش واخد منها حاجة بجد امته تخافي يا سحر انا دايما خايفة تصدقى وايه اكتر حاجه تخوفك ؟ يوم القيامة مش عارفة لية يمكن عشان مقصرة فى حق ربنا خايفة من مواجهتة سحر شخصية قويه ولا ضعيفة ؟ انا نص ضعيفة ايه اهم درس اتعلمتيه من الدنيا يا سحر ؟ متديش الثقة فى حد وان الانسان دايما فى تعاملة مع الغير يعملة بما يرضى الله في حاجه في اسئلتي زعلتك لا ابدا احماتى انتى تامرى بحبك يا بت انتي بئه وانا كمان بعشقك بس لحسن ام حمنى يقتلنى ابت كنت منورة الحلقه النور نور حماتى اخيرا/ ليكي مساحه خاصه تفضفضي باللي جواكي هتقولي ايه بئه ولمين من باب الغلاسه احلى غلاسة احماتى اممممممم بما انك قلتى ارغرى استحملى بقا اولا بحب اقول لميد و اخوية بجد المنتدى وحش من غيرك بجد وحشتنى اوى ووحشنى الرغى معاك ولاد عمى رفعت ونور والواد حودا الى هو سيد دة ههههه ربنا ميحرمنى منك يا اعز اصحاب عندى ربنا يخليكى لية وسامحينى تعبتك معاية وانتى عارفة لية انجى قمر المنتدى ربنا ميحرمنى منك ودايما منورة المنتدى اركو وبرائة ومورى 3اضواء المنتدى ربنا ميحرمكم من بعض وانتوا اغلى اصحاب بجد عندى بحبكم فى الله منة وامجد وطارق الادارة المنتدى من غيركم مينفعش وفعلا محدش ينفع للادارة غيركم ربنا ميحرم المنتدى منك بحبكم فى الله الماجيك ولوست وايمان دايما متميزين فى المنتدى ربنا ميحرمنى منك بحبكم فى الله نرمين البت دى جدعة اوى ماجد بجد كان احلى اختيار انك مشرف على القسم معاية يارب دايما متميزين ويدوم المحبة يارب مكنش نسبت حد محدش يزعل منى انا وربناع اعلم بمعزت المنتدى فى قلبى والفترة الى بغيب عن المنتدى بضايق لانة الحاجة الوحيدة الى بتبسطنى نسيت رائحة القهوة ربنا يقومك بالسلامة يا قمر بجد ويتمملك الشفاء الواد محمود الصاروخ يارب تتجوز جنات وتريحنا بقا منها هههههههه رودى وركة وهبة ربنا مغيبكم تانى عن المنتدى ودايما منورين وميحرمكمش من بعض ويديم المحبة بينكم بحبكم فى الله نسيت اهم واحد هههههه الواد مورشو ربنا يخليلك البيبى الصغنون ويطلع زيك بجد انت انسان على خلق وكفاية ان حرف هجاء مستحملاك فى القسم ههههههه ربنا يديم المحبة بينا شكلى نسيت ناس كتير الى نسيتة سامحونى بس بجد كل المنتدى عزيز على قلبى وبحبكم فى الله سعد انا بدعى يرجع لاهلة بالسلامة ويقضى جيشة على خير وان الجيش حرمنى من انى اغيظة بخسارة البرشا ههههههه حماتى انتى بجد عزيزة على قلبى وانتى عارفة انا بحبك قد اية ربنا يخليكى لية وميحرمنيش منك يا قمرتى وميحرمش ابو محمد منك ولا يحرمة منك لانك بجد جوهرة وهو اكيد عارف قيمتك لانة جدع وبصراحة الراجل صابر عليكى ههههههه بحبكم فى الله نورتيني الشوية دول احجه شفتى استحملى بقا هههههه في رعاية الله وربنا يحميكي دايما يا قلبي النور نورك احماتى بس اناعاوزة اكل بقا جوعتونى ويارب اكون ضيفة خفيفة بعــــــــــد ما سحر الرغايه خلصت حب في الاعضاء وبعدين نسيتي مين يا حجه دا انتي ناقص تكتبي الزوار هما كمان استنـــــــــــوني الحلقه الجايه وحوار خاص جداااااااااااا مـــــــــــــع MOLAZEM مشرف قسم النكت سابقا >وَإني آححبگ حتى آلتعب ♥! فـــــــــــ رعاية الله

[العاشق الذى لم يتب]

