رسائل منتدايات زلبحة (الحلقة الأولى متكرر)

[العاشق الذى لم يتب]

السلام عليكم واهلا بيكم وحشتونى وعلشان الأجازة بدأت وعلشان اللى كانوا تعبانين فى المذاكرة واللى خلص امتحانات واللى نجح واللى لسة بيمتحن وعلشان الكل مشغول فى إنتخابات الرئاسة وكمان علشان حاسس ناس متضايقة وقرفانة ليه يمكن علشان الكهربة بتقطع ولايمكن علشان الجوالحر وكمان شباب واخدزمبة من حبيبته وفتايات برضو واخدة زمبة من ابن الايه والأهم الواد مرشو الداهية ده واكل الجو خالص وشغال شغل جامدفى اليوميات وبتنافسه البت أسيل ومتحدياه تحدى فظيع وبتقوله ياأناياأنت فى القسم وكل شوية تنزل توبيك المتخاصمين والمتخاصمات قصدى المتزوجين والمتزوجات قولت لازم أنا كمان أعمل شغل فى القسم بتاعى مايصحش أضيع فى الكازوزة أنا والقسم وأدعو معايا ربنايرجع شريكتى فى القسم الغالية سوزان من يوم ماأتسرق منها اللاب وهى عاملة جنازة وقافلة على روحها الغرفة ومش راضية تيجى ربنايفرج عنك ياسوزى المهم كنت عملت كام حلقة فى قسم اليوميات من برنامج رسايل منتدايات زلبحة حبيت أعيدها وأنزلها فى الخزعبلات هرجع الكام حلقة اللى نزلتهم آنفا علشان أنشط ذاكرة الأعضاء وبعدين أكمل عليهم الجديد ان شاءالله وذلك فى الأسبوع حلقتين هذا والله الموفق والهادى إلى سواء السبيل وربنايكرم مصروالمصريين وكمان كل العرب وينتقم من الروءساء اللى بيموتوا فى شعبهم وهذه أولى الحالقات السابقة كماكانت أترككم معها *************** السلام عليكم كيفكم يارب تكونوا بخيروطيبين ومتعشيين أولى حلقات البرنامج أتمنى لكم وقت سعيد تنبيه: أى أسم أو أى كلام موجود فى الرسائل ليس له من الواقع بشيئ وإنما من وحى المؤلف ************* الكتابة باللون الأزرق تدل على المذكر واللون الأحمرتدل على المأنث واللون الأسود يدل على محادثة السرلكلاهما وهذا اللون يدل على تعليقات المؤلف ************** رسائل اليوم بين صاحب منتدى والمديرة المدير : النيم: كل سنة مرة حكمته المفضله: غلبان وبحبها المكان: مدغشقر المشاركات:عشرة صفر المهنة سابقا:بائع جرائد المهنة حاليا: صاحب منتدى ************** المديرة: النيم: مكشرة المكان: الطالبية الحكمة: والنبى لأوريك المشاركات خمسة صفر المهنة سابقا :خياطة المهنة حاليا: شاعرة مابتشعرش ************** اليوم الأول ************** مساءالخيرة أستاذة مكشرة مساءالنورازيك كويس ممكن تسمحيلى احكى معاك شوية طبعا يشرفنى هو أناأطول أحكى مع حضرتك الله يخليك يارب بصراحة أناشايفك نشيطة وليك لفات فى كل حارة فى المنتدى قصدى قسم وفكرت أعملك مديرة مستعدة ولاأيه رأيك ياخبرياأفندم صراحة وقعت قلبى قصدى فجأتنى ولاييهمك انت فعلا كفؤ وتستاهلى كل خير والله طبعا اتشرف واناتحت امرك خلاص نامى بدرى علشان بكرة هتكونى مديرة وعليك واجبات كتيرة أستعدى أشوفك عل خير وأنت من أهله نوم العافية ياأفندم أتغطى كويس علشان الدنيا مرطة (مطرة) يلاباى ************* اليوم التانى أزيك مكشرة بس بلاش تكشرى فى وشى من أولها وأيه حكاية مكشرة دى دى حكاية طويلة بعدين ابقى اقولك عليها وأناايه اللى خلانى اسمى نفسى مكشرة بس أنالازم أغيرنيمى وعندى أمل أوقعه ف دباديبى شوفى يامكشرة أناأديلتك كل الصلحيات يعنى تعينى المشرفين والمراقبين وتعملى كل حاجة فى المطبخ من غسل المواعين لحد ماتقفلى باب البوتجاز أيه مطبخ مش فهمة قصدى المنتدى يعنى ليك كل الصلحيات طيب مدام كده أناشايفه العضو(ماأشربش حاجة) نشيط وعامل 17مشاركة فى 5شهور وبيبعتلى كل يوم 30رسالة أيه رأيك نخليه مشرف أناقولت ليك كل الصلحيات شردى اى مشرد وطفشى أى مطفش ربنايخليك لى يارب ************** اليوم التالت ************** صباح الخيراستاذ أخبارك وصحتك يارب تكون شربت شاى بمزاج ماشى الحال الحمدلله شربت شاى بنعناع كنت عاوزة أقولك المشرف (ماأشربش حاجة) من ساعة مابقى مشرف صراحة بقى نشيط أوى وعمل حوال 33مشاركة وكمان بيبعتلى فى اليوم 60رسالة بيسال عنى على طول أناشايفة نرقيه ونخليه مراقب عام أيه رأيك أناقولتلك ليك كل الصلحيات رقديه وأنتفيله ريشه صراحة انت بتخجلنى اوى ومش عارفة اشكرك ازاى والله هتخلينى افكرفى حاجات كده مش هسيبك يعنى مش هسيبك وراك وراك طبعا بترسم عاوزه تلطشه من موزته بتفكرى فى ايه مش مهم خلينا فى حركة المنتدى احسن والله اناالفاربيلعب فى عيبى من البنت دى قلب المؤمن دليله ************** اليوم الرابع ************** أقولك ايه يامكشرة أناشايف أعضاء بسجلوا ومابعملوش اى نشاط خالص متهيئلى كده يعنى كل واحدمنهم بيسجل علشان يراسل البنات أيه رأيك لو نطبق قانون ممنوع المراسلة الخاصة ألا بعد 100 مشاركة بينى وبينكم عاوزها الف مشاركة والله فكرة حلوة ومنتدايات كتيرة عاملة كده بس كده هتخلى الاعضاءمش هيعرفو يعبرولى عن مشاعرهم خلاص طبق النظام وكمان نخليهم يشتشجعوا ويعملوا مشاراكات كتيرة واللى غاوى ينقط بطقيته على بركة الله وكمان عاوزك تعينى العضوة (منكوشة) مشرفة صراحة اناشايفها عملت توبيك حصرى وكتبت حوالى 20 كلمة غيرمقتبسين تستاهل تكون مشرفة هو حاطط عينه عليها وناوى لماالموزة بتعته تزلبحه يلاقى إحتياطى ماشى يااستاذ هى مشرفة قسم الرومنسيات يسلام عليك يامكشرة انت بتقرى أفكارى هى فعلا انسب قسم ليها الرومنسيات هيجى منها طيب بعد أذنك أناهعمل مسابقة ركوب الحميرالبرى وليه ماتكونش حميربلدى على الاقل الاعضاءيعرفوا يركبوا أناصراحة شايفة المنتدى فى ركود وكلهم مش فاضيين من المراسلات وهات يامغزلات طول الليل وبالنهاربيكونوا نايمين على روحهم والحميرالبرى هتخليهم يجروا بسرعة وينشطوا عضلات القلب معاك حق وكل مشترك فى المسابقة أنا هعمله وسام قنطاربرسيم حجازى و500مشاركة لأ اناعندى بغبغان غلاباوى بنص لسان يوووووه قصدى نعمل مسابقة واللى يفوز نديله 5كيلو مكرونة وجناح فرخة أحسن ودى هتشجع الكل يشترك علشان معظم الاعضاء ميتين من الجوع وبكده تكون خلصت حلقة الليلة وأنتظرونى فى الحلقة الجاية رفعت

