علشان انت بنت ...

[Eng Esraa]

علشان بنت و حظها الاسود .. اتولدت ف بلد مهما حصل حاجة تضايقها مينفعش تتكلم علشان انتي بنت

بتتعامل ف البيت بطريقة شك و الولد يخرج براحته .. عشان انت بنت

تتعاكس ف الشارع و يتحرشوا بيها ف المترو و الشارع و كل مكان .. علشان انت بنت

ممكن تتغصب ع واحد و تتجوزه و هي مش بتحبه و متقدرش تقول لا .. علشان انت بنت

تسمع اقذر الشتايم حواليها و تععليققات ع جسمها اي انن كان اللبس ايه .. علشان انت بنت

اتخنقت شوية فدخلت الفيسو عملت كومنت و دخل شاب ظريف ضايقها برده مينفعش تعتاتبه .. علشان انت بنت

ضحكت يقولوا عليها شمال .. اتكلمت يقولوا عليها شمال .. عيطت يقولوا عليها شمال .. علشان انت بنت

بقت ف حالها و مش بتتكلم مع شباب خالص يقولوا معقدة .. علشان انت بنت

تيجي تاخد حقها يقولوا مش محترمة لاكن الولد ممكن يضرب اللي قدامه عادي علشان حقه .. علشان انت بنت

لازم تستحملي انك اتولدتي ف بلد كانوا ممكن يدفنوا البت و هي صغيرة علشان كانوا بيفكروا ان البنت بتجيب العار .. علشان انت بنت

بس نسوا ان اللي ولدت و ربت و علمت .. بنت

معلومة .. اول توبيك ليا هنا يا رب يكون كويس

[دمعه حائره]

مش بس البلد دى كل الوطن العربى مجتمعات زكوريه
بتقهر حقوق المرأه وتسخف من وجودها
بس مش لازم تنتبهى لكل التصرفات دى
وخليكى واثقه فى كل تصرف بتعمليه طالما مش بتغلطى
والمحترمه بتفرض احترامها على الكل الوحش قبل الكويس
كمان المجتهدة بتثبت كفائتها وبتتفوق مهما كانت التحديات

[Lamees]

وعلشان انا بنت اكيد اتحرمنا من حاجات كتير
وكل حركة وتصرف محسوب علينا

طرح جميل
منورة القسم
ودي ..~

[حلم عمري]

بس نسوا ان اللي ولدت و ربت و علمت .. بنت

جيتي ع الجرح بصراحة
للاسف احنا في مجتمع المفروض البنت لا اسمع لا اري لا اتكلم ... عشان انت بنت
لو الولد غلط يسامحوا انما البنت تتعاقب ... عشان انت بنت
نسيوا ان ربنا لما بيحاسب مش بيفرق بين الولد والبنت
توبيك رائع يا قمر
بداية موفقة تسلم ايدك

[العاشق الذى لم يتب]

مين يعمل كده
ابعتهولى وانااوريه شغله
لايمكن اقبل بحاجة زى كده ابدا
معقول ده يحصل وانالسة على وش الدنيا
انهم مغفلون يااسو
علشان ماسمعوش سيدنا على وهو بيقول
انهن رايحين خلقن لنا
وبعدين اناشايف العكس
احنا فى زمن النسونة
وهن اللى بيأمرنن وينهنن وكمان بيضربنن
ولسة شايف امبارح ابن عمتى
مراته سكعاه بحتة دين عصاية
كسراله رجله
المهم ماتعزعليش
وكلها الف سنة والرجالة هيخصلوخالص

[سيناا]

اووووووووووه لا لا مش لهل الدرجة



يعني خلص آصبحت البنت هم كبير ع كل عيلة او مجتمع !!

[احساسى صحيح]

عندك حق مجتمع متخلف شويه فى نظرته للبنت
وفعلا بيتحرموا من حاجات كتير بسبب انهم بنات
هى المجتمعات الشرقيه كده
بس بردوا رغم السلبيات دى كلها بتكون نابعه اساسا
من الخوف عليها وليس استقصاد لهم
توبيك جميل اسراء
ما انتى بتكتبى حلو اهو
تسلمى بقا

[Eng Esraa]

اقتباس المشاركة الأصلية كتبت بواسطة دمعه حائره مش بس البلد دى كل الوطن العربى مجتمعات زكوريه بتقهر حقوق المرأه وتسخف من وجودها بس مش لازم تنتبهى لكل التصرفات دى وخليكى واثقه فى كل تصرف بتعمليه طالما مش بتغلطى والمحترمه بتفرض احترامها على الكل الوحش قبل الكويس كمان المجتهدة بتثبت كفائتها وبتتفوق مهما كانت التحديات

كلامك صح يامنه
شكرا لنصايحك يا جميل
تسلمي لمرورك

[.نبض القلوب.]

والله احنا فى دولة عربية يحكمها العادات و التقاليد قبل الدين ولا حول ولا قوة الا بالله
المعاناة للبنت هتفضل موجودة طالما التفكير متغيرش

موضوع جميل منك
اتمنى لك حياة سعيدة

[Eng Esraa]

اقتباس المشاركة الأصلية كتبت بواسطة اطياف الماضي وعلشان انا بنت اكيد اتحرمنا من حاجات كتير وكل حركة وتصرف محسوب علينا طرح جميل منورة القسم ودي ..~

منور بيكي يا قمر
نورتيني حبيبتي