وحصلى الشرف اكون اول واحديشوف الجمال الفظيع ده
طبعا اناالاول
سعيد اوى
علشان سما صاحبة سحر
والله فرحان الصداقة دى ليه مش عارف
الحاجة التانية
مش همدح فى سما
لحسن اناصعيدى قفل
ومابعرفش احاسب على الكلام
وبيطلع منى غصب عنى
فخايف لحسن حد نيته هباب
يقول الوادرفعت بيغازل البت سما
خليناساكت احسن
نروح للبنت سحردى
فظيعة يخرب بيت كده
جيتى منين يابنت للمنتدى
كنت مستريح من غيرك
كفاية من اسيوط محمود
وهو مخاصم كل الدنيا
وزعيم الكلام اللى بيدبح على طول
صراحة وبالرغم من وجودك هنافترة قصيرة
اناعن نفسى حسيت اعرفك قبل ماتتولدى بحوالى 200سنة كده
وانا والله انت عندى اغلى واجمل واحن اخت شفتهافى حياتى
ومن قلبى بدعيلك بأميرك
يطلع خان
يطلع باذنجان مش مهم
منورين انتو الاتنين
البرنامج جميل وده عادت البنت المشعللة المنتدى سما
ربنامايحرمناش من شعللتها
وكانت اسئلة روعة
وسحربنت عمى
كانت مليانة طيبة وعفويةوجدعنة صعايدة على الآخر
بس كفاية كده
اشوفكم بخير

[كوين ميرو]

حلقه جميله مع بنوته روحها جميل

دمها خفيف وتلقائيه وحبوبه

عجبتنى اجاباتك وتلقائيتك ياسحر

رنا يسعدك ياقمرايه ويبعتلك عريس

يكون نسخه طبق الاصل من عمران خان على فكره انا كمان بموت فيه ^_^

مجهود رااائع سما تسلم ايدك ياقمرى

ودايما فى انتظار جديدك

تحياتى وباقات ورودى للجميع

[Caramilla]

حلقه جامده
بنوته زي العسل
بالتوفيق بقي

[الآمير العآشق]

اقتباس بصى بصراحة انا نفسى يكون فى شكل وجسم راندى اورتن بتاع المصارعة حنا بيتقفل علينا

هههههههههههههههه

يحني واحده بتلعب كاراتيه
هتختار مين يحني / اكيد واحد بتاع مصارعه

انا ابتديت اخاف منها ياناااس

احنا بيتقفل علينا قسم عالم الرجل لوحدنا

[phalsteen]

اقتباس المشاركة الأصلية كتبت بواسطة العاشق الذى لم يتب وحصلى الشرف اكون اول واحديشوف الجمال الفظيع ده طبعا اناالاول سعيد اوى علشان سما صاحبة سحر والله فرحان الصداقة دى ليه مش عارف الحاجة التانية مش همدح فى سما لحسن اناصعيدى قفل ومابعرفش احاسب على الكلام وبيطلع منى غصب عنى فخايف لحسن حد نيته هباب يقول الوادرفعت بيغازل البت سما خليناساكت احسن نروح للبنت سحردى فظيعة يخرب بيت كده جيتى منين يابنت للمنتدى كنت مستريح من غيرك كفاية من اسيوط محمود وهو مخاصم كل الدنيا وزعيم الكلام اللى بيدبح على طول صراحة وبالرغم من وجودك هنافترة قصيرة اناعن نفسى حسيت اعرفك قبل ماتتولدى بحوالى 200سنة كده وانا والله انت عندى اغلى واجمل واحن اخت شفتهافى حياتى ومن قلبى بدعيلك بأميرك يطلع خان يطلع باذنجان مش مهم منورين انتو الاتنين البرنامج جميل وده عادت البنت المشعللة المنتدى سما ربنامايحرمناش من شعللتها وكانت اسئلة روعة وسحربنت عمى كانت مليانة طيبة وعفويةوجدعنة صعايدة على الآخر بس كفاية كده اشوفكم بخير

ميرسي يا رفعت
نورت

[phalsteen]

اقتباس المشاركة الأصلية كتبت بواسطة كوين ميرو حلقه جميله مع بنوته روحها جميل دمها خفيف وتلقائيه وحبوبه عجبتنى اجاباتك وتلقائيتك ياسحر رنا يسعدك ياقمرايه ويبعتلك عريس يكون نسخه طبق الاصل من عمران خان على فكره انا كمان بموت فيه ^_^ مجهود رااائع سما تسلم ايدك ياقمرى ودايما فى انتظار جديدك تحياتى وباقات ورودى للجميع

الاجمل مرورك ميرو
نورتي يا قلبي

[phalsteen]

اقتباس المشاركة الأصلية كتبت بواسطة brilliant life حلقه جامده بنوته زي العسل بالتوفيق بقي

نورت يا نرمين
ميرسي ياقلبي

[phalsteen]

اقتباس المشاركة الأصلية كتبت بواسطة الآمير العآشق هههههههههههههههه يحني واحده بتلعب كاراتيه هتختار مين يحني / اكيد واحد بتاع مصارعه انا ابتديت اخاف منها ياناااس احنا بيتقفل علينا قسم عالم الرجل لوحدنا

ابقي علق لها صورة عامر خان
فتقعد ساكته يا ماجد
هههههه

[morshooo]

بخصوص عمران خان
انتى اخرك هيتقدملك ( عمران ابن عمك )
^_^

حلقه مميزة وسحر عضوة ماشاء الله
الى فى قلبها على لسانها
وباين عليها انها جدعه جدا
ودى حاجا بتميزها .

كلامك عنى طبعا بشكرك عليه
وعقبال مانفرح بيكى قريب
لعمران ابن عمك
^_^