[Silver Flower]

الحلقه حلوه
بس ألوان يا رفعت انا حوليت
ساطعه الألوان
وأكيد في انتظار الحلقه القادمة

[العاشق الذى لم يتب]

اقتباس المشاركة الأصلية كتبت بواسطة silver flower الحلقه حلوه بس ألوان يا رفعت انا حوليت ساطعه الألوان وأكيد في انتظار الحلقه القادمة

اشكرك
سارة
شرفنى واسعدنى مرورك
وعدلت الالوان
والف سلامة على عيونك
وربنايبعد عنك الحول

[Silver Flower]

إها هيك
حتى انه الموضوع صار أحلى
شكرًا ألك يا رفعت

[اذار .]

حلقة جميله أخي رفعت ، و استمتعت بـ قرائتها .
و ب انتظار الحلقه الجايه ،

يعطيك العافيه . و دمت بسعادة

[العاشق الذى لم يتب]

اقتباس المشاركة الأصلية كتبت بواسطة silver flower إها هيك حتى انه الموضوع صار أحلى شكرًا ألك يا رفعت

بس ماعليك غيرتأمرى
ياست أم يوسف
هو فين يوسف صحيح

[العاشق الذى لم يتب]

اقتباس المشاركة الأصلية كتبت بواسطة أذار . حلقة جميله أخي رفعت ، و استمتعت بـ قرائتها . و ب انتظار الحلقه الجايه ، يعطيك العافيه . و دمت بسعادة

شكرا آذار
شرفنى مرورك
تقبلى تحياتى وودى

[ايمان طلعت]

حلقه حلوة رفعت
لما اشوف اخرة المنكوشه دى ايه
اكيد اخرها صلع مزمن
متابعه باقى الحلقات
ان شاء الله
تحياتى

[العاشق الذى لم يتب]

اقتباس المشاركة الأصلية كتبت بواسطة ايمان طلعت حلقه حلوة رفعت لما اشوف اخرة المنكوشه دى ايه اكيد اخرها صلع مزمن متابعه باقى الحلقات ان شاء الله تحياتى

المنكوشة آخرتها جواز ياأمونة
شكرا لك
وتابعى وانتى تعرفى
شرفنى المرور
تحياتى