بــــــــــريد الحب مــع سيدة مصر الاولي

[phalsteen]

مــــــــــساء الخير ولا احلي نقول مساء الحب دا برنامج جديد خاص بمشاكل واستفسارات الحب بس لو عاوز تــــسأل اي سؤال في الحب هستناه في رساله ع الخاص وهينزل في توبيك تابع لبريد الحب ومعاه اجابته وهتشوف كمان اجابات الاعضاء وتعليقاتهم لو حابب تسأل في الحب ومحتاج اجابه من عضو معين ومش عاوزه يعرف ان انت صاحب السؤال ولا يهمك فـ قسم الفضفضه السر في توبيك مخصوص هبعتله ونخليه يجاوبك ومن غير ما يعرف اسم عضويتك عاوز تعبت رساله حب ع البريد هنستقبلها وبكل الحب هنعرضها سواء حبيت تقول انت مين او لاء عندك مشكله عاطفيه وعاوزالها حل شايفه الحب مصيبه تعالي وقولي ومتخافيش الحب احلي مصيبه مش بس كدا واقعه في الحب جديد ومش عارفه تتصرفي محتاجه نصايح من اخواتك ومن التجارب بئه كل دا ببلاش ودمغات البريد كمان ع حسابنا البرنـــــــامج هيتعرض بتقديم سيدة مصر الاولي ولسه ليه مفاجأت مش هتلاقوها غير في قسم الفضفضفه وبس انتظــــــــــــرونا وبما ان الموضوع عن الحب في النهاية اهداء السونج دي لاحمد جوزي ♥♥

[ساحر الأحزان]

بتفكرينى بأمال فهمى

فى بريد المساء

ولا المرحوم عبدالوهاب مطاوع

فى بريد الجمعة

هى الصفحة حلوة سما

واهم شىء أن صاحب المشكلة أنة يقدر يفضفض ويلاقى حل لاجوبتة

بالتوفيق ليكى

[phalsteen]

مرحوم
حرام عليك يا ساحر
بنقول بريد الحب
مش صفحه الوفيات ^_^
نورتني يا زعيم
وان شاء الله
نلاقي مساعده وتفاعل من الاعضاء

[حلم عمري]

فكرتيني بأيسامة منير
لا بس بجد فكرة البرنامج جاامدة
اما نشوف يمكن نفكر نزورك ولا حاجة
هبقي اجي اشتكي من الواد حمني مش بيعبرني ولا بيجيبلي هدايا خالص

بجد عجبتني الفكرة اووي
مستنين الحلقة الاولي بقا ان شاء الله

[Gogo Goge]

فكيره حلوه اوي
وبانتظار الحلقه الاولي ان شاء الله

[العاشق الذى لم يتب]

ايه ده ياأبلة فضيلة
يااول يااولاد
تعالوا تعالوا
ابلة فضيلة
وحلقة جديدة
يخرب بيت تفانينك
انتى كنتى غايبة فين من يومين
اوعى الواد حمنى كان طاردك من البيت
حلوالكلام
وياماهنشوف
فى صندوق العجب
والابلة نفرتيتى
تسلم الايادى

[ķąyąŋ..♡]

هههههههه يخربيت افكارك المجنونه
بجد فكره جامده ياقلبي منتظره اول حلقه بقي

[حالمة باميرى]

برنامج جامد طحن الله عليكى يا حماتى
وانشالله هتلاقنى فى رسالة على الخاص عندك دة حب يا خوانا

[انا جيجي]

فكرة ممتااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اازة وانا معاكى يا سما تسلم افكارك بجد

[همس الحنين]

الله يا سما

اوتار الليل دى

رائعه الفكره

موفقه حببتى